ཨེ་ཝྃ་ཧོ།

སྐྱབས་སྡོམ་ཀུན་འདུས་ཀྱི་ཆོ་ག་ནོར་བུའི་བུམ་བཟང་།དང་པོ་སྐྱབས་འགྲོ་ནི།ན་མོཿདཀོན་མཆོག་གསུམལ་སྐྱབས་སུ་མཆི།།ཁམས་གསུམ་སྒྲོལ་བར་སེམས་བསྐྱེད་ནས།།སྐུ་གསུམ་རྒྱལ་བའི་དེ་བཞིན་ཉིད།།སྒོ་གསུམ་དག་རྫོགས་སྨིན་པར་བྱ།།བླ་མ་ཀུན་འདུས་པདྨ་འབྱུང་གནས་མཁྱེན།།ཡི་དམ་ཀུན་འདུས་ཀུན་བཟང་རྡོ་རྗེ་འཆང་།།མཁའ་འགྲོ་ཀུན་འདུས་རྗེ་བཙུན་སྒྲོལ་མ་དང་།།ཆོས་སྐྱོང་ཀུན་འདུས་གེ་སར་རྒྱལ་པོར་འདུད།།ལན་གསུམ། ཚོགས་བསགས་ཡན་ལག་བདུན།བླ་མ་པདྨ་འབྱུང་གནས་ལ་ཕྱག་འཚལ།།བདག་ལུས་ལོངས་སྤྱོད་དགེ་རྩ་མཆོད་པར་འབུལ།།དུས་གསུམ་བགྱིས་པའི་སྡིག་ལྟུང་མཐོལ་ཞིང་བཤགས།།འཁོར་འདས་དགེ་རྩ་ཀུན་ལ་ཡི་རང་ངོ་།།མདོ་སྔགས་ཟབ་རྒྱས་ཆོས་ཆར་དབབ་ཏུ་གསོལ།།རྒྱལ་ཀུན་མྱ་ངན་མི་འདའ་ཞབས་བརྟན་བཞུགས།།དགེ་ཚོགས་མ་ལུས་འགྲོ་ལ་སྨན་པ་དང་།།ཀུན་ཀྱང་ཀུན་ཏུ་བཟང་དང་དབྱེར་མེད་ཤོག།ལན་གསུམ།ཨོཾ་ཨཱཿཧཱུཾ་ཧྲཱིཿའགྱུར་མེད་སྐུ་ལ་མཚན་དཔེས་བཀྲ་ཤིས་ཤིང་།།འགག་མེད་གསུང་ལ་ཟབ་རྒྱས་བདེ་ལེགས་འཇོ།།གཡོ་མེད་ཐུགས་རྗེ་ཨེ་ཝཾ་ཕུན་སུམ་ཚོགས།།མཚུངས་མེད་ཡོན་ཏན་ཕྲིན་ལས་མཐར་ཕྱིན་ཤོག།ཅེས་རབ་གནས་གྲོ་བཞིན་ཟླ་བའི་དབང་ཕྱོགས་དགའ་བ་དང་པོར་སྐྱབས་འགྲོའི་སྡོམ་པ་ཞུ་འཁན་བརྒྱ་ཕྲག་བྱུང་བའི་ངོར་ཤྲཱིཿཨེ་མ་ཧོས་ཨེ་ཝཾ་ཌཱ་ཀི་ནིའི་གླིང་དུ་བྲིས་པར་དགེའོ།། །།

ཨེ་ཝཾ་རྒྱལ་བའི་བསྟན་པ་རྒྱས་སྨོན་སྙིང་གི་འོད་གསལ།།ཨེ་མ་ཧོ།།ཨེ་རིག་མཁྱེན་རབ་ཡེ་ཤེས་སངས་རྒྱས་པས།།ཝཾ་ཡིག་སྙིང་རྗེ་འོད་གསལ་སྙིང་པོའི་གར།།ཨ་ཧོ་སྣ་ཚོགས་འགྲོ་ཀུན་འདྲེན་པའི་དཔལ།།ཨེ་ཝཾ་རྒྱལ་བའི་བསྟན་པ་རྒྱས་རྒྱུར་ཅིག།ཨེ་ཝཾ་ཆོས་ཀྱི་རྒྱལ་པོ་གུཧྱེས་བྱིན་རླབས་ལས་ཤྲཱིས་སོ།།

ཀ་དག་གདོད་མ་ཆོས་སྐུ་ཡི་ཞིང་ན།།ཁ་དོག་མཚན་མ་མ་གྲུབ།།ག་ལེར་ཡེ་བབས་རིག་རྩལ་དེ་རྫོགས།།ང་བདག་གཟུང་འདིན་གྲོལ་བ་དེ་ཆོས་སྐུ།། ཅ་ཅོའི་ཚིག་ལ་མ་ལྟོས་པའི་མན་ངག།ཆ་ལུགས་ལས་བཞི་རབ་འབྱམས།།ཇ་ཆང་དགའ་སྟོན་ཚོགས་འཁོར་གྱི་ལམ།།ཉ་རྒྱས་ཟླ་བཞིན་ཡོན་ཏན་དེ་ཀུན་རྫོགས།། ཏ་ཐཱ་ག་ཏཱ་བུདྡྷ་ཡི་དགོངས་པ།།ཐ་མལ་མ་བཅོས་རང་བྱུང་།།ད་ལྟའི་རིག་པ་ས་ལེར་ཧྲིག་གེར།།ན་གཞིན་དུས་སུ་ཉམས་སྐྱོང་དེ་ངོ་མཚར།། པ་ཏྲ་ལྟ་བུའི་ཀུན་རྟོག་གི་སྣང་བ།།ཕ་རྒན་ཀུན་བཟང་དགོངས་ཀློང་།།བ་མོར་ཉི་ཟེར་ཕོག་བཞིན་དུ་གྲོལ།།མ་རྒན་འགྲོ་དྲུག་ཕྱམས་གཅིག་ཏུ་གྲོལ་ཤོག། ཙ་རི་ཏྲ་སོགས་རི་ཁྲོད་ཀུན་འགྲིམ་ནས།།ཚ་གྲང་དཀའ་བ་སྤྱད་ཚེ།།ཛཿཧཱུྃ་བཾ་ཧོ་ཚད་མེད་དེ་བཞིས།།ཝ་ལེ་ཀྱི་ལེར་འཁོར་འདུས་ཀུན་འུབ་ཆུབ།། ཞྭ་ལྟར་མཆོག་གསུམ་སྐུ་གསུམ་གྱི་ངོ་བོ།།ཟ་ཉལ་འགྲོ་འདུག་སྤྱོད་ཚེ།།འ་འུར་ཀུན་རྟོག་ཉེར་ལེན་དེ་ཞི།།ཡ་ན་རིམ་དགུའི་དགོངས་པ་དེ་སྐྱོངས་ཤོག། ར་བ་སྟོང་གསུམ་གདུལ་བྱ་ཡི་འགྲོ་བ།།ལ་ལུང་རིས་མེད་བསྐྱངས་ནས།།ཤ་ཟ་སྲིན་པོ་ཉམས་པ་ཀུན་བསྒྲལ།།ས་གཞི་ལྟ་བུའི་ཐུགས་བསྐྱེད་དམ་བཅའ།། ཧ་ཅང་མི་བསྒྲིམ་ཧ་ཅང་དེ་མི་ལྷོད།།ཨ་ཏི་རྫོགས་ཆེན་དགོངས་པ།།སྐད་ཅིག་བླ་མའི་དྲིན་གྱིས་རྟོགས་ནས།།འཁོར་བ་དོང་སྤྲུག་འཕོ་ཆེན་དེ་འགྲུབ་ཤོག།

སངས་རྒྱས་ཆོས་ལུགས་དང་ཡེ་ཤུའི་ཆོས་ལུགས་བར་གྱི་ཁྱད་པར་བཅོ་བརྒྱད།ཡིག་སྒྱུར་བ། རྣམ་རྒྱལ། ཡི་གེ་འདི་ནི་ཡེ་ཤུའི་ཆོས་ལུགས་ཀྱི་ཆོས་དཔོན་ཞིག་གིས་དྲི་བ་བཏོན་ཞིང་། ཡེ་ཤུའི་ཆོས་ལུགས་ཀྱི་ཆོས་དཔོན་ཞིག་དང་ནང་བའི་དགེ་བཤེས་གཉིས་ཀྱིས་དྲིས་ལན་བཏབས། དྲང་པོ་དང་དངོས་ཡོད་ཡིན་ཆེས་ཆོག་གོ།། གཅིག ལྷ་ཞེས་པ་དེ་ཡོད་དམ་མེད། ཡེ་ཤེས་ཆོས་ལུགས་ཀྱིས། འཇིག་རྟེན་ཁམས་འདི་ལ་གནམ་བདག་ཅིག་ཡོད་པ་འདི་གཅིག་པུ་ནི་བླ་ན་མེད་པའི་གཙོ་བདག་ཅིག་ཡིན་པ་ཡིད་ཆེས་པ་ལས་གཞན་ཚང་མ་ལྷ་རྫུན་མ་ཡིན།འོན་ཀྱང་འཇིག་རྟེན་པས་ཡེ་ཤུ་དང་གནམ་བདག་ཁོ་ན་ལ་དད་པ་བྱེད་པ་ལས་གཞན་སུ་ལའང་བྱེད་མི་ཆོག རྒྱུ་མཚན་ནི་ཡེ་ཤུ་དང་གནམ་བདག་ནི་ལོག་ལམ་འགོག་ཐུབ་པའི་ལྷ་ཡིན་པས་སོ།། སངས་རྒྱས་ཆོས་ལུགས་ཀྱིས། སེམས་ཅན་ཐམས་ཅད་འདྲ་མཉམ་དང་རྒྱུ་འབྲས་རྟེན་འབྲེལ་ལ་ཡིད་ཆེས་ཤིང་། གནའ་བོའི་སངས་རྒྱས་ཆོས་ལུགས་སུ་ལྷ་གང་རུང་ཞིག་ཡོང་ནས་ཁ་ལོ་སྒྱུར་བ་ཡིད་མི་ཆེས་པ་ལས་འཇིག་རྟེན་ཁམས་འདི་ལ་གྲངས་མེད་པའི་ལྷ་འདྲེ་དང་སངས་རྒྱས་ཡོད་པ་ཡིད་ཆེས།གཉིས། བྱ་དངོས་ཡོད་དགུ་གང་ནས་ཡོང་བ་ཡིན་ནམ། ཡེ་ཤུའི་ཆོས་ལུགས་ཀྱིས། བྱ་དངོས་ཡོད་དགུ་གནམ་བདག་གིས་གསར་སྐྲུན་བྱས་པ་ཡིད་ཆེས། སངས་རྒྱས་ཆོས་ལུགས་ཀྱིས། བྱ་དངོས་ཡོད་དགུ་རྒྱུ་འབྲས་ལ་བརྟེན་ནས་སྐྱེ་བ་ཡིན་ཞིང་འཇིག་རྟེན་དང་ཁམས་སོགས་མཐའ་མེད་དོ།། གནམ་བདག་ཅེས་པ་ནི་ལྷ་གང་རུང་ཞིག་ཡིན་ལ་ཁོས་རང་ཁོ་ན་ལ་བདེ་སྐྱིད་བསྐྲུན་ཐུབ་པ་དང་ཁོ་དང་འབྲེལ་ཡོད་ཀྱི་བྱ་དངོས་ལ་ཕན་པ་བྱེད་པ་ལས། བྱ་དངོས་གཞན་པ་བསྐྲུན་པའི་ནུས་པ་མེད། གསུམ། ཉེས་པ་འབྱུང་རྐྱེན་གང་ཡིན་ནམ། ཡེ་ཤུའི་ཆོས་ལུགས་ཀྱིས། དམ་པའི་གསུང་རབ་ནི་བདེན་ལུགས་ཡིན་པ་ཡིད་ཆེས་ཤིང་། ཡབ་མེས་ཡ་ཏང་ནས་བཟུང་གང་ཟག་སུ་ཡིན་ཡང་ཉེས་པ་ཡོད། སངས་རྒྱས་ཆོས་ལུགས་ཀྱིས་རྒྱུ་འབྲས་འཁོར་བར་ཡིད་ཆེས་པ་ལས་ཉེས་པ་ཞེས་པ་ཞིག་ཚུགས་ཐུབ་ཏུ་ཡོད་པ་ཡིད་མི་ཆེས། མི་གཤིས་ལ་དྲན་ཚུལ་དགེ་བ་དང་མི་དགེ་བ་ཡོད་པའི་རྐྱེན་གྱིས་དགེ་མི་དགེའི་ལས་བསྒྲུབས། མི་སུ་ཡིན་ཡང་རང་གི་བྱ་སྤྱོད་ལ་འགན་ཁུར་དགོས་པ་མ་ཟད། ངེས་པར་དུ་བསྙེན་པ་སོགས་བྱས་ཏེ་རང་གི་མི་དགེ་བའི་ལས་ཇེ་ཉུང་དུ་གཏོང་སྟེ་དགེ་བའི་ལས་ཇེ་མང་དུ་བཏང་དགོས། བཞི། རྣམ་ཤེས་ཡོད་མེད། ཡེ་ཤུའི་ཆོས་ལུགས། ལྷ་ཡུལ་དང་དམྱལ་ཁམས་ཁོ་ན་ཡོད་པ་ཡིད་ཆེས། མའི་རྣམ་ཤེས་ཀྱང་ས་འདི་གཉིས་ལས་གཞན་འགྱུར་བ་མེད། སངས་རྒྱས་ཆོས་ལུགས་ཀྱིས། འགྲོ་དྲུག་གི་འཁོར་ལ་ཡིད་ཆེས། ལྷ། མི། ལྷ་མ་ཡིན། དམྱལ་བ། ཡི་དྭགས། དུད་འགྲོ། སེམས་ཅན་ཐམས་ཅད་ཀྱི་ཚེ་སྲོག་འདིའི་ནང་དུ་འདུས་ཤིང་། འགྲོ་བའི་རྣམ་ཤེས་ནི་ཉོན་མོངས་ལས་མ་གྲོལ་བར་དུ་ལྷ་དང་། མི། ལྷ་མ་ཡིན། དམྱལ་བ། ཡི་དྭགས། དུད་འགྲོ་བཅས་རིགས་དྲུག་གི་གནས་སུ་འཁོར་ཞིང་ལམ་གང་ཞིག་ལ་སྐྱེ་མིན་དེ་གཙོ་བོ་རང་གི་དགེ་སྡིག་ལ་ཐུག་ཡོད། ལྔ། ལྷའི་འགྲེལ་ཡོད་ཀྱི་རང་བཞིན། གོང་མ་ལ་སྔ་མོ་ནས་ནུས་པ་ཡོད་པ་ཡིད་ཆེས། སངས་རྒྱས་ཆོས་ལུགས་ཀྱིས། ནམ་མཁའ་ན་ཡོད་པའི་ལྷའི་བདེ་བ་ལོངས་སུ་སྤྱོད་རྗེས་སྔར་བཞིན་འཁོར་བར་འཁོར་དགོས། གོང་མ་དང་ཆོས་ལུགས་གཞན་གྱི་བླ་དཔོན་སུ་ཡིན་ཡང་སྒྲིབ་གཉིས་མ་སྤངས་བར་དུ་ཁོ་རང་སྔར་བཞིན་འགྲོ་དྲུག་གི་གནས་སུ་འཁོར་དགོས། ཆོས་ལུགས་ལས་གསུང་པ་ལྟར་ཆོས་ཉམས་སུ་བླངས་ན་སངས་རྒྱས་ཀྱི་གོ་འཕང་ཐོབ་སྐབས་ད་བཟོད་རིགས་དྲུག་ལས་བརྒལ་ཐུབ། དཀའ་སྡུག་བཟོད་མི་དགོས་པ། མི་སུ་ཡིན་ལྷའི་གོ་འཕང་ཐོབ་པའི་རེ་བ་ཡོད། དྲུག རྣམ་ཤེས་གང་ཞིག་ན་དབང་ངམ། ཡེ་ཤུའི་ཆོས་ལུགས་ཀྱིས། དད་མོས་བ་དག་ཤི་སོང་ནའང་རྣམ་ཤེས་ལ་སྔར་བཞིན་ཚོར་བ་ཡོད་པ་ཡིད་ཆེས། ལྷ་ཡུལ་ནས་ཁོ་ལ་དབང་བའི་བདེ་སྐྱིད་ཀྱི་འཚོ་བ་ལོངས་སུ་སྤྱོད་བཞིན་ཡོད། སངས་རྒྱས་ཆོས་ལུགས་ཀྱིས། སངས་རྒྱས་པ་ནི་ཆེས་མཐར་ཐུག་གི་དམིགས་ཡུལ་ཡིན་ཞིང་དེ་ནས་བདེ་བ་ཅན་གྱི་ཞིང་ཁམས་སུ་གནས་པའམ་འགྲོ་བ་རིགས་དྲུག་གི་སྡུག་བསྔལ་གྱི་གནས་སུ་ལྷུང་བ་དག་ལ་མགོན་སྐྱབས་བྱེད་ཐུབ། བདུན། སྐྱབས་མགོན་སུ་བྱེད་དགོས་སམ། ཡེ་ཤུའི་ཆོས་ལུགས་ཀྱིས། སྐྱབས་མགོན་ཡེ་ཤུ་ནི་ལྷའི་རྣམ་པར་བྱས་ནས་མི་བྱས་ཤིང་། ལྷ་ངོ་མ་ཞིག་དང་མི་ངོ་མ་ཞིག་ཡིན། སངས་རྒྱས་ཆོས་ལུགས་ཀྱིས། ཉམས་སུ་བླངས་ནས་སུ་ཞིག་སངས་རྒྱས་སོང་ན་སུ་ཡིན་ཡང་སྐྱབས་མགོན་བྱེད་ཆོག་ལ་སེམས་ཅན་གཞན་པ་སྐྱོབས་ནུས། སྐྱེ་འགྲོ་ཚང་མ་འདྲ་མཉམ་དང་རང་ཉིད་རང་དབང་དང་ལྡན་པ་སུ་ཞིག་གིས་ཀྱང་དབང་དུ་སྒྱུར་མི་ཐུབ། བརྒྱད། ལམ་ཞེས་པ་གང་ནས་ཡོང་བ་ཡིན། ཡེ་ཤུའི་ཆོས་ལུགས་ཀྱིས་མ་གཞི་ནས་ལམ་ཐམས་ཅད་ཡོད་ལ། སངས་རྒྱས་ཆོས་ལུགས་ཀྱིས་སྟོན་པ་ཐུགས་རྗེ་ཅན་གྱིས་མི་ལོ་བཞི་བཅུ་ལྷག་ཅིག་ལ་ཆོས་འཆད་ཅིང་སློབ་བུ་དག་གིས་ཟིན་བྲིས་སུ་བཀོད་ནས་སངས་རྒྱས་ཀྱི་གསུང་འདི་གྲུབ་པ་རེད། དེ་ནས་རིམ་གྱིས་མཁས་པ་དག་གིས་རྒྱུད་འཛིན་བྱས་ནས་སངས་རྒྱས་ཆོས་ལུགས་དར་སྤེལ་གཏོང་། དགུ། ལྷ་དང་མི། ཡེ་ཤུའི་ཆོས་ལུགས་ཀྱིས། ཡེ་ཤུའི་གཉེན་སྒྲིག་མེད། ཕལ་ཆེར་ལོ་བཅུ་གསུམ་ཡས་མས་ནས་ཆོས་འཆད་ཅིང་མི་སྲོག་བསྐྱབས་རྗེས་སུ་ཤིང་གི་རྒྱ་གྲམ་ཞིག་གི་སྟེང་དུ་འཛེར་མ་རྒྱབ་ནས་དཀྲོང་། སངས་རྒྱས་ཆོས་ལུགས་ཀྱིས། སྟོན་པ་ཤཱཀྱ་ཐུབ་པས་མི་ཚེ་འདྲ་མིན་མང་བོ་བརྒྱུད་རྒྱལ་བོའི་རྒྱལ་སྲིད་ཀྱང་དོར། རི་ཁྲོད་དུ་ཕེབས་ཏེ་གནས་ལུགས་རྟོགས། བྱང་ཆུབ་ཤིང་གི་འོག་ནས་རྟོགས་པ་སྐྱེས། དགུང་གྲངས་བརྒྱད་ཅུ་བར་དུ་ཆོས་ཁྲིད་གནང་། བཅུ། སྲོག་སྐྱབས་པའི་ཐོབ་པ། ཡེ་ཤུའུ་ཆོས་ལུགས་ཀྱིས། མི་རང་གི་སེམས་གཏིང་ནས་འགྱོད་བཤགས་ཞུས་སྟེ་ཡེ་ཤུའི་རྒྱ་གྲམ་སྟེང་དུ་སྐྱོབས་པ་དང་དུ་ལེན་དགོས། སངས་རྒྱས་ཆོས་ལུགས་ཀྱིས། རང་གི་རྣམ་དཔྱོད་ཀྱི་རྩལ་ལ་བརྟེན་ནས་སངས་རྒྱས་དང་།…

༧རྒྱལ་དབང་༧ཀརྨ་པ་རིག་པའི་་རྡོ་རྗེའི་སྐུ་ཚ་མགོ་ལོག་ཨ་སྐྱོང་དཔོན་གྱི་སྲས་མཁས་དབང་སྟོབས་དགའ་རིན་པོ་ཆེ་མཆོག་གི་རྣམ་ཐར་མདོར་བསྡུས་བཞུགས་སོ།།སྟོབས་དགའ་རིན་པོ་ཆེ་མཆོག་ནི། སྤྱི་ལོ་༡༩༤༣་ལོར་ཡབ་འགུ་ལོག་ཨ་སྐྱོང་དཔོན་མགོན་ལྷ་དང་། ཡུམ་རྒྱལ་མཆོག་༡༦་པའི་སྐུའི་གཅེན་མོ་དབྱངས་ཅན་སྒྲོལ་དཀར་གཉིས་ཀྱི་སྲས་སུ་སྐུ་བལྟམས། སྐུ་བལྟམས་པའི་ཚེ་བལྟས་ངོ་མཚར་ཅན་དུ་མ་བྱུང་བ་རེད་ཅེས་བརྗོད་སྲོལ་འདུག དུས་མི་རིང་བ་མ་ཡུམ་མཆོག་འགུ་ལོག་ནས་སྡེ་དགེ་ཕྱིར་ལོག་གནང་བ་དང་ཆབས་ཅིག་སྲས་ཀྱང་ལྷན་ཅིག་ཁྲིད་གནང་། དགུང་གྲངས་བཞིའི་སྟེང་རྫོགས་ཆེན་དགོན་དུ་སྐུ་ཞང་རྫོགས་ཆེན་དཔོན་སློབ་རིན་པོ་ཆེའི་མདུན་འཇོག་གནང་མཛད། དེ་སྐབས་རྫོགས་ཆེན་ལྔ་པ་ཐུབ་བསྟན་ཆོས་ཀྱི་རྡོ་རྗེས་གང་ཟག་ཁྱད་པར་ཅན་ཞིག་ཡིན་པར་གསུངས་པ་དང་། དེ་བཞིན་འཇམ་མགོན་གཉིས་པ་དཔལ་ལྡན་མཁྱེན་བརྩེའི་འོད་ཟེར་མཆོག་ནས། ཕྲུ་གུ་འདི་སྐྱེས་བུ་དམ་པ་ཞིག་ཡིན་པ་དང་། འདི་རྒྱལ་དབང་ཀརྨ་པའི་བསྟན་པ་ལ་ཕན་ཐོགས་ཆེན་པོ་ཞིག་མ་འོངས་པར་འབྱུང་བར་ངེས་པས། འདིར་མ་བཞག་པར་གདན་ས་མཚུར་ཕུར་རང་དུ་ཕུལ་ཞེས་བཀའ་ཕེབས་པ་དང་འབྲེལ། ཀརྨ་བསྟན་སྐྱོང་དབང་པོ་ཞེས་པའི་མཚན་གསོལ། དེ་ནས་ཡུམ་དང་ལྷན་དུ་ལྷ་ལྡན་ཕྱོགས་སུ་ཕེབས་ཤིང་།གདན་ས་མཚུར་ཕུར་རྒྱལ་དབང་ཀརྨ་པའི་ཞབས་སར་བཅར་བ་དང་། དུས་དེ་ནས་བཟུང་གཙོ་བོ་རྒྱལ་བ་ཀརྨ་པ་དང་གདུན་མའི་རྡོ་རྗེ་སློབ་དཔོན་མཁས་དབང་འོད་ཟེར་དབང་ཕྱུག དེ་བཞིན་སྤྱི་ཁྱབ་མཁན་པོ་ཕྱོགས་ཀྱི་གླང་པོ། དབུ་ཆེན་ཀརྨ་ཚེ་དབང་། མཁས་དབང་རྩིས་པ་འོད་ཟེར་རབ་བརྟན། དྲུང་ཡིག་མཐུ་སྟོབས་སོགས་ཀྱི་མདུན་ནས་ཡིག་དཀར་ནག་འབྲི་ཀློག སྟན་རྩིས། འབུད་བརྡུང་དཀྲོལ་གསུམ། གར་ཐིག་དབྱངས་གསུམ། གཏོར་བཟོ་དཀར་རྒྱན་སོགས་དང་། དབང་ལུང་ཁྲིད་གསུམ། རིམ་གཉིས་ཀྱི་ཟབ་གནད་སོགས་ཕུལ་དུ་ཕྱིན་པ་སློབ་སྦྱོང་གནང་བ་དང༌། ཆབས་ཅིག་རྒྱལ་དབང་ཀརྨ་པའི་མདུན་ནས་སོ་ཐར་སྡོམ་པ་བཞེས། མཚན་ཀརྨ་གྲགས་པ་ཡོངས་འདུས་འཕྲིན་ལས་ཀུན་ཁྱབ་དཔལ་བཟང་པོ་ཞེས་བསྩལ།དགུང་གྲངས་བཅོ་ལྔའི་སྟེང༌། གདན་ས་མཚུར་ཕུའི་རྡོ་རྗེ་སློབ་དཔོན་དང་། སྒར་ཆེན་ཁྲི་པའི་གོ་གནས་བསྩལ། དེ་ནས་བཟུང་གྲུབ་དབང་དམ་པ་དིལ་ཡག་སྒྲུབ་དཔོན་བསྟན་འཛིན་མདུན་ནས་ནང་བརྟག་རྒྱུད་གསུམ་དང་རྒྱུད་པའི་ཟབ་གནད། ཐབས་ལམ་ནཱ་རོ་ཆོས་དྲུག གྲོལ་ལམ་ཕྱག་རྒྱ་ཆེན་པོ་བཅས་གསན་བཞེས་གནང་། དུས་སྐབས་དེར། ཁམས་ལ་དུས་འགྱུར་གྱི་རྐྱེན་གྱིས་སྐྱེས་བུ་དམ་པ་དུ་མ་ཞིག་དབུས་ཕྱོགས་སུ་ཕེབས་པ་དང་སྟབས་འཁེལ་ཏེ་རིས་མེད་བསྟན་པ་རྒྱ་མཚོའི་མངའ་བདག་འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས། གསང་ཆེན་བསྟན་པའི་ཤིང་རྟ་རྫོགས་ཆེན་དྲུག་པ་འཇིགས་བྲལ་བྱང་ཆུབ་རྡོ་རྗེ། ཞེ་ཆེན་ཀོང་སྤྲུལ་པདྨ་དྲི་མེད་ལེགས་པའི་བློ་གྲོས། རྫོགས་ཆེན་དཔོན་སློབ་དྲུག་པ་འཇིགས་བྲལ་ཚེ་དབང་རྡོ་རྗེ། ཀ༔ ཐོག་སི་ཏུ་བྱམས་པ་ཆོས་ཀྱི་ཉི་མ། སྒྲུབ་བརྒྱུད་བསྟན་པའི་ཤིང་རྟ་བླ་མ་ཀ་ལུ་རིན་པོ་ཆེ། དེ་བཞིན་རྫོགས་ཆེན་མཁན་པོ་ཨོ་རྒྱན་མགོན་པོ། ཞེ་ཆེན་མཁན་པོ་ཨ་ཆུང་སོགས་ཀྱི་མདུན་ནས་མདོ་སྔགས་རིག་གནས་དང་བཅས་པའི་ཟབ་གནད། སྨིན་གྲོལ་དབང་ལུང་སོགས་རྒྱ་ཆེར་གསན་བཞེས་གནང་། རྗེས་སོར་རྒྱ་གར་དུ་ཕེབས་ནས་རྒྱལ་བའི་དབང་པོ་ཀརྨ་པའི་མདུན་ནས་བཀའ་བརྒྱུད་སྔགས་མཛོད། གདམས་ངག་མཛོད། དེ་བཞིན་སྐྱབས་རྗེ་དིལ་མགོ་མཁྱེན་བརྩེ་རིན་པོ་ཆེ། གྲུབ་དབང་སངས་རྒྱས་མཉན་པ། གནས་ནང་དཔའ་བོ་རིན་པོ་ཆེ། མཁས་དབང་སྤོམ་མདའ་མཁན་པོ་རྡོ་རྗེ། ཁམས་སྤྲུལ་བརྒྱད་པ་དོན་རྒྱུད་ཉི་མ། མཁས་དབང་བར་གཞིས་སྐུ་ངོ་ཕུན་ཚོགས་དབང་རྒྱལ་སོགས་ཀྱི་མདུན་ནས་མུ་མཐུད་དེ། མདོ་སྔགས་རིགས་གནས་བཅས་པ་གསན་བཞེས་ཀྱིས་མཁས་པའི་དབང་པོར་གྱུར།།གདན་ས་རུམ་བཏེགས་སུ་མཚུར་ཕུ་དགོན་གྱི་ཕྱག་བཞེས་ལྟར་མགོན་སྒྲུབ་དང་། ཕུར་སྒྲུབ། ཚེས་བཅུ་སོགས་དང་བརྒྱུད་སྡེ་ཁག་གི་འདོན་རྟ་དབྱངས། གར་ཐིག གཏོར་བཟོ་དཀར་རྒྱན་སོགས་མཐོང་རྒྱུན་གྱི་ཕྱག་བཞེས་རྣམས་སློབ་འཁྲིད་གནང་བ་དང་། དེ་བཞིན་བློ་གསར་གཞོན་སྐྱེས་རྣམས་ལ་བོད་ཀྱི་རིག་གནས་སོགས་སློབ་འཁྲིད་གནང་བ་རེད། དགུང་གྲངས་ཉེར་བདུན་སྟེང་སྐྱ་སར་བབས་ཏེ། འཇིག་རྟེན་ལུགས་མཐུན་འབྲུག་རྒྱལ་གསུམ་པ་འཇིག་མེད་རྡོ་རྗེ་དབང་ཕྱུག་མཆོག་གི་སྐུ་ཡི་གཅུང་མོ་ཨ་ཞི་ཆོས་སྐྱིད་དང་ལྷན་དུ་གཉེན་སྒྲིགས་གནང་། དེ་སྐབས་རྒྱལ་དབང་ཀརྨ་པ་མཆོག་ནས་སྐར་ཆེན་ཕྱག་མཛོད་ཀྱི་གོ་གནས་བསྩལ། རྗེས་སོར་རྒྱལ་བའི་དབང་པོ་ཀརྨ་པ་ཞིང་ཁམས་གཞན་དུ་ཕེབས་རྗེས་གདན་སར། ཕྱི་ནང་གི་ཕྱག་ལས་མཐའ་དག་ལ་གཟིགས་རྟོག་ལེགས་པར་གནང་། འདི་སྐབས་བླ་མའི་སྐུ་རྒྱུ་ཁོ་ན་ཁོག་ཏུ་བཅང་ཞིང་། ཆོས་དང་བླ་མའི་དམ་ཚིག་གང་ལའང་མི་སེམས་པར། ཚེ་འདིའི་བདེ་འབྲས་ཁོ་ན་དོན་དུ་གཉེར་བའི་ཕྱི་ནང་གི་གྲགས་ཅན་མི་སྣ་མང་པོས་རིན་པོ་ཆེ་ལ་མཆོག་ལ་ནག་ཉེས་འགེལ་གྱི་འཁྱལ་གཏམ་དུ་མ་ཞིག་སྤེལ་སོང་ཡང་། དེ་དག་ནི་ཁུངས་མེད་ཁོ་ནའོ། རྗེས་སོར་རྒྱ་གར་རྒྱལ་ས་དིལླིར། དཔལ་ཀརྨ་པ་རྒྱལ་ཡོངས་ནང་པའི་གཙུག་ལག་ཁང་དུ་ལོ་ལྔའི་རིང་སློབ་ཁྲིད་གནང་བ་དང་། མཐར་དགུང་གྲངས་ལྔ་བཅུ་ང་བདུན་སྟེང་དགོངས་པ་ཞི་དབྱིངས་སུ་གཤེགས་པ་རེད། སྐུ་གཤེགས་སྐབས་ཀྱང་ཉིན་གཉིས་ཀྱི་རིང་ལ་ཐུགས་དམ་བཞུགས་པ་སོགས་ངོ་མཚར་དུ་བྱུང་སོང་། མདོར་ན་མཁས་དབང་དམ་པ་འདི་ནི། སྐུ་ན་ཆུང་ངུའི་དུས་ནས་བཤེས་གཉེན་ཚུལ་བཞིན་དུ་བསྟེན་པས། མདོ་སྔགས་རིག་གནས་གང་ལའང་ངེས་ཤེས་ཕུ་ཐག་ཆད་ཅིང་། སློབ་ཁྲིད་གནང་སྐབས་ཀྱང་། ཚིག་གོ་བདེ་ལ། དོན་བསྡུས་པ། སྒྲ་དག་པ་སོགས་ཀྱི་ཁྱད་ཆོས་དང་ལྡན་ཞིང་། རྒྱུན་དུ་ཐུགས་རྒྱུད་སྒམ་པ་དང༌། ལོ་རྒྱུས་སོགས་ཀྱི་སྐོར་ལ་དོ་སྣང་ཆེན་པོ་གནང་བ་ལས་འཇིག་རྟེན་ཆགས་སྡང་སོགས་ཀྱི་གཏམ་ལ་རྩ་བ་ནས་ཐུགས་མི་དགྱེས་པ་ཞིག་ཡིན། རྟག་ཏུ་བླ་མའི་རྣལ་འབྱོར་ལ་བརྩོན་པ་ཞིག་སྟེ། སྐུ་གཤེགས་ལ་ཉེ་སྐབས། ཕྲན་ཨ་རིའི་གྲོང་ཁྱེར་ནིའུ་ཡོག་ཏུ་ཞལ་མཇལ་བྱུང་ཞིང་། སྨན་པ་ནས་ཁོང་གི་ན་ཚ་དེ་བཅོས་ཐབས་མེད་པའི་ཐག་བཅད་བྱུང་སོང་ཞེས་བཀའ་ཕེབས་དང་འབྲེལ་སྤྱིར་ན་འཆི་སོགས་བདེན་པར་མ་གྲུབ་པ་སྒྱུ་མ་ལྟ་བུ་ཡིན་ཚུལ། དབུ་མའི་གྲུབ་མཐའ་ནས་གསུངས་པ་ལ་ངེས་ཤེས་ཁྱད་པར་ཅན་སྐྱེ་ཚུལ་དང་། ཁྱད་པར་བླ་མ་རྒྱལ་དབང་ཀརྨ་པ་བཅུ་དྲུག་རིག་པའི་རྡོ་རྗེ་ལ་སངས་རྒྱས་དངོས་ཀྱི་འདུ་ཤེས་མོས་གུས་ལྟེམ་རྐྱང་ཡོད། འཆི་ཁ་དང་བར་དོ་སོགས་ལ་འཇིགས་པ་མེད་ལུགས་བཅས་ཞིབ་ཏུ་གསུངས་ཤིང་། འཆི་དྲོད་ཀྱི་གདེངས་འདི་ལྟ་བུ་དངོས་སུ་མཐོང་དུས་རང་ལ་ནི་དགའ་སྐྱོ་ཟུང་འབྲེལ་གྱི་ཚོར་སྣང་ཞིག་ཀྱང་བྱུང་ངོ༌། ། དེ་སྐད་མཁས་དབང་སྟོབས་དགའ་རིན་པོ་ཆེའི་ལོ་རྒྱུས་མདོར་བསྡུས་ཞིག་སུམ་འགྲེལ་མུ་ཏིག་ཕྲེང་མཛེས་ཀྱི་སྐྱོན་སེལ་དྲང་པོའི་ངག་ཅེས་པའི་དེབ་ཐེར་གྱི་སྔོན་བརྗོད་དུ་བྲིས་རོགས་ཞེས་ཚུལ་ཁྲིམས་བཟང་པོ་ནས་བསྐུལ་བ་ལྟར། མཁས་དབང་དམ་པ་འདི་དང་ལོ་མང་རིང་མཉམ་གཤིབས་ཀྱི་དཔལ་ཀརྨ་པའི་གདན་སའི་ཞབས་ཞུ་མཁན་ཀརྨ་ཆོས་གྲགས་བསྟན་འཕེལ་གྱིས་བྲིས་པའོ།། །། དགེ་ལེགས་འཕེལ།། ༼མཁས་དབང་སྟོབས་དགའ་མཆོག་གི་གསུང་རྩོམ་ལས་གུས་པས་མཇལ་མྱོང་བ་ནི༽༡༽ ༡༩༩༣ ལོར…

དེ་རིང་ཨེ་ཝཾ་སྨོན་ལམ་ཆེན་མོ་རྒྱལ་ཁབ་སོ་བདུན་གྱི་ཚོགས་མི་ལྷན་ཞུགས་དང་དགེ་འདུན་པ་དྲུག་བརྒྱ་ང་བརྒྱད་ཙམ་དང་བལྟ་འཁན་སུམ་སྟོང་དུ་འདུ་འཛོམས་སོང་བས་དགའ་སྤྲོ་བརྟས། ཁྱི་དང་ལི་ལིས་ཕྱག་འཚལ་བཅས་བརྙན་འཁོར་གྱི་བལའ་འགྱུར་ལུང་ལ་གསན་བསམ་བྱས་འདུག་གོ། ༧སྐྱབས་རྗེ་མཁན་ཆེན་བླ་མ་རིན་པོ་ཆེས་གསར་ཏུ་འཛུགས།༡༽ ཨེ་ཝཾ་སློབ་གྲྭ། བོད།༢༽ ཨེ་ཝཾ་མཐོ་སློབ། ནོར་བེ།༣༽ ཨེ་ཝཾ་གཙུག་ལག་སློབ་གཉེར་ཁང་། རྒྱ་ནག༤༽ ཨེ་ཝཾ་ལས་རིགས་ལག་རྩལ་སློབ་གླིང་། བོད།༥༽ ཨེ་ཝཾ་གེ་སར་དགོན་པ། སི་ལོ་ཝི་ནི་ཡ།༦༽ ཨེ་ཝཾ་ཡིད་བཞིན་ནོར་བུའི་ཆོས་ཚོགས། སེངྒྷ་གླིང་།༧༽ ཨེ་ཝཾ་ཀུན་བཟང་ཆོས་གླིང་། ཝེལ་སི།༨༽ ཨེ་ཝཾ་བོད་སྙིང་ཆོས་ཚོགས། ཨ་རི།༩ ༽ ཨེ་ཝཾ་རྫོགས་ཆེན་དུས་འཁོར་འོད་གསལ་ཆོས་གླིང་། དབྱིན།༡༠ ༽ ཨེ་ཝཾ་པདྨ་ཀ་ར་གླིང་། འབྲུག༡༡ ༽ ཨེ་ཝཾ་རྣལ་འབྱོར་གླིང་། མཱ་ལེ་ཤ་ཡ།༡༢ ༽ ཨེ་ཝཾ་ཨོ་ཌི་ཡ་ན་གླིང་། ཡོལ་མོ།༡༣ ༽ ཨེ་ཝཾ་ཀུན་བཟང་དུར་ཁྲོད། ཐེ་ཝན།༡༤ ༽ ཨེ་ཝཾ་ཤྲཱིཿརྫོང་། འབྲུག་ཤར།༡༥ ༽ ཨེ་ཝཾ་ཨོ་རྒྱན་འོག་མིན་གླིང་། ཧོང་ཀོང་།༡༦ ༽ ཨེ་ཝཾ་ཨོ་རྒྱན་ཏཱ་ར་གླིང་། ཨ་རི་ཛི་ན།༡༧ ༽ ཨེ་ཝཾ་བཀའ་གཏེར་གླིང་། ཧིང་གྷི་རི་ཡ།༡༨ ༽ ཨེ་ཝཾ་མཆོད་རྟེན་གླིང་། ཐེ་པེ།༡༩ ༽ ཨེ་ཝཾ་མཁའ་འགྲོ་གླིང་། རྡོ་དཀར།༢༠ ༽ ཨེ་ཝཾ་རིག་པ་གླིང་། འཇང་།༢༡ ༽ ཨེ་ཝཾ་རིག་མ་གླིང་། བལ་ཡུལ།༢༢ ༽ ཨེ་ཝཾ་སངས་རྒྱས་ཡེ་ཤེས་ཆོས་གླིང་།༢༣ ༽ ཨེ་ཝཾ་དྷརྨཱ་གླིང་། སོག་ཡུལ།༢༤ ༽ ཨེ་ཝཾ་མཁྱེན་བརྩེ་གླིང་། འཇར་མན།༢༥ ༽ ཨེ་ཝཾ་གཏེར་ཆེན་གླིང་། ཧྥ་རན་སི།༢༦ ༽ ཨེ་ཝཾ་རས་པ་གླིང་། སི་པན།༢༨ ༽ ཨེ་ཝཾ་རིག་འཛིན་པདྨ་དྲག་སྔགས་གླིང་། འབྲས་ལྗོངས།༢༩ ༽ ཨེ་ཝཾ་ཛྙཱ་ན་གུ་རུའི་གླིང་། ཨེར་ལན།༣༠ ༽ ཨེ་ཝཾ་རྫོགས་ཆེན་གླིང་། ལན་དྲོན།༣༡ ༽ ཨེ་ཝཾ་ཕྱག་རྒྱ་ཆེན་པོའི་དགའ་ཚལ། ཝེ་ནམ།༣༢ ༽ ཨེ་ཝཾ་གླུ་བྲོ་གླིང་། ལྷོ་ཀི་རི་ཡ།༣༣ ༽ ཨེ་ཝཾ་སྔགས་འཆང་གླིང་། འོག་མིན།༣༤ ༽ ཨེ་ཝཾ་སྣང་མུན་གླིང་། སོ་ལོ་བི་ནི་ཡ།༣༥ ༽…