ཤེས་གཉེན་དམ་པ་ལགས། ཁྱེད་ཀྱི་འཁྲུངས་སྐར་ལ་རྟེན་འབྲེལ་ཞུ། གཡ བཤེས་གཉེན་དམ་པ་ལགས། ཁྱེད་ཀྱི་འཁྲུངས་སྐར་ལ་རྟེན་འབྲེལ་ཞུ། གངས་ལྗོངས་སྨྲ་བའི་དབང་ཕྱུག་ལ་ཕུལ་བའི་སེམས་ཀྱི་ལྷ་རེག་དཀར་པོ། གཅི༵ག་བསྡུས་རྒྱལ་བའི་མཁྱེན་རབ་དཔྱིད།། གཉི༵ས་མེད་བརྟན་པའི་འཁོར་ལོ་དེས།། འགྲོ་ཁམས་སྲིད་ཀྱི་རིགས་ཅན་གསུ༵མ།། དུས་མཐར་ཕྱོགས་བཞི༵ར་སྐྱོང་དེར་འདུད།། བཀའ་པོད་ལྔ༵་དང་གནའ་དེང་གཞུང་།། ཕར་ཕྱིན་དྲུ༵ག་གིས་ཤར་ནུབ་འགེངས།། གླིང་བདུ༵ན་རྒྱ་མཚོའི་ཐ་གྲུ་ཡོངས།། རྟགས་བརྒྱ༵ད་ནོར་གྱིས་ཁྱབ་དེ་རྒྱལ།། བརྩེ་ཆེན་སྙིང་རྗེ་ཁོ་ནས་གཞན་དབང་གྱུར།། མཁྱེན་དཔྱོད་ཤེས་རབ་ཁོ་ནས་བདེན་པར་འཇུག། བྱས་པ་གཞན་དོན་བསྒྲུབ་པ་སྙིང་པོའི་ཆོས།། འཕགས་ཆེན་སེམས་དཔའི་རྣམ་ཐར་བསམ་མི་ཁྱབ།། སྦས་ཤིང་གབ་པའི་ཕྱི་ནང་གསང་བའི་ཡོན།། མ་ལུས་མི་ལུས་ལྷག་ལུས་མེད་པ་ཞིག། དྲུང་ན་འགྲོགས་པ་སུས་ཀྱང་དཔོག་མིན་ན།། འོན་རྟུལ་བདག་གི་ཡུལ་ནི་ཇི་ལྟར་འགྱུར།། ཞོགས་ཁའི་མཚམས་སྤྲིན་བརྟོལ་བའི་གསེར་འོད་གཟི།། ཉི་ཤར་ནམ་ལངས་ཐང་གསལ་གྱུར་པའི་རིགས།། སྒྲོ་སྐུར་ལོག་སྤྱོད་ཕྱོགས་རིས་རྒྱང་དོར་ནས།། རང་གི་མཐོང་ཐོས་ཙམ་ཞིག་གསོང་པོར་རྗོད།། རྣམ་བཞིའི་འཁོར་ཚོགས་རྡུལ་དམར་བརྩེགས་པའི་སྤོར།། གང་ཁྱེད་རྒྱུ་སྐར་ལམ་གྱི་ཉི་ཟླ་བཞིན།། ཡབ་རྗེ་ཁྱུང་ཆེན་གཞོན་ནུའི་རྒྱལ་ཚབ་ལ།། མཐའ་བཞིའི་རྒྱལ་ཁམས་ཁྱོན་ན་ལྷག་ཏུ་སྙན།། ཡབ་གཅིག་དམ་པས་དཀའ་བ་འབུམ་ཕྲག་གིས།། བསྐྲུནད་ཅིང་བསྒྲུབས་པའི་ལྔ་རིག་སྡེ་བཞིའི་དཔུང་།། མཁྱེན་དཔྱོད་ཐབས་ཤེས་ཉི་ཟླའི་ཤེད་སྟོབས་ཀྱིས།། ལྷ་དབང་གཡུལ་ལས་རྒྱལ་རྔ་ཡང་ཡང་བརྡུངས།། ཉེར་ཞི་ཁྱེད་ཐུགས་བྱང་སེམས་འོ་མའི་མཚོར།། བསྟོད་སྨད་སྒྲོ་སྐུར་ཁ་ཆར་གང་བབས་ཚོགས།། གནོད་མེད་གྲོགས་སུ་སྒྱུར་བའི་གསེར་འགྱུར་རྩིས།། དོན་གཉིས་ལམ་གྱི་གདམས་པར་འཆར་འདི་མཚར།། བླུན་པོ་ནོར་ལྡན་གསེར་ཁྲིར་འགོད་པ་དང་།། མཁས་རྣམས་ནོར་གྱིས་ཆུ་སྣ་གར་ཁྲིད་དུས།།…

༸སྐྱབས་རྗེ་དམ་པ་མཁས་དབང་པདྨ་ཀུན་དགའ་ལ་སྨོན་གསོལ་སྙིང་གི་མེ་ལོང་།། ན་མོ་གུ་རུ་རཏྣ་ཏྲཱ་ཡ་ཡ།། པདྨའི་རྒྱལ་ཚབ་པདྨའི་བསྟན་པ་འཛིན།། པདྨའི་བརྒྱུད་པ་ཕྱོགས་དུས་ཀུན་ཏུ་སྐྱོང་།། པདྨའི་ཟབ་གཏེར་རྫོགས་ཆེན་ཚུལ་བཞིན་སྤེལ།། པདྨ་ཀུན་དགའ་རིན་ཆེན་གསོལ་བ་འདེབས།། ཕྱི་ལྟར་བཅུ་ཕྲག་རིག་པའི་གནས་ལ་མཁས།། ནང་དུ་མདོ་རྒྱུད་མན་ངག་ཕྱུག་པས་བཙུན།། གསང་ཆེན་བླ་མེད་དགོངས་པ་རྟོགས་པས་གྲུབ།། གྲུབ་དབང་པདྨ་ཀུན་དགའ་གསོལ་བ་འདེབས།། ཀ་དག་གདོད་མའི་མགོན་པོ་དབྱིངས་སུ་དག། ལྷུན་གྲུབ་འོད་གསལ་སྙིང་པོ་ཡོངས་སུ་རྫོགས།། རིག་པ་སྐུ་གསུམ་ངོ་བོར་ཡེ་གྲོལ་སྨིན།། པདྨ་ཀུན་དགའ་ཡེ་ཤེས་སྙིང་ནས་གསོལ།། མཆོག་སྤྲུལ་དམ་པའི་དགོངས་པ་མཁའ་དང་མཉམས།། དམ་ཆོས་ཉི་ཟླའི་སྣང་བ་ཕྱོགས་ཀུན་ཁྱབ།། མ་རིག་མུན་སེལ་པདྨ་ཀུན་དགའ་ཉིད།། འཁོར་འདས་རྒྱན་དུ་མྱུར་དུ་འཆར་གྱུར་ཅིག། དཀོན་མཆོག་རྩ་གསུམ་རྒྱ་མཚོའི་ཐུགས་རྗེ་དང་།། རྟེན་འབྲེལ་བསླུ་བ་མེད་པའི་བདེན་སྟོབས་དང་།། བདག་གི་ལྷག་བསམ་དག་པའི་སྨོན་ལམ་བཞིན།། ཐུགས་དགོངས་ཡོངས་སུ་རྫོགས་པའི་རྒྱུ་གྱུར་ཅིག། ཅེས་པ་འདི་ཡང་རབ་གནས་ཤིང་འབྲུག་སྨིན་ཟླའི་དགའ་བ་དང་པོར་སྐྱབས་རྗེ་ཉིད་ གདུལ་བྱ་རྟག་འཛིན་ཅན་ལ་མི་རྟག་སྟོན་པ་ཉིད་རེ་ཞིག་ཐུགས་དགོངས་ཆོས་དབྱིངས་སུ་ཡོངས་སུ་རྫོགས་པའི་རྨི་ལམ་དང་བརྡ་འཕྲིན་ཡང་དེ་ལྟར་མཇལ་བ་དང་མཁའ་འགྲོ་དང་སྐུ་སྲས་བཅས་ལ་མྱ་ངན་ཞུ་འབུལ་བཅས་ཨེ་མ་ཧོས་ཨེ་ཝྃ་མི་ཕམ་རྣམ་རྒྱལ་གླིང་ནས་སྨོན་པར་དགེའོ།། །། 1/12/2024