༄༅།།རིག་འཛིན་དྲག་སྔགས་གླིང་པ་རྒྱལ་ལོ།།

༄༅།།རིག་འཛིན་དྲག་སྔགས་གླིང་པ་རྒྱལ་ལོ།།

ཨེ་མ་ཧོ།།

འཛམ་གླིང་ཞབས་ཀྱིས་གནོན་པའི་དྲག་སྔགས་གླིང་།།

ཉི་ཟླའི་ཤར་ནུབ་ཁེབས་པའི་རྣལ་འབྱོར་བ།།

དུས་གསུམ་མཁྱེན་པའི་རྒྱལ་བ་དྲང་སྲོང་པ།།

རིག་འཛིན་ཨ་བུ་རིན་ཆེན་སྐུ་ལ་འདུད།།

འཛམ་གླིང་ཆོས་ལ་བཀོད་པའི་དྲག་སྔགས་གླིང་།།

གླིང་བཞིའི་མུན་པ་སེལ་བའི་རྒྱལ་བའི་སྲས།།

ཐེག་གསུམ་ཆོས་འཁོར་བསྐོར་མཁས་གྲུབ་པའི་དབང་།།

སྔགས་འཆང་ཨ་བུ་རིན་ཆེན་གསུང་ལ་འདུད།།

འཛམ་གླིང་ཞི་བདེའི་དེད་དཔོན་དྲག་སྔགས་གླིང་།།

ཕྱོགས་ལས་རྣམ་པར་རྒྱལ་བའི་ཆོས་ཀྱི་རྒྱལ།།

མཁྱེན་བརྩེ་ནུས་ལྡན་སངས་རྒྱས་ཡེ་ཤེས་ཞབས།།

གཏེར་ཆེན་ཨ་བུ་རིན་ཆེན་ཐུགས་ལ་འདུད།།

སྐུ་གསུང་ཐུགས་ཡོན་ཕྲིན་ལས་རྒྱ་མཚོའི་གཏེར།།

མུ་མེད་འགྲོ་ཀུན་འདྲེན་པའི་རྡོ་རྗེ་འཆང་།།

ཁམས་གསུམ་ཆོས་ཀྱི་རྒྱལ་པོ་ཨེ་མ་ཧོ།།

སྐུ་ཚེ་བརྟན་ཅིང་བཞེད་དོན་ལྷུན་གྲུབ་ཤོག།

ཅེས་པ་འདི་ཡང་རབ་གནས་ཤིང་འབྲུག་རྒྱལ་ཟླའི་དགའ་བ་གཉིས་པར་རིགས་གསུམ་ཀུན་འཛོམས་བཀྲ་ཤིས་རབ་བརྟན་དགོན་ནས་དམ་པ་གང་གི་དངོས་སློབ་གྱི་གྲལ་མཐའ་ཟིན་པའི་མགོན་པོ་སྐྱབས་ནས་སྨོན་པར་དགེའོ།། །