ཨེ་མ་ཧོ།།
༸མཁའ་འགྲོ་མ་མཆོད་རྟེན་བཟང་མོའི་མཆོད་རྟེན་མཇལ་ཞིང་ལོ་བདུན་གྱི་ཡར་སྔོན་གྱི་རྨི་ལམ་གྱི་ལུང་བསྟན་ཀུན་མངོན་དུ་གྱུར། རྗེ་བཙུན་མ་མུ་མཚོ་དང་ཡིད་བཞིན་ནོར་བུ་རྨི་ལམ་ལས་མངོ་་སུམ་མཇལ། འཆི་མེད་འཕགས་མ་སྒྲོལ་མ་དང་ཟླ་བ་གྲགས་པ། ཆོས་བདག་པདྨ་ཆོས་གྲགས་རིན་པོ་ཆེ་དང་། གསར་རུ་འཇམ་དབྱངས་བློ་གྲོས་སྟོབས་ལྡན་དང་ཀུན་བཟང་རིག་འཛིན་དང་ཕུབ་བཟང་མོ་དང་ཡུལ་དེའི་དྲག་ཤོག་གིས་དུང་ལེན་དགའ་བསུ་ཟབ་རྒྱས་བྱུང་། ངོས་ནས་ཚིག་བདུན་གསོལ་འདེབས་ཀྱི་ལུང་དག་སྔགས་དང་ཕྱག་དང་། ཁྱད་པར་དུ་གུ་རུ་རྡོ་རྗེ་གོ་ཁྲབ་ཀྱི་དབང་དང་ཕུར་པ་མགུལ་ཁུག་མའི་དབང་དང་རྡོ་རྗེ་གཅོད་པའི་ལུང་དང་ཚེ་འདས་ཉི་མ་བསྔོ་སྨོན་བྱས་ལ་ཀརྨ་གླིང་གི་མགྲོན་ཁང་ནས།
ཨེ་མ་ཧོ།།
ཀརྨ་གླིང་པའི་བཟང་ཁང་དུ།།
རྩ་གསུམ་མདོ་སྔགས་བཀའ་དབང་བསྩལ།།
བསྟན་འགྲོར་ཕན་བདེའི་ཉི་མ་ཤར།།
ཀུན་བཟང་ཕྲིན་ལས་རྨད་བྱུང་ཨེ་མ་ཧོ༔
ད་བྲིས་ད་སྤེལ་ཨེ་མ་ཧོ།
