༈ འཕགས་མཆོག་ཕྱག་ན་པདྨོའི་གསོལ་འདེབས་དང་ཞབས་བརྟན་ སྨོན་ཚིག ཨོཾ་སྭ་སྟི། སྟོབས་བཅུའི་མངའ་བདག་རྣམ་འདྲེན་ཟས་གཙང་སྲས། །གངས་ཅན་ལྷ་གཅིག་འཕགས་མཆོག་པད་དཀར་འཆང༌། །འཕོ་མེད་རྡོ་རྗེའི་སྐུ་བརྙེས་གུ་རུ་རྗེ། །རྣམ་གསུམ་དབྱེར་མེད་རྒྱལ་བའི་དབང་པོར་འདུད། །ཟག་མེད་ཆོས༵་སྐུ༵་ཀུན་གསལ་ཡངས་པའི་ངོས། །ལྔ་ལྡན་ལོངས༵་སྤྱོད་རྫོགས་སྐུ༵འི་འོད་སྣང་བརྡལ། །སྣ་ཚོགས་སྤྲུལ༵་པས་མཐའ་ཡས་འགྲོ་ཁམས་སྐྱོངས། །སྐུ༵་གསུམ་སྟོན་པའི་མངའ་བདག་རྒྱལ་བའི་དབང༌། །སྤངས་རྟོགས་ཡོངས་སུ་རྫོགས་པའི་མངོན་སང༵ས་རྒྱས༵། །རྨད་བྱུང་ལུང་རྟོགས་ཆོས༵་ལ་མངའ་དབང་འབྱོར། །རིག་གྲོལ་ད༵གེ་འདུན༵་བྱེ་བའི་གཙུག་རྒྱན་མཆོག །སྐྱབས་མཆོག་ཆོས་ཀྱི་རྒྱལ་པོ་གཏན་གྱི་མགོན། །རྣམ་ཀུན་མཁྱེན༵་པས་ཤེས་བྱའི་དེ་ཉིད་གཟིགས། །བ༵རྩེ་ཆེན་ཐུགས་རྗེས་འགྲོ་ཀུན་རྗེས་སུ་འཛིན། །ནུས༵་པས་མཐའ་བཞིའི་འགྲོ་ཀུན་ཐར་གླིང་ཁྲིད། །རིགས་གསུམ་སེམས་དཔའ་གཅིག་འདུས་རྒྱལ་བའི་དབང༌། །མཚན་དཔེའི་ཆ་ཤས་ཡོངས་སུ་གང་བའི་སྐུ༵། །མདོ་སྔགས་ཆོས་ཀྱི་འོད་སྣང་འགྱེད་པའི་གསུང༵་། །མ་ལུས་ཤེས་བྱའི་རྗེས་འགྲོ་ཟག་མེད་ཐུགས༵། །རྒྱལ་ཀུན་གསང་གསུམ་མངའ་བདག་བསྟན་འགྲོའི་མགོན། །མཁས༵་པའི་ཡོན་ཏན་རྒྱལ་བསྟན་གསལ་བའི་རྒྱན། །བཙུན༵་ཚུལ་རྨད་བྱུང་སྡོམ་བརྩོན་ཡོངས་ཀྱི་རྗེ༑ ༑བཟང༵་པོའི་ཕྲིན་ལས་འཛམ་གླིང་དཀར་པོར་བསྒྱུར། །བསྟན་འཛིན་ཡོངས་ཀྱི་གཙུག་རྒྱན་རྒྱལ་བའི་དབང༌། །ངག༵་གི་དབང༵་ཕྱུག་འཇམ་དཔལ་སྨྲ་བའི་དབང༌། །བློ༵་གྲོས་མཆོག་ལྡན་རྒྱལ་སྲས་ཡོངས་ཀྱི་རྗེ། །རྨད་བྱུང་མཛད་བཟང༵་རྒྱ༵་མ༵ཚོའི་གོས་ཅན་ཁྱབ། ། རྣམ་འདྲེན་མཚུངས་མེད་རྒྱལ་བའི་དབང་པོ་མཆོག །དམིགས་མེད་བརྩེ་བའི་སྤྲིན་ཆེན་ཀུན་ནས་བརྡལ། །སྨིན་གྲོལ་བདུད་རྩིའི་གྲུ་ཆར་ཅིར་ཡང་འཇོ། །སྐལ་བཟང་གདུལ་བྱའི་ལོ་ཏོག་སྐྱོང་བའི་གཉེན། །མཐའ་དག་འགྲོ་བའི་མགོན་གཅིག་རྒྱལ་བའི་དབང༌། །བསྟན་པའི་མངའ་བདག་འཛམ་གླིང་མཛེས་པའི་རྒྱན། །སྡེ་བཞིའི་དཔལ་འཛིན་དགེ་ལེགས་སྣང་བའི་གཉེན། །དཔག་མེད་ཡོན་ཏན་རྒྱ་མཚོ་ཡོངས་སུ་རྫོགས།…

ཧཱུྃ་སྒོམ་ཡེ་གྲོལ་རིག་པའི་མེ་ལོང་ཞེས་བྱ་བ་བཞུགས་སོ།། ཧཱུྃ༔ ༼༡༽ སྟོང་ཉིད་ངང་ལས་རིག་པ་ཧཱུྃ་དུ་གྱུར།། ཆོས་ཀུན་ཆོས་ཉིད་ངང་དུ་མཉམ་པར་བཞག། དམིགས་མེད་ཧཱུྃ་གིས་འཕྲོ་འདུ་ཡོངས་ལ་ཁྱབ།། ཕན་བདེ་ཧཱུྃ་གིས་བསྟན་འགྲོར་སྨན་པར་སྒོམས།། ༼༢༽ ཀ་དག་ཧཱུྃ་གི་ངོ་བོ་ཀུན་ཏུ་བཟང་།། ལྷུན་གྲུབ་ཧཱུྃ་གི་རང་བཞིན་རྡོ་རྗེ་འཆང་།། རིག་པ་ཧཱུྃ་གི་ཐུགས་རྗེ་པདྨ་འབྱུང་།། ཀུན་འདུས་ཧཱུྃ་ལས་ཕྲིན་ལས་ཀུན་ཁྱབ་གྱུར།། ༼༣༽ ཧཱུྃ་ལ་འབྲས་ཆོས་ཉེར་ལྔ་ཡེ་ནས་གནས།། ཧཱུྃ་གིས་སྣང་སྲིད་ཐམས་ཅད་རྣམ་པར་དག། ཧཱུྃ་ལ་འཁོར་འདས་དགེ་ཚོགས་མ་ལུས་རྫོགས།། ཧཱུྃ་གིས་ཁམས་གསུམ་ཡོངས་གྲོལ་སྒོ་གསུམ་སྨིན།། ༼༤༽ ཧཱུྃ་གི་ངང་ལས་ཏིང་འཛིན་རྩེ་གཅིག་དམིགས།། ཧཱུྃ་སྦྱོང་རུ་ཤན་ལྷག་མཐོང་རྒྱན་དུ་ཤར།། ཧཱུྃ་ཧཱུྃ་བཟླས་ཞིང་གྲངས་བསྙེན་དུང་ཕྱུར་བརྩོན།། ཧཱུྃ་ལ་རྒྱལ་ཀུན་ཡོན་ཏན་ཡོངས་སུ་ཚང་།། ༼༥༽ ཧཱུྃ་ཉིད་རང་དང་དབྱེར་མེད་ངང་དུ་གསལ།། ཧཱུྃ་བཟླས་ལྔ་ཕུང་འོད་ལུས་འགྲུབ་པར་གསལ།། ཧཱུྃ་གིས་ཆོས་ཀུན་ཆོས་ཉིད་ཀློང་དུ་གསལ།། ཧཱུྃ་གསལ་འབྲས་བུ་འཇའ་ལུས་འཕོ་ཆེན་བརྙེས།། ༼༦༽ ཧཱུྃ་གིས་གུ་རུའི་ཐུགས་དམ་དབྱིངས་ནས་བསྐུལ།། ཧཱུྃ་ནི་ཡི་དམ་རྒྱལ་བ་ཞི་ཁྲོའི་སྙིང་།། ཧཱུྃ་འདི་མཁའ་འགྲོ་རྒྱ་མཚོའི་དམ་ཚིག་དངོས།། ཧཱུྃ་ཉིད་ཆོས་སྐྱོང་དམ་ཅན་ཡོངས་ཀྱི་སྲོག། ༼༧༽ ཧཱུྃ་ལ་དམིགས་ནས་ནད་གདོན་ཞི་བར་བསམ།། ཧཱུྃ་ལ་བརྟེན་ནས་གང་འདོད་ལོངས་སྤྱོད་རྒྱས།། ཧཱུྃ་གིས་སྣང་སྲིད་མ་ལུས་དབང་དུ་བསྡུད།། ཧཱུྃ་ཉིད་དབང་དྲག་རྡོ་རྗེ་གོ་ཁྲབ་ལགས།། ༼༨༽ ཧཱུྃ་འདི་དཔྱད་འཇོག་སྒོམ་པས་རིག་ངོ་ཤེས།། ཧཱུྃ་ལུས་ངག་ཡིད་ཐ་མི་དད་ལས་བཟླས།།…

༄༅། །མཁན་ཆེན་ཆོས་དབྱིངས་ཁྱབ་བརྡལ་མཆོག་གི་ཞལ་གདམས། ༈དུས་རྒྱུན་དུ་ཡོན་ཏན་གྱི་གཞི་རྟེན་ཚུལ་ཁྲིམས་སྡོམ་པ་འདི་རང་སེམས་མི་ཁྲེལ་བ་ཞིག་དང་། གཞན་སེམས་ལ་ཐེ་ཚོམ་སྐྱེ་མི་དགོས་པའི་སྤྱོད་པ་གཙང་མ་ཡོད་དགོས། འདི་མེད་ན་སྣོད་མེད་པའི་ཆུ་ལྟ་བུ་ཡིན་པས་སློབ་དཔོན་དབྱིག་གཉེན་གྱིས། ཚུལ་གནས་ཐོས་དང་བསམ་ལྡན་པས། །སྒོམ་པ་ལ་ནི་རབ་ཏུ་སྦྱོར། །ཞེས་དང་ཀླུ་སྒྲུབ་ཀྱིས་ཁྲིམས་ནི་རྒྱུ་དང་མི་རྒྱུའི་ས་བཞིན་དུ། །ཡོན་ཏན་ཀུན་གྱི་གཞི་རྟེན་ལེགས་པར་གསུངས། །ཞེས་དང་། ཕྲན་ཚེགས་ལས། ཚུལ་ཁྲིམས་འདི་ནི་འབྲས་བུ་ཆེ། །ཏིང་ངེ་འཛིན་དང་ངེས་འབྱུང་ཐོབ། །ཞེས་དང་། ཞི་བ་ལྷས། འཇིག་རྟེན་མ་དད་གྱུར་པ་གང་། །མཐོང་དང་དྲིས་ཏེ་སྤང་བར་བྱ། །ཞེས་གསུངས་པ་ལྟར་སྤྱོད་པ་ཁ་ན་མ་ཐོ་བ་མེད་པ་ཞིག་དགོས། ཁྱད་པར་དུ་དགེ་ཚུལ་སློང་ཞིག་ཡིན་ཕྱིན་ཆད་བུད་མེད་བསྟེན་པ་ཕར་ཞོག །ཨ་ནེ་སྲིང་མོ་ཡིན་ཀྱང་ཕྱོགས་ཙམ་དུ་ཡང་གཅར་མི་ཉན། གཞན་མ་དད་པ་བསྐྱེད་པའི་རྒྱུར་འགྲོ་ཤས་ཆེ། བུད་མེད་གཞོན་ནུ་བཙུན་པའི་དགྲ། །ཞེས་དང་། བཞོན་པ་མལ་སྟན་སྔས་དག་ནི། །བུད་མེད་དག་དང་གཅིག་མི་བྱ། །གསུངས་པ་ལྟར། ཨེ་འདི་ནི་ཤཱཀྱའི་རྗེས་འཇུག་ཞིག་ཡིན་ཚར་དུས་ཉེ་མི་ཉེའི་བུད་མེད་དང་འགྲོགས་འདྲིས་བྱེད་མི་ཉན། སྡོམ་པ་དངོས་མ་ཉམས་ཀྱང་སྡོམ་པ་ཁ་ན་མ་ཐོ་བ་ཅན་དུ་འགྱུར་འགྲོ་ནི་རེད། སྔགས་ཀྱི་སྐབས་ན་ཐབས་གྲོལ་གཉིས་ཀའི་ནང་ནས་གྲོལ་ལམ་སྙོག་དགོས་རབས། འོད་གསལ་སྙིང་པོ་དང་། དབུ་མ་རྒྱན། གཞུང་སྤྱིའི་དཀའ་གནད་རྣམས་ཀྱི་སྐབས་ན་བཤད་ཡོད་རྒྱུ་འདི་རྣམས་དུས་ནམ་ཡང་དྲན་དགོས། དེའི་སྟེང་དུ་འདོད་པ་ལ་བློ་ཅུང་ཟད་རེ་ལོག་ཨེ་ཐུབ་བལྟ་དགོས་ནི་རེད་མི། འདོད་པ་ལ་བློ་མ་ལོགས་ན་འཇིག་རྟེན་འཁོར་བ་པ་དང་ཁྱད་ཡོད་ཡོད་ནི་མ་རེད། ཚུལ་ཁྲིམས་མེད་ན་ཡོད་ཏན་ལ་གཞི་རྟེན་མེད། སྙིང་རྗེ་དང་ཕན་སེམས་མེད་ན་བྱང་སེམས་ཀྱི་རྩ་བ་མེད། ཀུན་ལའང་དག་སྣང་ཅུང་ཟད་ཅིག་མེད་ན་སྔགས་ཀྱི་དམ་ཚིག་མེད། མདོར་ན་བ་ཐུལ་མཁན་པོས། བལྟ་དགོས། བསྲུང་དགོས།…

༄༅།།ཨེ་ཝྃ་ལམ་རིམ་རྫོགས་ཆེན་ཉི་ཟླ་ནོར་བུའི་རྒྱུད་ལས་ རང་ཤར་རང་གྲོལ་ཏིང་འཛིན་རྒྱལ་པོའི་ལམ་ཀྱི་ལྡེའུ་མིག་ ཅེས་བྱ་བ་བཞུགས་སོ།། ན་མོ་མ་ཧཱ་ཤྲཱིཿ ཨེ་མ་ཧོ༔ ༼༡༽ གདོད་མའི་ཡེ་ཤེས་ནམ་མཁའ་ཡངས་པ་རུ།། ཀ་དག་སྟོང་པའི་ལམ་རིམ་དོན་དམ་ངང་།། ལྷུན་གྲུབ་འོད་གསལ་ལམ་བཟང་དག་རྫོགས་སྨིན།། ཨེ་ཝྃ་ཉི་ཟླ་ནོར་བུ་འོད་དུ་གསལ།། ༼༢༽ འཁོར་འདས་མུན་པ་བྲལ་བའི་འོད་གསལ་ཞིང་།། སངས༵་རྒྱས༵་ཡེ་ཤེས་ཀ་དག་ལྷུན་གྱིས་གྲུབ།། ངོ་བོ་རང་བཞིན་ཐུགས་རྗེའི་སྒྱུ་འཕྲུལ་དཔལ།། ཨེ་ཝྃ་དགྱེས་པ་རྡོ་རྗེའི་ལམ་རིམ་གསལ།། ༼༣༽ ངོ་བོ་གདོད་མའི་སངས་རྒྱས་ཀུན་ཏུ་བཟང་།། རང་བཞིན་རིགས་ལྔའི་ཞིང་ཁམས་རྣམ་པར་དག། ཐུགས་རྗེ་དྲན་རྟོག་ཆོས་དབྱིངས་ངང་དུ་རྫོགས།། ཨེ་ཝྃ་ལམ་རིམ་བདེ་ཆེན་རོལ་བར་སྨིན།། ༼༤༽ རྩ་བརྒྱུད་བླ་མའི་ཚོགས་ལ་དད་པའི་ལམ།། བྱིན་རླབས་བརྒྱུད་པ་རིམ་པ་མ་ནོར་ཕྱིར།། སོར་བྱང་སྔགས་རྫོགས་ས་ལམ་རིམ་པས་ཐོབ།། ལྟ་སྒོམ་སྤྱོད་འབྲས་ཏིང་འཛིན་རྒྱ་མཚོར་དྲན།། ༼༥༽ ཕྱི་སྣང་མཆོག་གསུམ་རང་གི་ལུས་ལ་ཚང་།། ནང་རིག་རྩ་གསུམ་ལམ་བཟང་ལས་སུ་རུང་།། གསང་ཆེན་སྐུ་གསུམ་ངང་དུ་སངས་རྒྱས་ལམ།། གང་བསམ་ཡིད་བཞིན་འགྲུབ་པའི་བཀྲ་ཤིས་ཤོག། ཅེས་རབ་གནས་ཤིང་འབྲུག་དབྱར་དང་པོའི་ཡར་ངོའི་ཚེས་བཅུ་ལ་སྙིང་གྲོགས་སྙིང་གི་དྭངས་མས་བསྐུལ་བར་གསུངས་པ་དང་དེ་མ་ཐག་ཏུ་ཤྲཱིཿཨེ་མ་ཧོས་མྱུར་ལམ་བླ་ན་མེད་པར་རུ་གསལ་འདེབས་བྱས་པ་དེ་དེ་བཞིན་དུ་འགྱུར་བར་གྱུར་ཅིག་གུ།། ཤྲཱིཿ ཨ་ར་ས་བི་ཛ་ཡནྟུ།། །།

༄༅།།དུས་བཟང་དང་རྟེན་འབྲེལ་ལེགས་འགྲིགས། Great times and prayer all done!I Welcome back to the United Kingdom or UK, i had a great trip times! This years 108 days visits in the world for world pace and saves worldly and Nirvana great ways!!! ད་ལོའི་ཤིང་འབྲུག་གི་ལོ་ལ་ཞག་བརྒྱའི་འཛམ་གླིང་ཞི་བདེའི་སྨོན་བཟང་ལུང་བསྟན་དུས་བབས་བཞིན་དུ་འཛམ་བུ་གླིང་གཡས་བསྐོར་ཀྱི་ལས་འཆར་ཞི་ལྷག་རྫོགས་སྒོམ་གྱི་ཨེ་ཝྃ་སྨོན་ལམ་ཆེན་མོ་དེ་ལེགས་གྲུབ་བྱུང་ནས་རང་ཁྱིམ་དབྱིན་ཡུལ་ཨེ་ཝྃ་ཡོ་ག་གླིང་བདེ་མཆོག་རྒྱལ་བའི་ཕོ་བྲང་དུ་བདེ་བར་འབྱོར།…