• March 2024

    སྔགས་འཆང་འོད་ཟེར་གྲགས་པའི་ཞབས་བརྟན།

    སྔགས་འཆང་འོད་ཟེར་གྲགས་པའི་ཞབས་བརྟན། ཨོྃ་སྭ་སྟི།། རྩ་བརྒྱུད་བླ་མ་དད་གུས་ངེས་ཤེས་འཁྲུངས།། ཡི་དམ་ལྷ་ཚོགས་དགྱེས་པའི་ཐུགས་དམ་འཕེལ།། མཁའ་འགྲོ་དམ་ཅན་སྲུང་མའི་འཁོར་ལ་དབང་།། འོད་གྲགས་སྤྲུལ་སྐུའི་བཞེད་དོན་ལྷུན་གྲུབ་ཤོག། ཅེས་པ་འདི་ཡང་རབ་གནས་ཆུ་ཡོས་རྒྱལ་ཟླ་བའི་ཡར་ངོའི་དགའ་བ་དང་པོ་སྟེ་ རྣལ་འབྱོར་སྔགས་པའི་ལོ་གསར་གྱི་ཉི་མ་དང་པོ་ལ་རྟེན་འབྲེལ་ལེགས་འགྲིགས་བྱུང་བས་བདེན་རྟགས་སུ་ཕུལ། དེ་ཡང་འདིར་གཏེར་ཆེན་རིག་འཛིན་པདྨ་དྲག་སྔགས་གླིང་པའི་བྱིན་རླབས་ལས་བདེན་དོན་ཚད་མེད་པ་ལ་རང་དབང་གྱུར་བ་སོགས་བྱུང་།། རྒྱས་པ་ཞོར་ལས་མཁྱེན་པར་མཛོད་ཅིག་་་་་་་་་ ཨེ་མ་ཧོ༔ པདྨའི་རྒྱལ་ཚབ་པདྨ་དྲག་གླིང་གི།། པདྨའི་རྒྱུད་འཛིན་པདྨ་དགྱེས་པའི་གར།། པདྨའི་བསྟན་པ་པདྨ་ཚལ་བཞིན་རྒྱས།། པདྨའི་ལྷ་འབངས་འགྲོ་དོན་མཐར་ཕྱིན་ཤོག། རིག་འཛིན་ཨེ་མ་ཧོས་སེངྒྷ་གླིང་ཨེ་ཝྃ་ཌཱཀྐི་གླིང་ནས་གུས་པས་ཕུལ་བར་དགེའོ།། །། 12/1/2024

  • March 2024

    ཉིན་ཉེར་ལྔའི་རིང་དུ་རྩ་བའི་བླ་མ་མཆོག་གིས་མཛད་རིམ་ཟིན་ཐོ།

    མཁན་ཆེན་བླ་མ་ཨེ་མ་ཧོ།། ན་མོ་མ་ཧཱ་གུ་རུ་ཨེ་མ་ཧོ་ཡེ།། བླ་མ་དམ་པའི་འགྲོ་དོན་སྲིད་ན་མཚར།། བུ་སློབ་བཟང་པའི་དམ་བཅའ་ཚིག་མདུན་ན་གཙང་།། དམ་ཚིག་གཅིག་ལ་སྒྲིལ་བའི་བསོད་ནམས་མཐུས།། ཤར་ཕྱོགས་ཐེ་གོ་རྒྱལ་ཁམས་བདེ་ལ་བཀོད།། ནུབ་ཕྱོགས་ནས་མགོན་པོ་སྐྱབས་ནས https://mp.weixin.qq.com/s/duyy5idgSa5UiME0w_oR0A?fbclid=IwAR1jd_bdCe0F4P4JRC7Qh0RiHIyzgTGsa_Hyt6leCy_Q8EdDKWNA9tmFMeo

  • february 2024

    འཕགས་མ་དོན་ཀུན་གྲུབ་པའི་ནང་བསྒྲུབ་ཡིད་བཞིན་ནོར་བུ་

    འཕགས་མ་དོན་ཀུན་གྲུབ་པའི་ནང་བསྒྲུབ་ཡིད་བཞིན་ནོར་བུ་ སྙིང་གི་ཏི་ལ་ཀཿབཞུགས་སོ༔ ན་མོ་གུ་རུ་ཨཱཪྻ་ཏཱ་ཪེ་ཡ༔ སྔོན་ཚེ་ཨོ་རྒྱན་གུ་རུ་པདྨ་འབྱུང༔ ཏི་སྒྲོའི་བྲག་དཀར་མཁའ་འགྲོའི་གསང་ཕུག་ཏུ༔ ཡབ་ཡུམ་གཉིས་མེད་བསྒྲུབས་པ་ཞག་བདུན་མཛད༔ དེ་ནས་རྗེ་འབངས་རྣམས་ལ་སྙན་བརྒྱུད་ཀྱི༔ དབང་ལུང་རྒྱུད་དང་མན་ངག་གནང་ནས་སུ༔ ཨོ་རྒྱན་ཆེན་པོའི་ཞལ་ནས་འདི་སྐད་གསུངས༔ ཀྱེ་ཧོ་སྙོན་དང་རྗེ་འབངས་གྲུབ་ཆེན་རྣམས༔ མ་འོངས་སྙིགས་མ་ལྔ་བདོའི་དུས་སྐབས་ནདོན་ཟབ་གཏེར་འདོན་པའི་ཚེ༔ ད་ལྟའི་བདུད་སློན་སྨོན་ལོག་འཕྲལ་རྐྱེན་དང༔ སེམས་ཅན་ལས་ངན་སྤྱོད་པའི་འབྲས་བུ་ཡིས༔ ཟབ་གཏེར་འདོན་ཚེ་བར་ཆད་མང་པ་དང༔ འགྲོ་དོན་སྤྱོད་ལ་བཀྲ་མི་ཤིས་པ་དང༔ དོན་ཀུན་ཉམས་ཤིང་མི་འདོད་སྣ་ཚོགས་འབྱུང༔ དེ་སླད་བར་ཆད་ཞི་ཞིང་བཀྲ་ཤིས་ཕྱིར༔ འཕགས་མ་དོན་ཀུན་འགྲུབ་པའི་སྙིང་པྠཱ་བཅུད༔ ཉམས་སུ་ལོངས་དང་ཕྱི་རབས་སྐལ་ལྡན་རྣམས༔ བཀྲ་ཤིས་དོན་ཀུན་གྲུབ་པའི་ནོར་བུ་མཚུངས༔ སྔོན་ཚེ་གནས་མཆོག་རི་བོ་ཏཱ་ལ་ནས༔ འཕགས་མ་ལྷ་མོའི་ང་ལ་དངོས་སུ་སྩལ༔ ངས་ནི་གཞན་ལ་སྦས་ཏེ་སྙིང་དུ་བཅིང༔ ད་ལྟ་ཁྱེད་རྣམས་འགྲོདོན་མཐའ་རྒྱས་ཕྱིར༔ ཆུ་ལས་སྐྱེས་བཞིན་ཉམས་བཞེས་མཛོད་ཅིག་རྗེས་འཇུག་རྣམས༔ ས་མ་ཡཱ༔ དེ་ལ་དང་པོ་བསྒྲུབ་པའི་དུས༔ སྤྲོས་བཅས་སྤྲོས་མེད་རྣམ་པ་གཉིས༔ དང་པོ་སྤྲོས་བཅས་རིམ་པ་ནི༔ དཀྱིལ་འཁོར་མདའ་གང་གྲུ་བཞིའི་དབུས༔ ལྟེ་བར་ཆོས་འབྱུང་བསྣོལ་མ་དང༔ དེ་དབུས་ཟླ་དཀྱིལ་ཏཱཾ་གྱིས་མཚན༔ ཕྱི་རོལ་རྡོ་ར་མེ་རི་དང༔ དེའི་ཕྱིར་དཔལ་བེའུ་བསྐོར་བ་ལ༔ རྟེན་འབྲེལ་སྙིང་པོའི་གཟུགས་སྔགས་བཀོད༔ དེ་དབུས་རིན་ཆེན་མཉྫིའི་ཁར༔ བུམ་པ་ཆོས་སྨན་བཅུད་ཀྱི་དགང༔ ཁ་རྒྱན་ལྷ་ཤིང་མ་ཉམས་པ༔ དེ་ལ་ལྷ་ཡི་སྐུ་གཟུག་སློང་སྒྲོན༔ གཡས་སུ་མཁའ་འགྲོའི་གཏོར་མ་ནི༔…

  • february 2024

    ༄༅།།རིག་འཛིན་ཕྲིན་ལས་རྡོ་རྗེའི་ཞབས་བརྟན་ཀུན་བཟང་མེ་ཏོག

    ༄༅།།རིག་འཛིན་ཕྲིན་ལས་རྡོ་རྗེའི་ཞབས་བརྟན་ཀུན་བཟང་མེ་ཏོག ཅེས་བྱ་བ་བཞུགས་སོ།། ཨེ་མ་ཧོ༔ ཕན་ནོ་ཕན་ནོ་སྭཱ་ཧཱ།། རིག༵་འཛིན༵་བརྒྱུད་གསུམ་བླ་མའི་བྱིན་རླབས་དང་།། ཕྲིན༵་ལས༵་རྩ་གསུམ་རྒྱལ་བའི་ཡེ་ཤེས་མཐུས།། ཟབ་གསང་སྐུ་གསུམ་ཡིད་བཞིན་ནོར་བུའི་དཔལ།། ཁམས་གསུམ་འགྲོ་བའི་དོན་ཀུན་ལྷུན་གྲུབ་ཤོག། ཅེས་པ་འདི་ཡང་རབ་བྱུང་བཅུ་བདུན་པའི་ཤིང་ཕོ་འབྲུག་གི་གནམ་ལོ་ཆོ་འཕྲུལ་ཟླ་བའི་ཡར་ངོའི་སངས་རྒྱས་སྨན་བླའི་དུས་ཆེན་ལ་ལས་གྲོགས་ཧཱུྃ་གིས་གསུང་སྒྱུར་ལས་གང་ཤར་ཐོལ་སྨོན་དུ་རིག་འཛིན་དཔལ་དགྱེས་པ་རྡོ་རྗེ་རུ་འབོད་པས་སྙིང་ནས་ཨེ་ཝྃ་པདྨ་གླིང་ནས་སྨོན་པ་དེ་དེ་བཞིན་འགྲུབ་པར་གྱུར་ཅིག་གུ། །། ཤྲཱིཿ ས་མ་ཡ་བི་ཛ་ཡན་ཏུ།།

  • february 2024

    ཨ་མའི་འདས་མཆོད་ཀྱི་སྐོརདྲན་པའི་མེ་ལོང་རབ་གསལ།

    ཨ་མའི་འདས་མཆོད་ཀྱི་སྐོརདྲན་པའི་མེ་ལོང་རབ་གསལ། ཡེ་གཞི་ཀ་དག་ཁྲེགས་ཆོད་རྫོགས་པ་ཆེན་པོའི་དགོངས་པ་མངོན་དུ་གྱུར་ནས་རང་བྱུང་ལྷུན་གྲུབ་ཐོད་རྒལ་གྱི་སྣང་བཞི་མཐའ་རུ་ཕྱིན་པའི་གནས་ལུགས་རྫོགས་པ་ཆེན་པོའི་རྣལ་འབྱོར་མ་ཨ་མ་ཨོ་རྒྱན་སྒྲོལ་མ་ཉིད་རབ་གནས་ས་ཁྱི་འབྱུང་བ་བཞི་ལྡན་རྒྱལ་ཟླ་བའི་དབང་ཕྱོགས་མཁའ་འགྲོ་འདུ་བའི་དུས་བཟང་གི་སྔ་གྲོ་ཆུ་ཚོད་གསུམ་དང་སྐར་མ་སུམ་བཅུ་སོ་གསུམ་ལ་མཉམ་བཞག་དང་བཅས་དགོངས་པ་ཟབ་མོ་ཟག་མེད་གདོད་མའི་མགོན་པོ་ཡེ་ཤེས་ཆོས་སྐུའི་དབྱིངས་སུ་རྒྱལ་བ་ཀུན་ཏུ་བཟང་མོའི་ངོ་བོར་སངས་རྒྱས་སུ་ཟིན། རང་བཞིན་འགགས་མེད་ཀྱི་སྣང་ཆ་ཟངས་མདོག་དཔལ་རི་དང་རིགས་ལྔའི་ཞིང་དང་ས་སྤྱོད་སོགས་གནས་གསུམ་མཁའ་འགྲོ་རྒྱ་མཚོའི་ཞིང་དང་འགྲོ་ཁམས་ལ་ཕན་བདེ་སྒྲུབ་པའི་ཕྲིན་ལས་མཛད་པར་སྨོས་ཅི་འཚལ། མ་ལུས་འགྲོ་ལ་ཕན་བདེའི་ཕྱིར་དང་ཚོགས་གཉིས་རྒྱ་མཚོས་འཐེབ་རྩ་རུ་དཔལ་ཡ་ཆེན་འདས་ལོག་མཁའ་འགྲོ་ཡིད་བཞིན་ནོར་བུ་ཚུལ་ཁྲིམས་དབང་མོས་དངོས་སུ་མར་མེ་ཁྲི་མཆོད་གཅིག་ཨ་མ་རིན་པོ་ཆེའི་ཆེད་དུ་མཆོད་འབུལ་ཆོས་སྦྱིན་གནང་བ་ལ་སྙིང་ནས་བཀའ་དྲིན་ཆེ་ཞུ་དང་། མཁའ་འགྲོ་མ་རྣམས་བསྟན་འགྲོའི་དཔལ་མགོན་དུ་ནམ་མཁའ་མ་ཞིག འཁོར་བ་མ་སྟོང་བར་དུ་གསང་གསུམ་བརྟན་པའི་སྨོན་ལམ་དང་བཞེད་དོན་ཀུན་ལྷུན་གྲུབ་ཏུ་སྨོན་ནོ།། ——-ཨེ་མ་ཧོས

  • february 2024

    ༆ རི་དྭགས་ཆོས་འཁོར།

    ༆ རི་དྭགས་ཆོས་འཁོར། རང་རའི་དགོན་སྡེ་ཁག་གི་ཡང་རྩེར་རིག་རྒྱུ་མང་བའི་འཁོར་ལོ་དང་རི་དྭགས་ཀྱི་གཟུགས་ལས་གྲུབ་པའི་བཀོད་པ་ཡ་མཚན་ཅན། རི་དྭགས་ཆོས་འཁོར་ཞེས་པ་དེ་ནི། གདུལ་བྱའི་སེམས་ཅན་ཐམས་ཅད་དམ་པའི་ཆོས་ལ་ཁུག་པའི་དོན་ཡིན་རུང་། ཞིབ་པར་ཞུ་ན། འཁོར་ལོའི་གྲུབ་ཆ་གཙོ་བོ་གསུམ་སྟེ། འཛིན་བྱེད་ཀྱི་ལྟེ་བ་དང་། གཅོད་བྱེད་ཀྱི་རྩིབས། སྡུད་བྱེད་ཀྱི་མུ་ཁྱུད་གསུམ་ལས། ཚུལ་ཁྲིམས། ཏིང་འཛིན།ཤེས་བར་བསླབ་པ་གསུམ་མམ་ཡང་ན་འདུལ་བ། མདོ་སྡེ། མངོན་པ་བཅས་ཆོས་སྡེ་སྣོད་གསུམ་མཚོན་ལ། རི་དྭགས་ཕོ་མོ་གཉིས་པོས་ཆོས་འཁོར་གྱི་རྩེ་མོར་བློ་རྩེ་གཅིག་ཏུ་ལྟ་བ་ནི། ཕྱི་ནང་གི་གྲུབ་མཐའ་འཛིན་མཁན་གང་ཟག་སུ་འདྲ་ཞིག་ཡིན་ཡང། མཐར་ཐུག་འབྲས་བུ་སྐུ་གསུམ་ལ་དམིགས་ཤིང་། བགྲོད་པའི་ལམ་ནི་སངས་རྒྱས་ཀྱིས་བསྟན་པའི་ལམ་མཆོག་ཏུ་གྱུར་པ་བསླབ་པ་གསུམ་ལས་གཞན་གང་ཡང་མེད་པ་རབ་ཏུ་མཚོན་བྱེད་ཅིག་ཡིན། དེ་ཡང་དོན་དམ་དུ་འཁོར་ལོ་རྩིབས་བརྒྱད་ལས། འཕགས་ལམ་ཡན་ལག་བརྒྱད་དང་བཅས་པའི་སངས་རྒྱས་ཀྱི་བཀའ་ཡོད་དོ་ཅོག་དང་། རི་དྭགས་ཕོ་མོ་གཉིས་ལས། ཐབས་དང་ཤེས་རབ་གཉིས་མཚོན་གྱི་ཡོད་པས། དོན་ལ་སངས་རྒྱས་ཀྱི་གོ་འཕང་ཐོབ་དགོས་ན། ངེས་པར་དུ་ཐབས་དང་ཤེས་རབ་གཉིས་ཟུང་འབྲེལ་བྱ་དགོས་པའི་ནང་པ་སངས་རྒྱས་པའི་རིང་ལུགས་གཏིང་ཟབ་ཞིག་མཚོན་གྱི་ཡོད།