• April 2020

    ༄༅།།ཨོ་རྒྱན་གུ་རུ་རིན་པོ་ཆེའི་གསོལ་འདེབས་ཙིཏྟ་མ་ཎིའི་མགུལ་རྒྱན།།Orgyen Guru Rinpoche’s prayer: “Necklace of Wish-Fulfilling Jewells “.ཨེ་མ་ཧོ༔ སྣང་སྲིད་རྣམ་དག་ཟངས་མདོག་དཔལ་རི་ནས༔EMAHO / NANGSI NAMTAK ZANGDOK PALRI NÉIn the Glorious Copper-Coloured Mountain Pure Land,pristine pure nature of appearance and existence,རྒྱལ་བ་ཀུན་འདུས་གུ་རུ་པདྨ་འབྱུང་༔GYALWA KÜNDÜ GURU PEMA JUNGTo Padmasambhava, who is embodiment of all Victorious,གསོལ་བ་འདེབས་སོ་འགྲོ་ཀུན་སྡུག་བསྔལ་སོལ༔SOLWA DEP SO DRO KÜN DUKNGAL SOLWe pray – dispel sufferings of all beings.གང་བསམ་ལྷུན་གྱིས་འགྲུབ་པར་བྱིན་གྱིས་རློབས༔GANG SAM LHÜNKYI DRUBPAR CHINGYI LOBBless us, for all wishes to be spontaneously fulfilled!ཨོཾ་ཨཱ་ཧཱུྃཿབཛྲ་གུ་རུ་པདྨ་སིདྡྷི་ཧཱུྃ༔OṂ ĀH HŪṂ BEDZAR GURU PEMA SIDDHI HŪṂཤར་ཕྱོགས་མངོན་པར་དགའ་བའི་ཞིང་ཁམས་ནས༔SHAR CHOK NGÖNPAR GAWAI ZHING KHAM NÉIn the eastern Pure Land of Manifest Joy,ཨོ་རྒྱན་རྡོ་རྗེ་སེམས་དཔའ་འཁོར་བཅས་ལ༔ORGYEN DORJÉ SEMPA KHOR CHÉ LATo Uddiayana [Precious Guru from…

  • April 2020

    དཔྱིད་དཔལ་བཞད་པའི་འཇའ་ཟེར།།ཨ་ཧོ་ཡ།།ཨ་མ་ནོར་འཛིན་སྒེག་མོའི་ལྟེ་བ་རུ།།སྔོ་ལྗང་ལོ་འདབ་བཀྲ་བའི་ནགས་ཀླུང་དུ།།རྩི་ཤིང་མེ་ཏོག་བཀྲ་པའི་དྲི་ཞིམ་ཁྲོད།།གཡུ་སྦྲང་བྱེ་ལབ་ཚོགས་དང་མཉམ་དུ་རྩེད།།ཡར་ལ་བལྟས་ན་མཁའ་དབྱིངས་འཇའ་འོད་ཀློང་།།རྟ་བདུན་དབང་པོ་གཟི་མདངས་ལྷག་པར་མངོན།།དྲོད་བཅུད་སྣང་བ་སྦྱིན་པའི་ལྷ་བུ་ལ།།བཀའ་དྲིན་གསོས་ཕྱིར་ཐོད་རྒལ་རྟོགས་འབུལ་མཆིས།།བར་སྣང་དྲོ་གྲང་མཉམ་པའི་བར་གསེང་དུ།།མཁའ་དབུགས་གཙང་པ་དག་པའི་ཞིང་དང་མཚུངས།།ཀུན་བཟང་བདེ་དགའ་གནང་བའི་གུང་སངས་སྐབས།།ནུབ་ཕྱོགས་བྱ་སྒོང་རོལ་བའི་དགའ་སྟོན་ཚེས།།དཔྱིད་དཔལ་ཁྱིམ་ནས་རོལ་བའི་དགའ་སྐྱིད་ལ།།དབྱར་དུས་བདེ་ཆེན་དགའ་བའི་གླུ་བྲོ་ཉིད།།སྟོན་བཟང་འབྲས་སྨིན་རྟེན་འབྲེལ་དགེ་ལེགས་དཔལ།།དགུན་འཁྱག་དྲོ་བའི་སྨོན་ལམ་མཐའ་རུ་ཕྱིན།།ཨེ་མ་ཧོས་ཨེ་ཝྃ་རྫོགས་ཆེན་ཆོས་སྒར་ནས་སྤྱི་ལོ་༢༠༡༠/༤/༡༡་ལའོ།། །།

  • April 2020

    ནད་བཟློག་བསྐལ་བའི་མེ་དཔུང་རབ་འབར།།ཧཱུཾ་ཧཱུཾ་ཧཱུཾ།།བདེ་ཆེན་དབང་དྲག་འབར་བའི་མེ་ཀློང་ནས།།ནད་གདོན་རྡུལ་ཕུང་མ་ལུས་བསྲེག་མཛད་མ།།རྒྱལ་ཀུན་དཔལ་མོ་སེངྒེའི་གདོང་ཅན་མས།།ནད་ངན་རྒྱུ་དང་བཅས་པ་དབྱིངས་སུ་བཟློག།རྒྱལ་བ་ཀུན་འདུས་ཨོ་རྒྱན་རྡོ་རྗེ་འཆང་།།ཡི་དམ་ཀུན་རྒྱལ་གུ་རུ་དྲག་པོའི་དཔལ།།མཁའ་འགྲོ་རྒྱལ་མོ་སེང་གདོང་དྲག་མོ་དང་།།ཆོས་སྐྱོང་དྲག་པོས་ནད་གདོན་ད་སྒྲོལ་ཅིག།མ་མོའི་དལ་ཡམ་བཟློག་མཛད་དྲག་པོའི་ཚོགས།།དྲག་རྩལ་མཐུ་སྟོབས་ངོམས་པའི་དུས་ལ་བབས།།ཁྱད་པར་བྱ་ཁྱུང་དྲག་པོ་གྷ་རུ་ཌཱས།།ནད་གདོན་རྡུལ་ཕུང་བསྲེག་པའི་ཕྲིན་ལས་མཛོད།།ཕྱི་ཕུང་རྡུལ་ནད་མེ་ཆུས་ནང་དུ་བསྲེགས།།ནང་སེམས་རྣམ་རྟོག་ཞི་ལྷག་ངང་དུ་དེངས།།གསང་སྔགས་ཚུལ་བཞིན་སྒྲུབ་པའི་དམ་ཚིག་ལས།།ཡང་གསང་ཕྱོགས་ལས་རྣམ་པར་རྒྱལ་གྱུར་ཅིག།སྣང་བ་དག་པ་ལྷ་ཡི་ཞིང་ཁམས་མཇལ།།སྲིད་པའི་ལོངས་སྤྱོད་རིག་པའི་རྒྱན་དུ་ཤར།།སྣང་སྲིད་ཀུན་བཟང་སྒྱུ་འཕྲུལ་དྲཱ་བར་རྫོགས།།འགྲོ་ཀུན་སྨིན་གྲོལ་རྒྱལ་བའི་སྐུ་ཐོབ་ཤོག།ཅེས་པ་འདི་ཡང་རབ་གནས་ལྕགས་བྱིའི་དབོ་ཟླའི་དབང་ཚེས་རྒྱལ་བ་དང་པོར་དབྱིན་ཡུལ་ནས་ཉི་མ་རེ་བཞིན་མི་གྲངས་སྟོང་ཕྲག་རེ་ཀོ་རོ་ནས་འཆི་རྐྱེན་མཐོང་བའི་མོད་ལ་རྩ་གསུམ་ཆོས་སྐྱོང་ལ་ར་མདའ་སྒྲོན་པའི་དྲག་བསྐུལ་ནད་བཟློག་གི་ཆེད་དུ་ཤྲཱིཿསྨྱོན་ཨེ་མ་ཧོས་གུ་རུའི་ཐུན་མཚམས་ན་གསོལ་བ་འདེབས་པར་དགེའོ།། །།

  • April 2020

    རིག་འཛིན་བརྒྱད་ཀྱི་གསོལ་འདེབས་ཨེ་ཝྃ་ཀུན་གསལ།།ན་མོ་མ་ཧཱ་གུ་རུ་བུདྡྷ་ཛྙཱ་ན་ཡེ།།ཀ་དག་ཆོས་སྐུའི་ངོ་བོ་ཀུན་ཏུ་བཟང་།།ལྷུན་གྲུབ་ལོངས་སྐུའི་རང་བཞིན་རྡོ་རྗེ་སེམས།།སྣ་ཚོགས་སྤྲུལ་སྐུའི་ཐུགས་རྗེ་པདྨ་འབྱུང་།།རིག་འཛིན་དྲག་སྔགས་གླིང་པར་གསོལ་བ་འདེབས།།ཨེ་ཝྃ་ཡེ་ཤེས་གྲུབ་པ་མཐར་ཕྱིན་ཤོག།ཤར་ཕྱོགས་དུར་ཁྲོད་བསིལ་བ་ཚལ་གྱི་གནས།།ཡང་དག་ཐུགས་ཀྱི་གཏེར་ལ་དབང་འབྱོར་ནས།།གཉུག་སེམས་ཞི་བདེ་རྡོ་རྗེས་གྲུབ་བརྙེས་པ།།རིག་འཛིན་ཧཱུྃ་ཆེན་ཀཱ་རར་གསོལ་བ་འདེབས།།ཨེ་ཝྃ་ཡེ་ཤེས་གྲུབ་པ་མཐར་ཕྱིན་ཤོག།ནུབ་ཕྱོགས་དུར་ཁྲོད་ཀུ་ལ་རྫོགས་པའི་གནས།།འཇམ་དཔལ་སྐུ་ཡི་གཏེར་ལ་དབང་འབྱོར་ནས།།ཀུན་བྱེད་ཡིད་བཞིན་ནོར་བུའི་གྲུབ་བརྙེས་པ།།རིག་འཛིན་འཇམ་དཔལ་བཤེས་གཉེན་གསོལ་བ་འདེབས།།ཨེ་ཝྃ་ཡེ་ཤེས་གྲུབ་པ་མཐར་ཕྱིན་ཤོག།ནུབ་ཕྱོགས་དུར་ཁྲོད་པདྨ་བརྩེགས་པའི་གནས།།པདྨ་གསུང་གི་གཏེར་ལ་དབང་འབྱོར་ནས།།སྣང་སྲིད་དབང་དུ་བསྡུད་པའི་གྲུབ་བརྙེས་པ།།རིག་འཛིན་ཀླུ་སྒྲུབ་སྙིང་པོར་གསོལ་བ་འདེབས།།ཨེ་ཝྃ་ཡེ་ཤེས་གྲུབ་པ་མཐར་ཕྱིན་ཤོག།བྱང་ཕྱོགས་དུར་ཁྲོད་ལངྐ་བརྩེགས་པའི་གནས།།ཕུར་པ་འཕྲིན་ལས་གཏེར་ལ་དབང་འབྱོར་ནས།།ཁམས་གསུམ་ཡོངས་སུ་སྒྲོལ་བའི་གྲུབ་བརྙེས་པ།།རིག་འཛིན་པྲ་བྷ་ཧསྟིར་གསོལ་བ་འདེབས།།ཨེ་ཝྃ་ཡེ་ཤེས་གྲུབ་པ་མཐར་ཕྱིན་ཤོག།ཤར་ལྷོར་དུར་ཁྲོད་ལྷུན་གྲུབ་བརྩེགས་པའི་གནས།།རྦོད་གཏོང་མ་མོའི་གཏེར་ལ་དབང་འབྱོར་ནས།།བདེ་ཆེན་ལང་ཚོ་རྒྱས་པའི་གྲུབ་བརྙེས་པ།།རིག་འཛིན་དྷ་ན་སངཀྲྀར་གསོལ་བ་འདེབས།།ཨེ་ཝྃ་ཡེ་ཤེས་གྲུབ་པ་མཐར་ཕྱིན་ཤོག།ལྷོ་ནུབ་དུར་ཁྲོད་གསང་ཆེན་རོལ་བའི་གནས།།ཡོན་ཏན་བདུད་རྩིའི་གཏེར་ལ་དབང་འབྱོར་ནས།།འཕོ་ཆེན་འཇའ་ལུས་མཆོག་གི་གྲུབ་བརྙེས་པ།།རིག་འཛིན་བི་མ་མི་ཏྲར་གསོལ་བ་འདེབས།།ཨེ་ཝྃ་ཡེ་ཤེས་གྲུབ་པ་མཐར་ཕྱིན་ཤོག།ནུབ་བྱང་དུར་ཁྲོད་ཧེ་ཆེན་བརྡལ་བའི་གནས།།འཇིག་རྟེན་མཆོད་བསྟོད་གཏེར་ལ་དབང་འབྱོར་ནས།།བདུད་སྡེའི་གཡུལ་ལས་རྒྱལ་བའི་གྲུབ་བརྙེས་པ།།རིག་འཛིན་རམ་བུ་གུ་ཧྱར་གསོལ་བ་འདེབས།།ཨེ་ཝྃ་ཡེ་ཤེས་གྲུབ་པ་མཐར་ཕྱིན་ཤོག།བྱང་ཤར་དུར་ཁྲོད་འཇིག་རྟེན་བརྩེགས་པའི་གནས།།དྲག་སྔགས་དམོད་པའི་གཏེར་ལ་དབང་འབྱོར་ནས།།ཕས་རྒོལ་མ་ལུས་འཇོམས་པའི་གྲུབ་བརྙེས་པ།།རིག་འཛིན་ཤིནྟིྃ་གརྦྷར་གསོལ་བ་འདེབས།།ཨེ་ཝྃ་ཡེ་ཤེས་གྲུབ་པ་མཐར་ཕྱིན་ཤོག།འོག་མིན་དུར་ཁྲོད་མེ་རི་འབར་བའི་གནས།།ཆོས་ཀུན་སྒྲུབ་རྒྱུད་གཏེར་ལ་དབང་འབྱོར་ནས།།གདོད་མའི་ཀུན་བཟང་སངས་རྒྱས་གྲུབ་བརྙེས་པ།།རིག་འཛིན་པདྨ་ཀ་རར་གསོལ་བ་འདེབས།།ཨེ་ཝྃ་ཡེ་ཤེས་གྲུབ་པ་མཐར་ཕྱིན་ཤོག།སྒོ་གསུམ་རྒྱལ་བའི་ཞིང་ཁམས་རྣམ་པར་དག།སྐུ་གསུམ་ཡོན་ཏན་ཕྲིན་ལས་རབ་ཏུ་རྫོགས།།ཁམས་གསུམ་འགྲོ་ཀུན་མ་ལུས་ཡོངས་སུ་སྨིན།།མཆོག་གསུམ་རྒྱལ་བའི་གོ་འཕང་མྱུར་ཐོབ་ཤོག།ཅེས་པ་འདི་ཡང་རབ་གནས་འབྱུང་བ་ལྔ་ལྡན་ལྕགས་བྱིའི་དབོ་ཟླ་བའི་དབང་ཕྱོགས་རྒྱལ་བ་དང་པོར་གཏེར་ཆེན་དྲག་སྔགས་གླིང་པའི་ཡང་སྲིད་རིག་འཛིན་ནམ་མཁའ་རྒྱ་མཚོ་རིན་པོ་ཆེ་དང་མཁན་པོ་ཨེ་ཝྃ་རིག་པས་གསུང་བསྐུལ་དང་། འཕགས་བོད་ཀྱི་རིག་འཛིན་ཡོངས་ལ་མི་ཕྱེད་པའི་དད་གུས་ཅན། རྒྱལ་ཁམས་པ་ཨེ་མ་ཧོས་རིག་འཛིན་དགུ་ཡི་མཚན་ཉིད་དབྱིན་ཡིག་གི་༼ Eight Vidyadharas. Manjushrimitra, Nagarjuna, Hungkara,Vimalamitra,Prabhahasti, Dhana Sanskrita, Shintam Garbha, Guhyachandra༽ མཚན་ཙམ་ལ་བརྟེན་ནས་གང་ཤར་ཐོལ་བྱུང་དུ་ཤར་བ་ལ་བཅོས་བསྒྱུར་མེད་པར་ཨེ་ཝྃ་རྫོགས་ཆེན་ཆོས་སྒར་ནས་གསོལ་བ་བཏབས་པས་སྔ་འགྱུར་རིག་འཛིན་རྒྱལ་བའི་བསྟན་པ་རྒྱས་པའི་རྒྱུ་རུ་གྱུར་ཅིག་གུ། སརྦ་ཤྲཱིཿམངྒ་ལྃ་བི་ཛ་ཡནྟུ།།

  • April 2020

    ཐུགས་རྗེ་ཆེན་པོའི་ཡེ་གེ་དྲུག་པའི་གསོལ་འདེབས་བྱིན་རླབས་མྱུར་འགྱོགས་ཞེས་བྱ་བ་བཞུགས། ན་མོ་གུ་རུ་ལོ་ཀི་ཤཱ་ར་ཡ། །ཇོ་བོ་ཐུགས་རྗེ་ཆེན་པོ་ལ་ཕྱག་འཚལ་ལོ། ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ།མགོན་སྤྱན་རས་གཟིགས་ལ་སྐྱབས་སུ་མཆི། །མ་འགྲོ་དྲུག་དོན་དུ་བྱང་སེམས་བསྐྱེད། །བྱམས་སྙིང་རྗེ་དགའ་བ་བཏང་སྙོམས་བསྒོམ། ། ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། དབྱིངས་ཏིང་འཛིན་གསལ་བའི་ཆོ་འཕྲུལ་ལས། ། དཔལ་ཀུན་ཏུ་བཟང་པོ་མཆོད་པའི་སྤྲིན། །ཡུལ་མཁའ་ཁྱབ་རྒྱུན་མི་ཆད་པར་འབྱུང་། ། ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཆོས་ཐམས་ཅད་སྟོང་པ་ཉིད་ཀྱི་ངང་། ། གནས་ཡུལ་ཀུན་རི་བོ་པོ་ཏ་ལའི། །ཞིང་གཞལ་ཡས་ཁང་བཅས་གསལ་ལ་རྫོགས། ། ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། དེ་དབུས་སུ་རང་ཉིད་སྤྱན་རས་གཟིགས། ། སྐུ་དཀར་གསལ་འོད་ཟེར་འབུམ་ཕྲག་འཕྲོ། །མཚན་དཔེ་བྱེད་ཞི་འཛུམ་སྒེགཔའི་ཉམས། ། ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཞལ་ཆོས་སྐུ་ཐིག་ལེ་གཅིག་ཏུ་འཁྱིལ། ། སྤྱན་ཐབས་ཤེས་སྙིང་རྗེས་ཟུམ་བུརགཟིགས། །ཕྱག་ཚད་མེད་བཞི་ལྡན་འཇམ་ཞིངམཉེན། ། ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། རྩ་ཕྱག་གཉིས་ཐུགས་ཀར་ཐལ་མོ་སྦྱར། ། གཡས་འོག་མས་ཤེལ་གྱི་ཕྲེང་བ་དང་། །གཡོན་འོག་མས་པདྨ་དཀར་པོ་བསྣམས། ། ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། སྐྲ་མཐོན་མཐིང་ཐོར་ཚུགས་སྤྱི་བོར་བཅིངས། ། ལྷག་མ་རྣམས་ལྕང་ལོའི་ཚུལ་དུ་འཕྱང་། །སྤྱི་གཙུག་ཏུ་ནོར་བུ་འབར་བས་མཚན། ། ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། དར་སྣ་ཚོགས་ཅོད་པན་ན་འཟས་བཀླུབས། ། རྒྱན་རིན་ཆེན་དུ་མས་ཀུན་ནས་མཛེས། །རི་དྭགས་ཀྱི་པགས་པས་ནུ་གཡོན་བཀབ། ། ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། སྐུ་བ་སྤུའི་ཁུང་བུ་རེ་རེ་བཞིན། ། ཇི་སྙེད་ཀྱི་ཞིང་ཁམས་རབ་འབྱམས་རྫོགས། །དེ་སྙེདཀྱི་སངས་རྒྱས་བྱང་སེམས་བཞུགས། ། ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། གསུང་ཕྱི་ནང་སྣོད་བཅུད་སྒྲ་སྐད་ཀུན། ། སྔགས་ཡི་གེ་དྲུག་ཏུ་བྱིན་བརླབས་པས། །མཐོང་ཐོས་དང་དྲན་རེག་གྲོལ་བར་མཛོད། ། ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ།…

  • April 2020

    ཞི་གནས་དཔེ་རིས་ཀྱི་མཚོན་དོན་དང་ཞི་གནས་བཞག་ཐབས་དགུའི་སྐོར།འདི་ལ་ཞི་གནས་ཀྱི་རྒྱུ་ཚོགས་དྲུག་ལ་གནས་པའི་སྒོམ་པ་པོས། ལེ་ལོ་དང་། གདམས་ངག་བརྗེད་པ། བྱིང་རྒོད། འདུ་མི་བྱེད་པ། འདུ་བྱེད་པ་སྟེ་ཏིང་ངེ་འཛིན་གྱི་ཉེས་པ་རྣམས་ཤེས་པར་བྱས་ནས་ཉེས་པ་དང་པོའ་ིགཉེན་པོ་དད་པ། འདུན་པ། ཤིན་སྦྱངས། རྩོལ་བ་བཞི། གཉིས་པའི་གཉེན་པོར་དྲན་པ། གསུམ་པའི་གཉེན་པོར་ཤེས་བཞིན། བཞི་པའི་གཉེན་པོར་འདུ་བྱེད་པ། ལྔ་པའི་གཉེན་པོར་བཏང་སྙོམས་ཏེ་གཉེན་པོ་འདུ་བྱེད་བརྒྱད་བསྟེན་ནས་སྒྲུབ་དགོས་ལ། དེ་དག་ཀྱང་སེམས་གནས་དགུར་ཕྱེ་བ་དང་། དེ་རྣམས་སྟོབས་དྲུག་གིས་འགྲུབ་ལུགས་དང་། ཡིད་བྱེད་བཞིར་སྡུད་ཚུལ་རྣམས་ཤེས་ན་ཏིང་ངེ་འཛིན་སྐྱོན་མེད་བདེ་བླག་ཏུ་འགྲུབ་པར་གསུངས་པས་གླང་པོ་ཆེ་མ་དུལ་བ་འདུལ་བའི་དཔེ་དང་སྦྱར་ཏེ་གོང་དུ་རི་མོ་བཀོད་པ་རྣམས་ཀྱི་མཚོན་དོན་རགས་རིམ་འགོད་པ་ལ།ལམ་གྱི་ཁུགས་པ་དྲུག་གིས་སྟོབས་དྲུག་མཚོན་པ་དང་། ཞགས་པས་དྲན་པ་དང། ལྕགས་ཀྱུས་ཤེས་བཞིན་མཚོན། སེམས་གནས་དང་པོ་ནས་བདུན་པའི་བར་མེ་ལྕེ་ཡོད་མེད་དང་། ཆེ་ཆུང་གི་ཁྱད་པར་བཀོད་པས་ནི། དྲན་ཤེས་ཀྱི་འབད་རྩོལ་ཆེ་ཆུང་གི་ཁྱད་པར་མཚོན། གླང་པོས་སེམས་དང་། ཁ་དོག་ནག་པས་བྱིང་བ་དང། སྤྲེའུས་འཕྲོ་བ་དང་། མདོག་ནག་པས་རྒོད་པ་དང། འདོད་ཡོན་ལྔས་ནི་རྒོད་པའི་ཡུལ་མཚོན།ཁུགས་པ་གཉིས་པ་ནས་བཟུང་གླང་པོའ་ིམགོ་ནས་དཀར་ཆ་རིམ་གྱིས་འཕེལ་བ་དེས་གསལ་ཆ་དང་། གནས་ཆ་ཇེ་འཕེལ་དུ་འགྲོ་བ་མཚོན།ཁུགས་པ་གསུམ་པར་རི་བོང་ཁ་དོག་ནག་པས་བྱིང་བ་ཕྲ་མོ་མཚོན་པས། འདིར་བྱིང་བ་ཕྲ་རགས་སོ་སོར་ངོས་ཟིན་པ་མཚོན། ཕྱི་མིག་བལྟ་བ་ནི། སེམས་གཡེང་བའོ། །ཁུགས་པ་བཞི་པར་སྤྲེའུ་རྗེས་ལ་ལུས་པས་རྒོད་པ་སྔོན་ལ་སྐྱེ་བའི་ནུས་པ་ཉམས་པ་མཚོན། སྤྲེའུས་ལྗོན་ཤིང་ལས་འབྲས་བུ་ལེན་པ་ནི་ཞི་གནས་སྒྲུབ་སྐབས་སེམས་དགེ་བའི་ཕྱོགས་ལ་འཕྲོ་བ་བར་གཅོད་ཡིན་པས་འགོག་དགོས་ཀྱང་སྐབས་གཞན་དུ་མི་དགོས་པར་དོན་གཉིས་ཀྱི་འབྲས་བུ་ལེན་པ་མཚོན།ཁུགས་པ་ལྔ་པར་གླང་པོའི་ནག་ཆ་ཟད་ཅིང་སྤྲེའུ་དང་བྲལ་བས་ནི་ཐོག་མར་དྲན་ཤེས་ཅུང་ཟད་བསྟེན་ན་བྱིང་རྒོད་དང་འཕྲོ་བས་བར་དུ་གཅོད་མི་ནུས་པར་ཏིང་འཛིན་ཆད་མེད་དུ་འཇུག་པ་མཚོན་ནོ།།ཞི་གནས་བཞག་ཐབས་དགུའི་སྐོར།བསམ་གཏན་ལ་ཞི་གནས་དང་། ལྷག་མཐོང་༼ལྷག་པར་དུ་མཐོང་བའི་དོན༽ཟེར་བ་གཉིས་སུ་དབྱེ་ནས་བཤད་ཀྱི་ཡོད། ཞི་གནས་ཟེར་བ་ནི་སྤྱིར་ན་རང་སེམས་ཞི་བར་གནས་པའི་དོན་ཡིན་ཏེ། རང་གི་སེམས་ཕྱི་རོལ་ཡུལ་ལ་གཡེངས་བསྡད་པ་དེ་བཀག་ནས་ཉོན་མོངས་དུག་གསུམ་དེ་དག་ མེད་པ་ཆགས་ཏེ་རང་གི་བསམ་བློ་གཏོང་ས་དེ་དགེ་བའི་དམིགས་པ་ལ་བསམ་བློ་གང་འདྲ་ ཞིག་གཏོང་གིན་ཡོད་ནའང་དེའི་སྟེང་དུ་རང་གི་སེམས་ཞི་བར་གནས་ཐུབ་པ་དེ་ལ་ཟེར་ ཞིང་། བོད་དུ་གྲུབ་མཐའ་ཁག་གི་གསུང་ཚུལ་འདྲ་མིན་ཡོད་ཀྱང་། རྗེ་བླ་མ་ཙོང་ཁ་པའི་གསུང་སྲོལ་ལྟར་བཀོད་ན། རང་སེམས་ལ་གང་འཕྲོད་པའི་དམིགས་རྟེན་གཅིག་ལ་སེམས་རྩེ་གཅིག་ཏུ་གཏོད་པ་ལ་ བརྟེན་ནས་ལུས་སེམས་དགེ་བའི་ཕྱོགས་ལ་ཇི་ལྟར་འདོད་འདོད་དུ་བཀོལ་དུ་རུང་བའི་ ཤིན་སྦྱངས་ཀྱི་བདེ་བ་ཁྱད་པར་ཅན་དང་ལྡན་པའི་ཏིང་ངེ་འཛིན་ཞིག་ལ་ཟེར་བ་དང་། དེ་ལ་ཡང་སེམས་གནས་པའི་ཐབས་དགུ་དང་། སྟོབས་དྲུག དེ་ལ་ཡིད་བྱེད་བཞི་ཚང་ཚུལ་སོགས་བྱང་ཆུབ་ལམ་རིམ་ཆེ་ཆུང་གཉིས་ཀྱི་ནང་གསལ་ ཞིང་། འདིར་གོ་བདེ་ཙམ་མདོར་བསྡུས་ཞུས་ན་འདི་ལྟར་ཏེ། ཞི་གནས་ཀྱི་ཚོགས་ཞེས་པ་དེ་ནི་ཞི་གནས་སྒྲུབ་བྱེད་ཀྱི་ཆ་རྐྱེན་ཡིན་ཏེ། ཚོགས་དེ་ལ་ཡང་གནས་བཟང་པོ་དང་། ས་བཟང་པོ། གྲོགས་བཟང་པོ། ཡོ་བྱད་བཟང་པོ་བཅས་བཞི་ཡོད། ༼༡༽གནས་བཟང་པོ་ཞེས་པ་ནི། ས་ཆ་དེ་ལ་དམག་འཁྲུག་གཞི་རྒྱ་ཆེན་པོ་བྱུང་ནས་མི་མང་པོ་བསད་མྱོང་བ་མ་ཡིན་པ། ཕ་མ་སྤུན་མཆེད་ཕན་ཚུན་གསོད་རེད་སོགས་ནང་འཁྲུག་སྡུག་པོ་བྱུང་མྱོང་བ་མ་ཡིན་ པ། ལུང་པ་ཕན་ཚུན་འཐབ་འཁྲུག་བྱུང་མྱོང་བ་མ་ཡིན་པ། གྲྭ་པ་ཕན་ཚུན་འཐབ་འཁྲུག་བྱུང་མྱོང་བའི་ས་ཆ་མ་ཡིན་པ་དེ་འདྲ་ཞིག་དགོས་ཟེར། ༼༢༽ས་བཟང་པོ་ཞེས་པ་ནི། ས་ཆ་དེ་ལ་ས་ཆུ་དང་ཤིང་སྣ་འཛོམས་པོ་ཡོད་པ། སོ་སོའི་འཚོ་བ་བཙལ་ནའང་འཚོལ་བདེ་པོ་ཡོད་པ། ཨེམ་རྗེ་འདྲ་བཙལ་དགོས་ནའང་འཚོལ་བདེ་པོ་ཡིན་པ། དེ་བཞིན་ས་ཆ་དེའི་ཆུ་ཡང་གཟུགས་པོར་འཕྲོད་པོ་ཡོད་པ་དེ་འདྲ་ཞིག་དགོས་ཟེར། ༼༣༽གྲོགས་བཟང་པོ་ཞེས་པ་ནི། རང་དང་ལྟ་སྤྱོད་མཐུན་པའི་གྲོགས་གཅིག་དགོས་པ་དེ་ཡིན། དེ་མཐུན་པོ་གང་འདྲ་ཞིག་དགོས་སམ་ཞེ་ན། དགེ་བའི་ཕྱོགས་ལ་ལྟ་བ་དང་སྤྱོད་པ་མཐུན་པོ་ཞིག་དགོས་པ་ཡིན། དེ་ནི་རང་ལ་དགེ་རྒན་ཡག་པོ་ཞིག་དང་གྲོགས་བཟང་པོ་ཞིག་དགོས་ཤིང་། གྲོགས་བཟང་པོ་དེ་ཡང་རང་གི་མིག་ཟུར་དུ་འཇིགས་པ་ཆེ་ཙམ་ཡོད་པ་ཞིག་དང་རང་གིས་ ཁོ་ལ་འཚེར་སྣང་དང་ངོ་ཚ་སྐྱེ་དགོས་པ་ཞིག་དགོས་པ་ལས། ལས་ཀ་སྡུག་ཅག་བྱེད་ཡས་ཐོག་ལ་རང་དང་ལྟ་སྤྱོད་མཐུན་པ་ཡིན་ན་དེ་གྲོགས་བཟང་པོ་ མིན་ཟེར། ༼༤༽ཡོ་བྱད་བཟང་པོ་ཞེས་པ་ནི། རང་གི་ཟས་གོས་རྣམས་ལྡང་ངེས་ཞིག་ལས་དཔེར་ན་སོ་སོ་དགེ་རྒན་མདུན་དུ་འགྲོ་སྐབས་ རྒྱབ་ཏུ་རྡོག་ཁྲེས་རང་གིས་འཁྱོག་ཚད་ཙམ་ཞིག་ལས་རྟ་ལ་འགེལ་རྒྱུ་དང་སྒམ་ནང་ བླུགས་རྒྱུ་སོགས་ཀྱི་རྒྱས་སྤྲོས་དེ་འདྲ་མིན་པ་ཞིག་དགོས། ཚོགས་བཞིའི་སྐོར་རོབ་ཙམ་ཞུས་ན་དེ་ལྟར་ཡིན།སྒོམ་རྒྱག་སྐབས་སྡོད་སྟངས་གང་བྱུང་གིས་མི་འགྲིག་པར་ངེས་པར་དུ་སྒོམ་རིམ་བར་ པ་དང་ཐམ་མ་ལས་གསུངས་པ་ལྟར་སྟན་ཤིན་ཏུ་འཇམ་པོ་བདེ་བ་ལ་ལུས་ཀྱི་ཀུན་སྤྱོད་ ཆོས་བརྒྱད་དང་ལྡན་པར་བྱ་དགོས་པ་སྟེ། ༼༡༽དེ་ལ་རྐང་པ་ནི་རྗེ་བཙུན་རྣམ་པར་སྣང་མཛད་ཀྱི་སྐྱིལ་མོ་ཀྲུང་ལྟ་བུ་སྐྱིལ་ མོ་ཀྲུང་ཡོངས་སུ་རྫོགས་པའམ་ཡང་ན་སྐྱིལ་ཀྲུང་ཕྱེད་པའམ་རུང་སྟེ་ད་ལྟར་བྱའོ། ༼༢༽མིག་ནི་ཧ་ཅང་ཡང་མི་དབྱེ་ཧ་ཅང་ཡང་མི་གཟུམ་པར་སྣའི་རྩེ་མོར་གཏད་དགོས་ ཤིང་། ལ་ལས་སྒོམ་རྒྱག་སྐབས་མིག་བཙུམ་ནས་སྡོད་དགོས་པའི་ངོས་འཛིན་བྱེད་པ་དང་། ལ་ལས་མིག་གནམ་ལ་གདང་ནས་ཤི་གྲབས་ཡོད་པ་ལྟ་བུ་བྱེད་ཀྱི་ཡོད་པས་དེ་གཉིས་ཀ་མ་ ཡིན་པར་མིག་སྣ་རྩེ་ལ་ཕབ་སྟེ་སོ་སོའི་སྣ་ཁུག་གི་རྩེ་དེ་རང་ལ་བལྟས་ནས་སྡོད་ དགོས་པ། ༼༣༽ལུས་ནི་ཧ་ཅང་ཡང་རྒྱབ་ཏུ་མི་དགྱེ་ཧ་ཅང་མདུན་དུ་མི་སྒུ་བར་དྲང་པོར་བསྲངས་ ལ་དྲན་པ་ནང་དུ་བཞག་སྟེ་འདུག་དགོས་ཤིང་། ལུས་འདྲོང་པོར་གནས་པའི་ཚད་གཞི་ནི་སྒལ་ཚིགས་ཕྱིར་མ་དོན་པ་ཞིག་དགོས། ཕྲག་པ་ནི་ཐད་ཀར་མཉམ་པར་བཞག་དགོས་པ་སྟེ་རྒོད་གཤོག་ལྟར་བརྐྱངས་པ་ཞིག་དགོས། ༼༤༽མགོ་ནི་མི་མཐོ་མི་དམའ་ཞིང་ཕྱོགས་གཅིག་ཏུ་མ་ཡོ་བར་བཞག་སྟེ་སྣ་ནས་ལྟེ་བར་ དྲང་པོར་བཞག་དགོས་ཤིང་།…