࿑ རིགས་ཀྱི་ཁྱབ་བདག་དཔལ་ལྡན་བླ་མ་དམ་པ་མཆོག་སྤྲུལ་༸་གསང་སྔགས་བསྟན་འཛིན་མཆོག་གི་
࿑ རིགས་ཀྱི་ཁྱབ་བདག་དཔལ་ལྡན་བླ་མ་དམ་པ་མཆོག་སྤྲུལ་༸་གསང་སྔགས་བསྟན་འཛིན་མཆོག་གི་ རྣམ་པར་ཐར་པ་མདོར་བསྡུས་སུ་ཚིགས་བཅད་ཀྱི་ལམ་ནས་བཀོད་པ་ བྱིན་རླབས་སྒོ་བརྒྱ་འབྱེད་པའི་ལྡེའུ་མིག་ཅེས་བྱ་བ་བཞུགས་སོ། ། ན་མོ་གུ་ར་ཝེ། གྲངས་མེད་བསྐལ་བའི་ཡར་མཐའ་ཞིག་ནས་ལུས་སྲོག་གཟན་དུ་བོར་བ་དང་། ། བརྩེ་ཆེན་སྙིང་རྗེས་འགྲོ་བ་སྐྱོབ་པའི་ཐུགས་བསྐྱེད་ཉམས་པ་མེད་པའི་མཐུས། ། བདེན་བཞི་ཆོས་ཀྱི་གསང་ལམ་དེད་ནས་ཞི་བར་གཟིམས་པའི་སྟོན་པ་མཆོག ། ཡང་གཅིག་དྲན་པའི་གདུང་དབྱངས་སྙན་མོ་ཚིག་གི་སྟར་ལ་བརྒྱུས་འདི་གསོན། ། ལྷོ་ནུབ་འོ་མའི་རྒྱ་མཚོའི་ཀློང་གི་མདངས་ལྡན་པདྨའི་གེ་སར་དབུས། ། ངོ་མཚར་འབུམ་གྱི་དགེ་མཚན་དང་བཅས་སྤྲུལ་བའི་ཟློས་གར་ཉེར་བསྒྱུར་བ། ། བོད་ཡུལ་མུན་གླིང་ཐབས་ཀྱིས་འདུལ་ལ་རྒྱལ་བ་ལས་ལྷག་བཀའ་དྲིན་ཅན། ། སངས་རྒྱས་གཉིས་པ་པདྨ་ཀཱ་རའི་ཞབས་སེན་སྐྲ་ཡི་རྩེ་རུ་བཀོད། ། རྨད་བྱུང་ཐུགས་བསྐྱེད་འོ་མཚོ་སྐྱོམ་པའི་ཆོས་བཟང་ལྷ་ཡི་མདུན་ས་ནས། ། ཚར་དུ་དངར་བའི་སྐྱེས་རབས་ཕྲེང་བ་ཉི་ཟླའི་འོད་ྣསྣང་འཛུམ་པ་ལས། ། ཆོས་སྲིད་དབུ་འཕང་དགུང་ལ་མཉམ་པའི་གངས་ཅན་ཁ་བའི་རི་སུལ་དུ། ། ཐུགས་ཀྱི་བཀའ་བབས་ནམ་མཁའི་སྙིང་པོའི་ངོ་མཚར་སྒྱུ་འཕྲུལ་གར་དུ་རྩེན། ། གདོད་ནས་འཕོ་མེད་འཇའ་ལུས་རྡོ་རྗེའི་སྐུ། ། རྣམ་པ་འགྲོ་བའི་དོན་དུ་བཞེངས་མཛད་པའི། ། རིགས་ཀྱི་ཁྱབ་བདག་དཔལ་ལྡན་བླ་མ་ཡི། ། བྱིན་རླབས་ཉི་མ་སྙིང་ལ་འཆར་བར་ཤོག ། འདི་ན་རྟོག་བཟོས་སྒྱུ་འཕྲུལ་མ་ཡིན་པར། ། གཟུར་གནས་བློ་ཡིས་ཇི་ལྟར་དཔོག་པ་བཞིན། ། དམ་པའི་མཛད་རྣམ་ཟུར་ཙམ་སྨྲ་ལགས་ན། ། དབྱངས་ཅན་མགྲིན་པའི་ཀློང་ན་བཞུགས་ཤིག་ཀྱེ། ། པདྨ་དངོས་སྣང་རྡོ་གྲུབ་ཀུན་བཟང་དང་། ། ཌཀྐིའི་གཙོ་མོ་དབུས་གཟའ་མཁའ་འགྲོ་སོགས། ། ཚད་མའི་སྐྱེས་ཆེན་དུ་མས་ཡང་དང་ཡང་། ། འཁྲུལ་མེད་ལུང་བསྟན་འོད་ཐིག་ཁྱེད་ལ་ཕོག ། དེའི་ཕྱིར་སྙིགས་དུས་འགྲོ་བ་སྐྱོབས་སླད་དུ། ། མདོ་ཁམས་ཉག་ཡུལ་འཛིན་མའི་ལྟེ་བ་རུ། ། གང་སྐུ་པད་དཀར་འདབ་མ་བཞད་དང་ལྷན། ། ཡུལ་ཁམས་དགེ་བའི་རྟེན་འབྲེལ་མ་ལུས་འགྲིགས། ། རིགས་བཟང་ཡུམ་གྱི་མངལ་ལས་བཙས་མ་ཐག ། ཁང་ཁྱིམ་ཀུན་ལ་འོད་ཀྱིས་ཁྱབ་པ་སོགས། ། ཐུན་མིན་རྟགས་མཚན་བསམ་ལས་འདས་པ་ཡིས། ། དད་ཅན་འབངས་མིའི་བློ་ཁ་དགེ་ལ་བཀོད། ། དེ་ནས་དབུས་འགྱུར་ལྷ་ཡི་ཞིང་ས་དང་། ། གོང་མའི་གདན་ས་མཁར་ཆུ་ལ་སོགས་པ། ། ཞབས་ཀྱིས་ཉུལ་ཚེ་ཐུན་མིན་དད་གུས་བཅས། ། སྔོན་གནས་རྗེས་སུ་དྲན་པའི་མཛད་པ་རྨད། ། ཁྱད་པར་གྲུབ་པའི་ས་མཐོར་གཤེགས་པ་ཡི། ། གསང་སྔགས་ཆོས་འཕེལ་གང་དེའི་མདུན་དྲུང་ནས། ། སྐུ་སྐྱེས་གོང་མའི་སྒྲུབ་རྟེན་སྣ་ཚོགས་པ། ། སུས་ཀྱང་མ་བསླབ་ངོས་འཛིན་གསར་བོར་མཛད། ། དེ་ནས་བླ་མ་གསང་སྔགས་ཆོས་འཕེལ་མཆོག ། ཐུགས་ཚོར་ཆེན་པོས་ཡང་ཡང་གཤུམ་མཛད་དེ། ། ནམ་སྙིང་སྤྲུལ་སྐུ་ཡིན་ཞེས་དབུགས་དབྱུང་དང་། ། གསང་སྔགས་བསྟན་འཛིན་ཞེས་པའི་མཚན་ཡང་གསོལ།…
ཤཱཀྱ་ཐུབ་པས་བོད་ཡུལ་གྱི་བླ་སྤྲུལ་དག་ལ་ཇི་སྐད་དུ།
ཤཱཀྱ་ཐུབ་པས་བོད་ཡུལ་གྱི་བླ་སྤྲུལ་དག་ལ་ཇི་སྐད་དུ། རྩོམ་པ་པོ། སྒེའུ་ཁུང་། 1 ངས་གསར་གཏོད་བྱས་པའི་ཆོས་ལུགས་འདིས་མིའི་ནང་སེམས་ཀྱི་དགྲ་བོ་སྟེ། འདོད་ཆགས། ཞེ་སྡང་། གཏི་མུག་བཅས་ལ་འཐབ་པར་བྱེད་མོད། བོད་ཡུལ་གྱི་ངའི་རྗེས་སུ་འཇུག་པར་རློམ་པའི་མཁན་པོ་དང་སྤྲུལ་སྐུ་དག་གིས་ནི། འདོད་ཆགས་ཀྱི་དབང་གིས་ཆུང་མ་བླངས། ཞེ་སྡང་གི་དབང་གིས་གྱོད་ངར་བྱེད། གཏི་མུག་གི་དབང་གིས་ཆོས་ལ་སློབ་སྦྱོང་མི་བྱེད། ཁྱེད་ཚོ་ནི་ངའི་རྗེས་འཇུག་མ་ཡིན། 2 ང་ནི་སངས་རྒྱས་ནས་རིང་བོར་མ་ལོན་པའི་དུས་དེ་ན། རྒྱལ་པོ་གཟུགས་ཅན་སྙིང་པོ་འཁོར་དང་བཅས་པས་བཀུར་སྟི་བསམ་གྱིས་མི་ཁྱབ་པ་བྱས་ནས་ཤིང་རྟའི་རིགས་སྣ་ཚོགས་བཤམས་ཏེ་ནང་དུ་བཞུགས་པར་གསོལ་བ་བཏབ་མོད། ང་རྐང་ཐང་དུ་མ་གྷ་དྷ་རུ་སོང་བ་ཡིན། ངའི་རྗེས་འཇུག་ཏུ་རློམ་པའི་བོད་ཡུལ་གྱི་བླ་ཆེན་དག་ནི་དམངས་སྒོར་ཁྲི་མང་པོ་ཅན་གྱི་རླངས་འཁོར་གྱི་ནང་དུ་འགྱིང་འདུག་པས། ཁྱོད་ཚོ་ནི་ངའི་རྗེས་འཇུག་མ་ཡིན། 3 ང་སངས་རྒྱས་ནས་ཕྱིར་སེར་སྐྱའི་གྲོང་དུ་ལོག་དུས་ཡབ་རྒྱལ་པོ་ཟས་གཙང་དང་ཡུམ་སྐྱེ་དགུའི་བདག་མོ་སོགས་ཀྱིས་ཟས་སྣ་སྟོང་ཕྲག་མང་པོས་སྣེ་ལེན་བྱས་ཀྱང་། ངས་བསོད་སྙོམས་ཀྱི་ཟས་ཙམ་མ་གཏོགས་མ་བཞེས། བོད་ཡུལ་གྱི་ངའི་རྗེས་འཇུག་ཏུ་རློམ་པ་དག་གིས་ཤ་ཚོན་པོ་དང་ཟས་མངར་མོ་ཡོད་ཚད་ལ་རོལ་འདུག་པས། ཁྱོད་ཚོ་ནི་ངའི་རྗེས་འཇུག་མ་ཡིན། 4 ངས་ཟབ་མོ་ཆོས་ཀྱི་གནས་ལུགས་རྣམས་དགེ་སློང་དག་ལ་ནགས་ཀྱི་ཁྲོད་དུ་གསུངས་པ་ཡིན་མོད། བོད་ཡུལ་གྱི་ངའི་རྗེས་འཇུག་ཏུ་རློམ་པ་རྣམས་ནི་རྒྱལ་པོའི་ཕོ་བྲང་ལས་བརྗིད་པའི་འདུ་ཁང་གི་ནང་དུ་ངའོ་དང་བཅས་ཏེ་ཞུགས་པས། ཁྱོད་ཚོ་ནི་ངའི་རྗེས་འཇུག་མ་ཡིན། 5 ང་ལ་ཡབ་རྒྱལ་པོ་ཟས་གཙང་གིས་གསེར་དངུལ་གྱིས་བསྐྲུན་པའི་ཕོ་བྲང་དུ་བཞུགས་པར་གསོལ་བ་བཏབ་མོད་ངས་དང་ལེན་མ་བྱས། ངའི་རྗེས་འཇུག་ཏུ་ཁས་འཆེ་བའི་བྱང་ཕྱོགས་ཁ་བ་ཅན་གྱི་དགེ་སློང་དག་ནི་གསེར་ཁྲི་མཐོན་པོ་དང་ཁང་བཟང་བརྗིད་པོ་ཡི་ནང་དུ་བག་ཕེབས་ནས་ཞུགས་ཡོད་པས། ཁྱོད་ཚོ་ནི་ངའི་རྗེས་འཇུག་མ་ཡིན། 6 ངས་ནི་རྒྱལ་སྲིད་མཆིལ་མའི་ཐལ་བ་བཞིན་དུ་དོར། གཉེན་དང་ཉེ་བའི་འཆིང་ཐག་བཅད་ནས་སེམས་ཅན་ཐམས་ཅད་འཁོར་བ་ལས་སྒྲོལ་བའི་ཕྱིར་དུ་གཅིག་པུར་དབེན་པའི་ནགས་ཁྲོད་དུ་གཤེགས་ནས་ཆོས་ཉིད་ཞི་བའི་བདེན་པ་མངོན་དུ་བརྙེས། ངའི་རྗེས་འཇུག་ཏུ་རློམ་པའི་བོད་ཀྱི་བླ་ཆེན་ངུར་སྨྲིག་གི་བླ་གོས་ཅན་དག་གིས་ནི། རང་གི་ཁྱིམ་ཚང་གི་ཕྱིར་དུ་རྒྱུ་དང་འབྱོར་བ་སྒྲུབ། གཉེན་དང་ཉེ་བ་ཡི་ཕྱོགས་བཟུང་ནས་གྱོད་དང་ཁ་མཆུ་བསླངས་པས། ཁྱོད་ཚོ་ནི་ངའི་རྗེས་འཇུག་མ་ཡིན། 7 ངའི་དགེ་སློང་གི་ནང་དུ་རྫུ་འཕྲུལ་དང་མངོན་ཤེས་ལ་མངའ་བརྙེས་པའི་ཤཱ་རིའི་བུ་དང་མོའུ་འགལ་གྱི་བུ་སོགས་ཡོད་ཅིང་། སྐྱེ་བོ་རྣམས་ཆོས་ཟབ་མོའི་གནས་ལུགས་ཉམས་སུ་མི་ལེན་པར་མཐུ་དང་རྫུ་འཕྲུལ་ཙམ་གྱིས་ཡིད་བསླུ་བར་དགོངས་ནས་ཁོང་ཅག་ཞི་དུལ་གྱི་སྤྱོད་པ་འབའ་ཞིག་ལ་གནས་པར་གྱུར་མོད། ངའི་རྗེས་སུ་འཇུག་ཏུ་རློམ་པའི་བོད་ཡུལ་གྱི་བླ་ཆེན་དུ་སྐད་པ་དག་གིས་ནི་གདུལ་བྱ་རྣམས་ལ་མི་ཆོས་བླ་མའི་རྫུན་གང་འདོད་དུ་བཤད་པས། ཁྱོད་ཚོ་ནི་ངའི་རྗེས་འཇུག་མ་ཡིན། 8 ངའི་དགེ་སློང་དག་གི་ནང་དུ་རིན་པོ་ཆེར་རེག་པ་དང་ཕྱི་དྲོའི་ཁ་ཟས་ལ་བག་མེད་དུ་ལོངས་སྤྱོད་མཁན་གཅིག་ཀྱང་མེད་མོད། བོད་ཡུལ་གྱི་བླ་མ་དང་སྤྲུལ་སྐུ་ཕལ་མོ་ཆེས་དུས་ངེས་མེད་དུ་བཟའ་བཏུང་ལ་རོལ་བ་དང་། རིན་པོ་ཆེའི་རིགས་ཏེ། གསེར་གྱི་ཁྲི་རྩོད་པ་དང་། རིན་ཐང་གཞལ་དུ་མེད་པའི་ནོར་ལོངས་སྤྱོད་ལ་བདག་ཏུ་འཛིན་པས། ཁྱོད་ཚོ་ནི་ངའི་རྗེས་འཇུག་མ་ཡིན། 9 ང་དང་ངའི་དགེ་སློང་དག་ནི“གཤེ་ཡང་སླར་མི་གཤེ་བ་དང་། ཁྲོས་ཀྱང་སླར་མི་ཁྲོ་བ། བརྡེགས་ཀྱང་སླར་མི་བརྡེག་པ། མཚང་བྲུས་ཀྱང་སླར་མཚང་མི་འབྲུ་བ”བཅས་ཀྱི་དགེ་སྦྱོང་གི་ཆོས་བཞི་ལ་ནམ་ཡང་གནས་པར་་གྱུར་མོད། ངའི་རྗེས་འཇུག་ཏུ་ཁས་འཆེ་བའི་གངས་རིའི་ལྗོངས་ཀྱི་བླ་ཆེན་སྤྲུལ་ཆེན་རྣམས་ཀྱིས་ནི། གྲུབ་མཐའ་དང་ཆོས་བརྒྱུད་བརྩད། དགོན་པ་དང་མཆོད་གཞིས་བརྩད། ཁྲི་རྐང་གི་མཐོ་དམན་བརྩད། དམག་འཁྲུག་གི་མེ་ལྕེ་མཆེད། མི་གསོད་ཀྱི་སྦྱོར་བ་སྤེལ། ཀྱི་ཧུད་ངས་འཇིག་རྟེན་འདིར་གསར་དུ་བཏོད་པའི་རྣམ་གྲོལ་ཞི་བའི་ལམ་བཟང་ལ་དམའ་ཕབ་པས། ཁྱོད་ཚོ་ནི་ངའི་རྗེས་འཇུག་མ་ཡིན། 10 ང་དང་ངའི་དགེ་སློང་དག་གིས་ནི་གོས་ཕྱགས་དར་ཁྲོད་དང་ཟས་བསོད་སྙོམས་ཙམ་ལས་མི་འཆིང་བར་འདོད་ཆུང་ཆོག་ཤེས་ཀྱི་འཚོ་བ་རོལ་མོད། དེང་གི་ཁ་བ་ཅན་གྱི་དགེ་སློང་རྣམས་ནི་ནོར་དང་ལོངས་སྤྱོད་ཇི་ཙམ་ཐོབ་ཡང་ཆོག་ཤེས་མེད་པར། ཉིན་མཚན་ཀུན་དུ་དཔལ་འབྱོར་རྩོལ་སྒྲུབ་ཀྱི་ལས་ཁོ་ནར་འབད་པས། ཁྱོད་ཚོ་ནི་ངའི་རྗེས་འཇུག་མ་ཡིན། 11 ངས་ནི་དགེ་སློང་དག་ལ་བྱ་བ་ཉུང་བ་དང་། དོན་ཉུང་བར་གདམས་མོད། བོད་ཡུལ་གྱི་དགེ་སློང་རྣམས་ནི་ཁྱིམ་གྱི་དོན་དང་སྲིད་ཀྱི་དོན། གཉེན་གྱི་དོན་སོགས་སུ་རྒྱུག་ཅིང་འདུར་རྐྱེན་བྱ་བ་མང་བ་དང་དོན་མང་བས། ཁྱོད་ཚོ་ནི་ངའི་རྗེས་འཇུག་མ་ཡིན། 12 ངའི་རྗེས་སུ་འཇུག་པའི་དགེ་སློང་དག་ནི་ངས་བཤད་པའི་དྲང་ངེས་ཀྱི་རྣམ་བཞག་ལ་འཆད་ཉན་བྱེད་པ་དང་། དེའི་དོན་ཚུལ་བཞིན་ཉམས་སུ་ལེན་པ་ཁོ་ནར་འབད་མོད། བོད་ཡུལ་གྱི་བླ་བཙུན་དག་གིས་ནི། རྩ་བ་ལྟ་བུའི་ཟབ་མོ་ཆོས་ཀྱི་གནས་ལུགས་ལ་ཐོས་བསམ་མི་བྱེད་པར། ཡལ་ག་ལྟ་བུའི་མཆོད་རྟེན་བརྩིགས་པ་དང་ལྷ་ཁང་བཞེངས་བ་ཁོ་ནར་མགོ་འཁོར་འདུག་པས། …
བདག་སྨོན་ཡིད་ཀྱི་མེ་ལོང་།།
བདག་སྨོན་ཡིད་ཀྱི་མེ་ལོང་།། ན་མོ་རཏྣ་ཏྲ་ཡཱ་ཡ། ༼༡༽ བླ་མ་རྒྱལ་ཀུན་འདུས་ཞལ་པདྨ་འབྱུང་གནས།། ཡི་དམ་སངས་རྒྱས་ཀུན་འདུས་རྡོ་རྗེ་གཞོན་ནུ།། མཁའ་འགྲོ་རྒྱ་མཚོའི་ཁྱབ་བདག་ཀུན་བཟང་དབང་མོ།། ཆོས་སྐྱོང་ཀུན་འདུས་གེ་སར་ཡིད་བཞིན་ནོར་བུ།། རྩ་གསུམ་ཆོས་སྐྱོང་དམ་པས་རྟག་ཏུ་སྲུངས་ཤིག། ༼༢༽ བདག་ཉིད་མཐོང་དང་ཐོས་ནས་དད་པ་དང་།། དབང་ལུང་ཆོས་ཁྲིད་ཐོབ་དང་སྐྱབས་འཇུག་ཞུས།། རེག་དང་འཁྱུད་དང་རྗེས་སུ་དྲན་པ་ཀུན།། འབྲེལ་ཚད་བདེ་ཆེན་འདྲེན་པའི་ལུང་བསྟན་བཞིན།། ཐམས་ཅད་མ་ལུས་མྱུར་ཏུ་སངས་རྒྱས་ཤོག། ༼༣༽ བདག་ལ་སྨད་དང་དགྲ་རུ་བཟུང་བ་དང་།། གཞི་མེད་བསྐུར་འདེབས་ལྐོག་ཁ་བླ་བཙག་དང་།། མི་སྙན་སྤེལ་དང་སྲོག་རྩ་གཅོད་ན་ཡང་།། དེ་དག་རྒྱུད་ལ་བྱང་ཆུབ་སེམས་མཆོག་སྐྱེས།། མྱུར་ཏུ་འདྲེན་པའི་དཔལ་ལ་དབང་ཐོབ་ཤོག། སྙིང་གྲོགས་དམ་པ་དུ་མས་སྐུལ་ངོར་ཨེ་མ་ཧོས་ཨེ་ཝྃ་དེ་ཉིད་གླིང་ནས་ཕུལ་བར་དགེའོ།། །། ༢༠༢༡/༡༢/༣༡་ལ།།
གས་རིག་པ་འཛིན་པའི་སྐྱེས་བུ་ཞིག །
གསང་སྔགས་རིག་པ་འཛིན་པའི་སྐྱེས་བུ་ཞིག ། གསང་ཆེན་ཐབས་ཀྱི་མན་ངག་གསང་ལམ་ནས། ། རིག་འཛིན་ལྷ་གྲལ་བསྙེགས་པའི་ངོ་མཚར་ལ། ། བསམ་ན་དད་གདུང་ཡིད་ཀྱི་རྦ་རླབས་འཕྱོ། ། ངེས་དོན་རྒྱལ་སྲས་དངུལ་ཆུ་ཐོགས་མེད་མཆོག། གཟུགས་སྐུ་བདེ་བར་གཤེགས་པའི་ཉིན་མོ་སྙེ། ། ཚེ་གྲངས་འདི་ཡིས་ཉིད་ཀྱི་ཡིད་འཕྲོག་ནས། ། ཐུགས་ཀྱི་དགོངས་པ་ཞི་བའི་དབྱིངས་སུ་གཏད། ། སྤྱན་གྱི་ལྟ་སྟངས་ནམ་མཁའི་མཐོངས་སུ་གཟིགས། ། སྐུ་ཐིག་ཟེར་ཕྲེང་ལྟད་མོར་གཡེངས་པ་འདྲ། ། ཞབས་གཉིས་སྐྱིལ་ཀྲུང་བཞུགས་སྟངས་བརྟན་པ་ནི། ། འོད་གསལ་བདེ་བའི་མངལ་དུ་ཞུགས་པ་འདྲ། ། ཁ་བའི་འདབ་མས་འཕུར་ལྡིང་རྩེན་པ་དང་། ། མཚན་གྱི་མཁའ་ལ་འཇའ་ཐིག་ཟ་འོག་རིས། ། མདངས་ལྡན་ཚོན་གྱིས་བྲིས་པའི་རི་མོ་བཞིན། ། རྟགས་དང་མཚན་མ་མིག་གི་དཔལ་དུ་འཁྲུངས། ། མེ་ཏོག་གང་ལ་ཕོག་པའི་ལྷ་སྐལ་གྱི། ། ཆོས་དང་བླ་མས་རང་གི་ཡིད་འཚེངས་ཏེ།། དོན་མེད་འགྲམ་ཆུ་གཞན་ལ་མ་ལྡང་ཡང་། ། འདུན་མ་མ་ཉེས་འདས་རྟགས་འདི་ཡིས་གསལ། ། མིང་དང་ཐོབ་ཀྱིས་རང་གི་ལས་སྒྲུབ་པའི། ། སྙིགས་མའི་རང་རྟགས་དྲི་མས་མ་གོས་པར། ། དམན་པའི་ས་ལས་རྟོགས་པའི་གདེངས་བརྙེས་པའི། ། དམ་པའི་ངང་ཚུལ་ཟིན་པ་ཁྱེད་ཀྱི་གཤིས། །
༄༅།མཁན་ཆེན་བླ་མ་ཨེ་མ་ཧོའི་རྒྱལ་གླུ་བཛྲ་དྷཱ་ར།།
༄༅།མཁན་ཆེན་བླ་མ་ཨེ་མ་ཧོའི་རྒྱལ་གླུ་བཛྲ་དྷཱ་ར།། ཨེ་མ་ཧོ༔ ༡༽ ཨེ་མ་རྟ་བདུན་འཕྲོས་པའི་གེ་སར་ལང་ཚོར་བཞད།། བཀའ་གཏེར་གཏད་རྒྱའི་བཛྲ་དྷཱ་ར་མཁྱེན།། ཟབ་གསང་ཁ་ཕྱེ་ཉམས་རྟོགས་གད་རྒྱངས་བསྒྲགས།། ཚད་མེད་ཐུགས་རྗེ་འོད་ཟེར་ཀུན་ཏུ་ཁྱབ།། ༢༽ ཟླ་བྲལ་རིག་པའི་ལེགས་མཛད་ཡེ་ཤེས་ལས།། དཔག་ཡས་ལེགས་ཚོགས་ནོར་བུའི་དཀྱིལ་འཁོར་གྱི།། བླ་སློབ་འཆང་ཆེན་ནུས་མཐུ་འདབ་སྟོང་བཟླུམས།། འགྲོ་དྲུག་སེམས་ཅན་རྒྱུད་ལ་སྐུ་བརྟན་སྨོན།། ༣༽ མཆོག་གསུམ་བཟང་མ་འབྲུག་སྒྲ་བཞིན་དུ་འདུས།། དྭངས་གསལ་ཉི་ཟླའི་སྙིང་པོ་བདག་གི་དྷ་ར་ཎི།། སྐལ་བར་ལྡན་པའི་གདུལ་བྱའི་ཆོས་ཆར་འབེབས།། དམ་ཆོས་དབྱར་མཚོ་ལྟ་བུ་རྒྱས་པར་སྨོན།། ༤༽ ཡབ་ཡུམ་དག་སྣང་བརྩེ་ཆེན་འཛུམ་པའི་སྐྱོང།། ཡི་དམ་ལྷ་ཡི་རླུང་རྟ་དར་གྱུར་ཅིག། རི་རབ་གླིང་བཞི་དངོས་གྲུབ་ཕུན་སུམ་ཚོགས།། ཐུགས་རྗེ་ལྷ་ལམ་ཡངས་པའི་བཀྲ་ཤིས་ཤོག། ༥༽ གསང་གསུམ་སྒྱུ་འཕྲུལ་ཀུན་གྱི་ཕུལ་བྱུང་དཔལ།། དམ་ཆོས་བདུད་རྩིའི་འོད་སྣང་དགྱེས་པ་མཁྱེན།། རྡོ་རྗེ་ཡངས་པའི་མཆོག་གསུམ་ཀུན་ཏུ་གཟིགས།། མ་རྒྱུད་སྐྱོང་བར་མཛད་ལ་ཕྱག་འཚལ་ལོ།། ༦༽ མན་ངག་འཛིན་པ་རྣམ་དག་པད་འབྱུང་མཁྱེན།། རྒྱལ་ཀུན་ལྔ་ལྡན་འོག་མིན་ཨེ་མ་ཧོཿ།། གཏེར་ཆོས་འགྲོ་བ་འདྲེན་པའི་གནས་ལུགས་རྟོགས།། བདེ་ཆེན་ཡེ་ཤེས་ངང་ནས་གསོལ་བ་འདེབས།། ༧༽ སྐུ་ཚེ་བརྟན་པ་ཚེ་དཔག་མེད་མགོན་བཞིན།། གསུང་ཆོས་བརྡལ་བ་འཁོར་བ་མ་སྟོང་བར།། ཐུགས་བསྐྱེད་འགྱུར་མེད་རྗེ་བཙུན་འཇམ་དཔལ་དབྱངས།། དགྱེས་པ་རྡོ་རྗེའི་ཕྲིན་ལས་མཐར་ཕྱིན་སྨོན།། 生日快乐 ཞེས་པ་འདི་ཡང་རབ་རྒྱན་ཆུ་སྟོད་ཟླ་བའི་གནམ་གང་གི་གསོ་སྦྱོང་གི་ཉི་མ་ལ་ལས་སྨོན་རྟེན་འབྲེལ་བཟང་པོས་འབྲེལ་བའི་༸སྐྱབས་རྗེ་མཁན་ཆེན་བླ་མ་ཨེ་མ་ཧོ་ལ་དད་གུས་བཅས་ལཀྵཾ་ཝ་ཤཾ་དགེ་བས་སྙིང་ནས་སྨོན་ཚིག་ཏུ་སྒ་ཁྲི་འདུ་རྒྱ་གར་ལུང་པ་ནས་ཕུལ་བར་དགེའོ།། །།
Thanks for everyone who made my project all Bhudha and Dharmas! Tashi Deleks!
དེ་རིང་རབ་གནས་ལྕགས་གླང་ཆུ་སྟོད་ཟླ་བ་འམ་ཆོས་འཁོར་ཟླ་བའི་ཟླ་བ་ཉ་ཡོངས་སུ་གོང་བའི་དུས་ཚེས་དང་། བདག་ཅག་གི་སྟོན་པ་རྫོགས་པའི་སངས་རྒྱས་མ་ཡཱ་དྷེ་ཝིར་སྐུ་ལྷུམས་སུ་ཞུགས་པའི་དུས་ཆེན་དང་། གངས་ཅན་བོད་མའི་མ་ཡུམ་ཡོངས་ཀྱི་དུས་ཆེན་ལ་བདག་གི་གྲོགས་བཟང་པོ་བསམ་གྲུབ་དང་དད་ལྡན་སྦྱིན་པའི་བདག་པོ་ཡོངས་ཀྱི་བཀའ་དྲིན་གྱིས་ཨེ་ཝཾ་ཨོ་རྒྱན་མཁའ་འགྲོ་གླིང་གི་སྐུ་རྟེན་གུ་རུ་མཐོང་བ་རང་གྲོལ་དང་། གསུང་རྟེན་རྒྱལ་བའི་བཀའ་གཏེར། ཐུགས་རྟེན་ཨོ་རྒྱན་སྒྲོལ་མའི་མཆོད་རྟེན་འཛམ་གླིང་རྒྱན་གཅིག་སྟེ་སྐུ་གསུང་ཐུགས་རྟེན་ལེགས་གྲུབ་བྱུང་། བཀྲ་ཤིས་བདེ་ལེགས་ཕུན་སུམ་ཚོགས་པར་ཤོག། ————ཨེ་མ་ཧོས
