ཨེ་ཝྃ་ཧོ།

དེ་རིང་རབ་གནས་ལྕགས་གླང་ཆུ་སྟོད་ཟླ་བ་འམ་ཆོས་འཁོར་ཟླ་བའི་ཟླ་བ་ཉ་ཡོངས་སུ་གོང་བའི་དུས་ཚེས་དང་། བདག་ཅག་གི་སྟོན་པ་རྫོགས་པའི་སངས་རྒྱས་མ་ཡཱ་དྷེ་ཝིར་སྐུ་ལྷུམས་སུ་ཞུགས་པའི་དུས་ཆེན་དང་། གངས་ཅན་བོད་མའི་མ་ཡུམ་ཡོངས་ཀྱི་དུས་ཆེན་ལ་བདག་གི་གྲོགས་བཟང་པོ་བསམ་གྲུབ་དང་དད་ལྡན་སྦྱིན་པའི་བདག་པོ་ཡོངས་ཀྱི་བཀའ་དྲིན་གྱིས་ཨེ་ཝཾ་ཨོ་རྒྱན་མཁའ་འགྲོ་གླིང་གི་སྐུ་རྟེན་གུ་རུ་མཐོང་བ་རང་གྲོལ་དང་། གསུང་རྟེན་རྒྱལ་བའི་བཀའ་གཏེར། ཐུགས་རྟེན་ཨོ་རྒྱན་སྒྲོལ་མའི་མཆོད་རྟེན་འཛམ་གླིང་རྒྱན་གཅིག་སྟེ་སྐུ་གསུང་ཐུགས་རྟེན་ལེགས་གྲུབ་བྱུང་། བཀྲ་ཤིས་བདེ་ལེགས་ཕུན་སུམ་ཚོགས་པར་ཤོག།  ————ཨེ་མ་ཧོས

༒འཇམ་དབྱངས་བསྟོད་པ་བྱིན་རླབས་གཏེར་མཛོད། ན་མོ་གུ་རུ་མཉྫུ་ཤྲཱི་ཛྙཱ་ན་སྭ་ར་སྭཱ་སྟི་ཡེ།། ༼༡༽ བཅོམ་ལྡན་འདས་ཀྱི་དཔལ་ཡོན་ཅན།། རྗེ་བཙུན་མགོན་པོ་འཇམ་པའི་དབྱངས།། བློ་གྲོས་སྒྲིབ་གཉིས་སྤྲིན་བྲལ་བའི།། ཨེ་ཝཾ་ཉི་ཟླའི་འོད་སྣང་རྒྱལ།། ༼༢༽ སྣང་སྲིད་རྣམ་དག་ཡེ་ཤེས་ལ།། མཁྱེན་བརྩེ་ནུས་པའི་འོད་རབ་གསལ།། ཇི་སྙེད་དོན་ཀུན་ཇི་བཞིན་གཟིགས།། ཐུགས་དམ་གླེགས་བམ་འཛིན་ལ་བསྟོད།། ༼༣༽ འགྲོ་རྣམས་སྲིད་པའི་བཙོན་ར་ནས།། མ་རིག་མུན་འཐིབས་སྡུག་བསྔལ་གྱིས་།། ཤིན་ཏུ་གཟིར་བའི་འགྲོ་ཚོགས་ཀུན།། ཀུན་བཟང་ཞིང་དུ་འདྲེན་པར་བསྟོད།། ༼༤༽ འགྲོ་ཀུན་བུ་གཅིག་ལྟར་བརྩེ་ཞིང་།། ཚངས་དབྱངས་ཡན་ལག་དྲུག་ཅུ་ཡི།། དབྱངས་ལྡན་གསུང་ནི་འབྲུག་ལྟར་སྒྲོག།། འོད་གསལ་སྙིང་གི་ཉི་མ་རྒྱལ།། ༼༥༽ ལས་ཀྱི་ལྕགས་སྒྲོག་འགྲོལ་མཛད་ཅིང་།། ཉོན་མོངས་གཉིད་ལས་སློང་མཁས་པ།། བདུད་བགེགས་མ་རིག་མུན་སེལ་བའི།། ཀུན་བཟང་ཞིང་གི་ཟླ་བ་རྒྱལ།། ༼༦༽ ལས་ཉོན་སྡུག་བསྔལ་མྱུ་གུའི་ཚོགས།། ཇི་སྙེད་མ་ལུས་གཅོད་མཛད་པའི།། མཁྱེན་རབ་རལ་གྲི་མེ་འབར་བསྣམས།། སྐལ་བཟང་ཞིང་གི་སྐར་མ་རྒྱལ།། ༼༧༽ ཀ་དག་གདོད་མའི་ངོ་བོ་ལས།། ལྷུན་གྲུབ་དག་པའི་རང་བཞིན་གསལ།། ཟུང་འཇུག་ཡེ་ཤེས་ཐུགས་རྗེའི་བདག། འཇམ་དཔལ་ངེས་ཤེས་སྒྲོན་མེ་རྒྱལ།། ༼༨༽ མཚན་དཔེས་སྐུ་ཡི་ཡོན་ཏན་བཀྲ།། ཚངས་དབྱངས་གསུང་གི་སྙན་ངག་ཤིས།། རྣམ་མཁྱེན་ཐུགས་ཀྱི་ཁྱབ་བདག་མཆོག། བདག་བློའི་མུན་སེལ་བླ་མ་རྒྱལ།། ༼༩༽ རྒྱལ་སྲས་འཇམ་དཔལ་གཞོན་ནུའི་གར།། རིག་འཛིན་དབྱངས་ཅན་ལྷ་མོའི་དཔལ།། ཨེ་ཝཾ་བདེ་ཆེན་རིག་པའི་དབྱིངས།། བུདྡྷ་ཛྙཱ་ནའི་བསྟན་པ་རྒྱལ།། ༼༡༠༽ བསམ་བློ་མ་ལུས་ཆོས་སུ་འགྲོ།། དམ་ཆོས་མ་ལུས་ལམ་དུ་འགྲོ།། ལམ་གྱི་འཁྲུལ་བ་མ་ལུས་སེལ།། འཁྲུལ་སྣང་མ་ལུས་ཡེ་ཤེས་ཤོག། ཅེས་པ་འདི་ཡང་རབ་གནས་ལྕགས་གླང་གི་ཆོས་འཁོར་དུས་ཆེན་གྱི་དཀར་ཕྱོགས་རྒྱལ་བ་དང་པོ་ཟླ་དཀར་ཀྱི་ཐོ་རངས་ཁར་ངོས་ལ་དད་གུས་དག་སྣང་གི་མིག་ཆུ་ཀློང་ནས་གསོལ་བ་འདེབས་འཁན་སོགས་ཀྱི་རྐྱེན་ལས་གང་ཤར་རིག་པའི་ཀློང་ནས་བྱུང་བ་དག་ལ་བཅོས་བསྒྱུར་རྡུལ་ཙམ་མེད་པར་རིག་འཛིན་ཨེ་མ་ཧོས་ཨེ་ཝཾ་ཛྙཱ་ན་གུ་རུའི་ལྷ་ཁང་ནས་བྲིས་པར་དགེའོ།།།།

རིག་ཚན་ཉེར་གཅིག་ལ་བྱང་ཆུབ་པའི་ཀུན་མཁྱེན་མི་ཕམ་རྒྱ་མཚོ།  ཆོས་ཀུ༷ན་མཉམ་པ་ཉིད་ལ་མཁྱེ༷ན་རྩལ་རྫོགས།། གང་ལས་མི༷་ཕ༷མ་བཞི་ལས་རྣ༷མ་པར་རྒྱ༷ལ།། རྟོགས་པ་རྒྱ༷་མཚོ༷་སྤོབས་པའི་གཏེར་ཆེན་གྲོལ།། འཇམ་དབྱངས་བླ་མས་ཀུན་ཏུ་ཤིས་པ་སྩོལ།།  ཞེས་མཆོད་ཚིག་ཉུང་ངུ་ངག་གི་མདུན་བསུས་ཏེ་འདིར་ཀུན་མཁྱེན་མི་ཕམ་རྒྱ་མཚོའི་གསུང་རྩོམ་ཁྲོད་བཅུ་ཕྲག་རིག་པའི་ཆོས་ཆ་ཚང་བར་བཞུགས་པ་རྣམས་རིག་ཚན་ཉེར་གཅིག་ཏུ་དབྱེ་ན་འདི་ལྟར།  ༡ བྱུང་བ་རིག་པ།  འཕགས་པ་བཀྲིས་བརྒྱད་པའི་ཚིགས་སུ་བཅད་པས་སྔོན་དྲངས་ཏེ། བྱང་ཆུབ་སེམས་པ་ཉེ་སྲས་བརྒྱད་ཀྱི་རྟོགས་བརྗོད་ནོར་བུའི་ཕྲེང་བ། སྔ་འགྱུར་རྙིང་མའི་རྒྱུད་ཀྱི་བྱུང་ཚུལ་ལ་དོགས་སེལ། ཐུབ་ཆོག་བྱིན་རླབས་གཏེར་མཛོད་ཀྱི་རྒྱབ་ཆོས་པདྨ་དཀར་པོ། གསང་སྔགས་བཤད་སྒྲུབ་ཆོས་གླིང་གི་རྟེན་དང་བརྟེན་པའི་གནས་ཚུལ་ཅུང་ཟད་བརྗོད་པ་ནོར་བུའི་མེ་ལོང་། མཛོད་ཆེན་བདུན་པར་དུ་བསྒྲུབ་པའི་དཀར་ཆགས་རིན་ཆེན་མེ་ལོང་། རོང་ཟོམ་གསུང་འབུམ་དཀར་ཆགས་མེ་ཏོག་ཕྲེང་བ། དཔལ་སྤྲུལ་གསུང་འབུམ་གྱི་བཞུགས་བྱང་འདོད་འབྱུང་རིན་པོ་ཆེའི་མེ་ཏོག །གནས་དུས་དང་བསྟན་པའི་ཕུན་སུམ་ཚོགས་པ་ལྔའི་བཤད་པ། སེང་གེ་སྒྲ་གཟུངས་ཀྱི་ལོ་རྒྱུས། མཐོང་གྲོལ་ཞྭ་ཡི་འབེལ་གཏམ།  ༢ ལུགས་ཀྱི་རིག་པ།  རྒྱལ་པོ་ལུགས་ཀྱི་བསྟན་བཅོས་ས་གཞི་སྐྱོང་བའི་རྒྱན། ལུགས་ཀྱི་བསྟན་བཅོས་ལྷ་དང་དཔལ་འདུ་བའི་ནོར་བུ། ཡུལ་མའི་རྣམས་ལ་གཏམ་དུ་བྱ་བ། དུས་མཐའི་སྔགས་བཙུན་རྣམས་ལ་སྙིང་གཏམ་དུ་བགྱིས་པ་ནོར་བུའི་ཕྲེང་བ། དགེ་སྦྱོང་རྣམས་ལ་གཏམ་དུ་བྱ་བ་སྒྱུ་མའི་ལམ་ཁྱེར་གནད་བསྡུས། བཙུན་ཆུང་རྣམས་ལ་གཏམ་དུ་བྱ་བ་བདུད་རྩིའི་ཐིགས་ཕྲེང་། དགོན་སྡེ་རྣམས་ལ་གཏམ་དུ་བྱ་བ། སྒྲུབ་བརྩོན་རྣལ་འབྱོར་པ་རྣམས་ལ་གཏམ་དུ་བྱ་བ། གྲོགས་དང་གཏམ་གླེང་བའི་རྐྱེན་ལས་མཚར་གཏམ་དུ་བྱས་པ། ལུགས་ཟུང་བླང་དོར་གྱི་བསླབ་བྱ་ཉུང་ངུ་། གངས་ཅན་པ་སྤྱི་དང་ཁྱད་པར་རྙིང་མ་པ་རྣམས་ལ་གདམས་པ།  ༣ བརྟག་ཐབས་རིག་པ།  བརྟག་པ་སྣ་ཚོགས་པའི་སྐོར་ནོར་བུའི་མེ་ལོང་། གཏེར་སྟོན་བརྟག་པ་ཆུ་དྭངས་ནོར་བུ། སྦྱིན་བསྲེག་གི་པྲ་ལ་བརྟག་པ། མར་མེ་བརྟག་པ། ཐོད་བརྟག་ནོར་བུའི་ལག་སྟེར། པྲ་ལ་དམོད་པ་འགོག་པའི་གཏམ་དྲང་སྲོང་རྣ་རྒྱན། འཇམ་དཔལ་དཔའ་བོ་ལ་བརྟེན་ནས་པྲ་དབབ་པའི་མན་ངག་སྣང་སྲིད་གསལ་བར་མཐོང་བའི་མངོན་ཤེས། པྲ་བརྟག །རིགས་སྔགས་ཀྱི་རྒྱལ་པོ་ཨ་ར་པ་ཙ་ལ་བརྟེན་ནས་བླང་དོར་བརྟག་པ་འཇམ་དཔལ་དགྱེས་པའི་ཞལ་ལུང་། བརྒྱ་བྱིན་མོ་ཡིག ། ༤ གླིང་སྒྲུང་རིག་པ།  ངོ་མཚར་རྟོགས་བརྗོད་བརྡ་གསང་ནོ་བུའི་མེ་ལོང་། ཧོར་འདུལ་གསོལ་འདེབས་དཔའ་བོའི་གད་རྒྱང་།  རིག་པ་འགྱུར་མེད་སྐྱེས་བུ་ཆེན་པོའི་བླ་མའི་རྣལ་འབྱོར་བྱིན་རླབས་མྱུར་འཇུག་ཅེས་བྱ་བ། གེ་སར་གསོལ་འདེབས། གེ་སར་སྐྱེས་བུ་ཆེན་པོ་རྡོ་རྗེ་ཚེ་རྒྱལ་གྱི་བསྐང་གསོལ་འདོད་དགུ་མྱུར་འགྲུབ། གེ་སར་གཏེར་བདག་ཝེར་མའི་བསྐང་བ་ནོར་བུ་རྒྱས་པའི་སྤྲིན་ཆེན། གེ་སར་ནོར་སྒྲུབ་མན་ངག །སེང་ཆེན་གེ་སར་རྒྱལ་པོའི་གསང་སྒྲུབ་སྙིང་གི་དུམ་བུ། གེ་སར་རྒྱལ་པོའི་ཕྱཱ་གཡང་འགུགས་པའི་ལྕགས་ཀྱུ། ཝེར་མའི་གསོལ་ལོ་ཆེན་མོའི་བྲོ་ཡི་ལས་མཐའ།  འདན་གླུ་ཝེར་མའི་ལྷ་བསང་རིང་མོ་དགྲ་བླའི་དཔའ་གླུ། གླིང་གེ་སར་སྐྱེས་བུའི་མཛད་པའི་མདའ་མོ་བདར་བ། གེ་སར་མདའ་མོའི་དཔྱད་དོན་གསེར་གྱི་ལྡེ་མིག །གེ་སར་རྡོ་རྗེ་ཚེ་ཡི་རྒྱལ་པོའི་གཞུང་དང་མན་ངག་གི་སྐོར་བདུད་རྩི་བུམ་བཟང་། གེ་སར་མདའ་མོའི་དཔྱད་དོན་རིན་ཆེན་མེ་ལོང་། གེ་སར་ལམ་ལྷའི་གསོལ་མཆོད། གེ་སར་དབང་བསྡུད། ལྕགས་ཚན་ཡིད་བཞིན་ནོར་བུ་སྒྲུབ་པ། འབུམ་པའི་རྒྱལ་ཚ་ཞལ་དཀར་གྱི་ཕྲིན་ལས་རྡོ་རྗེའི་རླུང་ཤུགས། སྒ་བདེའི་གསོལ་བསྡུས་དགྲ་བགེགས་དཔུང་འཇོམས། ཀི་ཀི་བསྭོ་བསྭོ་གླིང་གི་དཔའ་ཐུལ།  ༥ མངོན་བརྗོད་རིག་པ།  སངས་རྒྱས་བྱང་སེམས་ཀྱི་མཚན་སྣ་ཚོགས་པ་ནོར་བུའི་ཕྲེང་བ།  མཚན་འབུམ་ནོར་བུའི་ཕྲེང་བ་ལས་ཁུལ་བྱུང་གཅེས་བཏུས།  སངས་རྒྱས་སྤྱི་ཡི་མཚན། སྟོན་པ་ཤཱཀྱ་ཐུབ་པའི་མཚན། སངས་རྒྱས་སོ་སོའི་མཚན་སོགས་ཤན་སྦྱར་དུ་གསལ།  ༤ ཟློས་གར་རིག་པ།  གླུ་བྲོ་སྒྱུ་མའི་རོལ་མོ། གླིང་བྲོ་བདེ་ཆེན་རོལ་མོ། རྟེན་འབྲེལ་ལམ་ཡག་འཆམས་ཚུལ། ཤྭ་མིག་བྱིས་པ་དྲང་བའི་མཚར་རྩེད།  རྩིས་ཀྱི་རིག་པ། ༦སྐར་རྩིས་ཀྱི་སྔོན་འགྲོ་རིན་ཆེན་མེ་ལོང་། གཙུག་ལག་རྩིས་ཀྱི་སྔོན་འགྲོ་རབ་གསལ་མེ་ལོང་། སྐར་རྩིས་སྣ་ཚོགས། ཁྱིམ་བཅུ་གཉིས་ཀྱི་ཐིག་གི་དཔེའུ་རིས་ཞིབ་པར་བཀོད་པའི་དོན་གསལ་བར་བརྗོད་པ་བློ་གསལ་དགའ་བསྐྱེད། གླིང་དུམ་བུ་བཅུ་གཉིས་ཀྱི་ཉི་ལྡོག་ལ་དཔྱད་པ་ཐེ་ཚོམ་སྦུབ་འབྱེད།  རྩིས་གསར་ཐུབ་བསྟན་མཛེས་རྒྱན་ལ་དཔྱད་པ། ཟླ་རྐང་གི་དོགས་གནས་ལ་དཔྱད་པ། བསྟན་རྩིས་ཉེར་འཁོ། རྩིས་སྐོར་ནོར་བུའི་ཕྲེང་བ། དུས་རྩིས་ངོ་མཚར་ཉི་མ། ནག་རྩིས་ཀྱི་རབ་ཏུ་བྱེད་པ་ལས་ཀེག་རྩིས་འཆི་མེད་བཅུད་ལེན།  ནག་རྩིས་ཀྱི་རབ་ཏུ་བྱེད་པ་ལས་གཤིན་རྩིས་ཕན་བདེ་མྱུར་སྟེར།…