July 2019

ཀུན་མཁྱེན་བླ་མའི་འཁྲུངས་སྐར་ལ་སྨོན་ཚིག་འགགས་མེད་རྡོ་རྗེའི་སྒྲ་དབྱངས།།

ཀུན་མཁྱེན་བླ་མའི་འཁྲུངས་སྐར་ལ་སྨོན་ཚིག་འགགས་མེད་རྡོ་རྗེའི་སྒྲ་དབྱངས།།
ན་མོ་མ་ཧཱ་གུ་རུ་བུདྡྷ་ཛྙཱ་ན་ཡེ།།
ཀུན་བཟང་རིག་འཛིན་བརྒྱུད་པར་ནམ་མཁའི་ཁྱོན།།
འོད་གསལ་ཉི་ཟླ་གསལ་བའི་ཀུན་མཁྱེན་དཔལ།།
སྣ་ཚོགས་སྒྱུ་འཕྲུལ་དྲ་བའི་སྙིང་པོ་ཅན།།
ཀུན་མཁྱེན་ཡབ་སྲས་དམ་པས་དགེ་ལེགས་སྩོལ།།
གནའ་དེང་མཁྱེན་རབ་ཟས་གཙང་སྲས་ལས་མཁས།།
གངས་ཅན་བརྩེ་བར་སྤྱན་རས་གཟིགས་ལས་བཙུན།།
འཕགས་མཆོག་མཐུ་སྟོབས་རྡོ་རྗེ་འཛིན་ལས་བཟང་།།
མཁས་གྲུབ་ཀུན་མཁྱེན་བླ་མ་ཞབས་བརྟན་ཤོག།
མཁན་སློབ་ཆོས་རྒྱལ་བརྒྱུད་པའི་སྔ་འགྱུར་དང་།།
ཕྱི་འགྱུར་རྣམས་དང་ཁ་ཆེ་ཡེ་ཤུའི་རིགས།།
ཚན་རིག་བཅས་ཏེ་ཆོས་ལུགས་སྣ་ཚོགས་ཀུན།།
ཀུན་བཟང་ལམ་དུ་འདྲེན་མཁས་ཞབས་བརྟན་ཤོག།
ཚུལ༵་ཁྲིམས༵་རྣམ་དག་དཔག་བསམ་ལྗོན་ཤིང་རྒྱས།།
བློ༵་གྲོས༵་མཚུངས་མེད་ཡིད་བཞིན་ནོར་བུའི་དཔལ།།
ཀུན་མཁྱེན་ཀློང་ཆེན་ཡེ་ཤེས་སྒྱུ་མའི་འཕྲུལ།།
རིགས་ཀུན་ཁྱབ་བདག་བླ་མའི་སྐུ་ཚེ་བརྟན།།
མཚན་དཔེའི་ལང་ཚོ་ཡར་ངོའི་ཟླ་བཞིན་རྒྱས།།
ཟབ་རྒྱས་ཆོས་འཁོར་དབྱར་གྱི་མཚོ་ལྟར་འཕེལ།།
ཐུགས་རྗེ་ཀུན་བཟང་རྒྱལ་བའི་དགོངས་མཐར་ཕྱིན།།
ཀུན་ཁྱབ་ཕྲིན་ལས་དོན་ཀུན་ལྷུན་གྲུབ་ཤོག།
ཅེས་པ་རབ་གནས་ས་ཕག་སྣྲོན་ཟླའི་ཡར་ངོའི་རྒྱལ་བ་གསུམ་པར་གངས་ཅན་བོད་ཡུལ་ནས་ཌཱ་ཀི་ནི་ཤྲཱིཿམ་ཧཱ་དྷེ་ཝས་ངོར་ཤྲཱིཿཨེ་མ་ཧོས་དབྱིན་ཡུལ་ཨེ་ཝཾ་ཀུན་བཟང་ཆོས་གླིང་ནས་སྨོན་པར་དགེའོ།། །།