༄༅།།ཐིག་ལེ་འཛིན་མེད་ཆོས་ཀྱི་དབྱིངས་སུ་ཐིམ། ཨེ་མ་ཧོ༔ ༼༡༽ ཀ་དག་དེ་བཞིན་ཉིད་ཀྱི་ཏིང་འཛིན་ལས།། ལྷུན་གྲུབ་ཀུན་སྣང་འོད་ཀྱིས་ཞིང་ཀུན་ཁྱབ།། ཨེ་ཝྃ་ཡེ་ཤེས་རིག་པའི་ཐིག་ལེ་ཉིད།། ཆོས་ཉིད་དབྱིངས་སུ་ཐིམ་པའི་རྟེན་འབྲེལ་ཤར།། ༼༢༽ སྣང་བ་ལྷ་རུ་ལྟ་བའི་བསྐྱེད་རིམ་གསལ།། གྲགས་པ་སྔགས་སུ་རྫོགས་པའི་རིམ་པར་གནས།། དྲན་པ་ཐུགས་རྗེ་རྫོགས་པ་ཆེན་པོའི་ངང་།། ཀུན་བཟང་ཀུན་ཁྱབ་ཐིག་ལེས་ཀློང་དུ་ཨ།། ༼༣༽ མཆོག་གསུམ་རིན་ཆེན་དམ་པའི་བྱིན་རླབས་དང་།། སྐུ་གསུམ་རྒྱལ་བ་རྒྱ་མཚོས་ཐུགས་རྗེ་དང་།། དད་གསུམ་མེ་ཏོག་བཀྲ་བའི་ཐིག་ལེའི་དབུས།། རྩ་གསུམ་ཆོས་སྐྱོང་འཕོ་ཆེན་སྐུ་འགྲུབ་ཤོག།། ཅེས་པ་འདི་ཡང་རབ་གནས་ཟིལ་གནོན་ཞེས་པ་མེ་རྟ་ལོའི་ས་ག་ཟླ་བའི་ཡར་ངོའི་རྒྱལ་བ་གསུམ་པར་རིག་འཛིན་ཐིག་ལེ་འཛིན་མེད་དགོངས་པ་ཆོས་དབྱིངས་སུ་བསྡུས་པའི་ཚེ་གང་ཤར་དུ་དེ་ཉིད་ཐོལ་སྨོན་དུ་རྨི་ལམ་དབང་ཕྱུག་གམ་ཤྲཱིཿ གླིང་པས་སོ།། 28/5/26.9.21PM