• January 2022

    བདག་སྨོན་ཡིད་ཀྱི་མེ་ལོང་།།

    བདག་སྨོན་ཡིད་ཀྱི་མེ་ལོང་།། ན་མོ་རཏྣ་ཏྲ་ཡཱ་ཡ། ༼༡༽ བླ་མ་རྒྱལ་ཀུན་འདུས་ཞལ་པདྨ་འབྱུང་གནས།། ཡི་དམ་སངས་རྒྱས་ཀུན་འདུས་རྡོ་རྗེ་གཞོན་ནུ།། མཁའ་འགྲོ་རྒྱ་མཚོའི་ཁྱབ་བདག་ཀུན་བཟང་དབང་མོ།། ཆོས་སྐྱོང་ཀུན་འདུས་གེ་སར་ཡིད་བཞིན་ནོར་བུ།། རྩ་གསུམ་ཆོས་སྐྱོང་དམ་པས་རྟག་ཏུ་སྲུངས་ཤིག། ༼༢༽ བདག་ཉིད་མཐོང་དང་ཐོས་ནས་དད་པ་དང་།། དབང་ལུང་ཆོས་ཁྲིད་ཐོབ་དང་སྐྱབས་འཇུག་ཞུས།། རེག་དང་འཁྱུད་དང་རྗེས་སུ་དྲན་པ་ཀུན།། འབྲེལ་ཚད་བདེ་ཆེན་འདྲེན་པའི་ལུང་བསྟན་བཞིན།། ཐམས་ཅད་མ་ལུས་མྱུར་ཏུ་སངས་རྒྱས་ཤོག། ༼༣༽ བདག་ལ་སྨད་དང་དགྲ་རུ་བཟུང་བ་དང་།། གཞི་མེད་བསྐུར་འདེབས་ལྐོག་ཁ་བླ་བཙག་དང་།། མི་སྙན་སྤེལ་དང་སྲོག་རྩ་གཅོད་ན་ཡང་།། དེ་དག་རྒྱུད་ལ་བྱང་ཆུབ་སེམས་མཆོག་སྐྱེས།། མྱུར་ཏུ་འདྲེན་པའི་དཔལ་ལ་དབང་ཐོབ་ཤོག། སྙིང་གྲོགས་དམ་པ་དུ་མས་སྐུལ་ངོར་ཨེ་མ་ཧོས་ཨེ་ཝྃ་དེ་ཉིད་གླིང་ནས་ཕུལ་བར་དགེའོ།། །། ༢༠༢༡/༡༢/༣༡་ལ།།