རྟ་རྣ་མགྱོག་ཅན་ཞིག་ང་ལ་མེད།། སྲབ་སུལ་མ་ལག་ལ་འཛིན་མ་མྱོང་།། རུས་ཐེ་རྒྱུག་བྱེད་པའི་དུས་འདི་ལ།། ངས་ཐེ་ཁེའི་རྩེད་མོ་གཅེས་ཀི་བསམ།། ཐེ་རྟ་ལ་རྒྱུག་རྟ་ཞེས་འབོད་ཆོག་ན་ང་ལ་རྒྱུག་རྟ་ངོ་མ་མང་རྒྱ་རྟ་གཅིག་ར་མེད་སྔོན་བོད་ལུག་དག་མ་ལས་ཐོན་པའི་ཐེ་ཁེ་དག་མ་དག་དག་ཡིན། ད་ནི་རྒྱུག་རྟ་ཞེས་སྐྱ་སེར་ཀུན་གྱིས་བསྟོད་བསྔགས་བྱེད་འདུག       མ་བསམ་ས་ནས་རྒྱུ་མགོ་ལ་བུད་བཏང་ཐལ། རྒྱུག་རྟ་ལ་དགའ་མཁན་ཚོ་ཤོག་དང་རྒྱུག་རྟ་བཙོང་རྒྱུ་ཡོད།  རྒྱལ་ཀུན་འཕྲིན་ལས་གཅིག་བསྡུས་ཡེ་ཤེས་ཀྱི་ངོ་བོར།། རིག་སྟོང་འཇམ་དཔལ་དཔའ་བོའི་རང་གཟུགས་ཀྱི་བླ་མ།། མཛད་འཕྲིན་དཔག་བསམ་ལྗོན་པའི་དགའ་ཚལ་གྱི་ལྗོངས་ན།། བསམ་ཡུལ་བློ་ལས་འདས་པའི་ངང་ཚུལ་དེ་དྲན་བྱུང་།།

མཁའ་འགྲོ་མ་ཏཱ་རེ་ལྷ་མོ་དྲན་པའི་མེ་ལོང། ན་མོ་གུ་རུ་ཏཱ་རེ་དྷེ་ཝི་ཡ།། ༡༽ དབྱིངས་ཀ་དག་སྟོང་པའི་ངང་ཉིད་ལས།། འོད་ལྷུན་གྲུབ་སྣང་བའི་ཞིང་ཁམས་སུ།། རྩལ་སྣ་ཚོགས་ཤར་བའི་མཁའ་འགྲོ་མ།། མ་ཡུམ་ཆེན་ཏཱ་རེ་ལྷ་མོ་དྲན།། ༢༽ དུས་སྙིགས་ལྔའི་མུན་པ་འཁྲིགས་ན་ཡང་།། རྗེ་སྣང་བྱེད་རྟ་བདུན་དབང་པོ་ཡིས།། དཔལ་རྟེན་འབྲེལ་དགེ་བའི་མནྜལ་ཕུལ།། ལས་རབ་འབྱམས་ཕྲིན་ལས་མཐའ་ནས་རྒྱས།། ༣༽ མགོན་ཏཱ་ར་ནགས་ཀྱི་སྒྲོལ་མ་ཉིད།། གནས་རི་བོ་རྩེ་ལྔར་ཐོག་མར་མཇལ།། དབང་བྱིན་རླབས་གནང་བའི་མ་མ་ཁྱེད།། སེམས་དད་པའི་ངོས་ན་གསལ་བོ་དྲན།། ༤༽ ལྷ་རྩ་བ་གསུམ་གྱི་དབང་ལུང་ཐོབ།། ཐུགས་དགྱེས་པ་ཆེན་པོས་རྗེས་སུ་བཟུང་།། ལས་སྨོན་ལམ་བཟང་སྤྱོད་མཉམ་དུ་འཚོགས།། ཆོས་དམ་ཚིག་བཟང་པོས་འབྲེལ་བ་དྲན།། ༥༽ སྔོན་ཁྲ་མོ་གླིང་གི་ནེའུ་ཆུང་དང་།། ད་གངས་ཅན་མཁའ་འགྲོ་ཏཱ་རེ་མ།། ཕ་པདྨའི་ཟབ་གཏེར་འགྱེད་པའི་གྲོགས།། མ་སྐུ་གསུམ་བདག་མོ་ཡང་ཡང་དྲན།། ༦༽ ལུས་རགས་རྡུལ་མི་ཤིགས་དྭངས་མར་དག། ངག་རླུང་ཁམས་ཨ་བ་དྷཱུ་ཏིར་རྫོགས།། སེམས་ཀུན་རྟོག་རིག་པ་ཆོས་སྐུར་སྨིན།། མ་འགྲོ་ཀུན་འདྲེན་པའི་དཔལ་ཐོབ་ཤོག། ཅེས་པ་འདི་ཡང་རབ་གནས་ལྕགས་གླང་དབོ་ཟླའི་བཟང་པོ་གསུམ་པ་སྟེ་མཁའ་འགྲོ་དྲན་པའི་མྱོང་ཚོར་ཐོལ་བྱུང་དུ་ཨེ་མ་ཧོས་ཨེ་ཝཾ་ཛྙཱ་ན་གུ་རུའི་ལྷ་ཁང་ནས་རྗེས་དྲན་གླུ་རུ་བླངས་པར་དགེའོ།། །། སྤྱི་ལོ་༢༠༢༡།༣།༢༥་ལའོ།།

སྣང་སྲིད་དབང་དུ་སྡུད་པའི་གསོལ་འདེབས་བྱིན་རླབས་སྤྲིན་ཆེན། ཨོཾ་ཨཱཿཧཱུྃ་ཧྲཱིཿབདེ་ཆེན་འབར་བ་དབང་གི་ཕོ་བྲང་དུ། །བདེ་སྟོང་སོ་སོར་རྟོག་པའི་ཡེ་ཤེས་སྐུ། །མ་ཆགས་བདེ་ལྡན་པདྨའི་རང་བཞིན་ལས། །རྡོ་རྗེ་ཉི་མ་སྣང་བ་ཆེན་པོའི་དཔལ། །ཆོས་སྐུ་སྣང་བ་མཐའ་ཡས་རྡོ་རྗེ་ཆོས། །འཇིག་རྟེན་དབང་ཕྱུག་ཐུགས་རྗེ་རྗེས་ཆགས་གཟུགས། །པདྨ་རྒྱལ་པོ་འཁོར་འདས་མངའ་དབང་བསྒྱུར། །སྣང་སྲིད་ཟིལ་གནོན་དབང་ཆེན་ཧེ་རུ་ཀ །གསང་བ་ཡེ་ཤེས་བཛྲ་ཝཱ་ར་ཧི། །བདེ་མཆོག་འདོད་པའི་རྒྱལ་པོ་བདེ་ཆེན་གཏེར། །མ་ལུས་སྐྱེ་རྒུའི་ཡིད་འཕྲོག་རིགས་བྱེད་མ། །མཆོག་ཐུན་ཕྱག་རྒྱའི་དབང་ཕྱུག་བདེ་སྟོང་གར། །དབང་མཛད་རྡོ་རྗེ་དཔའ་བོ་ཌཱ་ཀིའི་ཚོགས། །སྣང་སྟོང་མཉམ་པ་ཆེན་པོའི་ངང་ཉིད་དུ། །རྡོ་རྗེ་སྐུ་ཡི་གར་གྱིས་སྲིད་གསུམ་གཡོ། །འགག་མེད་གསུང་གི་བཞད་སྒྲས་ཁམས་གསུམ་འགུགས། །འོད་ཟེར་དམར་པོས་འཁོར་འདས་ཡོངས་ལ་ཁྱབ། །སྲིད་ཞིའི་དྭངས་བཅུད་གཡོ་ཞིང་སྡུད་པར་བྱེད། །རྡོ་རྗེ་ཆགས་པ་ཆེན་པོའི་ཐུགས་ཀྱིས་ནི། །རྣམ་གཉིས་དངོས་གྲུབ་འདོད་རྒུའི་མཆོག་སྩོལ་ཞིང༌། །རྡོ་རྗེ་ལྕགས་ཀྱུ་ཞགས་པ་ཆེན་པོ་ཡིས། །སྣང་སྲིད་བདེ་བ་ཆེན་པོར་སྡོམ་བྱེད་པ། །མཐའ་ཡས་སྒྱུ་འཕྲུལ་དྲྭ་བའི་རོལ་གར་ཅན། །ཏིལ་གྱི་གོང་བུ་ཕྱེ་བ་བཞིན་བཞུགས་པའི། །རབ་འབྱམས་རྩ་གསུམ་དབང་གི་ལྷ་ཚོགས་ལ། །གུས་པས་གསོལ་བ་འདེབས་སོ་བྱིན་གྱིས་རློབས། །མཆོག་ཐུན་དངོས་གྲུབ་འདོད་རྒུའི་དཔལ་མཐའ་དག །ཐོགས་མེད་དབང་དུ་བྱེད་པའི་དངོས་གྲུབ་སྩོལ། ། ཅེས་པའང་རབ་ཚེས་ས་ཡོས་ཟླ༧་ཚེས༡་ལ་དྷཱིཿམིང་པས་སྤེལ། གསོལ་བ་བཏབ་ན་གང་ཟག་སུ་ཡང་རུང་སྟེ་དབང་གི་ལས་ཀུན་ཇི་ལྟར་བསམ་པ་བཞིན་འགྲུབ་པར་གདོན་མི་ཟའོ། །དར་དམར་ལ་བྲིས་ཏེ་ཕྱར་བའམ་མེ་རླུང་ལ་འཁོར་ལོ་བྱས་ཀྱང་འགྲུབ་བོ། །མངྒ་ལཾ།། །།

གསོལ་མཆོད་ཀུན་བཟང་སྤྲིན་ཆེན།། ཧཱུཾ་ཧྲཱིཿ རྒྱལ་བ་ཀུན་འདུས་པདྨ་ཀ་ར་རྗེ།། འཛམ་གླིང་མི་ཡི་སེངྒེ་གེ་སར་རྒྱལ།། སྐྱེས་མཆོག་དབང་གི་རྒྱལ་པོ་རིན་པོ་ཆེ།། གསོལ་ལོ་མཆོད་དོ་བསམ་དོན་མྱུར་འགྲུབ་མཛོད།། ཧཱུཾ་ཧཱུཾ། གླིང་དཀར་དཔའ་ཐུལ་དྭངས་སྨན་ཡོངས་ཀྱི་གཙོ།། བདུད་བཞི་དགྲ་བགེགས་འཇོམས་པའི་དཔའ་བོ་ཆེ།། འབུམ་པའི་ལྷ་སྲས་དགྲ་ལྷ་རྩེ་རྒྱལ་ལ།། གསོལ་ལོ་མཆོད་དོ་བསམ་དོན་ལྷུན་འགྲུབ་མཛོད།། ཧཱུཾ་བྷྱོ།། སྣང་སྲིད་འཛམ་གླིང་དབང་བའི་སྒྱུ་འཕྲུལ་གར།། བདེ་ཆེན་ཡེ་ཤེས་སྟེར་བའི་མཛའ་ན་མོ།། ཕྲིན་ལས་མྱུར་སྒྲུབ་དར་བཟའ་ཆོས་སྒྲོན་ལ།། གསོལ་ལོ་མཆོད་དོ་བསམ་དོན་ལྷུན་འགྲུབ་མཛོད།།  ཧཱུཾ་བྷྲཱུཾཿ གང་བྱས་བྱང་ཆུབ་ལམ་དུ་གྱུར་པ་དང་།། གང་བསམ་ལྷུན་གྲུབ་བསྟན་འགྲོའི་དོན་ཆེན་འགྲུབ།། གང་འདོད་ཕན་བདེ་སྤེལ་བའི་དངོས་གྲུབ་ཀུན།། ཀུན་བཟང་སྤྲིན་ཆེན་ས་གསུམ་ཁྱབ་པར་ཤོག། ཧཱུཾ་ཧྲཱིཿ སྙིགས་དུས་མུན་པ་མ་ལུས་རབ་ཏུ་སེལ།། བཤད་སྒྲུབ་བསྟན་པའི་ཉི་ཟླ་འོད་དུ་གསལ།། སྣང་སྲིད་དག་པ་རབ་འབྱམས་ཞིང་དུ་ཤར།། བཀྲ་ཤིས་བདེ་ལེགས་ཕུན་སུམ་ཚོགས་པར་ཤོག། མཁའ་འགྲོ་མ་པདྨ་གཡུ་མཚོས་ངོར་གང་ཤར་བཅོས་བསྒྱུར་མེད་པར་དེ་ཉིད་དུ་ཨེ་མ་ཧོས་གསོལ་བ་འདེབས་པར་དགེའོ།། །།

༄༅། །སྐད་ཅིག་གཅིག་གིས་རྫོགས་འཚང་རྒྱ་བའི་མྱུར་ལམ་སངས་རྒྱས་ཀྱི་མཚན་བརྗོད་པ་ཞེས་བྱ་བའི་རིམ་པ་ནི༔ མཁའ་ཁྱབ་སེམས་ཅན་ཐམས་ཅད་ཀྱི་དོན་དུ་བརྒྱུད་པ་དགུ་ལྡན་གྱི་བླ་མ་རྣམས་དང་ཡི་དམ་རྒྱུད་སྡེ་བཞི་དྲུག་གི་དཀྱིལ་འཁོར་གྱི་ལྷ་ཚོགས་རྣམས་དང་མ་རྒྱུད་མཁའ་འགྲོ་རྒྱ་མཚོའི་ཚོགས་ལ་ཕྱག་འཚལ་ཞིང་སྐྱབས་སུ་མཆིའོ༔ འདི་ལན་གཅིག་བརྗོད་པའི་ཕན་ཡོན་གཟུགས་ཅན་དུ་གྱུར་ན་ནམ་མཁའི་ཁམས་སུ་མི་ཤོང་ངོ༔ བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་དང་གཙུག་ཏོར་ཅན་དང་ཐམས་ཅད་སྐྱོབ་དང་འཁོར་བ་འཇིག་དང་གསེར་ཐུབ་དང་འོད་སྲུང་དང་ཤཱཀྱ་ཐུབ་པ་སོགས་བསྐལ་བཟང་སངས་རྒྱས་སྟོང་གི་ཡབ་ཡུམ་སྲས་འཁོར་དང་བཅས་པ་རྣམས་ལ་ཕྱག་འཚལ་ཞིང་སྐྱབས་སུ་མཆིའོ༔ འདི་ལན་གཅིག་བརྗོད་པས་སངས་རྒྱས་དེ་རྣམས་ཀྱི་ཐུགས་དང་དབྱེར་མེད་པ་དང་ཆོས་ཀྱི་ཕུང་པོ་སྟོང་ཕྲག་བརྒྱད་ཅུ་རྩ་བཞི་ཀློག་པ་དང་མཉམ་པར་འགྱུར་རོ༔ དེ་བཞིན་གཤེགས་པ་རྣམ་པར་བརྩེགས་པ་བྱེ་བ་ཕྲག་བརྒྱའི་གང་གཱའི་ཀླུང་གི་བྱེ་མ་སྙེད་ཀྱི་གྲངས་དང་མཉམ་པ་རྣམས་ལ་ཕྱག་འཚལ་ལོ༔ འདི་ལན་གཅིག་བརྗོད་པས་རྒྱལ་བའི་བཀའ་འགྱུར་ཆེན་མོ་ཀློག་པ་དང་མཉམ་མོ༔ དེ་བཞིན་གཤེགས་པ་མངོན་རྫོགས་སྟོན་པ་བཅུ་གཉིས་ལ་ཕྱག་འཚལ་ལོ༔ འདི་ལན་གཅིག་བརྗོད་པས་བསྐལ་པ་ཆིག་ཁྲི་དང་ཉིས་ཁྲི་དང་སུམ་ཁྲི་དང་བཞི་ཁྲི་དང་ལྔ་ཁྲི་དང་དྲུག་ཁྲི་དང་བདུན་ཁྲི་དང་བརྒྱད་ཁྲི་དང་དགུ་ཁྲི་དང་འབུམ་ཕྲག་དང་ཁྲི་ཕྲག་བཅུ་གཅིག་དང་ཁྲི་ཕྲག་བཅུ་གཉིས་ཀྱི་སྒྲིབ་པ་འདག་གོ༔ དེ་བཞིན་གཤེགས་པ་ཏིང་ངེ་འཛིན་ཉི་མའི་དཀྱིལ་འཁོར་སྣང་བ་དམ་པའི་དཔལ་ལ་ཕྱག་འཚལ་ལོ༔ འདི་ལན་གཅིག་བརྗོད་པས་བསྐལ་པ་བདུན་ཁྲིའི་བར་དུ་འགྲོ་ཀུན་མུན་པ་སེལ་བའི་སྣང་བྱེད་དུ་འགྱུར་རོ༔ བདེ་བར་གཤེགས་པ་ཡན་ལག་བླ་མ་དང་ཉི་འོད་དང་ཏ་ལའི་རྒྱལ་པོ་མངོན་པར་འཕགས་པའི་དཔལ་ལ་ཕྱག་འཚལ་ལོ༔ འདི་ལན་གཅིག་བརྗོད་པས་སེམས་ཅན་ཀྱི་ཡན་ལག་བཅད་པ་དང་སྲོག་བཅད་པ་དང་ཤ་ཟོས་པའི་སྒྲིབ་པ་འདག་གོ༔ བདེ་བར་གཤེགས་པ་སྣང་བའི་དཔལ་དང་དྲི་མེད་མཐའ་ཡས་ལ་ཕྱག་འཚལ་ལོ༔ འདི་ལན་གཅིག་བརྗོད་པས་ཚེ་རབས་ནས་མ་བྱིན་པ་བླངས་པའི་སྒྲིབ་པ་འདག་གོ༔ དེ་བཞིན་གཤེགས་པ་ཟླ་འོད་དང་ཟླ་ལྟར་དཀར་དང་གཟི་བརྗིད་ངེས་པར་རྣམ་པར་གནོན་པ་ལ་ཕྱག་འཚལ་ལོ༔ འདི་ལན་གཅིག་བརྗོད་པས་བསྒྲོད་བྱ་དུ་མ་ཞིག་དང་འགྲོགས་ཏེ་མི་ཚངས་པར་སྤྱོད་ཀྱང་སྒྲིབ་པ་འདག་གོ༔ དེ་བཞིན་གཤེགས་པ་བདེ་བ་ཐོབ་དང་དྲི་མ་མེད་པའི་འོད་ལ་ཕྱག་འཚལ་ལོ༔ འདི་ལན་གཅིག་བརྗོད་པས་འདོད་ཆགས་དབང་གིས་སྡོམ་པ་ཉམས་པའི་སྒྲིབ་པ་འདག་གོ༔ དེ་བཞིན་གཤེགས་པ་རྣམ་པར་རྒྱལ་དང་རྣམ་པར་རྒྱལ་བའི་དབྱངས་ལ་ཕྱག་འཚལ་ལོ༔ འདི་ལན་གཅིག་བརྗོད་པས་མི་དགེ་བ་བཅུའི་ལས་བགྱིས་པའི་སྒྲིབ་པ་འདག་གོ༔ དེ་བཞིན་གཤེགས་པ་ཟླ་བའི་སྒྲོན་མ་དང་རྣམ་པར་རྒྱལ་བའི་མངའ་དང་རིན་ཆེན་ཟླ་འོད་སྐྱབས་གནས་དམ་པ་རྔ་སྒྲའི་རྒྱལ་པོ་ལ་ཕྱག་འཚལ་ལོ༔ འདི་ལན་གཅིག་བརྗོད་པས་ལྕི་བ་བཞིའི་སྒྲིབ་པ་འདག་གོ༔ དེ་བཞིན་གཤེགས་པ་འོད་དཔག་མེད་སྣང་བ་དང་ཀུན་ཏུ་སྤོས་དང་སྤོས་ཀྱི་རྒྱལ་པོ་དང་མེ་ཏོག་ལ་དབང་བའི་སྟོབས་ཀྱི་རྒྱལ་པོ་ལ་ཕྱག་འཚལ་ལོ༔ འདི་ལན་གཅིག་བརྗོད་པས་ཚུལ་ཁྲིམས་མ་བསྲུངས་པ་དང་འདུལ་ཁྲིམས་ལ་ལྷད་ཞུགས་པ་དང་བྱང་ཆུབ་ཀྱི་སེམས་ཉམས་པ་དང་ཚུལ་ཁྲིམས་འཆལ་བའི་སྒྲིབ་པ་འདག་གོ༔ དེ་བཞིན་གཤེགས་པ་ཚངས་པའི་དབང་ཕྱུག་གི་རྒྱལ་པོ་དང་སྤོས་འོད་བཏང་བ་དང་རིན་ཆེན་མེ་འོད་རབ་ཏུ་གསལ་བ་ལ་ཕྱག་འཚལ་ལོ༔ འདི་ལན་གཅིག་བརྗོད་པས་ཕྱོགས་བཅུའི་དགེ་འདུན་གྱི་དཀོར་འཕྲོག་ཅིང་ཟོས་པ་དང་དགེ་འདུན་སྨད་པའི་སྒྲིབ་པ་འདག་གོ༔ དེ་བཞིན་གཤེགས་པ་གསེར་འོད་དམ་པ་དང་གསེར་ལྟར་སྣང་བ་དང་འོད་ཆེན་པོ་ཚད་མེད་པ་ལ་ཕྱག་འཚལ་ལོ༔ འདི་ལན་གཅིག་བརྗོད་པས་གསུང་རབ་ཀྱི་དཀོར་དང་མཆོད་རྟེན་གྱི་དཀོར་དང་དགེ་བ་བཅུའི་དཀོར་ཟོས་པའི་སྒྲིབ་པ་འདག་གོ༔ དེ་བཞིན་གཤེགས་པ་དྲི་མེད་འོད་གསལ་རྒྱལ་དང་མེ་འོད་དང་སྤོས་ཀྱི་དཔལ་ལ་ཕྱག་འཚལ་ལོ༔ འདི་ལན་གཅིག་བརྗོད་པས་སྤོས་ཀྱི་དཀོར་དང་བླ་མའི་དཀོར་དང་གསང་སྔགས་ཀྱི་དཀོར་ཟོས་པའི་སྒྲིབ་པ་འདག་གོ༔ དེ་བཞིན་གཤེགས་པ་རིན་ཆེན་རྒྱལ་བའི་མཛོད་དང་རིན་ཆེན་རྒྱལ་མཚན་ལ་ཕྱག་འཚལ་ལོ༔ འདི་ལན་གཅིག་བརྗོད་པས་ཁལ་རྟ་ཞོན་པའི་སྒྲིབ་པ་འདག་པ་དང༔བསོད་ནམས་དཔག་ཏུ་མེད་པ་འཐོབ་པར་འགྱུར་རོ༔ དེ་བཞིན་གཤེགས་པ་རིན་ཆེན་འབྱུང་བ་དང་མེ་ཏོག་གི་བཀོད་པ་སྣང་བར་མཛད་པ་ཞེས་བྱ་བ་ལ་ཕྱག་འཚལ་ལོ༔ འདི་ལན་གཅིག་བརྗོད་པས་བསྐལ་པ་འབུམ་ཕྲག་བསམ་མི་ཁྱབ་ལ་བྱང་ཆུབ་ཀྱི་སེམས་གནས་པ་དང༔བྱང་ཆུབ་སྒྲུབ་པ་ལ་བར་ཆད་མེད་པར་འགྱུར་རོ༔ དེ་བཞིན་གཤེགས་པ་རྒྱལ་བ་རྒྱ་མཚོའི་ཚོགས་དང་བཅས་པ་རྣམས་ལ་ཕྱག་འཚལ་ལོ༔ འདི་ལན་གཅིག་བརྗོད་པས་གསང་སྔགས་ཀྱི་དམ་ཚིག་ཉམས་པའི་སྒྲིབ་པ་འདག་གོ༔ དེ་བཞིན་གཤེགས་པ་མཐུ་ཆེན་བརྩོན་འགྲུས་ཀྱི་ངེས་པར་འབྱུང་བ་ལ་ཕྱག་འཚལ་ལོ༔ འདི་ལན་གཅིག་བརྗོད་པས་མདོ་སྡེ་ཀློག་པ་དང་མཉམ་མོ༔…

༧སྐྱབས་རྗེ་དམ་པ་མཁན་ཆེན་བླ་མའི་ཞབས་བརྟན་གསོལ་འདེ བས།། ཨོྃ་སྭ་སྟི།།དཔལ༵་ལྡན་བླ་མ་དུ་མས་དགྱེ༵ས་བཞིན་དུ།།    ཟབ་དགུའི་ཐེག་པ༵་ཀུན་གྱིས་ཆོས་ཆར་ཕབས།།   ཐོས་བསམ་བསྒོམ་པས་རྡོ༵་རྗེ༵་ཐེག་པའི་དོན།།   རྟོགས་མཛད་དགྱེས་པ་རྡོ་རྗེ་ཞབས་བརྟན་གསོལ།།    ཞེས་པ་འདི་ཡང་རིན་པོ་ཆེ་མཆོག་གིས་རིག་འཛིན་འཇིགས་མེད་གླིང་པའི་བདེན་ཚིག་གྲུབ་སྨོན་གྱི་བཤད་ཁྲིད་ཞག་བརྒྱ་མཇུག་གྲུབ་པའི་གཏང་རག་ཏུ་སྙིགས་དུས་ཀྱི་བན་གཟུགས་ ག་ག་ཤྴོ་རས་སྙིང་ནས་གསོལ་བ་བཏབ་པ་དགེའོ།། །། ༼མཆན། རྩོམ་པ་པོ་ནི། མཁས་དབང་དམ་པ་ཨ་རིག་མཁན་ཆེན་ནམ་མཁའ་སྐྱབས་རིན་པོ་ཆེའོ།།༽