རྐྱེན་ངན་བར་ཆད་ལས་ཐར་དགོས་ན་བསྐུར། ཤེས་རབ་སྙིང་པོའི་མདོ་བཞུགས་སོ།། སྨྲ་བསམ་བརྗོད་མེད་ཤེས་རབ་ཕ་རོལ་ཕྱིན།།མ་སྐྱེས་མི་འགགས་ནམ་མཁའི་ངོ་བོ་ཉིད།།སོ་སོར་རང་རིགས་ཡེ་ཤེས་སྤྱོད་ཡུལ་བ།།དུས་གསུམ་རྒྱལ་བའི་ཡུམ་ལ་ཕྱག་འཚལ་ལོ།།རྒྱ་གར་སྐད་དུ། བྷ་ག་ཝ་ཏི་པྲ་ཛྙཱ་པཱ་ར་མི་ཏཱ་ཧྲི་ད་ཡ། བོད་སྐད་དུ། བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པའི་སྙིང་པོ། བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་མ་ལ་ཕྱག་འཚལ་ལོ། ། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་བྱ་རྒོད་ཕུང་བོའི་རི་ལ་དགེ་སློང་གི་དགེ་འདུན་ཆེན་པོ་བྱང་ཆུབ་སེམས་དཔའི་དགེ་འདུན་ཆེན་པོ་དང་ཐབས་གཅིག་ཏུ་བཞུགས་ཏེ། དེའི་ཚེ་བཅོམ་ལྡན་འདས་ཟབ་མོ་སྣང་བ་ཞེས་བྱ་བའི་ཆོས་ཀྱི་རྣམ་གྲངས་ཀྱི་ཏིང་ངེ་འཛིན་ལ་སྙོམས་པར་ཞུགས་སོ། །ཡང་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་སྤྱོད་པ་ཉིད་ལ་རྣམ་པར་བལྟ་ཞིང་། ཕུང་བོ་ལྔ་བོ་དེ་དག་ལ་ཡང་རང་བཞིན་གྱིས་སྟོང་བར་རྣམ་པར་བལྟའོ། ། དེ་ནས་སངས་རྒྱས་ཀྱི་མཐུས། ཚེ་དང་ལྡན་པ་ཤཱ་རིའི་བུས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་སྨྲས་སོ། །རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་སྤྱོད་པ་སྤྱད་པར་འདོད་པ་དེས། ཇི་ལྟར་བསླབ་པར་བྱ། དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་སྨྲས་སོ། །ཤཱ་རིའི་བུ། རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་སྤྱོད་པ་སྤྱད་པར་འདོད་པ་དེས་འདི་ལྟར་རྣམ་པར་བལྟ་བར་བྱ་སྟེ། ཕུང་བོ་ལྔ་བོ་དེ་དག་ཀྱང་། རང་བཞིན་གྱིས་སྟོང་བར་ཡང་དག་པར་རྗེས་སུ་བལྟའོ། །གཟུགས་སྟོང་བའོ། །སྟོང་བ་ཉིད་གཟུགས་སོ། །གཟུགས་ལས་ཀྱང་སྟོང་བ་ཉིད་གཞན་མ་ཡིན། སྟོང་བ་ཉིད་ལས་ཀྱང་གཟུགས་གཞན་མ་ཡིན་ནོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་སྟོང་བའོ། ། ཤཱ་རིའི་བུ། དེ་ལྟ་བས་ན་ཆོས་ཐམས་ཅད་སྟོང་བ་ཉིད་དེ། མཚན་ཉིད་མེད་པ། མ་སྐྱེས་པ། མ་འགགས་པ། དྲི་མ་མེད་པ། དྲི་མ་དང་བྲལ་བ་མེད་པ།…

རིག་འཛིན་རྣམ་བཞིའི་བཀའ་བགྲོས་འཆི་མེད་བདུད་རྩིའི་གངྒ་ཞེས་བ་བྱ་བ།ན་མོ་གུ་རུ་བུདྡྷ་དྷརྨཱ་སངྒྷ་ཡེ།ཀུན་བཟང་ངོ་བོ་ཀ་དག་གཉུག་མའི་དཔལ།།ཞིང་ཁམས་རང་བཞིན་ལྷུན་གྲུབ་ཀུན་དགྱེས་པ།།སྣ་ཚོགས་ཐུགས་རྗེ་ཆེན་པོ་རྡོ་རྗེ་འཆང་།།བཀའ་གཏེར་རིག་འཛིན་བརྒྱུད་པས་དགེ་ལེགས་སྩོལ།།བརྩེ་དུང་མཉམ་མེད་མཁྱེན་བརྩེ་ནུས་པའི་དཔལ།།སྔ་འགྱུར་བཀའ་གཏེར་མཛོད་ལ་དབང་འབྱོར་བས།།དབང་ལུང་མན་ངག་ཟབ་མོའི་སྨིན་གྲོལ་ཆོས།།གཏམ་སྙན་རིག་འཛིན་རྣམ་བཞིས་བགྲོ་གླེང་ཟབ།།རིག་འཛིན་ནམ་མཁའ་རྒྱ་མཚོའི་ཀློང་ཆེན་པོར།།དད་དམ་ཉི་ཟླས་མཛེས་པའི་འོད་གསལ་སྙིང་།།བསྟན་དང་འགྲོ་ལ་ཕན་བདེའི་ཕྲིན་ལས་གར།།ཕྱོགས་དུས་ཀུན་ཏུ་དར་རྒྱས་ཕུན་ཚོགས་གྱུར།།ཐོལ་བྱུང་དུ་ཨེ་མ་ཧོས་སྐྱིད་གླུ་རུ་ཕུལ་བར་དགེའོ།། །།

རྒས་པ་དོན་ལྡན་གྱི་རྣལ་འབྱོར་ཡིད་བཞིན་ནོར་བུ།།ཨེ་མ་ཧོ།།གཞི་ངོ་བོ་དག་པས་སྤྲུལ་པའི་སྐུ།།ལམ་རང་བཞིན་མཐར་ཕྱིན་རྣལ་འབྱོར་པ།།དོན་ཐུགས་རྒྱུད་སངས་རྒྱས་ཡེ་ཤེས་པ།།དཔལ་དགྱེས་པ་རྡོ་རྗེ་ཨེ་མ་ཧོ།།ཡབ་དབྲ་ཆེན་ཞི་ཁྲོ་རབ་འབྱམས་དང་།།ཡུམ་རྗེ་བཙུན་ཨོ་རྒྱན་སྒྲོལ་ལ།།སྲས་བལྟམས་པའི་རྟེན་འབྲེལ་ཕུན་ཚོགས་ངང་།།རྗེ་བླ་མ་དམ་པས་རྗེས་སུ་བཟུངས།།ཆུང་ཆོས་དང་མཇལ་ནས་མདོ་སྔགས་མཁས།།ལས་རྒྱུ་འབྲས་ཞིབ་པས་དགེ་འདུན་བཙུན། བསྟན་འགྲོ་ལ་ཕན་བདེའི་འདི་ཕྱི་བཟང་།།དོན་རྒས་པ་ཡིད་བཞིན་ནོར་བུ་ལེགས།།ལུས་རྒས་པ་སྐྲ་དཀར་གཉེར་མས་གང་།།ངག་རྒས་པ་དབུགས་རིང་ཐུང་ཐུང་ཧར།།སེམས་རྒས་པ་མེད་པའི་ཨེ་མ་ཧོ།།གཞོན་བཅུ་དྲུག་བདག་མོའི་བརྩེ་གྲོགས་ལགས།།ང་སྐྱེ་བ་གངས་རིའི་ལྗོངས་སུ་བླངས།།གཞོན་དར་མ་དམ་པའི་ཆོས་ཀྱིས་འཚོ།།ད་རྒན་པ་རི་ཁྲོད་འཆི་སེམས་བདེ།།གྲོགས་ངོ་ལྐོག་མཚུངས་ན་མཇལ་ཏུ་ཤོག།ཚེ་ཟད་ནས་དེ་རིང་འཆི་ན་ཡང་།།སྒོམ་མཉམ་རྗེས་ཐ་དད་མ་མཆིས་ཕྱིར།།སེམས་གུ་ཡངས་བློ་བདེ་གཉུག་མའི་ཀློང་།།ཆོས་རྫོགས་པ་ཆེན་པོའི་ངང་དུ་ཨ།།——-ཨ་ས་རས་ངོར་ཤྲཱིཿཨེ་མ་ཧོས།།

ཨོ་རྒྱན་སྒྲོལ་མའི་ཞལ་གདམས་ཡིད་བཞིན་ནོར་བུའི་གའུ།The Wish-Fulfilling Reliquary Box: Advice from Orgyen Drölma (the Mother of Khenchen Lama Pelgyeypa Dorjé Rinpoché) by Orgyen Drölma (o rgyan sgrol ma) Tibetan title: o rgyan sgrol ma’i zhal gdams yid bzhin nor bu’i ga’u Translated from the Tibetan…

མ་ཧཱ་གུ་རུ་པདྨ་ཀ་རའི་གསུང་གི་ཐོ་ཡིག་བཞུགས་སོ།། བཀྲ་ཤིས་གཡང་གི་བྱིན་ཆགས་པའི།།གངས་ལྡན་འཛིན་མའི་དཀྱིལ་འཁོར་ལ།།དགེ་བའི་ལོ་ཏོག་སྨིན་མཛད་པའི།།དཔལ་ལྡན་རྫོགས་པའི་སངས་རྒྱས་རྒྱལ།། ཡུལ་ལ་རྒུད་པ་འབྱུང་བའི་སྔ་ལྟས་སམ།།ནང་ལ་འཁྲུགས་རྩོད་བྱེད་པའི་གཡོ་ཇུས་སྟེ།།གང་ཡིན་ངེས་པ་མེད་པའི་སྐུར་འདེབས་དང་།།ལོག་པར་སྨྲ་རྣམས་རང་རིགས་ཕུང་བའི་རྒྱུ།། འོན་ཀྱང་དུས་རབས་གསར་བའི་སྦྲང་རྩི་ཡིས།།སེམས་ཁམས་གཏིང་ནས་མྱོས་པའི་ན་གཞོན་དག།ཆུ་སྣ་གར་ཁྲིད་ཕྱོགས་སུ་རྒྱུགས་པ་ལྟར།།ཅི་ཐོས་བདེན་པར་འཛིན་པའི་ཉེན་ཁ་ཡོད།། དེ་བས་དེ་ལ་ཕན་པའི་སླད།།གསལ་བཤད་གཡུ་སྦྲང་གཞོན་ནུ་མ།།གངས་ཅན་ཡངས་བའི་སྐྱེད་ཚལ་དུ།།ཅི་འདོད་གར་གྱིས་འཕུར་ལ་བྲེལ།། ཤེས་ལྡན་སྤྱན་དཀྱུས་ཡངས་བ་དག་ལ་ངལ་བ་འདི་དག་གཞལ་ཡང་མི་དགོས་མོད། གསར་བུ་ཅི་སྨྲས་གཏམ་གྱིས་ཐེ་ཚོམ་གྱི་གནས་ལ་ལྷུང་བར་འགྱུར་བ་དག་ལ་ཕན་པའི་སླད་དུ་སློབ་དཔོན་གུ་རུ་རིན་པོ་ཆེ་བཀའ་དྲིན་ཅན་གྱི་གསུང་ཟབ་མོ་གཏེར་མ་དང་། ད་ལྟའི་དུས་ན་འགྲོ་བ་མིའི་འདུལ་བྱ་ལ་དངོས་སུ་མི་སྣང་ཞིང་། ལྷ་ཀླུ་གནོད་སྦྱིན་གྱི་ཡུལ་ན་བཞུགས་པ་དག་མ་ཡིན་པར་ད་ལྟ་ཡང་ང་ཚོ་སོ་སྐྱེ་རྟོག་གེ་བ་དག་ལ་དངོས་སུ་སྣང་བའི་གསུང་རྩོམ་རྣམས་ངོ་སྤྲོད་ཅུང་ཟད་བགྱིད་པར་འདོད། དེ་ཡང་འོག་ཏུ་གཞུང་སོ་སོའི་མཚན་ནམ་མིང་དང་། གཞུང་སོ་སོའི་མཛད་བྱང་ངམ་མཇུག་བྱང་དང་། ད་ལྟ་དཔར་དང་དེབ་གང་དུ་བཞུགས་མིན་རེ་རེ་ནས་འགོད་པས་གོ་རིམ་དང་མཐུན་པར་གཟིགས་པས་འཐུས་པར་འགྱུར་རོ།། འོ་ན་སློབ་དཔོན་ཆེན་པོ་ལ་གསུང་འབུམ་མེད་པ་ཅི་ཡིན་སྙམ་ན། གསུང་འབུམ་ཞེས་པ་བོད་རང་གི་བླ་མ་འགའ་རེས་ཕྱིས་སུ་སྲོལ་བཏོད་ནས་དར་བ་ཞིག་ཡིན་པ་ལས་རྒྱ་གར་རང་དུ་སྡེ་དང་ཚོགས་སོགས་སུ་འབོད་པ་མ་གཏོགས་གསུང་འབུམ་ཞེས་པའི་འབོད་སྲོལ་དེ་ཡོད་པར་མ་མཐོང་ཞིང་།སློབ་དཔོན་རྒྱ་གར་གྱི་པཎྜི་ཏ་ཡིན་སྟབས་གསུང་དང་ཕྱག་དཔེ་དག་བཀའ་བསྟན་གྱི་ནང་དུ་བཞུགས་པ་ལས་གསུང་འབུམ་ལོགས་སུ་མེད་པ་ཡིན། དཔེར་ན་མགོན་པོ་ཀླུ་གྲུབ་ཀྱི་གསུང་འབུམ་ཞེས་པ་ཞིག་མེད་པ་བཞིན་ནོ།། གཞུང་གི་མིང་།༼འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་སྒྲུབ་ཐབས་ཀྱི་མན་ངག་རྒྱ་ཆེར་བཤད་པའི་འགྲེལ་པ།༽གཞུང་གི་མཇུག་བྱང་། ༼མཆོག་ར་བ་སྙིང་པོ་རྩ་བའི་མན་ངག་པདྨ་འབྱུང་གནས་ཀྱིས་མཛད་པའི་འགྲེལ་པ་རྫོགས་སོ།།༽སྡེ་དགེ་བསྟན་འགྱུར་༼ཛི༽དུམ་པར་བཞུགས། གཞུང་གི་མིང་།༼དམ་ཚིག་ལྔ་པ། ༽གཞུང་གི་མཇུག་བྱང་། ༼དམ་ཚིག་ལྔ་པ་ཞེས་བྱ་བ་སློབ་དཔོན་དཔལ་པདྨ་འབྱུང་གནས་ཞབས་ཀྱིས་མཛད་པ་རྫོགས་སོ།།༽སྡེ་དགེ་བསྟན་འགྱུར་༼ཉ༽དུམ་པར་བཞུགས། གཞུང་གི་མིང་།༼རྡོ་རྗེ་རྣམ་པར་འཇོམས་པའི་གཟུངས་ཀྱི་རྣམ་པར་བཤད་པ་རྡོ་རྗེ་སྒྲོན་མ་ཞེས་བྱ་བ། ༽གཞུང་གི་མཇུག་བྱང་།༼གསང་སྔགས་མཐའ་དག་ལ་མངའ་བརྙེས་པའི་སློབ་དཔོན་ཆེན་པོ་པདྨ་འབྱུང་གནས་ཀྱིས་མཛད་པའོ།།༽སྡེ་དགེ་བསྟན་འགྱུར་༼ཐུ༽དུམ་པར་བཞུགས། གཞུང་གི་མིང་།༼དཔལ་འཇིག་རྟེན་མགོན་པོ་མཁའ་ལ་སྤྱོད་པའི་སྒྲུབ་ཐབས་ཞེས་བྱ་བ།༽གཞུང་གི་མཇུག་བྱང་།དཔལ་ལྡན་འཇིག་རྟེན་མགོན་པོ་ཁར་ས་པཱ་ཎའི་སྒྲུབ་ཐབས་ཞེས་བྱ་བ་གྲུབ་ཆེན་པདྨ་འབྱུང་གནས་ཞབས་ཀྱིས་མཛད་པ་རྫོགས་སོ།།སྡེ་དགེ་བསྟན་འགྱུར་༼ནུ༽དུམ་པར་བཞུགས། གཞུང་གི་མིང་།༼རྡོ་རྗེ་རྣམ་པར་འཇོམས་པའི་ཐེམ་ཡིག་གསང་བ་ཞེས་བྱ་བ།༽གཞུང་གི་མཇུག་བྱང་།༼རྡོ་རྗེ་རྣམ་པར་འཇོམས་པའི་ཐེམ་ཡིག་གསང་བ་ཞེས་བྱ་བ་སློབ་དཔོན་པདྨ་འབྱུང་གནས་ཀྱིས་མཛད་པ་རྫོགས་སོ།།༽ སྡེ་དགེ་བསྟན་འགྱུར་༼པུ༽དུམ་པར་བཞུགས། གཞུང་གི་མིང་།༼ཁོར་ཡུག་མངར་བའི་སྒྲུབ་ཐབས་ཞེས་བྱ་བ། ༽གཞུང་གི་མཇུག་བྱང་།༼ཁོར་ཡུག་མངར་བའི་སྒྲུབ་ཐབས་སློབ་དཔོན་ཆེན་པོ་པདྨ་འབྱུང་གནས་ཀྱིས་མཛད་པ།༽ སྡེ་དགེ་བསྟན་འགྱུར་༼ཕུ༽དུམ་པར་བཞུགས། གཞུང་གི་མིང་།༼ཚིག་ལྷུག་པའི་ཨ་ར་པ་ཙ་ནའི་སྒྲུབ་ཐབས།༽གཞུང་གི་མཇུག་བྱང་།༼ཚིག་ལྷུག་པའི་ཨ་ར་པ་ཙ་ནའི་སྒྲུབ་ཐབས་སློབ་དཔོན་པདྨ་འབྱུང་གནས་ཀྱིས་མཛད་པ་རྫོགས་སོ།།༽སྡེ་དགེ་བསྟན་འགྱུར་༼མུ༽དུམ་པར་བཞུགས། གཞུང་གི་མིང་།༼གཞལ་ཡས་ཁང་གསལ་བར་བྱེད་པའི་མངོན་རྟོགས་མུན་སེལ་སྒྲོན་མ་བཞུགས།༽གཞུང་གི་མཇུག་བྱང་།༼གཞལ་ཡས་ཁང་གསལ་བའི་མངོན་རྟོགས་མུན་སེལ་སྒྲོན་མ་ཞེས་བྱ་བ་སློབ་དཔོན་པདྨ་འབྱུང་གནས་ཀྱིས་མཛད་པ་རྫོགས་སོ།།༽སྡེ་དགེ་བསྟན་འགྱུར་༼ཙུ༽དུམ་པར་བཞུགས། ༼ལྟ་བའི་ཕྲེང་བ་ཞེས་བྱ་བའི་མན་ངག་༽སློབ་དཔོན་ཆེན་པོ་པདྨ་འབྱུང་གནས་བོད་ཡུལ་ནས་སླར་གཤེགས་ཀར་བྲག་དམར་མཚོ་མོ་འགུལ་གྱི་ནེ་ཐང་དུ་དགུང་གསུམ་བཞེས་ནས་ལྷ་སྲས་ཁྲི་སྲོང་ལྡེ་བཙན་དང་རྗེ་འབངས་ལ་འགྱེས་ཕྱག་གི་དུས་སུ་མཛད་པ་རྫོགས་སོ།། སློབ་དཔོན་ཆེན་པོ་པདྨ་འབྱུང་གནས་ཀྱིས་པཎྜི་ཏ་མཛད་ནས་བསྒྱུར་བའི་བཀའ་བསྟན་གྱི་སྐོར། དྲག་སྔགས་འདུས་པ་རྡོ་རྗེ་རྩ་བའི་རྒྱུད་ཅེས་བྱ་བ་རྫོགས་སྷོ།། །།རྒྱ་གར་གྱི་མཁན་པོ་ཆེན་པོ་སློབ་དཔོན་པདྨ་འབྱུང་གནས་དང་། བོད་ཀྱི་ལོ་ཙྪ་བ་བདག་བཻ་རོ་ཙ་ནས་བསྒྱུར་ཅིང་ཞུས་ཏེ་གཏན་ལ་ཕབ་པ།། །། རྒྱལ་པོ་ཁྲི་སྲོང་ལྡེ་བཙན་གྱི་བླའི་ཕྱག་དཔེ་ལ་ཞལ་བཤུས་པ་ལས་བརྒྱུད་པའོ།། དེ་ཁོ་ན་ཉིད་སྒྲོན་མ་ཞེས་བྱ་བའི་རྒྱན། བླ་མའི་མན་ངག་རྒྱུད་མ་ཆད་པ། དེ་ཁོ་ན་ཉིད་ཉི་ཟླ་སྣང་བ་ཞེས་བྱ་བའི་སྒྲུབ་ཐབས་ཆེན་པོ་དགེ་སློང་ཀླུ་སྒྲུབ་ཀྱིས་མཛད་པ་རྫོགས་སོ།། །།པཎྜི་ཏ་གུ་རུ་པདྨ་འབྱུང་གནས་དང་། ལོ་ཙཱ་བ་གླང་དཔལ་གྱི་སེང་གེས་བསྒྱུར་རོ།།༢༠༡༩ལོའི་བོད་ཟླ་དང་པོའི་ཚེས་བཅུ་དྲུག་ལ་ཨ་དཔལ་གྱིས་སྤེལ་བའོ།།

རྨི་ལམ་འོད་གསལ་དང་མངོན་སུམ།ཨེ་མ་ཧོ།།ལྷ་བླ་མ་ལ་གསོལ་འདེབས་དྲག་ཏུ་བསྙེན་ནས།།མ་ཡི་དམ་ཉིད་ཐུགས་དམ་བཞུགས་པའི་སྐབས་སུ།།གཉིད་འོད་གསལ་ངང་ཟངས་མདོག་དཔལ་རིའི་དབུས་སུ།།མགོན་པད་འབྱུང་ཉིད་གསང་གསུམ་ལྷང་ངེ་མཇལ་སོང་།།གཞི་སྣང་སྟོང་ལ་ངོ་བོ་འཕོ་འགྱུར་ཀུན་བྲལ།།ལམ་བདེ་སྟོང་ལ་རང་བཞིན་གསལ་བཞག་ལྷུན་གྲུབ།།དོན་རིག་སྟོང་ལ་ཐུགས་རྗེ་ཀུན་ཏུ་བཟང་པོ།།གནད་གསང་གསུམ་ཉིད་མི་འགྱུར་གཡུ་དྲུང་དཀར་པོ།།ཆོས་རྒྱལ་མཚན་གྱི་རྒྱལ་རྔ་ཕྱོགས་ཀུན་ཁྱབ་པ།།བསང་དུད་པ་ཡི་འཇའ་སྤྲིན་བར་སྣང་གང་བས།།མ་མཚན་ལྡན་གྱི་ཀུན་བཟང་སྨོན་ལམ་མཛད་ཕྱིར།།བུ་རིག་འཛིན་རྣམས་དཀྱིལ་འཁོར་གཅིག་ཏུ་འཚོགས་འདུག།ཤར་མཛེས་ལྡན་གྱི་རིག་མ་གཡང་དུ་འཁོར་ཅིང་།།ནུབ་བདེ་ལྡན་དུ་འཇའ་འོད་སྣ་ལྔ་བཀྲ་ཤིས།།བྱང་སྤྲིན་ནག་གི་ན་བུན་མཁར་རུ་སངས་ཏེ།།ལྷོ་རིག་འཛིན་གྱི་ཚོམས་ཆེན་དར་རྒྱས་བྱུང་སོང་།།སེང་མི་འཇིགས་པ་ངར་སྐད་གངས་རིར་སྒྲོག་ནས། ཁྱུང་གཡུལ་རྒྱལ་གྱི་བ་དན་ཕྱོགས་ལས་རྣམ་རྒྱལ།།སྟག་དཔའ་རྒོད་ཀྱི་རུ་མཚོན་ཆུ་ལ་ཤོར་བས།།འབྲུག་ཕོ་ཐང་དེ་དགུང་སྔོན་དབྱིངས་ནས་གྲགས་སོང་།།བརྡ་ཆོས་གླུ་ཉིད་རྨི་ལམ་འོད་གསལ་ངང་དུ།།དབྱིངས་ཟག་མེད་ཀྱི་ཕྱག་རྒྱ་ཆེན་པོའི་རོལ་བར།།ལས་རབ་འབྱམས་ཀྱི་ཕྲིན་ལས་ཀུན་ཏུ་བཟང་པོ།།ཕྱོགས་ཀུན་ཁྱབ་ཀྱི་འགྲོ་འདུལ་འདྲེན་པར་རྒྱལ་ལོ།།རྨི་ལམ་འོད་གསལ་ངང་གི་བདེ་སྐྱིད་དང་རིག་འཛིན་ནམ་མཁའ་རྒྱ་མཚོ་རིན་པོ་ཆེས་བརྡ་གླུས་སྐུལ་བ་བཞིན་རིག་འཛིན་ཨེ་མ་ཧོས་ཨེ་ཝཾ་དཔལ་རིའི་དུར་ཁྲོད་ཆེན་པོ་ཀུ་ཤུའི་མེ་ཏོག་བཞད་པའི་ནགས་ཀློང་ནས་བགྱིས་པར་དགེའོ།།