མེ་ལ་བསྟོད་པ་དང་ཤེས་རབ་འཕེལ་བའི་སྔགས། མེ། མེ་ལ་མེ་རུ་འཛིན་ན་ལུས་ངག་ཚིག། མེ་ལ་ཤེས་རབ་ཡོད་ན་སྡུག་རྩུབ་བྲལ།། མེ་ལས་ཐུ་བའི་ཚིག་ངན་སྨྲ་མཁས་ལ།། མེ་ཏོག་ཆུ་ལ་འཕྲད་བཞིན་དུང་བས་བསུ།། ཞྭ་མོ་ཁྲི་ལ་རྩ་ཆེན་བྱས་མིན་ཡང་།། གྲྭ་གྲོགས་ཆོས་ལ་ཡི་རང་བྱེད་སྙམ་ལས།། འཇིགས་ངོམ་འུར་སྒྲོག་རི་བོང་རྭ་ཡི་ཟླ།། མེ་དང་དུ་བས་འབྲེལ་ལ་བལྟས་པའི་ཚེ།། མེ་ཏོག་མེ་ལ་བསྲེག་འདྲས་དམ་ཚིག་གོ། མེ་ལ་ཚ་བ་ཕྱི་ནང་གསང་བའི་མེ།། མེ་ཁྱོད་མ་དགའ་སྡུག་གི་ཁུར་བོའི་མེ།། མེ་ཉིད་དགའ་ས་ཤེས་རབ་ཡེ་ཤེས་མེ།། མེ་འབར་ཀློང་དུ་གོས་དཀར་ལྷ་མོ་བཞིན།། ཨེ་མ་ཧོས་མེ་ལ་གཏམ་དུ་ཕུལ་བར་དགེའོ།། །། མེ་ལགས། མཆོག་གི་གོར་ངོས་ལ་དད་མོས་ཀྱིས་ལྷར་བསྒོམས་ཀྱང་ཆོག་ལ། མེས་ཞེ་སྡང་གིས་འདྲེར་མཐོང་ཡང་རུང་། ཕྲག་དོག་གིས་དུག་ཆུ་ཐོར་བ་སོགས་གང་བྱས་ཀྱང་ཆོག་སྟེ། ང་ཚོ་ཆོས་པའི་རང་གཤིས་ནི་ཉི་ཟླ་བཞིན་དུ་གསལ་ལྷང་ལྷང་བཞུགས་པ་ནི་ཆོས་པའི་དམ་ཚིག་ལགས། འདི་ངེད་ཅག་གི་གཟི་བརྗིད་དང་སྤོབས་པ་ཅི་ལ་མིན། མདོར་ན་ཁྱེད་ཀྱི་མ་བཟོད་པའི་ཟུག་ངུའི་ཚིག་དག་ལ་གོ་རྒྱུ་ཆེན་པོ་དང་མཁས་པའི་ཚིག་རྐྱང་རྐྱང་རེད་བཞགས། ཕན་ཐོག་སོང་། བཀའ་དྲིན་ཆེ། ཁྱེད་ནམ་རྒྱུན་དུ་འདིར་བྱོན་པ་ནི་ང་ཚོ་བྱ་བྲལ་སློབ་ཚོགས་ཀྱི་རྒྱན་རེད། མེ་དང་མེ་ཆེན་པོ་ལགས། ད་ལྟ་སྐྱེ་འགྲོ་རྣམས་ཀྱི་ལས་དང་བསོད་ནམས་གྱི་སྐལ་བ་བཟང་པོ་ཡང་ཅི་ལ་མིན། ཨ་ལ་ལ་ཧོ། ཨེ་མ་ཧོ༔