• March 2021

    དམ་ཆོས་གདནས་བསྐུལ་གྱི་མེ་ལོང་མ་ཎི་ཀ་ར།།

    དམ་ཆོས་གདནས་བསྐུལ་གྱི་མེ་ལོང་མ་ཎི་ཀ་ར།། ན་མོ་གུ་རུ་དྷརྨཱ་ཤྲཱིཿ་ཡེ།། ༼༡༽ ཀུན་མཁྱེན་བརྒྱུད་པའི་བསྟན་པ་རིན་པོ་ཆེ།། མ་ནོར་ལམ་སྟོན་མཛད་པའི་བླ་མ་ལ།། སྒོ་གསུམ་མི་ཕྱེད་དད་པས་ཕྱག་འཚལ་ནས།། དམ་ཆོས་ཚུལ་བཞིན་སྒྲུབ་པའི་གཏམ་འདི་ཕུལ།། ༼༢༽ སྙིང་ནས་ཆོས་ལ་དུང་བའི་སྐལ་བཟང་གིས།། ཐུན་མོང་ཐུན་མིན་གསང་བའི་སྔོན་འགྲོ་ལ།། ཉམས་ལེན་གཞན་དྲིང་མི་འཇོག་ལུང་རྟོགས་ཆོས།། ཐོས་བསམ་སྒོམ་པའི་གནད་ལ་གོམས་པར་གནད།། ༼༣༽ སྐྱོན་ཟད་ཡོན་ཏན་ལྡན་པའི་བླ་མར་བསྟེན།། མོས་གུས་རྒྱུན་མི་ཆད་པའི་དད་པ་དང་།། ངོ་ལྐོག་མཚུངས་པར་རྡོ་རྗེ་མཆེད་ལ་བརྩེ།། ངན་ཚིག་ལྐོག་ལབ་མེད་པར་དམ་ཚིག་སྲུངས།། ༼༤༽ ཆགས་སྡང་རྨོངས་པའི་རྩ་བ་དྲུང་ནས་བྱུང་།། སེམས་རྒྱུད་འདུལ་བ་མདོ་སྔགས་ཀུན་དང་མཐུན།། གྲོང་དགོན་རི་ལུང་གང་དུ་བསྡད་པའི་ཚེ།། སྒོ་གསུམ་དུལ་བ་སྒོམ་པའི་གནས་ལུགས་ཡིན།། ༼༥༽ རིས་མེད་གྲུབ་མཐའ་ཀུན་ལ་དག་སྣང་སྦྱོངས།། རིང་ལུགས་ངེས་ཤེས་སྒྲོན་མེ་ནང་ནས་གསལ།། ཁོག་ཡངས་བློ་རྒྱ་བསྐྱེད་པའི་ཤེས་རབ་ལས།། འཁོར་འདས་བཙན་ས་ཟིན་ན་ཐར་བ་ལགས།། ༼༦༽ བློ་ལྡོག་རྣམ་བཞིས་བློ་སྣ་རབ་ཏུ་འདུལ།། ཚད་མེད་རྣམ་བཞིས་བྱང་ཆུབ་སེམས་མཆོག་བསྐྱེད།། སྲོག་སྡོམ་གཟེར་བཞིའི་གནད་གསང་གོམས་པའི་ཚེ།། རིག་འཛིན་རྣམ་བཞིའི་འབྲས་བུ་མཐར་ཕྱིན་འགྱུར།། ༼༧༽ རབ་བྱུང་འདོད་ན་ཆགས་ཞེན་མེད་པར་མཛོད།། བྱང་སེམས་ཡིན་ན་གཞན་ཕན་ཁོ་ནར་བརྩོན།། སྔགས་འཆང་དམ་པས་བསྐྱེད་རྫོགས་རྫོགས་ཆེན་ལ།། དཀའ་ཐུབ་གནང་བ་དམ་པ་གོང་མའི་ལུགས།། ༼༨༽ མདོར་ན་ལྷག་བསམ་དག་པའི་དགེ་བ་གྱིས།། བསྟན་དང་འགྲོ་ལ་ཕྲིན་ལས་འཕེལ་བ་ཚེ།།…

  • March 2021

    ཨེ་ཝཾ་ལས་རིགས་ལག་རྩལ་ཁང་གིས་རྒྱལ་དབང་པདྨ་ཀ་རའི་རྣམ་ཐར་

    ཨེ་ཝཾ་ལས་རིགས་ལག་རྩལ་ཁང་གིས་རྒྱལ་དབང་པདྨ་ཀ་རའི་རྣམ་ཐར་༼པདྨ་བཀའ་ཐང་༽གི་ཐང་ཁ་བརྒྱ་དང་བརྒྱད་བཞེང་འཆར་དེ་མྱུར་འགྲུབ་ཏུ་སྨོན་ནོ།། ངའི་དྲ་གྲོགས་དང་ཆོས་མཆེད་བོད་ནང་དང་རྒྱ་ཡུལ་ལ་བཞུགས་པ་ཚོས་རོགས་དན་རེ་རེམ་རེམས།། ཐང་ཁ་རེ་ལ་རྣམ་ཐར་རེ་དང་ལེའུ་རེ་ཆ་ཚང་ལྡན་པའོ།། དེ་ཡང པདྨ་བཀའ་ཐང་། ལེའུ་༼ ༡ ༽ ནུབ་བདེ་བ་ཆེན་པོའི་ཞིང་ཁམས་བསྟན་པ། པདྨ་བཀའ་ཐང་ལེའུ་༼༢༽སངས་རྒྱས་འོད་དཔག་མེད་ཀྱིས་སྤྲུལ་པ་བཀྱེ་པ། པདྨ་བཀའ་ཐང་ལེའུ་༼༣༽འཇིག་རྟེན་ཁམས་བསམ་མི་ཁྱབ་པར་འགྲོ་དོན་མཛད་པ། པདྨ་བཀའ་ཐང་ལེའུ་༼༤༽ བླ་མ་རྡོ་འཆང་དུ་སྐུ་བཞེངས་ནས་དབང་བསྐུར་བ། པདྨ་བཀའ་ཐང་། ལེའུ་༼ ༥༽ གདུལ་ཞིང་རཱུ་ཏྲའི་སྐྱེ་རྒྱུད་བསྟན་པ། པདྨ་བཀའ་ཐང་། ལེའུ་༼ ༦༽ རྟ་ཕག་གིས་རཱུ་ཏྲ་བཏུལ་བ། པདྨ་བཀའ་ཐང་། ལེའུ་༼༧༽སངས་རྒྱས་སྟོང་རྩ་༢ལ་དབང་བསྐུར་ལུང་བསྟན་པ། པདྨ་བཀའ་ཐང་། ལེའུ་༼༨༽ བསྟན་པ་གཉིས་ལྡན་བྱུང་ཚུལ་བསྟན་པ། པདྨ་བཀའ་ཐང་། ལེའུ་༼༩༽ གཙུག་ཕུད་རིས་བཟང་གི་སྲས་སུ་འཁྲུངས་པ། པདྨ་བཀའ་ཐང་། ལེའུ་༼༡༠༽སྤྲིན་ལྡན་ཁམས་བསྟན་པ་གཉིས་ལྡན་གྱིས་བཏུལ་བ། པདྨ་བཀའ་ཐང་། ལེའུ་༼༡༡༽ རྒྱ་གར་ཆོས་ཁུངས་བཙུན་པར་བསྟན་པ། པདྨ་བཀའ་ཐང་། ལེའུ་༼༡༢༽ ཨུ་རྒྱན་ཡུལ་གྱི་ཡུལ་རབས་བཤད་པ། པདྨ་བཀའ་ཐང་། ལེའུ་༼༡༣༽ སྤྱན་མེད་འབྱོར་ལྡན་གྱིས་སྦྱིན་པ་བཏང་བ།…

  • March 2021

    ཀུན་མཁྱེན་འཇིགས་མེད་གླིང་པའི་ཞལ་ནས།

    ཀུན་མཁྱེན་འཇིགས་མེད་གླིང་པའི་ཞལ་ནས། རྒྱལ་བའི་བསྟན་པ་ལུང་རྟོགས་གཉིས། ། ཡིན་པས་དེ་ལ་ཐོས་བསམ་མཛོད། ། དེ་ཡང་རང་འདོད་གཞུང་མང་བས། ། དེ་དག་དགག་བསྒྲུབ་ཆགས་སྡང་རྒྱུ། ། དེ་བས་རང་སྡེའི་གྲུབ་མཐའ་ནི། ། ཡིད་བཞིན་མཛོད་དང་གྲུབ་མཐའ་མཛོད། ། གཉིས་ལ་རྟོག་དཔྱོད་ཆེར་མཛོད་ནས། ། སེམས་ཉིད་ངལ་བསོ་རྩ་འགྲེལ་དང་། ། སྙིང་འགྲེལ་ཕྱོགས་བཅུ་མུན་སེལ་རྣམས། ། ཐོས་བསམ་གཉིས་ཀྱི་མཐིལ་དུ་བྱ། ། དེ་ཡི་རྒྱབ་ཏུ་ཡོན་ཏན་མཛོད། ། རྩ་འགྲེལ་ལ་གཟིགས་རང་གཞན་གྱི། ། གྲུབ་མཐའ་སྤྱི་དང་རིམ་གསུམ་གྱི། ། བཀའ་འཁོར་དགོངས་པ་ཤེས་པ་ཡིན། ། ཆོས་ཀྱི་རྩ་བ་བྱང་ཆུབ་སེམས། ། དེ་ལ་ཀུན་རྫོབ་དོན་དམ་གཉིས། ། ཀུན་རྫོབ་སྨོན་འཇུག་གཉིས་ལ་འདུ། ། དོན་དམ་རྫོགས་པ་ཆེན་པོའི་ཞལ། ། དྲན་པའི་བྱ་རས་ཡེངས་མེད་སྐྱོངས། ། དེ་ཡི་གྲོགས་སུ་མཛོད་དྲུག་ལྟོས།…

  • March 2021

    བར་ཆད་ལམ་སེལ་ཤིན་ཏུ་བསྡུས་པ།

    བར་ཆད་ལམ་སེལ་ཤིན་ཏུ་བསྡུས་པ། གཏེར་སྟོན་འཇའ་ལུས་རྡོ་རྗེ། ཨོཾ་ཨཱཿཧཱུྃ། ཆོས་སྐུ་སྣང་མཐའ་ལོངས་སྐུ་སྤྱན་རས་གཟིགས།། སྤྲུལ་སྐུ་པདྨ་འབྱུང་གནས་དྲག་པོ་རྩལ།། གསོལ་བ་འདེབས་སོ་ཐུགས་རྗེའི་ཤུགས་ཕྱུངས་ལ།། ཕྱི་ནང་གསང་བའི་བར་ཆད་དབྱིངས་སུ་སོལ།། དུས་ངན་སྙིགས་མའི་འགྲོ་བ་སྡུག་བསྔལ་ཚེ།། ཁྱེད་ལས་རེ་ས་མེད་དོ་སྙིང་ཁོང་ནས།། མོས་གུས་གདུང་བས་ལྷང་ལྷང་གསོལ་བ་འདེབས།། འགལ་རྐྱེན་ཕྱི་ནང་གསང་བའི་བར་ཆད་བཟློག། ཚེ་བསོད་སྤེལ་ལ་རླུང་རྟ་དར་རྒྱས་ཤོག། ཅེས་པའང་གཏེར་མིང་འཛིན་པ་འཇའ་ལུས་རྡོ་རྗེས་སོ།།།།

  • March 2021

    དྲང་སྲོང་བདེན་ཚིག་གྲུབ་པའི་སྨོན་ལམ་ཚིགས་སུ་བཅད་པ་

    དྲང་སྲོང་བདེན་ཚིག་གྲུབ་པའི་སྨོན་ལམ་ཚིགས་སུ་བཅད་པ་ ཐར་ལམ་གྲོང་འཇུག་ཅེས་བྱ་བ་བཞུགས་སོ།། ན་མོ་མ་ཧཱ་གུ་རུ་ཨ་བྷྱ་དཱི་པ་ཡེ།། ༼༡༽ དངོས་གྲུབ་རྒྱ་མཚོ་ཀུན་གྱི་འབྱུང་བའི་གནས།། བླ་མ་རྗེ་དང་དཀོན་མཆོག་རྣམ་གསུམ་དང་།། བྱང་ཆུབ་སེམས་དཔའ་རྣམས་ལ་ཕྱག་འཚལ་ཞིང་།། སྐྱབས་སུ་མཆིའོ་བྱིན་གྱིས་བརླབ་ཏུ་གསོལ།། ༼༢༽ མ་གྱུར་ནམ་མཁའི་མཐའ་དང་མཉམ་པ་ཡི།། མ་ལུས་འགྲོ་བའི་སེམས་ཅན་ཐམས་ཅད་ཀྱི།། སྐྱེ་བ་འདི་ནས་ཚེ་རབས་ཐམས་ཅད་དུ།། དལ་འབྱོར་བཅོ་བརྒྱད་ཚང་བའི་ལུས་ཐོབ་ཤོག།། ༼༣༽ ཡིད་བཞིན་མི་ལུས་རིན་པོ་ཆེ་ཐོབ་སྟེ།། རྗེ་བཙུན་བླ་མ་མཚན་ཉིད་དང་ལྡན་པའི།། དམ་ཚིག་རྟེན་འབྲེལ་འགལ་མེད་ལྷུན་གྲུབ་ངང་།། ཐུགས་བརྩེ་ཆེན་པོས་གདུལ་བྱ་འགྱུར་བ་ཤོག། ༼༤༽ མངོན་པར་མཐོ་དང་ངེས་ལེགས་མཐའ་དག་གི།། འབྱུང་ཁུངས་རྩ་བ་ཐོས་བསམ་སྒོམ་གསུམ་གྱིས།། རང་རྒྱུད་བཏུལ་ཏེ་རྒྱལ་བསྟན་རིན་པོ་ཆེའི།། ཚུལ་བཞིན་མ་ནོར་རྗེས་སུ་སློབ་པར་ཤོག། ༼༥༽ དམ་པའི་ཆོས་ལ་འཇུག་པའི་རྩ་བ་ནི།། ངེས་པར་འབྱུང་དང་བློ་ལྡོག་རྣམ་པ་བཞི།། རྒྱུད་ལ་ངམ་ངམ་ཤུགས་ཀྱིས་སྐྱེས་ནས་སུ།། འཁོར་བ་མུ་མཐའ་མེད་ཀྱི་བྱ་བ་ལ།། བཙོན་དོང་མེ་འོབས་ལྟ་བུར་མཐོང་བ་ཤོག། ༼༦༽ རྟེན་འབྲེལ་ལས་འབྲས་བསླུ་བ་མེད་པ་ལ།། ཡིད་ཆེས་རྙེད་ནས་དགེ་དང་སྡིག་གི་ལས།། ཕྲ་མོ་ཙམ་ཡང་འགལ་བ་མེད་པ་ཡིས།། ཇི་བཞིན་མ་ལུས་འཇུག་ལྡོག་བྱེད་པར་ཤོག། ༼༧༽ གནས་གྲོགས་འདུ་འཛི་རྐྱེན་ངན་ལ་སོགས་པ།། བྱང་ཆུབ་བསྒྲུབ་པའི་བར་ཆད་ཐམས་ཅད་ཀྱི།། གཞན་དབང་མི་འགྲོ་གང་དུ་སྐྱེས་པའི་ཚེ།། དཀོན་མཆོག་གསུམ་གྱི་སྐྱབས་འོག་ཏུ་ཚུད་དེ་།། སྐྱེས་བུ་གསུམ་གྱི་ལམ་ལ་སློབ་པར་ཤོག།…

  • March 2021

    ༈ འཁོན་ལུགས་སློབ་དཔོན་གྱི་རྣམ་ཐར་རྒྱ་འབགས་བོད་འབགས་སམ་རྒྱ་འབྲམ་བོད་འབྲམ་དུ་གྲགས་པ་

    ༈ འཁོན་ལུགས་སློབ་དཔོན་གྱི་རྣམ་ཐར་རྒྱ་འབགས་བོད་འབགས་སམ་རྒྱ་འབྲམ་བོད་འབྲམ་དུ་གྲགས་པ་ འདི་ས་སྐྱའི་ཕུན་ཚོགས་ཕོ་བྲང་གི་དཔེ་དང་གསང་སྔགས་ཆོས་གླིང་གི་དཔེ་ཞེས་སི་ཏུ་ཆོས་ཀྱི་རྒྱ་མཚོའི་དཔེ་ཐོ་ལས་འབྱུང་ངོ་། ། དང་། གུ་རུའི་རྣམ་ཐར་དུམ་པ་གཉིས། ཆ་རུ་ཉི་མ་གྲགས་པས་མཛད་པ། གུ་རུའི་རྣམ་ཐར་པདྨ་ཤེལ་ཕུག་མ། གཏེར་སྟོན་ར་མོ་ཤེལ་སྨན་གྱི་གཏེར་མ། གུ་རུའི་རྣམ་ཐར་ཞྭ་ལྷ་ཁང་མ། ལྡང་མ་ལྷུན་གྱི་རྒྱལ་མཚན་གྱིས་མཛད་པ། གུ་རུ་པདྨའི་རྣམ་ཐར་རྒྱས་པ་དུམ་པ་གཅིག གཡུ་རུ་སྟོན་ཤཱཀ་གིས་མཛད་པ། གུ་རུ་པདྨའི་རྣམ་ཐར་རྒྱས་བསྡུས་གཉིས། ལྷ་བཙུན་ནམ་མཁའ་འཇིགས་མེད་ཀྱིས་མཛད་པ། གུ་རུའི་བཀའ་ཐང་དུམ་ཆུང་གཅིག ཨ་ཡ་བོན་པོས་མཛད་པ། གུ་རུའི་བཀའ་ཐང་འུ་ཤང་རྡོ་གདན་མ། གཏེར་སྟོན་ལྷ་བཙུན་སྔོན་མོའི་གཏེར་མ། གུ་རུ་པདྨའི་རྣམ་ཐར། མཚན་མི་གསལ། བལ་པོའི་སློབ་དཔོན་གཙུག་ལག་དཔལ་དགེས་མཛད་པ། གུ་རུའི་རྣམ་ཐར་དུམ་ཆུང་གཅིག ཁྱུང་པོ་དཔལ་དགེས་མཛད་པ། གཞན་ཡང་གནུབས་སྟོན་གྱིས་མཛད་པའི་རྣམ་ཐར་སྣུབས་བསྒྲིགས་མ་ཆེ་བ། སྣུབས་རྒྱལ་སྲས་ཀྱིས་མཛད་པའི་སྣུབས་བསྒྲིགས་མ་ཆུང་བ། མངའ་རིས་པཎ་ཆེན་གྱིས་མཛད་པའི་གུ་རུའི་རྣམ་ཐར། བ་མཁལ་སྨུག་པོའི་གཏེར་མའི་ལུགས་ཀྱི་གུ་རུའི་རྣམ་ཐར། སློབ་དཔོན་ལང་ལྷག(ལང་ལབ) སྟོན་པས་མཛད་པའི་རྡོ་རྗེ་ཕུར་པའི་བསྟོད་འབུམ་དུ་གྲགས་པའི་རྣམ་བཤད་ངོ་མཚར་ཅན་རྣམས་དང་། གསང་སྔགས་འཛིན་པ་དཔལ་ལྡན་རྡོ་རྗེ་རྒྱལ་མཚན་གྱིས་མཛད་པའི་སྣ་ནམ་ལུགས་ཀྱི་བཤད་འབུམ་རྡོ་རྗེ་དོན་གསལ། འོ་བྲན་དཔལ་གྱི་གཞོན་ནུས་མཛད་པའི་ཕུར་པའི་སྟོང་ཐུན། སློབ་དཔོན་པདྨས་མཛད་པའི་གཙུག་ལག་ཁང་རྙིང་པ་བཞེངས་པའི་གསོ་ཐབས་བསྟན་པ། བསམ་ཡས་བཞེངས་དུས་སྤྲུལ་པའི་བཟོ་ཆེན་རྣམས་ཀྱི་བཞེད་པ་དང་རྟེན་འབྲེལ་གྱི་བཀོད་པ་བསྟན་པ་བཟོ་གནས་འཕྲུལ་གྱི་མེ་ལོང་ (འདི་གཉིས་ཀུན་མཁྱེན་ཀློང་ཆེན་པས་མཛད་པའི་ཞྭ་པདྨ་དབང་ཆེན་གྱི་དཀར་ཆག་གཙིགས་ཀྱི་ཡི་གེ་ཞིབ་མོར་བཀོད་པ་ལས་འབྱུང་ཡང་ད་ལྟ་དཔེ་རྒྱུན་ཡོད་མེད་མ་འཚལ། )བཅས་དང་། ཞར་བྱུང་ཐིག་པར་རྟ་ཆེ་ཆུང་དང་། བཀས་བཅད་འབྲིང་པོ། ཁམས་པ་སེང་གེའི་མདོ་ཁམས་སྨད་ཀྱི་ཆོས་འབྱུང་། སྨྲི་ཛྙཱ་ན་ཀཱིར་ཏིའི་(…