ཡིད་མ་བཅོས་བརྩེ་བའི་གུར་ཁྱིམ་ན་བཞུགས་པའི།།ལྷ་ཚངས་པའི་སྲས་མོ་དབྱངས་ཅན་གྱི་ལྷ་མོ།།ཕྱག་རིན་ཆེན་སྟོང་གི་རྒྱུད་མངས་ལ་སྟར་བའི།།དབྱངས་སྙན་པ་ངག་གི་བྱིན་རླབས་ཤིག་སྩོལ་དང་།། གནས་འཁོར་བའི་མུན་པ་རབ་རུབ་འདིས་གསེབ་ན།།བློ་རྨོངས་བའི་ཉམ་ཆུང་བུ་ང་ལ་གཟིགས་དང་།།ཡུལ་འདོད་ཡོན་ཆང་གིས་བཟི་ཁ་ལས་སྐྱོབས་ནས།།མ་དབྱངས་ཅན་འཛུམ་གྱིས་སྣང་བ་ཞིག་ངོམ་དང་།། སྐུ་ལྟ་བས་མི་ངོམ་མཚར་སྡུག་གིས་ལང་ཚོ།།གསུང་ཚངས་དབྱངས་ངག་གི་སྨྲ་བ་ལ་དབང་བའི།།མ་རྒྱལ་ཡུམ་ཡེ་ཤེས་མཁྱེན་བརྩེ་ཡི་རང་གཟུགས།།ཡིད་རྨོང་བའི་བུ་ང་གཏོང་སྙོམ་ལ་མ་འཇོག། གཞི་འཁོར་འདས་དབྱེར་མེད་ཉམ་ཉིད་ཀྱི་ཀློང་ན།།མ་ཀུན་བཟང་དགྱེས་ཞལ་འཕོ་མེད་དུ་ངོམ་པ།།ཡིད་རྟོག་པས་མ་ལྷད་ལྟད་མོ་ལ་གཡེངས་བས།།མ་ཁྱེད་ཀྱི་རང་བཞིན་སེམས་ཉིད་དང་འདྲེས་སྐད།། ཆང་ཕོར་ནས།

མིག་ཆུས་བྲིས་པའི་སྙན་ངག སྟོན་པའི་ཞལ་སྐྱིན་དམ་ཆོས་འདུལ་བ་དང་།།བསྟན་པའི་སྙིང་པོ་རྒྱུད་སྡེ་རིན་པོ་ཆེ།།དཔང་དུ་བཞག་ནས་བསྟན་པ་དག་ཐེར་མཛད།།ཡབ་གཅིག་འཇིགས་མེད་ཆོས་ཀྱི་རྒྱལ་པོར་འདུད།། བསྟན་འཛིན་སྐྱེས་བུ་ཀུན་དང་ཐུགས་སྣང་མཐུན།།བསྟན་པའི་གཞི་མ་ཚུལ་ཁྲིམས་རྣམ་པར་དག།བསྟན་པ་སྐྱོང་སླད་སྤོང་ཀློག་ལས་ལ་བརྩོན།།བསྟན་འགྲོའི་དཔལ་མགོན་མཁན་ཆེན་ཟབ་གསང་དྲན།། ཞི་རྒྱས་དབང་དྲག་རྣམ་འགྱུར་དུས་གཅིག་ཏུ།།མངོན་པར་རྫོགས་པ་གང་གི་ཞལ་རས་ཏེ།།མཐོང་བའི་མོད་ལ་དྲན་དང་ཤེས་བཞིན་གྱིས།།བག་ཡོད་གནས་པའི་དངོས་གྲུབ་ཀུན་ལ་སྟེར།། གལ་ཆེའི་བསླབ་ཁྲིམས་ཡལ་བར་མི་འདོར་ཞིང་།།དོན་ཆུང་སྒྲིག་སྲོལ་སྟོང་གིས་མི་བཙིར་བར།།ཆོས་བཞིན་འདུལ་བ་བཞིན་དུ་སྐྱོང་མཛད་པ།།ངེས་པ་དོན་གྱི་བསྟན་པའི་དཔུང་གཉེན་ཡིན།། སྤྱོད་ལམ་དག་པས་རང་དཔེ་གཞན་ལ་སྟོན།།བརྗོད་ཚིག་བཙུན་པས་ཚོགས་ཆེན་སྒྲིག་གིས་སྲུང་།།མི་གཤིས་བརླིངས་པོས་དྲང་སྙོམ་ཐབས་ལ་མཁས།།འདུས་སྡེ་རྒྱ་མཚོས་བཀུར་བའི་ཡབ་ཆེན་ཡིན།། ངུར་སྨྲིག་རྒྱལ་མཚན་འཛིན་པ་གང་གི་སྐུ།།ཞི་ཞིང་དུལ་བའི་དཔལ་གྱིས་མངོན་མཛེས་པ།།ལུས་སེམས་ཤིན་ཏུ་སྦྱངས་བའི་བརྟུལ་ཞུགས་ཅན།།གསེར་གྱི་ཀོང་བུར་འབར་བའི་མར་མེ་འདྲ།། སྙན་ཅིང་བརྗིད་པ་དཔྱིད་ཀྱི་འབྲུག་སྒྲ་བཞིན།།དམ་ཆོས་བདུད་རྩིའི་བཅུད་འཇོ་གང་གི་གསུང་།།ལེགས་ཉེས་བླངས་དོར་སྟོན་པའི་ལེགས་བཤད་ཀྱིས།།རིང་ནས་བསྐྱངས་པའི་དྲིན་གྱི་མཐའ་མི་དཔོག། མཐོན་པོའི་ངོ་དང་ཕྱུག་པོའི་ནོར་མིན་ཞིང་།།སྟོན་པའི་བསྟན་ལ་གཅེས་པའི་ལྷག་བསམ་གྱིས།།བླ་མའི་བཀའ་བཞིན་གདན་སའི་ཞབས་ཏོག་གི།མཛད་པའི་ཞབས་རྗེས་གསེར་གྱི་ཡིག་ཆེན་ཡིན།། ཡུན་ཐུང་རྨི་ལམ་ལྟ་བུའི་མི་ཚེ་འདི།།གཡོ་ཞིང་འགྱུར་བའི་ཆོས་ལས་མ་འདས་ཀྱང་།།སྡོམ་བརྩོན་སྡེ་སྣོད་འཛིན་པའི་སྐྱེས་ཆེན་རྣམས།།ཞག་གཅིག་འཚོ་ཡང་བསོད་ནམས་ཚད་དང་བྲལ།། བསྟན་ཞབས་ཀླ་ཀློས་སྡུད་པའི་དུས་མཐའ་འདིར།།བསྟན་པའི་དབུ་འཕངས་དམའ་བའི་ཚུལ་བསམ་ན།།བསྟན་འཛིན་སྐྱེས་བུ་ཁོང་དང་ཁོང་ལྟ་བུ།།བསྟན་པ་ཡུན་དུ་གནས་པའི་གཞི་རྩ་ཡིན།། དེ་རིང་མི་སྙན་གཏམ་གྱི་བང་ཆེན་ལས།།ཁྱེད་སྐུ་ཞི་བར་གཟིམས་པའི་གསར་འཕྲིན་འདི།།སྙིང་ཆུང་ཚལ་བར་གཤག་པའི་སྤུ་གྲི་བཞིན།།བཟོད་པར་དཀའ་བའི་ན་ཟུག་ཡིད་ལ་སྦྱིན།། བསམ་ཞིང་བསམ་ན་སྙིང་གི་ཟབ་ས་རུ།།སྐྱོ་བའི་སྨུག་སྤྲིན་སྟུག་པོས་ཡོངས་བཟུངས་བས།།མིག་ཆུའི་ཟིལ་བར་འགྲོགས་པའི་རྗེས་དྲན་ཚིག།རྟོག་འགྱུའི་རི་མོ་མ་བཅོས་ངག་གིས་སྤེལ།།མཁན་ཆེན་མཆོག་དགོངས་པ་ཆོས་དབྱིངས་སུ་ཞི་བའི་ཉིན་མོ་རྗེས་དྲན་གྱི་ཚུལ་དུ་ཕུལ་བའོ།།

རིག་འཛིན་ནོར་རྒྱུན་ལྷ་མོར་བསྟོད།།ཨེ་མ་ཧོ།།རིག་འཛིན་སྔགས་འཆང་རྒྱུད་པའི་སྲས།།ནོར་རྒྱུན་གྲུབ་པའི་ཕྱག་རྒྱ་ཅན།།ལྷ་མོ་ཛམ་བྷ་རྒྱག་བྷིག་མས།།གང་འདོད་གཡང་གི་དངོས་གྲུབ་སྩོལ།།མཁའ་འགྲོ་ཆོས་སྐྱིད་དབང་མོ་དང་།།འཇིགས་མེད་བློ་གྲོས་རྒྱལ་མཚན་ལ།།གང་དགའི་བཟང་པོ་སྤྱོད་པ་ཡིས།།ཕ་མའི་ཚེ་དཔལ་སྐྱོང་གྱུར་ཅིག།ཤྲཱིཿཨེ་མ་ཧོས

༧སྐྱབས་རྗེ་བསོད་རྒྱལ་རིན་པོ་ཆེ་མྱུར་འབྱོན་གསོལ་འདེབས་དུས་ལྔའི་ཕོ་ཉ།།ན་མོ་གུ་རུ་རཏྣ་ཏྲ་ཡཱ་ཡ།།བསོད༵་ནམས་དཔྱིད་ཀྱི་རྒྱལ༵་མོའི་ཤིང་རྟ་ལས་འཁྲུངས་པའི།།ཛམ་གླིང་ཆོས་ལ་བསྒྱུར་མཁས་དཔག་བསམ་གྱི་ལྗོན་བཟང་།།ཡང་གསང་བསྟན་པ་སྨན་པའི་རིག་འཛིན་གྱི་རྒྱལ་པོ།།གཏེར་ཆེན་ལས་རབ་གླིང་བ་སྙིང་དབུས་ནས་འདུད་དོ།།ཐབས་ཤེས་དབྱར་ཀྱི་བདེ་ཆེན་གང་དགའ་རུ་འཇོ་བའི།།ཆོས་མིན་ཆོས་ལ་བཀོད་པའི་ངེས་དོན་གྱི་དེད་དཔོན།།འཇིག་རྟེན་མིག་བཟང་སྦྱིན་པའི་སྐྱེ་འཆི་ཡི་ལམ་སྟོན།།དགའ་དྲོད་ཉི་གཞོན་གསར་བ་བདེ་མྱུར་ལ་ཕེབས་ཤོག།།སྨིན་གྲོལ་སྟོན་གྱི་འབྲས་བུ་ཀུན་བཟང་དུ་གདལ་བའི།།རིག་འཛིན་མཁས་གྲུབ་དགྱེས་པའི་དགའ་ཚལ་གྱི་ཁྱབ་བདག།མི་དབང་ལྭ་དཀར་སྤྲུལ་སྐུའི་ཕྲིན་ལས་ཀུན་རྒྱལ་ལོ།།གྲང་ངར་དགུན་འཁྱག་དྲག་པོའི་ལས་རླུང་གི་འཕྲུལ་འཁོར།།དམ་རལ་སྐྱེ་དགུའི་དབུ་ལ་དབང་མེད་དུ་བབས་ཚེ།།རས་པ་ལྕང་ལོའི་ཚོགས་ཀྱིས་གཏུམ་མོ་ཡི་ཏིང་འཛིན།།འཇིགས་མེད་རྟུལ་ཞུགས་སྤྱོད་པའི་རྣལ་འབྱོར་ཀུན་རྒྱལ་ལོ།།དུས་བཞི་འཕོ་འགྱུར་བྲལ་བ་ཀ་དག་གི་ཟླ་བ།།འོད་གསལ་ཡེ་ཤེས་རྒྱས་པ་ལྷུན་གྲུབ་ཀྱི་ཉི་མ།།ཀུན་ཕན་སངས་རྒྱས་མྱུར་བྱོན་ཡིད་བཞིན་གྱི་ནོར་བུ།།རྫོགས་ཆེན་བསྟན་པའི་སྐྱབས་མགོན་ནུབ་མེད་དུ་མཛོད་ཅིག།ཅེས་པ་འདི་ཡང་རབ་གནས་ས་ཕག་ཟླ་བདུན་པའི་ཡར་ཚེས་དགའ་བ་དང་པོར་༧སྐྱབས་རྗེ་དམ་པ་རིག་འཛིན་ནམ་མཁའ་རྒྱ་མཚོ་རིན་པོ་ཆེས་དད་སྐུལ་ལས་གང་ཤར་དུ་དབྱིན་ཡུལ་ཨེ་ཝཾ་ཡོ་ག་གླིང་ནས་མཁན་ཆེན་བླ་མ་དཔལ་དགྱེས་པ་རྡོ་རྗེ་རུ་འབོད་པས་གསོལ་བ་འདེབས་པར་དེ་དེ་བཞིན་དུ་འགྲུབ་པར་གྱུར་ཅིག་གུ།།བསོ་རྒྱལ་རིན་པོ་ཆེས་་་་་ང་རང་ཐོག་དང་པོར་འཆི་བདག་དང་འཕྲད་པའི་མྱོང་བ་ནི། ལོ་ན་བདུན་ཙམ་ཡིན་པའི་སྐབས་སུ་བྱུང་བ་སྟེ། དུས་དེར། ང་ཚོ་ཤར་ཕྱོགས་ཀྱི་མཐོ་སྒང་དང་གྱེས་ཏེ་བོད་དབུས་སུ་སྐྱོད་གྲབས་ཡོད། དེ་ཡང་བདག་གི་རྩ་བའི་བླ་མ་འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས(1893-1959)མཆོག་ལ་བསམ་གཏན(Samten)ཞུ་བའི་ཉེ་གནས་ཤིག་ཡོད་ཅིང་། ཁོང་ནི་རབ་བྱུང་ཚུལ་དང་ལྡན་པ་ཞིག་ཡིན་པར་མ་ཟད། ང་རང་ཆུང་དུས་གཅེས་སྐྱོང་ལེགས་པོ་བྱེད་པ་རེད། ཁོང་གི་ཞལ་རས་གསལ་ལ་ཟླུམ་ཞིང་ཉམས་མདངས་རྒྱས། དུས་རྒྱུན་མཚར་གཏམ་སྣ་ཚོགས་ཤོད་རྒྱུར་མཁས་པོ་ཡོད། ལྷག་པར་ཁོང་ཉིད་གཤིས་ཀ་ཤིན་ཏུ་འཇམ་པས། དགོན་པའི་ནང་གི་མི་རྣམས་ཀྱིས་ཧ་ཅང་དགའ་པོ་བྱེད་པ་རེད། བདག་གི་རྩ་བའི་བླ་མས་ཉིན་རེ་བཞིན་དབང་ལུང་ཁྲིད་གསུམ་གནང་བཞིན་ཡོད་པས། དེ་ལྟར་ཉིན་བཞིན་མཇུག་རྫོགས་མཐར། ངས་ན་མཉམ་དག་བསྡུས་ཏེ་གར་འཁྲབ་ཅིང་། སྔ་དྲོར་བྱུང་བའི་དོན་ཐམས་ཅད་ལད་ཟློས་བྱེད་པ་ཡིན། དེ་ལ་བསམ་གཏན་ལགས་ཀྱིས་ཞོགས་པར་བླ་མས་མནབས་པའི་ཟླ་གམ་གཡར་བ་སྟེ། ཁོང་གིས་ནམ་ཡང་བཀག་འགོག་གནང་མ་མྱོང་།དེའི་རྗེས་སུ། བསམ་གཏན་ནི་གློ་བུར་མི་འདོད་ནད་ཀྱིས་བཟུང་ཞིང་། ནད་གཞི་ཇེ་སྡུག་ཏུ་ཕྱིན་སྟབས། ང་ཚོ་ལམ་ལ་ཆས་པ་ཕྱིར་འགྱངས་མི་བྱེད་ཀ་མེད་བྱུང་། དེའི་འོག་གི་གཟའ་འཁོར་གཉིས་སུ་བྱུང་བའི་དོན་རྣམས་ནི་མི་ཚེ་གང་པོར་བརྗེད་ཐབས་བྲལ། དེ་ཡང་འཆི་བདག་གི་དྲི་མ་ངན་པ་ནི་སྤྲིན་པ་ནག་པོ་ཇི་བཞིན་ས་གཞིར་འཐུལ་བྱུང་སྟེ། དུས་སྐབས་དེ་ཉིད་ཡིད་ལ་འཁོར་བའི་ཚེ། ངས་ད་དུང་དྲི་མ་དེ་ཉིད་སྣོམ་ཐུབ་རྒྱུ་འདུག འཆི་བདག་གི་གྲིབ་མ་ནག་པོས་དགོན་པ་ཧྲིལ་པོ་བསྒྲིབས་པར་བྱས་ན་ཡང་། སྐྱི་གཡའ་བའི་ངང་ཚུལ་ནི་ཅུང་ཟད་ཙམ་ཡང་མ་བྱུང་། བདག་གི་རྩ་བ་བླ་མ་མཆོག་ཞལ་བཞུགས་པས། བསམ་གཏན་འཇིག་རྟེན་ཕ་རོལ་དུ་འགྲོ་བར་དོན་སྙིང་ཆེན་པོ་ལྡན་ཞིང་། དེར་ཡོད་ཀྱི་ང་ཚོ་མི་རེ་རེའི་སློབ་ཚན་དུ་ཡང་གྱུར་ཏོ། །བདག་གི་བླ་མ་རིན་པོ་ཆེ་འབྱོན་བཞུགས་གནང་བའི་དགོན་པ་ཆུང་ཆུང་དེར། བསམ་གཏན་ནི་ཁང་ཤག་ཅིག་གི་སྒེའུ་ཁུང་འགྲམ་གྱི་ཉལ་ཁྲིར་བསྙེས་ཏེ་ཉལ་ཡོད་ཅིང་། ངས་ཁོང་ཉིད་དུས་ཡུན་རིང་པོ་མི་འཐོག་པར་ཚེ་ཕྱི་མའི་ཡུལ་དུ་འགྲོ་ངེས་པ་ཧ་གོ་བཞིན་ཡོད། ང་རང་སྐབས་དང་སྐབས་སུ་ཁང་ཤག་དེར་འཛུལ་ནས་ཁོང་གི་འགྲམ་དུ་སྡོད་པ་ན། ཁོང་གིས་ངག་སྨྲ་མི་བཏུབ་པར་ཆགས་ཤིང་། ཞལ་གྱི་མདངས་ཤོར་ཏེ་སྐམ་རིད་དུ་གྱུར་འདུག་པར་ཧ་ལས་དགོས་བྱུང་། ངས་ཁོང་ཉིད་མི་རིང་བར་རང་ཅག་དང་ཁ་བྲལ་ཏེ། སླར་ཡང་མཐོང་མི་ཐུབ་པར་འགྱུར་བ་གསལ་པོ་རྟོགས་ཕྱིར། ང་ནི་སྐྱོ་བས་དྲག་ཏུ་མནར་ཞིང་ཁེར་རྐྱང་གི་གནས་སུ་ལྷུང་། བསམ་གཏན་འཆི་ཁར་སྡུག་བསྔལ་གྱིས་གདུང་སྟེ། ང་ཚོས་ག་དུས་ཡིན་ཡང་ཁོང་གི་དབུགས་ཀྱི་འབྱིན་རྔུབ་དྲག་པོ་བྱེད་པའི་སྒྲ་ཐོས་ཐུབ་པ་དང་།…

དུང་བརྩེའི་རེ་སྒུགརྟེན་འབྲེལ་ཀུན་བཟང་གི་རྟ་བདུན་དབང་པོར།།དྲི་མེད་པདྨ་ཡིས་དུང་བརྩེའི་རེ་སྒུག།སྦས་ཡུལ་གཡང་འཛོམས་ནས་འཇའ་འོད་ཤར་བ།།དགའ་སྐྱིད་ལང་ཚོ་ལ་བཀྲ་ཤིས་བདེ་ལེགས།།ཤྲཱིས་སོ།།

དུང་བརྩེའི་རེ་སྒུགརྟེན་འབྲེལ་ཀུན་བཟང་གི་རྟ་བདུན་དབང་པོར།།དྲི་མེད་པདྨ་ཡིས་དུང་བརྩེའི་རེ་སྒུག།སྦས་ཡུལ་གཡང་འཛོམས་ནས་འཇའ་འོད་ཤར་བ།།དགའ་སྐྱིད་ལང་ཚོ་ལ་བཀྲ་ཤིས་བདེ་ལེགས།།ཤྲཱིས་སོ།།ཐང་བོད་གནའ་ལམ། ཚིག བློ་བཟང་དངོས་གྲུབ། མཚོ་བོད་མཐོ་སྒང་གི་འགྲམ་རྒྱུད་འདི་ན།རྨ་འབྲི་རྫ་གསུམ་གྱི་མགོ་ཁུངས་འདི་ན།སྒ་སྟོད་ཇོ་བོའི་མདུན་ཟུར་འདི་ན།གནའ་བོའི་བོད་མཁར་ཞིགལོ་རྒྱུས་ཀྱི་ས་ཁྲ་ཞིགབོད་རྒྱ་གཉིས་ཀྱི་གཏམ་རྒྱུད་རིང་མོ་ཞིགསྐྱེ་བོ་ཀུན་གྱི་མིག་ལམ་ན་མངོན་བཞིན་ཡོད།གནའ་ནས་ད་བར།བརྗོད་འདོད་ཀྱི་སྐད་ཆ་ལ་ཆེ་བཤད་མི་དགོས་ཤིང་།འདས་སོང་གི་ལོ་རྒྱུས་ལ་རྩོད་གླེང་མི་དགོས་པའི་སྲ་གཟུགས་ཀྱི་རྡོ་རིང་ཞིགལོ་རྒྱུས་ཀྱི་དན་རྟགས་སུ་བཀོད་ཡོད་ལ།འབུམ་གྱི་རྣམ་པ་སྣང་མཛད་བྲག་ངོས་ཀྱི་རི་མོ་ལས་འདས་སོང་གི་གཏམ་རྒྱུད་གསལ་བའི་གནས་མཆོག་ངོ་མཚར་ཅན།སྤང་ལྗོངས་གི་མཛེས་སྡུག་ལས་མཐོ་སྒང་གི་ཁྱད་ཆོས་མངོན་པའི་སྒ་ཡུལ་ཕུན་ཚོགས་བྱམས་པ་གླིང་།ཐང་བོད་གནའ་ལམ།གནའ་བོའི་བོད་མཁར།འདོད་འགུ་འཛོམས་པའི་ཡུལ་གྲུ་འདི་ནི།ངའི་གོ་ཐོས་སུ།གླིང་གི་ལྷ་སྡེ་དཀར་པོའི་རྗེས་ཤུལ།མེས་པོའི་ཕ་གཞིས་ཁྲ་མོའི་འདུ་ར།སྨན་ཆུང་རྒྱ་བཟའ་ཀོང་ཇོའི་ཕེབས་ཡུལ།གནའ་བོའི་ཐང་བོད་ཇག་རྟའི་འགྲུལ་ལམ།ད་དུང་།གནས་ཀྱི་མཆོགགངས་ཀྱི་ལྗོངས།ཡུལ་གྱི་རྒྱན།མཛེས་པའི་གྲོང་།དག་པའི་ཞིང་།དགའ་བའི་གནས།དངོས་གནས། ཧ་ལས་པ་ཞིག་མ་རེད་དམ། Hookཁ་བའི་མེ་ཏོག་བཞད་པ་མཐོ་སྒང་གི་རྩེད་ར།གླུ་གར་གཞས་གསུམ་འཛོམས་པ་བོད་པ་ཡི་འཇིག་རྟེན།རྫ་སྤང་རི་ཆུ་མཛེས་པའི་མི་ཡུལ་གྱི་ཞིང་བཀོད།བདེ་སྐྱིད་ལོངས་སྤྱོད་འཛོམས་པ་ང་ཚོའི་གཞིས་ཁྱིམ།ཆབ་དཔལ་རིག་གསུམ་དར་བ་གནའ་བོའི་ཡུལ་གྲུ།ཀུན་གྱིས་ཡིད་སྨོན་ཤོར་བ་མེ་ཏོག་གི་གྲོང་ཁྱེར་རེད་།VERSEདངོས་གནས།ཉི་འོད་དྲོ་ཞིང་མཁའ་དབུགས་བསིལ་བའི་ཁམས་པ་བོད་ཀྱི་བྲོ་ར།མཐོ་སྒང་ཡུལ་ཤུལ་གྱི་གཞིས་ཁྱིམ་ཆེན་མོ་འདི་རུ།ཇག་པ་རྟ་འདེད་དང་ཕྱུག་རྫི་བུ་མོ།གཡང་དཀར་ལུག་ཁྱུ་དང་རི་སྤྱང་སྔོན་མོ།ངོ་མཚར་བའི་གཏམ་རྒྱུད་རེ་རེས།མཐོ་སྒང་གི་ཡུལ་གྲུ་འདི་ལ།སེམས་པ་འཁྲེང་ཞིང་ཡིད་དབང་འཁོར།དེ་ལས་ཀྱང་ཉམས་དགའ་བ་ཞིག་ལ།དྲི་བསུང་འཐུལ་བའི་སྤང་རྒྱན་མེ་ཏོག་ས་ཆེན་འདི་རུ་བཞད།གསར་སྐྱེས་གཞོན་ནུ་གསེར་སྦྲང་བུང་བ་རབ་དགའི་སྐྱེད་ཚར་འདི་རུ་འཁོར།སྐྱིད་པའི་ལང་ཚོ་སྒྱུ་འཕྲུལ་ཡོན་ཏན་གནའ་བོའི་མཁར་གྲོང་འདི་རུ་དར།དངོས་གྲུབ་འདོད་འཇོ་བདེ་སྐྱིད་ཉི་ཤར་སྐྱེ་དགུ་དཔལ་ཡོན་རབ་ཏུ་བཞད།གྲོགས་གཅེས་ཚོ། འདི་རུ་ཕེབས་ཤོག་དང་།ཁ་བཏགས་དཀར་པོའི་བསུ་མ་ཡོད།མཐོ་སྒང་ཡུལ་ཤུལ་ལ།དགོས་འདོད་ཀྱི་ལོངས་སྤྱོད་འཛོམས་ཤིང་།ཟླ་བདུན་པའི་དབྱར་གཞུང་མེ་ཏོག་འཁྲུངས་ནས་ཡོད།མཐུན་གྲོགས་ཚོ། འདི་རུ་ཕེབས་ཤོག་དང་།བདུད་རྩི་ཆང་གིས་བསུ་མ་ཡོད།ཐང་བོད་གནའ་ལམ་ནས།ཡུལ་མི་ལ་དབང་ཐང་དར་ཞིང་བསོད་ནམ་རི་རྒྱལ་བཞིན་དུ་བརྟན་ནས་ཡོད།དགའ་ཞེ་ཚོ། འདི་རུ་ཕེབས་ཤོག་དང་།གླུ་བྲོ་གཞས་གསུམ་གྱི་བསུ་མ་ཡོད།ཕ་ཡུལ་གཙང་གསུམ་འབྱུང་ཁུངས་ནས།སྙན་ངག་གི་སྦྲང་ཆར་འབབ་བཞིན་ཡོད།འཛམ་གླིང་ཡོངས་ལ་བཀྲ་ཤིས་ཁ་གཡང་འབོད་བཞིན་ཡོད།