གཙང་བོའི་ཆིལ་སྒྲ་སེམས་ཀྱི་གསེབ་དུ་འདྲེས།།

གཙང་བོའི་ཆིལ་སྒྲ་སེམས་ཀྱི་གསེབ་དུ་འདྲེས།།
གཡེར་གྲུའི་དར་ཤིང་ཆར་རླུང་ཁྲོད་ནས་འདར།།
ལམ་ཞུག་འགྲུལ་བ་སེམས་སུ་ཚུབ་ཆ་སྐྱེས།།
ཕར་ཁའི་གྲོང་ཚོ་སྨུག་པའི་དཀྱིལ་ན་གཡོ།།

བྲོ་བས་སྲོག་དམར་འཕྲོགས་པའི་ཐབ་ཇུས་མཁན།།
ཉ་བ་རྒད་པོས་ཀ་པད་ཆང་གིས་ཁེངས།།
མི་སེམས་ཟས་ལ་གཡེངས་བའི་ཉི་མ་ཚོ།།
ལྟོ་དཀར་སྲོག་དམར་ཤོར་བའི་གཏམ་འདི་སྐྱོ།།

ཐང་ཤིང་འཕྲེད་དུ་ཉལ་བའི་ལམ་འགྲམ་ན།།
སྟ་གྲི་ཡུ་བ་བུད་པའི་ལྟས་ངན་གན།།
འདང་ནུབ་ཇག་པས་མཅོམ་པའི་གྲོང་ཚོ་བཞིན།།
ལྗོན་པའི་གསེབ་ནས་ངུ་སྐད་གཉོམ་ཐག་ཆོད།།

གྲུ་ཤིང་མཚོ་འགྲམ་གཏོང་གི་ཕོ་གཞོན་འགས།།
སྨྱུག་ཞྭའི་འོག་ན་སྡང་མིག་ཁྲག་གིས་འཚོས།།
དཔའ་དམ་ཤག་སྒྲས་མི་སྲོག་གཅོད་མཁན་སྙམ།།
མི་ལྡོམ་སེམས་སུ་སྐྲ་སྣང་ཁད་ཀྱི་སྐྱེས།།

གཙང་བོའི་རླབས་རྒྱུན་རིང་མོའི་ཁུག་པ་ལ།།
ཕོ་རྒོད་ཟུངས་ཁྲག་ཐིམ་པའི་གནའ་གཏམ་གདའ།།
སྐམ་ཐོག་ཆུ་སྲིན་འབོད་པའི་ཆང་ཞུ་བ།།
ལེང་ཧྲན་ཇག་པའི་མགོ་གཙོ་ཡིན་ནམ་ཅི།།