དྲང་སྲོང་བདེན་ཚིག་གྲུབ་པའི་སྨོན་ལམ་ཚིགས་སུ་བཅད་པ་
དྲང་སྲོང་བདེན་ཚིག་གྲུབ་པའི་སྨོན་ལམ་ཚིགས་སུ་བཅད་པ་
ཐར་ལམ་གྲོང་འཇུག་ཅེས་བྱ་བ་བཞུགས་སོ།།
ན་མོ་མ་ཧཱ་གུ་རུ་ཨ་བྷྱ་དཱི་པ་ཡེ།།
༼༡༽
དངོས་གྲུབ་རྒྱ་མཚོ་ཀུན་གྱི་འབྱུང་བའི་གནས།།
བླ་མ་རྗེ་དང་དཀོན་མཆོག་རྣམ་གསུམ་དང་།།
བྱང་ཆུབ་སེམས་དཔའ་རྣམས་ལ་ཕྱག་འཚལ་ཞིང་།།
སྐྱབས་སུ་མཆིའོ་བྱིན་གྱིས་བརླབ་ཏུ་གསོལ།།
༼༢༽
མ་གྱུར་ནམ་མཁའི་མཐའ་དང་མཉམ་པ་ཡི།།
མ་ལུས་འགྲོ་བའི་སེམས་ཅན་ཐམས་ཅད་ཀྱི།།
སྐྱེ་བ་འདི་ནས་ཚེ་རབས་ཐམས་ཅད་དུ།།
དལ་འབྱོར་བཅོ་བརྒྱད་ཚང་བའི་ལུས་ཐོབ་ཤོག།།
༼༣༽
ཡིད་བཞིན་མི་ལུས་རིན་པོ་ཆེ་ཐོབ་སྟེ།།
རྗེ་བཙུན་བླ་མ་མཚན་ཉིད་དང་ལྡན་པའི།།
དམ་ཚིག་རྟེན་འབྲེལ་འགལ་མེད་ལྷུན་གྲུབ་ངང་།།
ཐུགས་བརྩེ་ཆེན་པོས་གདུལ་བྱ་འགྱུར་བ་ཤོག།
༼༤༽
མངོན་པར་མཐོ་དང་ངེས་ལེགས་མཐའ་དག་གི།།
འབྱུང་ཁུངས་རྩ་བ་ཐོས་བསམ་སྒོམ་གསུམ་གྱིས།།
རང་རྒྱུད་བཏུལ་ཏེ་རྒྱལ་བསྟན་རིན་པོ་ཆེའི།།
ཚུལ་བཞིན་མ་ནོར་རྗེས་སུ་སློབ་པར་ཤོག།
༼༥༽
དམ་པའི་ཆོས་ལ་འཇུག་པའི་རྩ་བ་ནི།།
ངེས་པར་འབྱུང་དང་བློ་ལྡོག་རྣམ་པ་བཞི།།
རྒྱུད་ལ་ངམ་ངམ་ཤུགས་ཀྱིས་སྐྱེས་ནས་སུ།།
འཁོར་བ་མུ་མཐའ་མེད་ཀྱི་བྱ་བ་ལ།།
བཙོན་དོང་མེ་འོབས་ལྟ་བུར་མཐོང་བ་ཤོག།
༼༦༽
རྟེན་འབྲེལ་ལས་འབྲས་བསླུ་བ་མེད་པ་ལ།།
ཡིད་ཆེས་རྙེད་ནས་དགེ་དང་སྡིག་གི་ལས།།
ཕྲ་མོ་ཙམ་ཡང་འགལ་བ་མེད་པ་ཡིས།།
ཇི་བཞིན་མ་ལུས་འཇུག་ལྡོག་བྱེད་པར་ཤོག།
༼༧༽
གནས་གྲོགས་འདུ་འཛི་རྐྱེན་ངན་ལ་སོགས་པ།།
བྱང་ཆུབ་བསྒྲུབ་པའི་བར་ཆད་ཐམས་ཅད་ཀྱི།།
གཞན་དབང་མི་འགྲོ་གང་དུ་སྐྱེས་པའི་ཚེ།།
དཀོན་མཆོག་གསུམ་གྱི་སྐྱབས་འོག་ཏུ་ཚུད་དེ་།།
སྐྱེས་བུ་གསུམ་གྱི་ལམ་ལ་སློབ་པར་ཤོག།
༼༨༽
བདེ་གཤེགས་ཀུན་འདུས་ངོ་བོ་བཀའ་དྲིན་ཅན།།
བླ་མ་དམ་པར་ཐེ་ཚོམ་མཉམ་འགྲོགས་ཀྱིས།།
མི་རུ་བཟུང་བའི་ལོག་ལྟ་ཡོངས་སྤངས་ཏེ།།
སངས་རྒྱས་ཡེ་ཤེས་དངོས་སུ་མཐོང་བར་ཤོག།
༼༩༽
བསླུ་མེད་ལས་སྨོན་ཟབ་མོ་དེའི་མཐུ་ལས།།
མཚོན་པར་བྱེད་པའི་དཔེ་ཡི་དབང་བཞི་ཡིས།།
སྒོ་གསུམ་སྨིན་པར་བྱས་ཏེ་རྨད་བྱུང་གི།།
རྡོ་རྗེ་ཐེག་པའི་གསང་ལམ་འཇུག་པར་ཤོག།
༼༡༠༽
རྩ་གསུམ་རྒྱལ་བ་གསོལ་འདེབས་མོས་གུས་ཀྱི།།
མཚམས་སྦྱོར་ལམ་དུ་ལོང་ནས་མཚོན་བྱ་ཡི།།
དོན་གྱི་དགོངས་བརྒྱུད་བདག་ལ་མྱུར་འཕོས་ཏེ།།
སྒོམ་གྱི་རྟོགས་པ་ནམ་མཁའ་མཉམ་པར་ཤོག།
༼༡༡༽
བསྐྱེད་པ་མ་ཧཱ་ཡོ་གའི་ཉམས་ལེན་ཀུན།།
མཐར་ཕྱིན་སྣོད་བཅུད་དཀྱིལ་འཁོར་གསུམ་དུ་ཤེས།།
རིག་འཛིན་རྣམ་པ་བཞིའི་ས་ལ་མྱུར་བགྲོད་པ།།
རྒྱལ་སྲས་ཆེན་པོ་པདྨ་འབྱུང་གནས་དང་།།
བི་མ་མི་ཏྲ་ལྟ་བུར་འགྱུར་བར་ཤོག།
༼༡༢༽
ལུང་མཆོག་ཨ་ནུ་ཡོ་གའི་ཉམས་ལེན་ཀུན།།
མཐར་ཕྱིན་འཁོར་འདས་འཛིན་རྟོག་ཐམས་ཅད་ཉིད།།
བདེ་སྟོང་གཉིས་མེད་ངོ་བོར་སངས་རྒྱས་ཏེ།།
འོག་མིན་སྟུག་པོ་བཀོད་པའི་ཞིང་ཁམས་ཀྱི།།
ངེས་པ་ལྔ་ལྡན་མངའ་དབང་བསྒྱུར་བར་ཤོག།
༼༡༣༽
རྫོགས་ཆེན་ཨ་ཏི་ཡོ་གའི་ཉམས་ལེན་ཀུན།།
མཐར་ཕྱིན་ཆོས་ཅན་སྣང་བ་ཆོས་ཉིད་དུ།།
ཆོས་ཟད་གཞོན་ནུ་བུམ་སྐུར་རང་གྲོལ་པ།།
དགའ་རབ་རྡོ་རྗེ་ལྟ་བུར་འགྱུར་བར་ཤོག།
༼༡༤༽
མདོར་ན་བདག་གི་བྱང་ཆུབ་སྤྱོད་པ་ལ།།
བསླབ་པ་ནས་བཟུང་སྟེ་སྒོ་གསུམ་གྱི།།
བྱ་བ་ཅི་བགྱིས་ཐམས་ཅད་ཕ་མ་དང་།།
སེམས་ཅན་ཐམས་ཅད་དོན་དུ་འགྱུར་བར་ཤོག།
༼༡༥༽
དུས་དང་རྣམ་པ་ཐམས་ཅད་དམ་ཆོས་ལས།།
ཆོས་མ་ཡིན་པའི་འཇིག་རྟེན་མཐུན་འཇུག་གི།
བསམ་པ་སྐད་ཅིག་མ་ཙམ་ཡང་ནམ་རྒྱུན་དུ།།
རང་གཞན་སེམས་ལ་རྩ་ནས་མི་སྐྱེ་ཤོག།
༼༡༦༽
གལ་ཏེ་ལས་དང་བག་ཆགས་དབང་བཙན་པས།།
ཆོས་བརྒྱད་གཞན་དབང་དྲག་པོས་དབང་གྱུར་ནས།།
རང་འདོད་ཕྱིན་ཅི་ལོག་གི་བློ་སྐྱེས་ཀྱང་།།
ལས་ངན་དེ་ཉིད་ནམ་ཡང་མི་འགྲུབ་ཤོག།
༼༡༧༽
གཞན་དོན་འགྱུར་ན་ལུས་སྲོག་འདོར་བ་ལ།།
ནམ་ཡང་ཉམ་ང་མེད་པར་གཞན་དོན་དུ།།
མ་ལུས་འགྲོ་བ་ཡོངས་ཀྱི་མགོན་གཅིག་པུ།།
གཞོན་ནུ་དོན་འགྲུབ་ལྟ་བུར་འགྱུར་བར་ཤོག།
༼༡༨༽
བདག་གཞན་དོན་གཉིས་ལྷུན་གྱིས་གྲུབ་པ་ཡི།།
ས་ལ་ཕྱིན་ནས་ཁམས་གསུམ་འཁོར་བ་རྣམས།།
དོང་ནས་སྤྲུགས་ནུས་རྒྱལ་བ་བཅོམ་ལྡན་བཞིན།།
སྟོབས་བཅུ་མི་འཇིགས་རྣམ་བཞིའི་རྩལ་ཅན་ཤོག།
༼༡༩༽
འདོད་པ་ཀུན་དང་བྲལ་བའི་སྨོན་ལམ་ལ།།
མཐུན་འགྱུར་མཛད་པ་རྒྱལ་བ་སྲས་བཅས་ཀྱི།།
ཞལ་གྱིས་བཞེས་པར་དྲང་སྲོང་བདེན་ཚིག་གི།
སྨྲ་བ་ཀུན་བཟང་ཚོགས་ལ་ཕྱག་འཚལ་ལོ།།
༼༢༠༽
ཨོཾ་དྷ་རེ་དྷ་རེ་བྷནྡྷ་རེ་བྷནྡྷ་རེ་སྭ་ཧཱ།
དགེ་བ་སྟོབས་ཆེ་སྨོན་ལམ་མཐུ་བཙན་པས།།
སྡིག་པ་འདག་སྐྱེན་བསམ་དོན་ལྷུན་འགྲུབ་ནས།།
བསྟན་དང་འགྲོ་ལ་ཕན་པ་བདེ་མྱུར་ཤོག།
༼༢༡༽
ཛ་ཡ་ཛ་ཡ་སིདྡྷི་སིདྡྷི་ཕ་ལ་ཕ་ལ།
འ་ཨ་ཧ་ཤ་ས་མ།
མ་མ་ཀོ་ལིང་ས་མནྟ།
སརྦ་མངྒ་ལཾ།། །།
ཞེས་པ་འདི་ཡང་རབ་གནས་ལྕགས་བྱིའི་མགོ་ཟླ་བའི་དབང་ཚེས་དགེ་བར་(མདོ་ཁམས་པ་ཆོས་ལྡན་གྱིས་ངོར་འཇིགས་མེད་གླིང་པས་གསུང་)པའི་བདེན་ཚིག་གྲུབ་ལ་ཚིགས་སུ་བཅད་པའི་སྨོན་ལམ་ཉིད་རིག་འཛིན་ནམ་མཁའ་རྒྱ་མཚོས་ཆོས་བཤད་དགོས་ཚུལ་གསུངས་ལ་བསམ་ཞིབ་དང་། རང་སྣང་གང་ཤར་བྲིས་ན་མི་འགྲིགས་པས་རང་ངོས་ནས་བླ་མ་དང་ལྷག་པའི་ལྷ་ལ་གསོལ་བ་བཏབས་པའི་མཐུ་ལས་བྱུང་བའི་དགེ་མཚན་དང་བཅས་ཏེ་ཤྲཱིཿཨེ་མ་ཧོས་སྙིང་ནས་དབྱིན་ཡུལ་ཨེ་ཝྃ་རྫོགས་ཆེན་ཆོས་སྒར་ནས་སྨོན་ལམ་དུ་འདེབས་པར་དགེའོ།། །།
