ནམ་རྒྱུན་གྱི་སེམས་བསྐྱེད་ཡིད་བཞིན་ནོར་བུ།།

ནམ་རྒྱུན་གྱི་སེམས་བསྐྱེད་ཡིད་བཞིན་ནོར་བུ།།
ཨེ་མ་ཧོ།།
ནམ་རྒྱུན་མ་ལུས་འགྲོ་བའི་དོན་གྱིས་ཕྱིར།།
ལུས་ངག་ཡིད་གསུམ་དགེ་བས་རྟག་ཏུ་འཚོ།།
གཞན་ཕན་ཁོ་ནར་མཛད་པའི་རྒྱལ་བའི་སྲས།།
ནམ་རྒྱུན་འགྱུར་བ་མེད་པའི་བསམ་སྤྱོད་བཅས།།

བློ་ལྡོག་རྣམ་བཞི་སྒོམ་པའི་ངེས་འབྱུང་ཅན།།
ཚད་མེད་རྣམ་བཞིར་གོམས་པའི་སྙིང་རྗེ་ཅན།།
སྲོག་སྡོམ་གཟེར་བཞིས་བཅིངས་པའི་དམ་ཚིག་ཅན།།
རིག་འཛིན་རྣམ་བཞིའི་ས་ལམ་བདེ་མྱུར་བགྲོད།།

བཟང་ངན་ཚོར་བ་ཡོད་པའི་མི་རྒོད་དཔལ།།
གཞན་དོན་ཕྲིན་ལས་དགྱེས་པའི་སེམས་དཔའ་ཆེ།།
གསང་ཆེན་རྡོ་རྗེ་འཆང་དབང་ཨེ་མ་ཧོཿ
སྣང་སྲིད་ཀུན་རིགས་ཞིང་དུ་བདེ་དགས་འཚོ།།
ཞེས་པ་འདི་ཡང་རབ་གནས་ས་ཕག་སྣྲོན་ཟླའི་རྒྱལ་བ་གསུམ་པར་རིག་འཛིན་ཨེ་མ་ཧོས་ཨེ་ཝཾ་ཀུན་རིགས་ལྷ་ཁང་ནས་བགྱིས་པར་དགེའོ།།