གླུ།
གླུ།
འཇའ་སྣ་ལྔའི་འོད་ལམ་ཟེར་ཐགས་ནས།།
ཡུམ་ཆེན་མོ་མཇལ་བའི་རྟེན་འབྲེལ་ཡག།
ཆོས་སྙན་མོ་གླུ་རུ་ལེན་པའི་ཚེ།།
མ་མཁའ་འགྲོའི་བྲོ་རར་ཕྱིན་པར་འདྲ།།
དབྱར་ས་ག་ཟླ་བའི་དུས་ཆེན་ལ།།
གནས་སངས་རྒྱས་སྟོང་གི་སྐྱེད་ཚལ་ན།།
ཆོས་ཤེས་རབ་སྙིང་པོའི་ཆོས་འཁོར་བསྐོར།།
མགོན་བླ་མ་ཁྱེད་ཀྱི་བཀའ་དྲིན་ཡིན།།
དཔལ་མཁའ་འགྲོ་རྗེ་བཙུན་མ་ལ་དད།།
ཡུལ་ངེས་མེད་འཁྱམ་པའི་གཅིག་པུ་བར།།
དྲིན་མ་ལོ་དྲན་པའི་སྣང་བརྙན་དེས།།
སེམས་གཉུག་མའི་ནང་གི་གསང་གཏམ་བཤད།།
ཕ་བླ་མ་མཆོད་པའི་མཎྜལ་ཕུལ།།
ཕྱོགས་རྣམ་པར་རྒྱལ་བའི་རྒྱལ་གླུ་བླངས།།
མཆེད་རྡོ་རྗེའི་ནང་གྲོགས་དགྱེས་པའི་གཏམ།།
རྗེ་སངས་རྒྱས་དྲན་པའི་དུས་དྲན་ལགས།།
ཤྲཱིཿཨེ་མ་ཧོས
