བར་ཆད་ལམ་སེལ་ཤིན་ཏུ་བསྡུས་པ།
བར་ཆད་ལམ་སེལ་ཤིན་ཏུ་བསྡུས་པ།
གཏེར་སྟོན་འཇའ་ལུས་རྡོ་རྗེ།
ཨོཾ་ཨཱཿཧཱུྃ།
ཆོས་སྐུ་སྣང་མཐའ་ལོངས་སྐུ་སྤྱན་རས་གཟིགས།།
སྤྲུལ་སྐུ་པདྨ་འབྱུང་གནས་དྲག་པོ་རྩལ།།
གསོལ་བ་འདེབས་སོ་ཐུགས་རྗེའི་ཤུགས་ཕྱུངས་ལ།།
ཕྱི་ནང་གསང་བའི་བར་ཆད་དབྱིངས་སུ་སོལ།།
དུས་ངན་སྙིགས་མའི་འགྲོ་བ་སྡུག་བསྔལ་ཚེ།།
ཁྱེད་ལས་རེ་ས་མེད་དོ་སྙིང་ཁོང་ནས།།
མོས་གུས་གདུང་བས་ལྷང་ལྷང་གསོལ་བ་འདེབས།།
འགལ་རྐྱེན་ཕྱི་ནང་གསང་བའི་བར་ཆད་བཟློག།
ཚེ་བསོད་སྤེལ་ལ་རླུང་རྟ་དར་རྒྱས་ཤོག།
ཅེས་པའང་གཏེར་མིང་འཛིན་པ་འཇའ་ལུས་རྡོ་རྗེས་སོ།།།།
