• February 2021

    གསང་ཆེན་བླ་མེད་ཀྱི་རྣལ་འབྱོར་བ་ཆོས་དབྱིངས་རྡོ་རྗེ་རིན་པོ་ཆེ་ལ་ན་མོ།

    གསང་ཆེན་བླ་མེད་ཀྱི་རྣལ་འབྱོར་བ་ཆོས་དབྱིངས་རྡོ་རྗེ་རིན་པོ་ཆེ་ལ་ན་མོ། ན་མོ་མ་ཧཱ་གུ་རུ་དྷརྨཱ་དྷརྟུ་བཛྲ་ཡེ།། ཐུབ་དབང་པད་འབྱུང་ཐུགས་རྗེས་རྟོགས་པ་འཁྲུངས།། བྱིན་རླབས་འོད་གསལ་རང་བསྲེལ་ཕུང་པོའི་སྐུ།། ཕྱག་རྫོགས་དབུ་མའི་བསྟན་པ་སྤེལ་བའི་མགོན།། གསང་ཆེན་བླ་མེད་རྣལ་འབྱོར་གསོལ་བ་འདེབས།། ངོ་བོ་ཆོས་སྐུ་ཀུན་བཟང་རྡོ་རྗེ་འཆང་།། རང་བཞིན་ལོངས་སྐུ་རྡོ་རྗེ་སེམས་དཔའ་ཆེ།། ཐུགས་རྗེ་ཀུན་ཁྱབ་སྤྲུལ་སྐུ་པདྨ་འབྱུང་།། སྐུ་གསུམ་ཀུན་འདུས་ཆོས་དབྱིངས་རྡོ་རྗེ་མཁྱེན།། མཁྱེན་བརྩེ་ནུས་ལྡན་བླ་མ་རིན་པོ་ཆེ།། ཞིང་ཁམས་གནས་མཆོག་གང་དུ་བཞུགས་གྱུར་ཀྱང་།། སྐལ་ལྡན་བུ་ལ་རྟག་ཏུ་བྱིན་གྱིས་རློབས།། བསྟན་དང་འགྲོ་བའི་དོན་ཆེན་ལྷུན་གྲུབ་ཤོག། ཨོཾ་ཨཱཿཧཱུཾ་བཛྲ་གུ་རུ་དྷརྨཱ་དྷརྟུ་སརྦ་སིདྡྷི་ཕ་ལ་ཧཱུཾ་ཨ།། ཞེས་པ་རབ་གནས་ལྕགས་གླང་ཆོ་འཕྲུལ་ཟླ་བའི་ཡར་ཚེས་བཅུ་གསུམ་སྟེ་དམ་པའི་དགོངས་པ་ཆོས་དབྱིངས་སུ་གཏད་པའི་ཉིན་མོར་དད་གུས་མི་ཕྱེད་དད་པས་གསོལ་འདེབས་སུ་རྗེ་ཉིད་ཀྱི་སློབ་བུ་ཡོངས་ཀྱི་ཐ་ཤལ་བ་ཤྲཱིཿཨེ་མ་ཧོས་སྙིང་ནས་གསོལ་བ་འདེབས་པར་དགེའོ།། །།