གངས་ཅན་འགྲོ་བ་ཡོངས་ཀྱི་སྐྱབས་གཅིག་གུ་རུ་རིན་པོ་ཆེའི་ཐུགས་རྒྱུད་བསྐུལ་ཕྱིར་བཛྲ་གུ་རུའི་དགེ་སྐུལ། ཆོས་དབྱིངས། དེ་ཡང་གངས་ཅན་འགྲོ་བ་ཡོངས་ཀྱི་སྐྱབས་གཅིག་བཀའ་དྲིན་མཚུངས་མེད་ཨོ་རྒྱན་སངས་རྒྱས་གཉིས་པའི་ཐུགས་རྒྱུད་བསྐུལ་ཏེ་བཛྲ་གུ་རུ་ཅི་ནུས་སུ་འདོན་རྒྱུ་དང་གུ་རུ་རིན་པོ་ཆེ་ལ་གསོལ་བ་འདེབས་བྱས་ན་མཆོག་དང་ཐུན་མོང་གི་དངོས་གྲུབ་འཐོབ་པ་དང་། ཁྱད་པར་དུ་ཕྱོགས་ཀྱི་ཐ་གྲུ་ཀུན་ཏུ་སངས་རྒྱས་ཀྱི་བསྟན་པ་དར་བ་སེམས་ཅན་ལ་བདེ་སྐྱིད་འབྱུང་བར་འཁྲུལ་མེད་རྡོ་རྗེའི་བཀའ་ལུང་དུ་མ་ནས་ཡང་ནས་ཡང་དུ་གསུངས་པ་དཔེར་མཚོན་ཙམ་འགོད་ན། གཏེར་ཆེན་ལས་རབ་གླིང་པའི་རྒྱལ་ཁབ་སྤྱིའི་ལུང་བསྟན་ཐམས་ཅད་ཀྱི་ནང་དོན་མདོར་བསྡུས་ཏེ་གཏེར་སྟོན་ཉིད་ཀྱི་ཞལ་སྔ་ནས་འདི་ལྟར་གསུངས་ཏེ། རྒྱལ་ཁབ་སྤྱི་ལ་ཕན་ཐབས་གཉེན་པོ་ཡོད་པ་རྣམས་མདོར་བསྡུས་ཏེ་ཚང་བར་བྲིའོ། །རྒྱལ་ཁབ་ཀྱི་མི་བདེ་སྤྱིའི་གཉེན་པོ་བཛྲ་གུ་རུ་ཁོ་ན་གལ་ཆེ་ཚུལ་དང་།། ཞེས་སོགས་གསུངས་པ་དང་། བདུད་འཇོམ་ལུང་བསྟན་ལས། དཔལ་རྡོ་རྗེ་ཕུར་པ་མ་གཏོགས་པའི༔དུས་སྙིགས་མའི་བདུད་མགོ་གང་གིས་གནོན༔དཔལ་ཨོ་རྒྱན་ཆེན་པོ་མ་གཏོགས་པའི༔བོད་ཐུགས་རྗེས་སྐྱོང་མི་སུ་ཞིག་ཡོད༔ ཅེས་དང་། རྡོ་གྲུབ་ཆེན་གྱི་ལུང་བསྟན་ལས། སྡེ་མཆོག་དམན་ཀུན་བསམ་པ་སྤྱི་དྲིལ་གྱིས།།ལྷ་ཨོ་རྒྱན་གྱི་རྣམ་ཐར་གསུང་སྒྲོག་དང་།།ལེའུ་བདུན་མ་བཛྲ་གུ་རུ་སོགས༔གང་མང་དུ་འདོན་དང་། ཞེས་དང་། ཁྱད་པར་དུ་པདྨ་བཀའ་ཐང་དང་།།ལེའུ་བདུན་དང་བསམ་ལྷུན་གང་མང་སྒྲུབ།།སློབ་དཔོན་གྱི་སྐུ་གསུང་ཐུགས་ཀྱི་རྟེན།།ཅི་མང་དུ་བཞེངས་ན་ཕན་དང་བདེའི།།མངོན་རྟོགས་གཟུགས་མཐོང་ལ་ཐེ་ཚོམ་མེད།། ཅེས་དང་། ཅོག་སྟེང་མདོ་སྤྲུལ་གྱི་ལུང་བསྟན་ལས། རྗེ་པད་འབྱུང་ལ་རྒྱུན་དུ་གསོལ་བ་ཐོབ༔ ཅེས་དང་། ཨ་པཾ་གཏེར་སྟོན་གྱི་ལུང་བསྟན་ལས། བོད་སྡུག་གི་དུས་ལ་ཐུག་པའི་ཚེ། །ལྷ་པད་འབྱུང་ལས་གཞན་སུ་ཡིས་སྐྱོབ། །དད་མེད་ཀྱི་བདུད་ཀྱིས་ཀ་ཞ་སྒྲོག༔རྒྱལ་བ་རྣམ་མཉམ་པར་གསུང་ཡིན་སྨྲ༔ དང་པོ་ནི་གང་ཅན་འགྲོ་བ་ལ༔ཐུགས་བསྐྱེད་ཀྱི་སྨོན་ལམ་ཁྱད་པར་ཡོད། །བར་དུ་ནི་རྗེ་དང་བླ་མའི་ཚུལ༔བཟུང་ནས་སུ་བསྟན་པའི་ཁྱད་པར་གཉིས༔ ཐ་མ་རུ་སྙིགས་མའི་འགྲོ་བ་ལ༔ཐུགས་བརྩེ་བའི་གཏེར་གྱི་ཁྱད་པར་གསུམ༔དུས་གསུམ་གྱི་རྒྱལ་བ་ཐམས་ཅད་ཀྱི༔མཁྱེན་བརྩེ་ནུས་ཡོན་ཏན་གཅིག་བསྡུས་བཞི༔ བལ་ཡུལ་གྱི་མཆོད་རྟེན་བཞེངས་པའི་ཚེ༔སྙིགས་འགྲོ་ལ་སྨོན་ལམ་ཁྱད་པར་ལྔ། །ངེད་ཉེར་བཞིའི་ཡུལ་གྱི་ཌཱཀྐིའི་གཙོས༔དཀྱིལ་འཁོར་ཀུན་ཁྱབ་བདག་གཙོ་བོར་བཞུགས༔ རིག་འཛིན་རྣམས་ཡེ་ཤེས་སྒྱུ་མའི་འཕྲུལ༔དཔེ་ནམ་མཁར་ཟླ་བའི་དཀྱིལ་འཁོར་ལ༔འཛམ་གླིང་གི་ཆུ་སྣོད་ཇི་སྙེད་དུ༔ཟླ་གཟུགས་ཀྱི་སྤྲུལ་པའི་ཟློས་གར་བཞིན༔ ས་སྟེང་འདི་པདྨའི་གདུལ་བྱ་ཡིན༔རིགས་གསུམ་གྱི་སྤྲུལ་པའི་བཤེས་གཉེན་རྣམས༔པད་འབྱུང་གི་རྣམ་རོལ་མཐའ་ལས་འདས༔གཞན་ཕན་གྱི་མཛད་པ་ཕྲིན་ལས་སྒོ༔ ཡོལ་མེད་དུ་རྒྱ་མཚོའི་རླབས་ལྟར་འཁྲུགས༔བུ་སྡུག་ཚེ་ཕ་མར་འབོད་པ་བཞིན༔རྗེ་པདྨར་གུས་པས་གསོལ་བ་ཐོབ༔ ཅེས་སོགས་ཞལ་ཆེམས་དང་ལུང་བསྟན་དཔག་ཏུ་མེད་པ་ཞིག་རྩོད་བྲལ་སྤྲུལ་པའི་གཏེར་སྟོན་དུ་མའི་གཏེར་ཁ་ནས་ལན་གཅིག་མིན་པར་ཡང་ཡང་གསུངས་པ་དང་། སྤྱིར་དུས་ཀྱི་རྒུད་པ་བཟློག་ཐབས་སྐུ་རིམ་དམིགས་བསལ་བ་རྣམས་ནི་ཇི་སྐད་དུ གུ་རུའི་ཞལ་ནས། སྔས་ན་རི་དྭགས་མི་ཚུད་རྒྱ་དང་འདྲ༔ ཕྱིས་ན་ཆུ་ཤོར་ཟིན་པའི་རགས་དང་འདྲ༔ ཞེས་གསུངས་པ་ལྟར་ཡུལ་དུས་གང་ཟག་གི་ཁྱད་པར་ཡོད་མོད་ཀྱང་། གུ་རུའི་ཐུགས་རྒྱུད་བསྐུལ་ཕྱིར་བཛྲ་གུ་རུ་འདོན་རྒྱུ་དང་རྡོ་རྗེ་ཕུར་པའི་བསྙེན་སྒྲུབ་ལས་གསུམ་ལ་བརྩོན་པར་བྱེད་པ་ནི་གཏེར་ལུང་སྔ་ཕྱི་ཐམས་ཅད་དགོངས་པ་གཅིག་དང་དབྱངས་གཅིག་གི་ཚུལ་དུ་དུས་དང་གནས་སྐབས་ཐམས་ཅད་དུ་གལ་ཆེ་བར་གསུངས་འདུག་པས་ཅིས་ཀྱང་འབད་པར་འཚལ་ཞེས་རབ་གནས་ས་ཕག་བོད་ཟླ་ ༨ ཚེས་…

༄༄། ། ན་མོ། བཀའ་དྲིན་ཅན་གྱི་བླ་མ་སྤྱི་བོའི་རྒྱན་དུ་མཆོད།། ཨ་ལ་ལ། ཀ་དག་གནས་ལུགས་ལྟ་བ་འཛིན་མེད་ཀྱི་ཀློང་ན།། གནམ་འཕང་སྤྱོད་པའི་ཐང་དཀར་རྒོད་པོ་དང་འདྲ་ལ།། བསྒོམ་མེད་ཡེངས་མེད་དམིགས་པའི་གཏད་སོ་དངབྲལ་བ།། ཕུ་ཆུ་དྲག་པོ་བརྡབ་པའི་ཆུ་ཀླུང་དང་མཚུངས་ཀྱི།། སྤྱོད་པ་སྤང་བླང་བྲལ་བ་བརྫུན་ཕུག་འདི་རྡིབས་ཤིང་།། ངོ་ལྐོག་མེད་པའི་དམ་ཚིག་ས་ལམ་ཤིང་རྟ་ལ་བཞོན་འདྲ།། རེ་འདོགས་བྲལ་བའི་འབྲས་བུ་གཞོན་ནུ་བུམ་པ་ཡི་ཀློང་ན།། དག་པ་གཉིས་ལྡན་ཆོས་སྐུ་ཤེལ་འོད་བཞིན་དུ་རང་སྨིན་ནོ།། གཞི་དབྱིངས་སྤྲོས་པ་བྲལ་བའི་མཐའ་བྲལ་གྱི་ཀློང་ན།། འགགས་མེད་ལམ་སྣང་ཤར་བའི་ཐ་དད་དུ་མ་མཐོང་།། འབྲས་བུ་བློ་ཆོས་ཟད་པ་དབྱེར་མེད་རང་འདུག་གོ། རྟོག་ཚོགས་དབྱིངས་སུ་ཡལ་བས་རིག་སྟོང་འདི་ཤར་བས།། འཁོར་འདས་བཟང་ངན་བྲལ་བས་རེ་དོགས་འདི་བྲལ་གཤིས།། རང་ཉིད་ཉམས་ཚོད་བསྟུན་པའི་སྐྱིད་གླུ་རང་ཡིན་གྱི།། བཀའ་དྲིན་ཅན་གྱི་བླ་མའི་བྱིན་མཐུས་ལས་ཤར་བ།། ནང་ལུགས་སུ་འབུལ་བས་འགལ་འཁྲུལ་ཞིག་སྲིད་ཀྱི།། ཆོས་ཉིད་འདུ་བྲལ་མེད་པའི་ཀློང་དུ་རང་བཤགས་ཞུ།། ཆོས་སྤྱན་ཡངས་པའི་སྤྱན་སྔར་མཆོད་པའི་རྣམ་རོལ་དུ་འབུལ་བས།། དགྱེས་པར་དགོངས་ལ་ཐུགས་རྗེ་དབྱིངས་ནས་རང་གཟིགས་མཛོད།། ཛྙཱ་ནས་བྲིས་པ་དགེ་ལེགས་ཀུན་ཁྱབ་རང་རྒྱས་ཤོག། །

མི་ཚེའི་ནང་དད་དམ་ལ་འགྱུར་བ་མེད་པའི་ཨ་སྐྱ་བླ་མ་དང་མཁན་པོ་འོད་གསལ་མཐའ་ཡས་དང་འོད་གསལ་ཆོས་སྒྲོན། ཨེ་ཝཾ་དཔལ་སྒྲོན་དང་འཇམ་མགོན་བླ་མ་སོགས་ལ་མཇལ་འཕྲད་བྱུང་། ཁྱད་པར་རིག་འཛིན་པདྨ་དྲག་སྔགས་གླིང་པའི་ཕྱག་བྲིས་དངོས་ཀྱི་ཟབ་ཆོས་དང་རྩམ་ཆུར་ཟས་གོས་དང་། སྨན་རག་གཏོར་ཚོགས་གཏོར་གྱི་དམ་རྫས་ཀུན་འདུས་དང་། གནམ་ལྕགས་ཀྱི་ཕུར་བུ་དང་། རྡོ་དྲིལ་དང་བླ་མ་ལོ་མའི་སྐུ་འཆང་དང་གནབ་ཆས་སོགས་འཛམ་གླིང་ན་རྙེད་པར་དཀའ་བའི་གཏེར་རྫས་གནང་སྦྱིན་དང་ཆུ་ཚོད་དྲུག་གིས་བར་བཀའ་མོལ་བྱུང་། དགའ་སྤྲོ་བླ་ན་མེད་པར་དགུང་ཟས་མཉམ་དུ་རོལ། དམིགས་བསལ་ཨེ་ཝཾ་མེ་ཏོག་གླིང་ལ་རྟེན་འབྲེལ་ལེགས་འགྲིགས་བྱུང་ངོ་། དགའ་དད་སྤྲོ་བས་ཤྲཱིས་སོ།

རྫོགས་ཆེན་དུས་འཁོར་ཀྱི་ས་འདུལ་དང་བཀའ་བགོ།ཧཱུཾ་ཧཱུཾ་ཧཱུཾ།།སྙིགས་ལྔའི་མུན་ནག་འཇའ་འོད་ཀློང་དུ་འབྱམས།།སྐུ་བཞི་ཡེ་ཤེས་འབད་མེད་རྒྱུད་ལ་འབྱོར།།མཆོག་གསུམ་དམ་པའི་སྣང་བ་མི་འབྲལ་ཞིང་།།དོན་གཉིས་ལྷུན་གྲུབ་སངས་རྒྱས་དཔལ་དུ་ཤོག།དམུ་རྒོད་་་་་

༄༅།།གཏེར་ཆེན་རིག་འཛིན་པདྨ་དྲག་སྔགས་གླིང་པའི་གཏེར་འབུམ།གླེགས་བམ་པོད་ཨོཾ།ཨེ་མ་ཧོས་བསྒྲིགས།པདྨ་དྲག་སྔགས་གླིང་པའི་དག་སྣང་གསང་བའི་ཆོས་སྐོར་ལས༔རྫོགས་ཆེན་དུས་འཁོར་རྩ་བའི་དབང་ཆོག་ཀུན་བཟང་རང་གྲོལ༔དཔལ་འོད་གསལ་རྫོགས་པ་ཆེན་པོ་དུས་ཀྱི་འཁོར་ལོའི་སྨིན་བྱེད་དབང་གི་རིམ་པ་བྱིན་རླབས་ཉེ་བརྒྱུད་སྙིང་གི་ཐིག་ལེ་ཞེས་བྱ་བ།རྫོགས་ཆེན་དུས་འཁོར་སྨིན་བྱེད་སྙིང་གི་ཐིག།བྱིན་རླབས་དབང་གི་སྨིན་གྲོལ་བདུད་རྩིའི་ཆར།།བདག་སོགས་འགྲོ་བློའི་བུམ་པར་སྙིལ་མཁས་པའི།།སྐྱབས་གཅིག་མཚོ་སྐྱེས་རྡོ་རྗེས་རྟག་ཏུ་སྐྱོངས།།…………

འཁྲུག་རྩོད་དང་གྱེན་ལོང་གི་དམག་འཁྲུག་གཡུལ་ངོ་ལ་རང་ལུས་དང་བར་ཆད་གང་ཡོད་ལ་འཛེམས་བག་མེད་པར་ཕན་བདེའི་རྩ་བ་དཀའ་བ་ཁྱད་གསོད་དང་ངལ་བ་དུང་བླངས་ཀྱིས་རང་སྲུང་རྡོ་རྗེ་གོ་ཁྲབ་དངབཅིངས་གྲོལ་ནམ་མཁའ་དྲི་མེད་ལ་བརྩོན་བཞིན་ཧོང་ཀོང་ལ་ཞི་བདེ་དང་འཛམ་གླིང་ལ་ཕན་བདེ། སྐྱེ་དགུ་ལ་བདེ་སྐྱིད་འབྱུང་བའི་ཆེད་དུ་ཧོང་ཀོང་ཕྱོགས་སུ་ཆས། ཆོས་མཐུན་གྲོགས་པོ་ཚོས་ཐུགས་སྨོན་རེ་གནང་བར་མཁྱེན། ཁྱད་པར་རྫོགས་ཆེན་དུས་འཁོར་དབང་བསྐུར་ཆེན་མོ་དང་ཨེ་ཝཾ་སྨོན་ལམ་ཆེན་མོའི་ཕྲིན་ལས་མཐར་ཕྱིན་པའི་སྨོན་འདུན་བཅས་ཤྲཱིས་སོ།།