• June 2019

    ༧མཁན་ཆེན་བླ་མ་མཁྱེན་ནོ།།

    ༧མཁན་ཆེན་བླ་མ་མཁྱེན་ནོ།།སངས་རྒྱས་ཀུན་འདུས་ནསཨཱཿཨེ་ཝཾ་མཁན་ཆེན་རོལ་བ་ལས།།སྣང་སྟོང་རྣམ་དག་བླ་མ་ལ།། ཡེ་ཤེས་ལྔ་ལྡན་འོད་ཀློང་ནས།། རྩོལ་མེད་ཐུགས་རྗེའི་བྱིན་གྱིས་རློབས།། ལྟ་བ་རང་གསལ་མཆོད་པ་འབུལ།། སྒོམ་པ་གྲོལ་བདེ་ངང་དུ་བཞེས།། སྤྱོད་པ་སྣ་ཚོགས་བརྡ་སྟོན་བསྟོད།། འབྲས་བུ་ཆོས་ཟད་དབྱིངས་སུ་བཞག། དཔལ་ལྡན་མཁན་ཆེན་སྐུ་ཚེ་བརྟན།།ཡེ་ཤེས་བླ་མ་འགྲོ་བའི་མགོན་དུ་བཞུགས།།གང་བསམ་ཡིད་བཞིན་ནོར་བུ་རིན་པོ་ཆེ།།ནམ་ཡང་འབྲལ་བ་མེད་པར་ཐུགས་རྗེས་ཟུངས།།མཁའ་མཉམ་འགྲོ་ལ་འཇམ་དཔལ་དགྱེས་པས་གཟིགས།། སྡུག་བསྔལ་མིང་མེད་བདེ་སྐྱིད་ནམ་མཁའ་གང་།། ཚོགས་རྫོགས་སྒྲིབ་སྦྱང་འཁོར་བ་དོང་སྤྲུགས་ཤོག། ཀུན་ནས་དད་གུས་གསོལ་བ་འདེབས་པ་དང་།།ཀུན་པས་སྨོན་པ་རྩ་གསུམ་བདེན་པའི་མཐུས།།ཀུན་བསམ་ལྷུན་གྲུབ་ཡིད་བཞིན་ནོར་བུ་ལྟར།།ཀུན་བཟང་སྨོན་ལམ་དཔུང་གྲོགས་མངོན་འགྱུར་ཤོག། ཏདྱ་ཐཿ པཉྩ་ཌི་ཡ་ཨ་ཝ་བོ་དྷ་ན་ཡེ་སྭཱཧཱཿམངྒ་ལཾ།།༼མཆན། འབྲུག་པ་སངས་རྒྱས་ཀུན་འདུས་སམ་ཀུན་པས་གསུངས༽

  • June 2019

    ༧སྐྱབས་རྗེ་གསང་སྔགས་བསྟན་འཛིན་རིན་པོ་ཆེའི་

    ༧སྐྱབས་རྗེ་གསང་སྔགས་བསྟན་འཛིན་རིན་པོ་ཆེའི་རྣམ་ཐར་སྙིང་བསྡུས་པདྨ་དཀར་པོ་ཟེའུ་འབྲུ།ན་མོ་མ་ཧཱ་གུ་རུ་གུཧྱ་རཱ་ཛ་ཡེ།།ཀུན་མཁྱེན་བརྒྱུད་པའི་དགོངས་པའི་དཀྱིལ་འཁོར་རྒྱས།།སྐལ་བཟང་འདྲེན་པའི་འོད་སྣང་ཕྱོགས་ཀུན་འཕྲོ།།ཟབ་རྒྱས་གཏེར་མཛོད་དབང་བའི་ཆོས་ཀྱི་རྒྱལ།།ཨེ་ཝཾ་ངེས་དོན་རྒྱལ་པོ་རྒྱལ་གྱུར་ཅིག།ཅེས་བསྟོད་ཕྱག་གིས་སྔོན་བསུས་ཏེ་༧སྐྱབས་རྗེ་དམ་པ་སྒོ་ཆེན་སྤྲུལ་སྐུ་གསང་སྔགས་བསྟན་འཛིན་རིན་པོ་ཆེ་ནི་རབ་བྱུང་བཅུ་དྲུག་པའི་སྐབས་སུ་བོད་མིའུ་གདོང་དྲུག་ལས་སེ་ཁྱུང་དབྲ་རིགས་སུ་གཏོགས་པའི་ཁྱུང་པོ་གནམ་ལྕགས་བླ་བྲང་དུ་ཡབ་བཀྲ་ཤིས་དོན་གྲུབ་དང་མ་པད་ཡག་གཉིས་ལ་སྤྱི་ལོ་༡༩༥༣ ལོར་སྐུ་འཁྲུངས། རྗེ་འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ནས་སྒོ་ཆེན་སྤྲུལ་སྐུའི་ཡང་སྲིད་དུ་ངོས་འཛིན་མཛད་དང་གྭ་གྲྭ་བླ་མ་ཉི་མ་འོད་ཟེར་གྱིས་ཁྲི་གསོལ་དང་གནམ་ལྕགས་ཟབ་ཆོས་མཐའ་དག་གི་དབང་ལུང་ཁྲིད་གསུམ་རྣམས་བུམ་པ་གང་བྱོས་ཚུལ་དུ་གནང་། སྤྱི་ལོ་༡༩༥༩་ལོར་གྭ་གྲྭ་བླ་བྲང་དང་ལྷན་དུ་རྒྱ་གར་དང་པདྨ་བཀོད་ཀྱི་ཕྱོགས་སུ་ཡུལ་གྱར་དུ་ཕྱིན་ཀྱང་འཕགས་ཡུལ་དུ་མ་ཐར་བས་སླར་ཡང་རང་ཡུལ་འབྱོར། དེས་སྐབས་སུ་ཡབ་ཀྱི་དྲུང་ནས་ཆོས་སྤྱོད་སྒྲུབ་པ་ཉམས་ལེན་སྐོར་སོགས་བསླབས་སྦྱངས་དང་། གཞན་དག་སློབ་འབངས་ལ་ཡང་དབང་ཆོས་སོགས་སྤེལ་བ་དང་། དེར་གློ་བུར་སྐབས་སུ་རིག་གནས་གསར་བརྗེའི་ཚེས་ཏེ་རྒྱ་གཞུང་ནས་ལོ་དགུའི་རིང་བཙོན་དུ་བཅུགས། རྟེན་འབྲེལ་བཟང་བས་ཉིད་ཀྱི་རྩ་བའི་བླ་མ་ཨོ་རྒྱན་ཆེ་མཆོག་དང་དམ་པའི་སྐྱེས་ཆེན་མང་པོ་མཇལ་ནས་དམ་པའི་ཆོས་ཀྱི་བློ་སྦྱོང་ཟབ་མོ་དང་། ཁྱད་པར་འོད་གསལ་རྫོགས་པ་ཆེན་པོ་ངག་ཆུང་སྙན་བརྒྱུད་སོགས་མན་ངག་ཐོབ་པའི་བཀའ་དྲིན་ལས་རྐྱེན་ངན་གྲོགས་སུ་ཤར་ནས་སྡུག་བསྔལ་བདེ་བར་གྱུར། ཞར་ལ་རྩིས་དཀར་ནང་དང་སྨན་། བྲིས་དང་སྙན་ངག་སོགས་རིང་པའི་གནས་ཀུན་ལ་སྦྱངས་བར་མཛད། སྤྱི་ལོ ༡༩༧༩ ལོར་བཙོན་ཁང་ནས་གློད་གྲོལ་བྱུང་མ་ཐག་ཏུ་ཕ་ཡུལ་དང་རང་དགོན་ཕ་མ་སོགས་ལ་མཇལ་ཙམ་ཡང་མ་མཛད་པར་བྱ་བྲལ་ཀུ་སུ་ལུའི་བརྟུལ་ཞུགས་ཀྱིས་སྒྲུབ་གནས་ངེས་མེད་དུ་བསྐྱོད། སླར་ཡང་བླ་མ་དང་མཇལ་ནས་དབང་ལུང་གདམས་ངག་མང་པོའི་ཞུན་མཐར་བཅད་པ་དང་།བོད་ཡུལ་གྱི་གནས་ཆེན་རྣམས་ལ་མཆོད་མཇལ་དང་མཚམས་སྒྲུབ་བྱས།།བར་སྐབས་སུ་ལྷ་ལྡན་གཙུག་ལག་ཁང་དུ་གུ་རུའི་སྐུ་བརྙན་དང་། ཡང་རྫོང་སྒྲུབ་ཕུག་ཏུ་གུ་རུ་གཙོ་འཁོར་གསུམ། མཚོ་རྒྱལ་བླ་མཚོར་ཡུམ་ཀ་བདེ་ཆེན་རྒྱལ་མོའི་སྐུ་བརྙན་གསར་བཞེངས་དང་དགོན་པ་ཉམས་གསོ་བཅས་སྲི་ཞུ་བླ་ན་མེད་པར་མཛད། དེ་ནས་བླ་མའི་བཀའ་ལུང་ཇི་བཞིན་དུ་རྒྱ་བལ་ཕྱོགས་སུ་ཆས། ཐོག་མར་ ཐོག་མར་༡༩༨༡ ལོར་འབྲུག་ཡུལ་དུ་ཕེབས་ནས་༧སྐྱབས་རྗེ་དིལ་མཁྱེན་རྡོ་རྗེ་འཆང་དང་མཇལ། ལོ་མང་རིང་དབང་ལུང་གདམས་ངག་ཁྲིད་རིམ་མན་ངག་མ་ལུས་པ་ཡོངས་རྫོགས་བུམ་པ་གང་བྱོས་ཚུལ་དུ་བསྩལ་ཅིང་རྒྱལ་བ་ཞེ་ཆེན་དགོན་དུ་རྡོ་རྗེ་སློབ་དཔོན་མཛད། གཞན་ཡང་མཁན་ཚབ་མཛད་པ་སོགས་སྲི་ཞུ་ཡུན་རིང་བསྒྲུབས། རྗེས་སུ་གནམ་ལྕགས་བསྟན་དགོན་སླར་གསོ་དང་། དཔེ་ཆ་བསྡུ་བསྐྲུན་དང་སྒྲུབ་སྡེ་གསར་འཛུགས་སོགས་དགོས་བཀའ་བཞིན་དུ་རིམ་པར་བལ་ཡུལ་ཨེ་ཝཾ་བཙུན་མའི་བཤད་སྒྲུབ་ཀྱི་སྡེ་གཉིས་དང་། དེ་བཞིན་ཨ་རིའི་ཨེ་ཝཾ་སངས་རྒྱས་སྟོང་གི་སྐྱེད་ཚལ། འཕགས་ཡུལ་གནུབས་ཆེན་དགོན་སོགས་རྒྱ་འབྲུག་བོད་དང་ཐེ་ཝན་དང་ཧོང་ཀོང་སོགས་སུ་ཨེ་ཝཾ་གནམ་ལྕགས་ཀྱི་ཆོས་སྡེ་ལ་འཛིན་སྐྱོང་སྤེལ་བའི་ཕྲིན་ལས་མཁའ་ཁྱབ་ཏུ་གདལ་བཞིན་པར་གསང་གསུམ་འཛམ་གླིང་ཁམས་སུ་འཚོ་བཞེས་སུ་བཞུགས་བཞིན་པའོ།། །། ངོ་བོ་ཀ་དག་གདོད་མའི་རྒྱལ་སར་ཕྱིན།།རང་བཞིན་ལྷུན་གྲུབ་དག་པའི་ཞིང་ཀུན་གཟིགས།།ཐུགས་རྗེས་འགྲོ་ཀུན་སྨིན་པའི་སྤྲུལ་པའི་སྐུ།།ཨེ་ཝཾ་ཀུན་ཏུ་བཟང་པོ་ཞབས་བརྟན་ཤོག།ཅེས་པ་རབ་གནས་ས་ཕག་སྣྲོན་ཟླའི་དབང་ཕྱོགས་རྒྱལ་བ་གསུམ་པར་དབྱིན་ཡུལ་ཨེ་ཝཾ་མཁའ་འགྲོ་གླིང་ནས་རྗེ་ཉིད་ཀྱི་རང་རྣམ་གཞིར་བཞགས་ཏེ་ཤྲཱིཿཨེ་མ་ཧོས་བགྱིས་པར་དགེའོ།། །།

  • June 2019

    ༧མཁན་ཆེན་བླ་མ་མཁྱེན་ནོ།།

    ༧མཁན་ཆེན་བླ་མ་མཁྱེན་ནོ།།སངས་རྒྱས་ཀུན་འདུས་ནསཨཱཿཨེ་ཝཾ་མཁན་ཆེན་རོལ་བ་ལས།།སྣང་སྟོང་རྣམ་དག་བླ་མ་ལ།། ཡེ་ཤེས་ལྔ་ལྡན་འོད་ཀློང་ནས།། རྩོལ་མེད་ཐུགས་རྗེའི་བྱིན་གྱིས་རློབས།། ལྟ་བ་རང་གསལ་མཆོད་པ་འབུལ།། སྒོམ་པ་གྲོལ་བདེ་ངང་དུ་བཞེས།། སྤྱོད་པ་སྣ་ཚོགས་བརྡ་སྟོན་བསྟོད།། འབྲས་བུ་ཆོས་ཟད་དབྱིངས་སུ་བཞག། དཔལ་ལྡན་མཁན་ཆེན་སྐུ་ཚེ་བརྟན།།ཡེ་ཤེས་བླ་མ་འགྲོ་བའི་མགོན་དུ་བཞུགས།།གང་བསམ་ཡིད་བཞིན་ནོར་བུ་རིན་པོ་ཆེ།།ནམ་ཡང་འབྲལ་བ་མེད་པར་ཐུགས་རྗེས་ཟུངས།།མཁའ་མཉམ་འགྲོ་ལ་འཇམ་དཔལ་དགྱེས་པས་གཟིགས།། སྡུག་བསྔལ་མིང་མེད་བདེ་སྐྱིད་ནམ་མཁའ་གང་།། ཚོགས་རྫོགས་སྒྲིབ་སྦྱང་འཁོར་བ་དོང་སྤྲུགས་ཤོག། ཀུན་ནས་དད་གུས་གསོལ་བ་འདེབས་པ་དང་།།ཀུན་པས་སྨོན་པ་རྩ་གསུམ་བདེན་པའི་མཐུས།།ཀུན་བསམ་ལྷུན་གྲུབ་ཡིད་བཞིན་ནོར་བུ་ལྟར།།ཀུན་བཟང་སྨོན་ལམ་དཔུང་གྲོགས་མངོན་འགྱུར་ཤོག། ཏདྱ་ཐཿ པཉྩ་ཌི་ཡ་ཨ་ཝ་བོ་དྷ་ན་ཡེ་སྭཱཧཱཿམངྒ་ལཾ།།༼མཆན། འབྲུག་པ་སངས་རྒྱས་ཀུན་འདུས་སམ་ཀུན་པས་གསུངས༽

  • June 2019

    མི་ཡུལ་གྱི་ཐེག་དགུའི་མཁའ་འགྲོ།།

    མི་ཡུལ་གྱི་ཐེག་དགུའི་མཁའ་འགྲོ།།ན་མོ་གུ་རུ་དྷེ་ཝ་ཌཱ་ཀི་ནི་ཡེ།།༼༡༽ཉན་ཐོས་མཁའ་འགྲོ་དགྲ་བཅོམ་ཟག་པ་ཟད།།རང་རྒྱལ་མཁའ་འགྲོ་འགོག་པར་མཉམ་པར་བཞགས།།བྱང་སེམས་མཁའ་འགྲོ་འགྲོ་དོན་ཁོ་ནར་མཛད།།ཀྲི་ཡའི་མཁའ་འགྲོ་གཙང་སྦྲ་རྣམ་པར་དག།༼༢༽ཨུ་པའི་མཁའ་འགྲོ་ཆོ་ག་ཕྱི་ནང་ལྡན།།ཡོ་གའི་མཁའ་འགྲོ་དམ་ཚིག་རྡོ་རྗེའི་དཔལ།།མ་ཧཱའི་མཁའ་འགྲོ་བསྐྱེད་རིམ་རབ་ཏུ་གསལ།།ཨ་ནུའི་མཁའ་འགྲོ་རྫོགས་རིན་ལས་རུང་རྒྱས།།༼༢༽ཨ་ཏིའི་མཁའ་འགྲོ་རྫོགས་པ་ཆེན་པོར་རྫོགས།།ཐེག་དགུའི་མཁའ་འགྲོའི་ཚོགས་ལ་ཕྱག་འཚལ་ལོ།།ཨེ་ཝཾ་ཡེ་ཤེས་རང་གྲོལ་བདེན་དོན་རྟོགས།།བསྟན་འགྲོའི་དོན་ཆེན་བདེ་མྱུར་ལྷུན་གྲུབ་ཤོག།ཅེས་པ་རབ་གནས་ས་ཕག་སྣྲོན་ཟླའི་མཁའ་འགྲོ་འདུ་བའི་དུས་ཆེན་ལ་རང་སྣང་གང་ཤར་གླུ་རུ་ལེན་པར་མཁས་པའི་ཤྲཱིཿསྨྱོན་ཨེ་མ་ཧོས་ད་བཞུགས་རང་གི་དད་གུས་ཐོབ་པའི་མཁའ་འགྲོ་དག་དྲན་པའི་མོད་ལ་གང་ཤར་དུ་སྦས་གསང་མེད་པར་ཨེ་ཝཾ་མཁའ་འགྲོ་གླིང་ནས་བགྱིས་པར་དགེའོ།། །།

  • June 2019

    ང་ཕུང་གསུམ་དམ་ཆོས་རྒྱལ་པོ་ཡིན། ན་མོ་མ་ཧཱ་གུ་རུ་བུདྡྷ་ཛྙཱ་ན་ཡེ།།

    ང་ཕུང་གསུམ་དམ་ཆོས་རྒྱལ་པོ་ཡིན།ན་མོ་མ་ཧཱ་གུ་རུ་བུདྡྷ་ཛྙཱ་ན་ཡེ།།༼༡༽ཡེ་གྲོལ་གདོད་མའི་མགོན་པོ་ཀུན་ཏུ་བཟང་།།རང་གྲོལ་རྒྱལ་བ་རིགས་ལྔའི་ཁྱབ་བདག་རྗེ།།མྱོང་གྲོལ་བདེ་ཆེན་དཔལ་དགྱེས་རྡོ་རྗེ་འཆང་།།ངའི་ཕུང་པོ་སྐུ་གསུམ་སྐྱབས་མགོན་ཡིན།།༼༢༽མཁྱེན་རབ་དབང་ཕྱུག་འཇམ་དཔལ་གཞོན་ནུའི་ཐུགས།།བརྩེ་ཆེན་བདག་ཉིད་ཕྱག་ན་པད་དཀར་གསུང་།།ནུས་པའི་མཐུ་སྟོབས་ལག་ན་རྡོ་རྗེའི་སྐུ།།ངའི་ཕུང་པོ་རིགས་གསུམ་མགོན་པོ་ཡིན།།༼༣༽ལུས་ཆོས་གོས་རྣམ་གསུམ་སྐུ་ལ་མཛེས།།ངག་སྡེ་སྣོད་ཆོས་སྒྲ་ཕྱོགས་ཀུན་བསྒྲགས།།སེམས་བསླབ་གསུམ་ལྡན་པའི་རིན་པོ་ཆེ།།ང་ཕུང་གསུམ་མཁན་ཆེན་བླ་མ་ཡིན།།༼༤༽སྤྱི་བོར་ཉི་ཁྲི་ཆིག་སྟོང་མཁའ་འགྲོས་རྒྱན།།མགྲིན་པར་བརྒྱད་ཁྲི་བཞི་སྟོང་ཆོས་སྒྲ་སྒྲོག།ཐུགས་ཀར་གྲངས་མེད་སངས་རྒྱས་ཡེ་ཤེས་རྒྱས།།ང་མཆོག་གསུམ་དཔལ་དགྱེས་རྡོ་རྗེ་ཡིན།།༼༥༽བདག་འཛིན་རྩ་བར་བཅད་པའི་ཧེ་རུ་ཀ།ཕན་བདེའི་ལེགས་ཚོགས་བསྐྲུན་པའི་ཨེ་མ་ཧོ།།བསྟན་འགྲོའི་དོན་ཆེན་སྒྲུབ་མཁས་ཤྲཱིཿསྨྱོན་པ།།ང་ཕུང་གསུམ་དགེ་ལེགས་ཡར་འཕེལ་ཡིན།།རུལ་སྤྲུལ་ངོར་ཤྲཱིཿཨེ་མ་ཧོས་ཨེ་ཝཾ་ཀུན་བཟང་དུར་ཁྲོད་ནས་བགྱིས་པར་དགེའོ།།

  • June 2019

    ཨོ་རྒྱན་སྒྲོལ་མའི་ཞལ་གདམས་ཡིད་བཞིན་ནོར་བུའི་གའུ།

    ཨོ་རྒྱན་སྒྲོལ་མའི་ཞལ་གདམས་ཡིད་བཞིན་ནོར་བུའི་གའུ།The Wish-Fulfilling Reliquary Box: Advice from Orgyen Drölma (the Mother of Khenchen Lama Pelgyeypa Dorjé Rinpoché) by Orgyen Drölma (o rgyan sgrol ma) Tibetan title: o rgyan sgrol ma’i zhal gdams yid bzhin nor bu’i ga’u Translated from the Tibetan…