བདེ་འཚམས་ངང་དབྱིན་ཡུལ་ལ་ཐོན་ཐལ།

བདེ་འཚམས་ངང་དབྱིན་ཡུལ་ལ་ཐོན་ཐལ།

ཨེ་མ་ཧོ༔

དགའ་ཡུལ་ཕ་ཁྱིམ་གཉིས་པའི་གླིང་ཀ་རུ།།

དགྱེས་དགུ་དཔལ་ལ་སྤྱོད་མཁས་ཤྲཱིཿ སྨྱོན་པ།།

འགྱུར་མེད་རྡོ་རྗེའི་ཟློས་གར་ཅི་ཡང་བསྒྱུར།།

ཨ་ལ་ལ་ཧོ་ཆོས་མཆེད་བཀའ་དྲིན་ཆེ།།

སངས་རྒྱས་ལྷ་མོས་ཞབས་བརྟན་དབྱངས་སུ་འགུགས།།

རྡོ་རྗེ་ལྷ་མོས་ཚེ་སྲོག་མདའ་དར་སྒྲོན།།

རིན་ཆེན་ལྷ་མོས་གཡང་གི་ནོར་བུ་སྟེར།།

པདྨ་ལྷ་མོས་སྒྲུབ་པ་ཚད་དུ་ཕྱིན།།

ཀརྨ་ལྷ་མོས་ཕྲིན་ལས་ཕྱོགས་ཀུན་བརྡལ།།

ཛྙཱ་ན་ལྷ་མོས་དབུ་མའི་གོ་བར་བཤད།།

བདེ་ཆེན་ལྷ་མོས་ཕྱག་རྒྱའི་དངོས་གྲུབ་གནང་།།

གུ་རུ་ལྷ་མོས་རྫོགས་ཆེན་བསྟན་པ་སྤེལ།།

་་་་