༄༅།མཁན་ཆེན་བླ་མ་ཨེ་མ་ཧོའི་རྒྱལ་གླུ་བཛྲ་དྷཱ་ར།།

༄༅།མཁན་ཆེན་བླ་མ་ཨེ་མ་ཧོའི་རྒྱལ་གླུ་བཛྲ་དྷཱ་ར།།

ཨེ་མ་ཧོ༔

༡༽

ཨེ་མ་རྟ་བདུན་འཕྲོས་པའི་གེ་སར་ལང་ཚོར་བཞད།།

བཀའ་གཏེར་གཏད་རྒྱའི་བཛྲ་དྷཱ་ར་མཁྱེན།།

ཟབ་གསང་ཁ་ཕྱེ་ཉམས་རྟོགས་གད་རྒྱངས་བསྒྲགས།།

ཚད་མེད་ཐུགས་རྗེ་འོད་ཟེར་ཀུན་ཏུ་ཁྱབ།།

༢༽

ཟླ་བྲལ་རིག་པའི་ལེགས་མཛད་ཡེ་ཤེས་ལས།།

དཔག་ཡས་ལེགས་ཚོགས་ནོར་བུའི་དཀྱིལ་འཁོར་གྱི།།

བླ་སློབ་འཆང་ཆེན་ནུས་མཐུ་འདབ་སྟོང་བཟླུམས།།

འགྲོ་དྲུག་སེམས་ཅན་རྒྱུད་ལ་སྐུ་བརྟན་སྨོན།།

༣༽

མཆོག་གསུམ་བཟང་མ་འབྲུག་སྒྲ་བཞིན་དུ་འདུས།།   

དྭངས་གསལ་ཉི་ཟླའི་སྙིང་པོ་བདག་གི་དྷ་ར་ཎི།།

སྐལ་བར་ལྡན་པའི་གདུལ་བྱའི་ཆོས་ཆར་འབེབས།།

དམ་ཆོས་དབྱར་མཚོ་ལྟ་བུ་རྒྱས་པར་སྨོན།།

༤༽

ཡབ་ཡུམ་དག་སྣང་བརྩེ་ཆེན་འཛུམ་པའི་སྐྱོང།།

ཡི་དམ་ལྷ་ཡི་རླུང་རྟ་དར་གྱུར་ཅིག།

རི་རབ་གླིང་བཞི་དངོས་གྲུབ་ཕུན་སུམ་ཚོགས།།

ཐུགས་རྗེ་ལྷ་ལམ་ཡངས་པའི་བཀྲ་ཤིས་ཤོག།

༥༽

གསང་གསུམ་སྒྱུ་འཕྲུལ་ཀུན་གྱི་ཕུལ་བྱུང་དཔལ།།

དམ་ཆོས་བདུད་རྩིའི་འོད་སྣང་དགྱེས་པ་མཁྱེན།།

རྡོ་རྗེ་ཡངས་པའི་མཆོག་གསུམ་ཀུན་ཏུ་གཟིགས།།

མ་རྒྱུད་སྐྱོང་བར་མཛད་ལ་ཕྱག་འཚལ་ལོ།།

༦༽

མན་ངག་འཛིན་པ་རྣམ་དག་པད་འབྱུང་མཁྱེན།།

རྒྱལ་ཀུན་ལྔ་ལྡན་འོག་མིན་ཨེ་མ་ཧོཿ།།

གཏེར་ཆོས་འགྲོ་བ་འདྲེན་པའི་གནས་ལུགས་རྟོགས།།

བདེ་ཆེན་ཡེ་ཤེས་ངང་ནས་གསོལ་བ་འདེབས།།  

༧༽

སྐུ་ཚེ་བརྟན་པ་ཚེ་དཔག་མེད་མགོན་བཞིན།།

གསུང་ཆོས་བརྡལ་བ་འཁོར་བ་མ་སྟོང་བར།།

ཐུགས་བསྐྱེད་འགྱུར་མེད་རྗེ་བཙུན་འཇམ་དཔལ་དབྱངས།།

དགྱེས་པ་རྡོ་རྗེའི་ཕྲིན་ལས་མཐར་ཕྱིན་སྨོན།།

生日快乐

ཞེས་པ་འདི་ཡང་རབ་རྒྱན་ཆུ་སྟོད་ཟླ་བའི་གནམ་གང་གི་གསོ་སྦྱོང་གི་ཉི་མ་ལ་ལས་སྨོན་རྟེན་འབྲེལ་བཟང་པོས་འབྲེལ་བའི་༸སྐྱབས་རྗེ་མཁན་ཆེན་བླ་མ་ཨེ་མ་ཧོ་ལ་དད་གུས་བཅས་ལཀྵཾ་ཝ་ཤཾ་དགེ་བས་སྙིང་ནས་སྨོན་ཚིག་ཏུ་སྒ་ཁྲི་འདུ་རྒྱ་གར་ལུང་པ་ནས་ཕུལ་བར་དགེའོ།། །།