སྐྱེན་པོ་དགོན་གནས་དྲན་པ་ཨ་དཀར་ཟླ་བ་གཞོན་ནུ།།

སྐྱེན་པོ་དགོན་གནས་དྲན་པ་ཨ་དཀར་ཟླ་བ་གཞོན་ནུ།།
ན་མོ་གུ་རུ་མཉྫུ་གྷོ་ཥ་ཡེ།།
གཞི་ཀ་དག་གདོད་མའི་དབྱིངས་རིམ་ན།།
ལམ་འོད་གསལ་སྙིང་རྗེའི་རོལ་གར་པ།།
དོན་གང་འདུལ་འདྲེན་པའི་དེད་དཔོན་མཆོག།
རྗེ་བླ་མ་ཨ་ཟླ་འཇིགས་རྣམ་མཁྱེན།།
དཔལ་པདྨའི་རྒྱལ་ཚབ་པདྨ་གླིང་།།
ཐུགས་རྒྱལ་བའི་སྲས་པོ་མཁས་གྲུབ་བདག།
ཆོས་གཏེར་གསར་སྤེལ་བའི་བཀའ་དྲིན་ཅན།།
རྗེ་བླ་མ་ཨ་ཞང་ལོ་མ་དྲན།།
མདོ་གསང་ཆེན་མན་ངག་ཆུ་ཀླུང་ཀུན།།
ཐུགས་རྒྱ་མཚོ་འཁྱིལ་བའི་ཀློང་ཟབ་མོར།།
བསྟན་འགྲོ་ལ་ཕན་བདེ་ནོར་བུའི་བདག།
གྲོགས་ཀླུ་དབང་ཨ་འགྱུར་དམ་པ་དྲན།།
བྱམས་སྙིང་རྗེ་ཆུ་གཏེར་བསྲུབས་པ་ལས།།
བརྩེ་དུང་བའི་དམ་ཚིག་ལྷུན་པོས་མཛེས།།
འབངས་མི་དམངས་རིན་ཆེན་དང་པོས་བསྐོར།།
ཡུལ་དྭངས་གཙང་ཨ་མོ་ཁུག་ཁྲ་དྲན།།
དད་གུས་པ་ནམ་མཁའི་མཐའ་མཉམས།།
སེམས་ཡིད་ཆེས་སངས་རྒྱས་དངོས་དུ་མཇལ།།
རེ་ཆེ་བར་དྲག་སྔགས་གླིང་པར་གསོལ།།
བློ་མཚུངས་མེད་ཨ་མཚོ་ལ་སོགས་དྲན།།
ཤྲཱིཿསྨྱོན་པས