༧སྐྱབས་རྗེ་དམ་པ་བདུད་འཇོམས་འཇིགས་བྲལ་ཡེ་ཤེས་རྡོ་རྗེའི་ཡང་སྲིད་༧སངས་རྒྱས་པདྨ་བཞད་པའི་གསོལ་འདེབས་རིག་འཛིན་མེལོང་ཞེས་བྱ་བ།།

༧སྐྱབས་རྗེ་དམ་པ་བདུད་འཇོམས་འཇིགས་བྲལ་ཡེ་ཤེས་རྡོ་རྗེའི་ཡང་སྲིད་༧སངས་རྒྱས་པདྨ་བཞད་པའི་གསོལ་འདེབས་རིག་འཛིན་མེ་ལོང་ཞེས་བྱ་བ།།
ན་མོ་གུ་རུ་བུདྡྷ་པདྨ་ཀ་ར་ཡེ།།
ཆོས་དབྱིངས་ཀ་དག་སྒྱུ་འཕྲུལ་དྲ་བ་ལས།།
འོད་གསལ་ལྷུན་གྲུབ་ཡེ་ཤེས་དཀྱིལ་འཁོར་ཅན།།
སྣ་ཚོགས་འགྲོ་འདུལ་རིག་འཛིན་བརྒྱུད་པར་བཅས།།
སྒོ་གསུམ་མི་ཕྱེད་དད་པས་ཕྱག་འཚལ་བསྟོད།།
སྔོན་ཚེ་རིག་འཛིན་ནུས་ལྡན་རྡོ་རྗེའི་དཔལ།།
མ་འོངས་སངས་རྒྱས་མོས་པ་མཐའ་ཡས་རྗེ།།
ཨོ་རྒྱན་པདྨའི་རྒྱལ་ཚབ་འབྲོག་བན་དགྱེས།།
སངས་རྒྱས་པདྨ་བཞད་པར་གསོལ་བ་འདེབས།།
སྙིགས་ལྔའི་རྣམ་འདྲེན་གཏེར་ཆེན་བདུད་འཇོམས་གླིང་།།
དགྲ་བགེགས་འཇིགས་བྲལ་ཡེ་ཤེས་རྡོ་རྗེའི་རྩལ།།
ཀུན་འདུས་སངས་རྒྱས་པདྨ་བཞད་པའི་དཔལ།།
སྐུ་ཚེ་བརྟན་ཅིང་འགྲོ་དོན་ལྷུན་གྲུབ་ཤོག།
ཅེས་པ་འདི་ཡང་རབ་གནས་ས་ཕག་སྣྲོན་ཟླའི་གཟའ་ཚེས་དགེ་བར་རིག་འཛིན་ནམ་མཁའ་རྫོང་ཨོ་རྒྱན་མཁའ་འགྲོ་གླིང་དུ་ཟབ་རྒྱས་གདམས་བཟང་གནང་བར་རིག་འཛིན་ནམ་མཁའ་རྒྱ་མཚོ་རིན་པོ་ཆེས་བརྙན་གཟིགས་ལས་གང་ཤར་དུ་ཤྲཱིཿཨེ་མ་ཧོས་རི་བོ་གངས་ལྡན་གྱི་རྩེ་ནས་སྨོན་གསོལ་དུ་བགྱིས་པར་དགེའོ།། །།