དྲན་པའི་ཡེ་ཤེས་ནམ་མཁའི་སྙིང་པོ་ཞེས་བྱ་བ་བཞུགས་སོ།།

དྲན་པའི་ཡེ་ཤེས་ནམ་མཁའི་སྙིང་པོ་ཞེས་བྱ་བ་བཞུགས་སོ།།

ན་མོ་མ་ཧཱ་གུ་རུ་སྨྲི་ཏི་ཛྙཱ་ན་ཡེ།།

༼༡༽

དྲན་པ་སངས་རྒྱས་ཡེ་ཤེས་དཔལ།།

དྲན་པ་དགྱེས་པའི་བག་ཡོད་གསལ།།

དྲན་པ་ཤེས་བཞིན་རྡོ་རྗེའི་གར།།

དྲན་པ་རྟེན་འབྲེལ་ཉི་མ་ཤར།།

༼༢༽

དྲན་པ་བླ་མའི་ཐུགས་དང་མཐུན།།

དྲན་པ་ཡི་དམ་རྒྱལ་བའི་དཔལ།།

དྲན་པ་མཁའ་འགྲོ་རྒྱ་མཚོའི་ཐུགས།།

དྲན་པ་ཆོས་སྐྱོང་གེ་སར་རྒྱལ།།

༼༣༽

དྲན་པའི་ངོ་བོ་སྟོང་བ་ཉིད།།

དྲན་པའི་རང་བཞིན་འོད་དུ་གསལ།།

དྲན་པ་ཐུགས་རྗེ་རང་རིག་དཔལ།།

དྲན་རིག་སངས་རྒྱས་ཡེ་ཤེས་ལགས།།

ཞེས་པ་རབ་གནས་ཁྲོ་མོ་རྒྱལ་ཟླའི་རྒྱལ་བ་གསུམ་པར་ཇོ་མོ་འཆི་མེད་རྒྱལ་མོས་སྐུལ་ངོར་བྲག་དམར་ཀེའུ་ཚང་གི་ཡང་གསང་ནམ་མཁའི་སྙིང་པོའི་སྒྲུབ་ཁང་ནས་ཐོལ་གྱིས་གདམས་ཚིག་ཏུ་ཤྲཱིཿགླིང་པ་ཨེ་མ་ཧོས་དེ་ཉིད་དུ་བགྱིས་པར་དགེའོ།། །།