ཨེ་ཝྃ་ཧོ།

ཨེ་ཝཾ་ལས་རིགས་ལག་རྩལ་ཁང་གིས་རྒྱལ་དབང་པདྨ་ཀ་རའི་རྣམ་ཐར་༼པདྨ་བཀའ་ཐང་༽གི་ཐང་ཁ་བརྒྱ་དང་བརྒྱད་བཞེང་འཆར་དེ་མྱུར་འགྲུབ་ཏུ་སྨོན་ནོ།། ངའི་དྲ་གྲོགས་དང་ཆོས་མཆེད་བོད་ནང་དང་རྒྱ་ཡུལ་ལ་བཞུགས་པ་ཚོས་རོགས་དན་རེ་རེམ་རེམས།། ཐང་ཁ་རེ་ལ་རྣམ་ཐར་རེ་དང་ལེའུ་རེ་ཆ་ཚང་ལྡན་པའོ།། དེ་ཡང པདྨ་བཀའ་ཐང་། ལེའུ་༼ ༡ ༽ ནུབ་བདེ་བ་ཆེན་པོའི་ཞིང་ཁམས་བསྟན་པ། པདྨ་བཀའ་ཐང་ལེའུ་༼༢༽སངས་རྒྱས་འོད་དཔག་མེད་ཀྱིས་སྤྲུལ་པ་བཀྱེ་པ། པདྨ་བཀའ་ཐང་ལེའུ་༼༣༽འཇིག་རྟེན་ཁམས་བསམ་མི་ཁྱབ་པར་འགྲོ་དོན་མཛད་པ། པདྨ་བཀའ་ཐང་ལེའུ་༼༤༽ བླ་མ་རྡོ་འཆང་དུ་སྐུ་བཞེངས་ནས་དབང་བསྐུར་བ། པདྨ་བཀའ་ཐང་། ལེའུ་༼ ༥༽ གདུལ་ཞིང་རཱུ་ཏྲའི་སྐྱེ་རྒྱུད་བསྟན་པ། པདྨ་བཀའ་ཐང་། ལེའུ་༼ ༦༽ རྟ་ཕག་གིས་རཱུ་ཏྲ་བཏུལ་བ། པདྨ་བཀའ་ཐང་། ལེའུ་༼༧༽སངས་རྒྱས་སྟོང་རྩ་༢ལ་དབང་བསྐུར་ལུང་བསྟན་པ། པདྨ་བཀའ་ཐང་། ལེའུ་༼༨༽ བསྟན་པ་གཉིས་ལྡན་བྱུང་ཚུལ་བསྟན་པ། པདྨ་བཀའ་ཐང་། ལེའུ་༼༩༽ གཙུག་ཕུད་རིས་བཟང་གི་སྲས་སུ་འཁྲུངས་པ། པདྨ་བཀའ་ཐང་། ལེའུ་༼༡༠༽སྤྲིན་ལྡན་ཁམས་བསྟན་པ་གཉིས་ལྡན་གྱིས་བཏུལ་བ། པདྨ་བཀའ་ཐང་། ལེའུ་༼༡༡༽ རྒྱ་གར་ཆོས་ཁུངས་བཙུན་པར་བསྟན་པ། པདྨ་བཀའ་ཐང་། ལེའུ་༼༡༢༽ ཨུ་རྒྱན་ཡུལ་གྱི་ཡུལ་རབས་བཤད་པ། པདྨ་བཀའ་ཐང་། ལེའུ་༼༡༣༽ སྤྱན་མེད་འབྱོར་ལྡན་གྱིས་སྦྱིན་པ་བཏང་བ། པདྨ་བཀའ་ཐང་། ལེའུ་༼༡༤༽ གཟིགས་སྟངས་དྲི་མེད་མདངས་ལྡན་མཚོ་རབས་སྐོར། པདྨ་བཀའ་ཐང་། ལེའུ་༼༡༥༽ རྒྱལ་པོ་ཨིནྡྲ་བོ་དྷིའི་རྣམ་ཐར་གྱི་སྐོར། པདྨ་བཀའ་ཐང་། ལེའུ་༼༡༦༽ ཨིནྡྲ་བོ་དྷིས་ཡིད་བཞིན་གྱི་ནོར་བུ་ལོན་པ། པདྨ་བཀའ་ཐང་། ལེའུ་༼༡༧༽ཨིནྡྲ་བོ་དྷི་དང་མཇལ་ཞིང་རྟེན་འབྲེལ་བརྟཊ་པ། པདྨ་བཀའ་ཐང་། ལེའུ་༼༡༨༽ཨིནྡྲ་བོ་དྷིས་ནོར་བུ་ལ་གསོལ་བ་བཏབ་པ། པདྨ་བཀའ་ཐང་། ལེའུ་༼༡༩༽ མེ་ཏོག་ཨུ་དུམ་ཝ་ར་གེ་སར་གྱི་ལེའུ། པདྨ་བཀའ་ཐང་། ལེའུ་༼༢༠༽ ཨུ་རྒྱན་ཡུལ་དུ་རྒྱལ་སྲིད་བཟུང་བ། པདྨ་བཀའ་ཐང་། ལེའུ་༼༢༡༽ རྒྱལ་སྲིད་སྤངས་པའི་ལེའུ། པདྨ་བཀའ་ཐང་། ལེའུ་༼༢༢༽ དུར་ཁྲོད་བསིལ་བའི་ཚལ་དུ་བཞུགས་པ། པདྨ་བཀའ་ཐང་། ལེའུ་༼༢༣༽  རྩིས་ལ་སྦྱངས་པའི་ལེའུ། པདྨ་བཀའ་ཐང་། ལེའུ་༼༢༤༽  སྨན་ལ་སྦྱངས་པའི་ལེའུ། པདྨ་བཀའ་ཐང་། ལེའུ་༼༢༥༽ རིག་པའི་གནས་ལྔ་ལ་མཁས་པར་སྦྱངས་པ། པདྨ་བཀའ་ཐང་། ལེའུ་༼༢༦༽ སྐུ་རབ་ཏུ་བྱུང་བའི་ལེའུ། པདྨ་བཀའ་ཐང་། ལེའུ་༼༢༧༽རྒྱུ་མཚན་ཉིད་ཀྱི་ཐེག་པ་སྦྱངས་པ། པདྨ་བཀའ་ཐང་། ལེའུ་༼༢༨༽བསྟན་པ་ལ་ཕན་ཕྱིར་ཀུན་དགའ་བོ་ལ་མདོ་དྲིས་པ། པདྨ་བཀའ་ཐང་། ལེའུ་༼༢༩༽ དུར་ཁྲོད་སྐུ་ལ་རྫོགས་སུ་བཞུགས་པ། པདྨ་བཀའ་ཐང་། ལེའུ་༼༣༠༽ དུར་ཁྲོད་བདེ་ཆེན་བརྡལ་དུ་བཞུགས་པའི་ལེའུ། པདྨ་བཀའ་ཐང་། ལེའུ་༼༣༡༽ དུར་ཁྲོད་ལྷུན་གྲུབ་བརྩེགས་སུ་བཞུགས་པ། པདྨ་བཀའ་ཐང་། ལེའུ་༼༣༢༽ དུར་ཁྲོད་ལངྐ་བརྩེགས་སུ་བཞུགས་པ། པདྨ་བཀའ་ཐང་།…

ཀུན་མཁྱེན་འཇིགས་མེད་གླིང་པའི་ཞལ་ནས། རྒྱལ་བའི་བསྟན་པ་ལུང་རྟོགས་གཉིས། ། ཡིན་པས་དེ་ལ་ཐོས་བསམ་མཛོད། ། དེ་ཡང་རང་འདོད་གཞུང་མང་བས། ། དེ་དག་དགག་བསྒྲུབ་ཆགས་སྡང་རྒྱུ། ། དེ་བས་རང་སྡེའི་གྲུབ་མཐའ་ནི། ། ཡིད་བཞིན་མཛོད་དང་གྲུབ་མཐའ་མཛོད། ། གཉིས་ལ་རྟོག་དཔྱོད་ཆེར་མཛོད་ནས། ། སེམས་ཉིད་ངལ་བསོ་རྩ་འགྲེལ་དང་། ། སྙིང་འགྲེལ་ཕྱོགས་བཅུ་མུན་སེལ་རྣམས། ། ཐོས་བསམ་གཉིས་ཀྱི་མཐིལ་དུ་བྱ། ། དེ་ཡི་རྒྱབ་ཏུ་ཡོན་ཏན་མཛོད། ། རྩ་འགྲེལ་ལ་གཟིགས་རང་གཞན་གྱི། ། གྲུབ་མཐའ་སྤྱི་དང་རིམ་གསུམ་གྱི། ། བཀའ་འཁོར་དགོངས་པ་ཤེས་པ་ཡིན། ། ཆོས་ཀྱི་རྩ་བ་བྱང་ཆུབ་སེམས། ། དེ་ལ་ཀུན་རྫོབ་དོན་དམ་གཉིས། ། ཀུན་རྫོབ་སྨོན་འཇུག་གཉིས་ལ་འདུ། ། དོན་དམ་རྫོགས་པ་ཆེན་པོའི་ཞལ། ། དྲན་པའི་བྱ་རས་ཡེངས་མེད་སྐྱོངས། ། དེ་ཡི་གྲོགས་སུ་མཛོད་དྲུག་ལྟོས། ། དབང་ལུང་རྒྱུན་ལ་མདོ་རྒྱུ་སེམས། ། རྒྱུད་འབུམ་ལ་སོགས་བཀའ་མའི་རྒྱུན། ། སྙིང་ཏིག་ཡ་བཞི་སྒྲུབ་སྡེ་བརྒྱད། ། ཡོད་ན་སྔ་འགྱུར་བསྟན་པ་ཡོད། ། མེད་ན་དེ་ཉིད་ཉམས་པའི་རྟགས། ། ཡིན་པས་རང་སྡེའི་སྲོལ་འབྱེད་ལ། ། ཀུན་མཁྱེན་རྗེ་དང་རོང་ཟོམ་ཞབས། ། མངའ་རིས་པཎ་ཆེན་ཤེས་རབ་འོད། ། འགྲན་ཟླ་བྲལ་བའི་མཁས་གྲུབ་ཡིན། །  དེ་དག་གཞུང་ལ་གུས་པ་བསྐྱེད། །     ཅེས་སོ།།

བར་ཆད་ལམ་སེལ་ཤིན་ཏུ་བསྡུས་པ། གཏེར་སྟོན་འཇའ་ལུས་རྡོ་རྗེ། ཨོཾ་ཨཱཿཧཱུྃ། ཆོས་སྐུ་སྣང་མཐའ་ལོངས་སྐུ་སྤྱན་རས་གཟིགས།། སྤྲུལ་སྐུ་པདྨ་འབྱུང་གནས་དྲག་པོ་རྩལ།། གསོལ་བ་འདེབས་སོ་ཐུགས་རྗེའི་ཤུགས་ཕྱུངས་ལ།། ཕྱི་ནང་གསང་བའི་བར་ཆད་དབྱིངས་སུ་སོལ།། དུས་ངན་སྙིགས་མའི་འགྲོ་བ་སྡུག་བསྔལ་ཚེ།། ཁྱེད་ལས་རེ་ས་མེད་དོ་སྙིང་ཁོང་ནས།། མོས་གུས་གདུང་བས་ལྷང་ལྷང་གསོལ་བ་འདེབས།། འགལ་རྐྱེན་ཕྱི་ནང་གསང་བའི་བར་ཆད་བཟློག། ཚེ་བསོད་སྤེལ་ལ་རླུང་རྟ་དར་རྒྱས་ཤོག། ཅེས་པའང་གཏེར་མིང་འཛིན་པ་འཇའ་ལུས་རྡོ་རྗེས་སོ།།།།

དྲང་སྲོང་བདེན་ཚིག་གྲུབ་པའི་སྨོན་ལམ་ཚིགས་སུ་བཅད་པ་ ཐར་ལམ་གྲོང་འཇུག་ཅེས་བྱ་བ་བཞུགས་སོ།། ན་མོ་མ་ཧཱ་གུ་རུ་ཨ་བྷྱ་དཱི་པ་ཡེ།། ༼༡༽ དངོས་གྲུབ་རྒྱ་མཚོ་ཀུན་གྱི་འབྱུང་བའི་གནས།། བླ་མ་རྗེ་དང་དཀོན་མཆོག་རྣམ་གསུམ་དང་།། བྱང་ཆུབ་སེམས་དཔའ་རྣམས་ལ་ཕྱག་འཚལ་ཞིང་།། སྐྱབས་སུ་མཆིའོ་བྱིན་གྱིས་བརླབ་ཏུ་གསོལ།། ༼༢༽ མ་གྱུར་ནམ་མཁའི་མཐའ་དང་མཉམ་པ་ཡི།། མ་ལུས་འགྲོ་བའི་སེམས་ཅན་ཐམས་ཅད་ཀྱི།། སྐྱེ་བ་འདི་ནས་ཚེ་རབས་ཐམས་ཅད་དུ།། དལ་འབྱོར་བཅོ་བརྒྱད་ཚང་བའི་ལུས་ཐོབ་ཤོག།། ༼༣༽ ཡིད་བཞིན་མི་ལུས་རིན་པོ་ཆེ་ཐོབ་སྟེ།། རྗེ་བཙུན་བླ་མ་མཚན་ཉིད་དང་ལྡན་པའི།། དམ་ཚིག་རྟེན་འབྲེལ་འགལ་མེད་ལྷུན་གྲུབ་ངང་།། ཐུགས་བརྩེ་ཆེན་པོས་གདུལ་བྱ་འགྱུར་བ་ཤོག། ༼༤༽ མངོན་པར་མཐོ་དང་ངེས་ལེགས་མཐའ་དག་གི།། འབྱུང་ཁུངས་རྩ་བ་ཐོས་བསམ་སྒོམ་གསུམ་གྱིས།། རང་རྒྱུད་བཏུལ་ཏེ་རྒྱལ་བསྟན་རིན་པོ་ཆེའི།། ཚུལ་བཞིན་མ་ནོར་རྗེས་སུ་སློབ་པར་ཤོག། ༼༥༽ དམ་པའི་ཆོས་ལ་འཇུག་པའི་རྩ་བ་ནི།། ངེས་པར་འབྱུང་དང་བློ་ལྡོག་རྣམ་པ་བཞི།། རྒྱུད་ལ་ངམ་ངམ་ཤུགས་ཀྱིས་སྐྱེས་ནས་སུ།། འཁོར་བ་མུ་མཐའ་མེད་ཀྱི་བྱ་བ་ལ།། བཙོན་དོང་མེ་འོབས་ལྟ་བུར་མཐོང་བ་ཤོག། ༼༦༽ རྟེན་འབྲེལ་ལས་འབྲས་བསླུ་བ་མེད་པ་ལ།། ཡིད་ཆེས་རྙེད་ནས་དགེ་དང་སྡིག་གི་ལས།། ཕྲ་མོ་ཙམ་ཡང་འགལ་བ་མེད་པ་ཡིས།། ཇི་བཞིན་མ་ལུས་འཇུག་ལྡོག་བྱེད་པར་ཤོག། ༼༧༽ གནས་གྲོགས་འདུ་འཛི་རྐྱེན་ངན་ལ་སོགས་པ།། བྱང་ཆུབ་བསྒྲུབ་པའི་བར་ཆད་ཐམས་ཅད་ཀྱི།། གཞན་དབང་མི་འགྲོ་གང་དུ་སྐྱེས་པའི་ཚེ།། དཀོན་མཆོག་གསུམ་གྱི་སྐྱབས་འོག་ཏུ་ཚུད་དེ་།། སྐྱེས་བུ་གསུམ་གྱི་ལམ་ལ་སློབ་པར་ཤོག། ༼༨༽ བདེ་གཤེགས་ཀུན་འདུས་ངོ་བོ་བཀའ་དྲིན་ཅན།། བླ་མ་དམ་པར་ཐེ་ཚོམ་མཉམ་འགྲོགས་ཀྱིས།། མི་རུ་བཟུང་བའི་ལོག་ལྟ་ཡོངས་སྤངས་ཏེ།། སངས་རྒྱས་ཡེ་ཤེས་དངོས་སུ་མཐོང་བར་ཤོག། ༼༩༽ བསླུ་མེད་ལས་སྨོན་ཟབ་མོ་དེའི་མཐུ་ལས།། མཚོན་པར་བྱེད་པའི་དཔེ་ཡི་དབང་བཞི་ཡིས།། སྒོ་གསུམ་སྨིན་པར་བྱས་ཏེ་རྨད་བྱུང་གི།། རྡོ་རྗེ་ཐེག་པའི་གསང་ལམ་འཇུག་པར་ཤོག། ༼༡༠༽ རྩ་གསུམ་རྒྱལ་བ་གསོལ་འདེབས་མོས་གུས་ཀྱི།། མཚམས་སྦྱོར་ལམ་དུ་ལོང་ནས་མཚོན་བྱ་ཡི།། དོན་གྱི་དགོངས་བརྒྱུད་བདག་ལ་མྱུར་འཕོས་ཏེ།། སྒོམ་གྱི་རྟོགས་པ་ནམ་མཁའ་མཉམ་པར་ཤོག། ༼༡༡༽ བསྐྱེད་པ་མ་ཧཱ་ཡོ་གའི་ཉམས་ལེན་ཀུན།། མཐར་ཕྱིན་སྣོད་བཅུད་དཀྱིལ་འཁོར་གསུམ་དུ་ཤེས།། རིག་འཛིན་རྣམ་པ་བཞིའི་ས་ལ་མྱུར་བགྲོད་པ།། རྒྱལ་སྲས་ཆེན་པོ་པདྨ་འབྱུང་གནས་དང་།། བི་མ་མི་ཏྲ་ལྟ་བུར་འགྱུར་བར་ཤོག། ༼༡༢༽ ལུང་མཆོག་ཨ་ནུ་ཡོ་གའི་ཉམས་ལེན་ཀུན།། མཐར་ཕྱིན་འཁོར་འདས་འཛིན་རྟོག་ཐམས་ཅད་ཉིད།། བདེ་སྟོང་གཉིས་མེད་ངོ་བོར་སངས་རྒྱས་ཏེ།། འོག་མིན་སྟུག་པོ་བཀོད་པའི་ཞིང་ཁམས་ཀྱི།། ངེས་པ་ལྔ་ལྡན་མངའ་དབང་བསྒྱུར་བར་ཤོག། ༼༡༣༽ རྫོགས་ཆེན་ཨ་ཏི་ཡོ་གའི་ཉམས་ལེན་ཀུན།། མཐར་ཕྱིན་ཆོས་ཅན་སྣང་བ་ཆོས་ཉིད་དུ།། ཆོས་ཟད་གཞོན་ནུ་བུམ་སྐུར་རང་གྲོལ་པ།། དགའ་རབ་རྡོ་རྗེ་ལྟ་བུར་འགྱུར་བར་ཤོག། ༼༡༤༽ མདོར་ན་བདག་གི་བྱང་ཆུབ་སྤྱོད་པ་ལ།། བསླབ་པ་ནས་བཟུང་སྟེ་སྒོ་གསུམ་གྱི།། བྱ་བ་ཅི་བགྱིས་ཐམས་ཅད་ཕ་མ་དང་།། སེམས་ཅན་ཐམས་ཅད་དོན་དུ་འགྱུར་བར་ཤོག། ༼༡༥༽ དུས་དང་རྣམ་པ་ཐམས་ཅད་དམ་ཆོས་ལས།། ཆོས་མ་ཡིན་པའི་འཇིག་རྟེན་མཐུན་འཇུག་གི། བསམ་པ་སྐད་ཅིག་མ་ཙམ་ཡང་ནམ་རྒྱུན་དུ།། རང་གཞན་སེམས་ལ་རྩ་ནས་མི་སྐྱེ་ཤོག། ༼༡༦༽ གལ་ཏེ་ལས་དང་བག་ཆགས་དབང་བཙན་པས།། ཆོས་བརྒྱད་གཞན་དབང་དྲག་པོས་དབང་གྱུར་ནས།། རང་འདོད་ཕྱིན་ཅི་ལོག་གི་བློ་སྐྱེས་ཀྱང་།། ལས་ངན་དེ་ཉིད་ནམ་ཡང་མི་འགྲུབ་ཤོག། ༼༡༧༽ གཞན་དོན་འགྱུར་ན་ལུས་སྲོག་འདོར་བ་ལ།། ནམ་ཡང་ཉམ་ང་མེད་པར་གཞན་དོན་དུ།། མ་ལུས་འགྲོ་བ་ཡོངས་ཀྱི་མགོན་གཅིག་པུ།། གཞོན་ནུ་དོན་འགྲུབ་ལྟ་བུར་འགྱུར་བར་ཤོག། ༼༡༨༽ བདག་གཞན་དོན་གཉིས་ལྷུན་གྱིས་གྲུབ་པ་ཡི།།…

༈ འཁོན་ལུགས་སློབ་དཔོན་གྱི་རྣམ་ཐར་རྒྱ་འབགས་བོད་འབགས་སམ་རྒྱ་འབྲམ་བོད་འབྲམ་དུ་གྲགས་པ་ འདི་ས་སྐྱའི་ཕུན་ཚོགས་ཕོ་བྲང་གི་དཔེ་དང་གསང་སྔགས་ཆོས་གླིང་གི་དཔེ་ཞེས་སི་ཏུ་ཆོས་ཀྱི་རྒྱ་མཚོའི་དཔེ་ཐོ་ལས་འབྱུང་ངོ་། ། དང་། གུ་རུའི་རྣམ་ཐར་དུམ་པ་གཉིས། ཆ་རུ་ཉི་མ་གྲགས་པས་མཛད་པ། གུ་རུའི་རྣམ་ཐར་པདྨ་ཤེལ་ཕུག་མ། གཏེར་སྟོན་ར་མོ་ཤེལ་སྨན་གྱི་གཏེར་མ། གུ་རུའི་རྣམ་ཐར་ཞྭ་ལྷ་ཁང་མ། ལྡང་མ་ལྷུན་གྱི་རྒྱལ་མཚན་གྱིས་མཛད་པ། གུ་རུ་པདྨའི་རྣམ་ཐར་རྒྱས་པ་དུམ་པ་གཅིག གཡུ་རུ་སྟོན་ཤཱཀ་གིས་མཛད་པ། གུ་རུ་པདྨའི་རྣམ་ཐར་རྒྱས་བསྡུས་གཉིས། ལྷ་བཙུན་ནམ་མཁའ་འཇིགས་མེད་ཀྱིས་མཛད་པ། གུ་རུའི་བཀའ་ཐང་དུམ་ཆུང་གཅིག ཨ་ཡ་བོན་པོས་མཛད་པ། གུ་རུའི་བཀའ་ཐང་འུ་ཤང་རྡོ་གདན་མ། གཏེར་སྟོན་ལྷ་བཙུན་སྔོན་མོའི་གཏེར་མ། གུ་རུ་པདྨའི་རྣམ་ཐར། མཚན་མི་གསལ། བལ་པོའི་སློབ་དཔོན་གཙུག་ལག་དཔལ་དགེས་མཛད་པ། གུ་རུའི་རྣམ་ཐར་དུམ་ཆུང་གཅིག ཁྱུང་པོ་དཔལ་དགེས་མཛད་པ། གཞན་ཡང་གནུབས་སྟོན་གྱིས་མཛད་པའི་རྣམ་ཐར་སྣུབས་བསྒྲིགས་མ་ཆེ་བ། སྣུབས་རྒྱལ་སྲས་ཀྱིས་མཛད་པའི་སྣུབས་བསྒྲིགས་མ་ཆུང་བ། མངའ་རིས་པཎ་ཆེན་གྱིས་མཛད་པའི་གུ་རུའི་རྣམ་ཐར། བ་མཁལ་སྨུག་པོའི་གཏེར་མའི་ལུགས་ཀྱི་གུ་རུའི་རྣམ་ཐར། སློབ་དཔོན་ལང་ལྷག（ལང་ལབ） སྟོན་པས་མཛད་པའི་རྡོ་རྗེ་ཕུར་པའི་བསྟོད་འབུམ་དུ་གྲགས་པའི་རྣམ་བཤད་ངོ་མཚར་ཅན་རྣམས་དང་། གསང་སྔགས་འཛིན་པ་དཔལ་ལྡན་རྡོ་རྗེ་རྒྱལ་མཚན་གྱིས་མཛད་པའི་སྣ་ནམ་ལུགས་ཀྱི་བཤད་འབུམ་རྡོ་རྗེ་དོན་གསལ། འོ་བྲན་དཔལ་གྱི་གཞོན་ནུས་མཛད་པའི་ཕུར་པའི་སྟོང་ཐུན། སློབ་དཔོན་པདྨས་མཛད་པའི་གཙུག་ལག་ཁང་རྙིང་པ་བཞེངས་པའི་གསོ་ཐབས་བསྟན་པ། བསམ་ཡས་བཞེངས་དུས་སྤྲུལ་པའི་བཟོ་ཆེན་རྣམས་ཀྱི་བཞེད་པ་དང་རྟེན་འབྲེལ་གྱི་བཀོད་པ་བསྟན་པ་བཟོ་གནས་འཕྲུལ་གྱི་མེ་ལོང་ （འདི་གཉིས་ཀུན་མཁྱེན་ཀློང་ཆེན་པས་མཛད་པའི་ཞྭ་པདྨ་དབང་ཆེན་གྱི་དཀར་ཆག་གཙིགས་ཀྱི་ཡི་གེ་ཞིབ་མོར་བཀོད་པ་ལས་འབྱུང་ཡང་ད་ལྟ་དཔེ་རྒྱུན་ཡོད་མེད་མ་འཚལ། ）བཅས་དང་། ཞར་བྱུང་ཐིག་པར་རྟ་ཆེ་ཆུང་དང་། བཀས་བཅད་འབྲིང་པོ། ཁམས་པ་སེང་གེའི་མདོ་ཁམས་སྨད་ཀྱི་ཆོས་འབྱུང་། སྨྲི་ཛྙཱ་ན་ཀཱིར་ཏིའི་（ སྨྲྀ་ཏི་ཛྙཱ་ན་ཀིརྟིའི་） དྲི་བའི་ཐེ་ཚོམ་བཅད་པའི་ལོ་རྒྱུས་ཆེན་མོ། ཁུ་སྟོན་བརྩོན་འགྲུས་གཡུང་དྲུང་གིས་མཛད་པའི་ལོག་ནོན་ཆེན་པོ་དང་ཞེ་ས་དགུ་ཕྲུགས་སོགས་གསུང་གང་རྙེད། འདི་རྣམས་ཀྱི་དཔེ་གཟིགས་མྱོང་མཁན་རེ་མཆིས་ན་ཡིག་ཆ་དེ་དག་གི་འདྲ་བཤུས་རེ་བླུ་ཐབས་གནང་བའི་མཐུན་རྐྱེན་སྒྲུབ་པའམ། ཡང་ན་བསྐྱར་དཔར་བགྱིད་ཐབས་མཛད་པའི་བདག་རྐྱེན་སྩོལ་བའི་རེ་བ་ནན་ཏན་དུ་ཞུ་བ་ལགས། བསྟན་མིང་པས་ཕུལ།

རྟ་རྣ་མགྱོག་ཅན་ཞིག་ང་ལ་མེད།། སྲབ་སུལ་མ་ལག་ལ་འཛིན་མ་མྱོང་།། རུས་ཐེ་རྒྱུག་བྱེད་པའི་དུས་འདི་ལ།། ངས་ཐེ་ཁེའི་རྩེད་མོ་གཅེས་ཀི་བསམ།། ཐེ་རྟ་ལ་རྒྱུག་རྟ་ཞེས་འབོད་ཆོག་ན་ང་ལ་རྒྱུག་རྟ་ངོ་མ་མང་རྒྱ་རྟ་གཅིག་ར་མེད་སྔོན་བོད་ལུག་དག་མ་ལས་ཐོན་པའི་ཐེ་ཁེ་དག་མ་དག་དག་ཡིན། ད་ནི་རྒྱུག་རྟ་ཞེས་སྐྱ་སེར་ཀུན་གྱིས་བསྟོད་བསྔགས་བྱེད་འདུག       མ་བསམ་ས་ནས་རྒྱུ་མགོ་ལ་བུད་བཏང་ཐལ། རྒྱུག་རྟ་ལ་དགའ་མཁན་ཚོ་ཤོག་དང་རྒྱུག་རྟ་བཙོང་རྒྱུ་ཡོད།  རྒྱལ་ཀུན་འཕྲིན་ལས་གཅིག་བསྡུས་ཡེ་ཤེས་ཀྱི་ངོ་བོར།། རིག་སྟོང་འཇམ་དཔལ་དཔའ་བོའི་རང་གཟུགས་ཀྱི་བླ་མ།། མཛད་འཕྲིན་དཔག་བསམ་ལྗོན་པའི་དགའ་ཚལ་གྱི་ལྗོངས་ན།། བསམ་ཡུལ་བློ་ལས་འདས་པའི་ངང་ཚུལ་དེ་དྲན་བྱུང་།།