༄༅། །ཨ་ཧོ། དུས་གསུམ་གྱི་རྟོག་པས་མ་བསླད་པའི།

༄༅། །ཨ་ཧོ། དུས་གསུམ་གྱི་རྟོག་པས་མ་བསླད་པའི། །ད་ལྟའི་ཤེས་པ་རྗེན་པ་འདི། །བསྒོམ་ཞེས་འཛིན་བློས་མ་བཅིངས་ཞིང་། །མ་བསྒྲོམ་ཞེས་ཡེངས་འབྱམས་སུ་མ་ཤོར་བར། །རང་བབ་རྗེན་པར་སྐྱོང་བ་འདི། །རྫོགས་པ་ཆེན་པོའི་ཉམས་ལེན་ཡིན། །དེ་ཚེ་རྣམ་རྟོག་ཅི་ཤར་ཡང་། །བཟང་ངན་གྱི་སྤང་བླང་བྱ་མི་དགོས། །ངོ་ཤེས་ཙམ་གྱི་རང་སར་གྲོལ། །ཤར་གྲོལ་འདི་ལམ་གྱི་གནད་དུ་བཟུང་། །ཉམས་གང་ཤར་བཤིག་ལ་ཁྲེས་སེ་བོར། །གཏད་མེད་ཞིག་པ་བློ་རེ་བདེ། །བློ་བདེ་བའི་འདུན་མ་ད་ལྟ་ཟིན། །ཆོས་རྣམ་གྲངས་མང་པོས་ཅི་ཞིག་བྱ། །ཀུན་ཏུ་བཟང་པོ་རང་ལས་རྙེད། །དོན་འདི་ཉིད་ཐུགས་ཀྱི་དབུས་སུ་བསྟིམ། །

ཞེས་མཧཱ་སུ་ཁའི་གསོལ་འདེབས། འཇིགས་བྲལ་ཡེ་ཤེས་རྡོ་རྗེས་སྨྲས།།