ཧྥོ་ལན་ཌྲཱི་ལ་བདེ་བར་འབྱོར་རོ། ཨ་ཡིག་ལས་བྱུང་ཨ་མའི་སྐྱེས་རབས་མཇལ།། ཨ་ཧོ་དད་གུས་དག་སྣང་འོད་དུ་འབར།། ཨ་བྷྱེ་ཏཱ་རེས་མཛེས་ལྗོངས་ཡོན་དུ་ཕུལ།། ཨ་ལ་ལ་ཧོ་ཧོ་ལན་ཨེ་ཝྃ་ཧོ།། 2/11/2024 ༄༅།།བླ་མ་ཀརྨ་ཆོས་འཕེལ་དབང་པོའི་ཞབས་བརྟན་ རིན་པོ་ཆེའི་གཏེར་ཅེས་བྱ་བ་བཞུགས་སོ།། ན་མོ་མ་ཧཱ་གུ་རུ་བྷྱེ།། ཀ༵རྨ༵་རིག་པའི་རྡོ་རྗེའི་ཐུགས་སྨོན་མཐུས།། ཆོས༵་བཟང་ཡོན་ཏན་རབ་འཕེལ༵་ཡེ་ཤེས་གཟུགས།། མཁྱེན་བརྩེ་དབང༵་པོ༵འི་ཕྲིན་ལས་ཀུན་ཁྱབ་ཉིད།། སྐུ་ཚེ་བརྟན་ཅིང་བཞེད་དོན་ལྷུན་གྲུབ་ཤོག། ཅེས་པ་འདི་ཡང་རབ་གནས་ཤིང་འབྲུག་སྟོན་ཟླ་འབྲིང་པོའི་སྟོང་པ་གསུམ་པར་ཕྱི་དྲོའི་ཆར་རང་རིག་བླ་མའི་ཟབ་དབང་བསྐུར་སྐབས་སུ་རང་བྱུང་གི་སྨོན་ཚིག་ལྷ་ཁང་དེ་ཉིད་དུ་རང་དབང་གིས་ཨེ་མ་ཧོ༔ འམ་ཨ་ཏི་རིན་པོ་ཆེས་བདེན་ཚིག་གྲུབ་པའི་ཤིས་སྨོན་བགྱིས་པར་དགེའོ།། །། 1/11/2024

དད་དམ་གཙང་མའི་བླ་མ་དང་ཆོས་འབྲེལ་ལེགས་པར་གྲུབ་ནས་སི་ལོ་ཝ་ཀི་དང་རྒྱལ་ཕྲན་འགའ་རྒྱུད་ནས་གཏེར་བུམ་ལེགས་སྦྱིན་དང་སྒོམ་ཐག་རང་དབང་གིས་མཆོད་ནས་ དཔལ་ལྡན་མཆོག་སྦྱིན་དང་ཛམ་ལྷ་ཆོས་སྒྲོན་གྱི་སྡོད་གནས་ཀྱི་ནགས་ཀློང་ངམ། ཕོ་ལན་སྦྱིན་བདག་གི་རི་ཁྲོད་ན་བདེ་བར་མཆིས། ངོས་ལ་ཐུགས་ཁུར་གནང་བ་ཀུན་ཁམས་བདེ་ཞུ་བ་དང་ད་དུང་བསམ་ལྷུན་ཚར་རེ་གསུང་ཡོང་བར་མཁྱེན་ནོ།། ཨེ་མ་ཧོ་འམ་ཨ་ཏིས 3/11/2024 སྤྲུལ་ཚུལ་ཁྲིམས་རྒྱ་མཚོའི་རྣམ་ཐར་ཉུང་བསྡུས་སུ་བཀོད་པ་དད་གསུམ་པདྨོ་བཞད་ པའི་ཉི་གཞོན་ཞེས་བྱ་བ་བཞུགས་སོ༎ ༄༅༎པདྨའི་ཐུགས་ཀྱི་འོད་ཟེར་ཕྱོགས་བཅུར་འཕྲོ།། རྒྱལ་ཁམས་ཡོངས་ལ་འགྲོ་དོན་མང་དུ་མཛད།། སྤྲུལ་བའི་གཏེར་ཆེན་ཚུལ་ཁྲིམས་རྒྱ་མཚོ་ཡི།། པདྨའི་ཐུགས་བཞེད་འགྲུབ་པར་བྱིན་གྱིས་རློབས། དེ་ཡང་སྤྲུལ་བའི་སྐུ་མཆོག་དམ་པ་རྨ་ཡུལ་གཏེར་ཆེན༧ཚུལ་ཁྲིམས་རྒྱ་མཚོ་མཆོག་ནི ། ཆུང་དུས་ནས་དཔོན་ཐོབ་ཀྱི་རྒྱབ་སྐྱོར་མེད་ལ ། ཕྱུག་ཐོབ་ཀྱི་ངོ་སོ་ཅི་ཡང་མེད་པར་བུ་རང་སྐྱེས་ཀྱི་ངོ་བོ་གཙང་མ་དང་། ཆོས་ཡང་དག་གི་ལམ་སྟོན་བཟང་པོ །རྗེ་བླ་མ་ཡི་ཞལ་མཇལ་གསུང་ཐོས་ཀྱི་གོ་སྐབས་བརྒྱུད་ནས་གསེར་ས་འོག་ན་ཡོད་ཀྱང་། འོད་ནམ་མཁར་འཆར་བའི་དཔེ་བཞིན ། སྤྲུལ་བའི་སྐུ་མཆོག་དམ་པ༧ཚུལ་ཁྲིམས་རྒྱ་མཚོ་མཆོག་ལ་བསྟན་འགྲོར་ཕན་པའི་མཛད་རྗེས་མང་ན་ཡང་འདིར་སྐབས་སུ་བབས་པ་རགས་བསྡུས་ཙམ་ཞིག་ གླིང་ཛཾ་དར་དང་ཡར་ཁོག་སྨན་སྐྱབས་གཉིས་ཀྱིས་ཁོང་དང་འབྲེལ་ཡོད་ཀྱི་བླ་སྤྲུལ ། དད་ལྡན་གྱི་ཡོན་བདག དམ་གཙང་གི་སློབ་མ །རྣམས་ཀྱི་མདུན་ས་ནས་འཚོལ་སྡུད་བྱས་པ་གཙོ་བོར་གླེང་བ་ལ ། དེ་ཡང་སྤྱི་ལོ་༡༩༩༠སྟེ་བོད་རབས་རྒྱན་ལྕགས་ཕོ་རྟ་ཡི་ལོའི་ཟླ་བརྒྱད་པའི་མར་ངོས་ཚེས་ཉེར་ལྔ་མཁའ་འགྲོ་འདུ་བའི་དུས་བཟང་ཁྱད་པར་ཅན་ལ། མགོ་ལོག་པདྨ་འབུམ་གྱི་མངའ་ཁོངས་ད་ལྟ་ས་གནས་སྙི་སྟོད་དུ་འབོད་པའི་ཡུལ་དེར་ཐོག་མར་སྐུ་འཁྲུངས། ཁོང་མ་འཁྲུངས་བའི་ཡར་སྔོན་དུ་མ་ཡུམ་ལ་གཡུ་ཁོག་བྱ་བྲལ་བ་ཆོས་དབྱིངས་རང་གྲོལ་གྱིདོན་ས་ལུང་བསྟན་ནས་ཁྱོད་ལ་མ་འོངས་པར་སྐྱེས་བུ་དམ་པ་ཞིག་བསྟན་པ་དང་སེམས་ཅན་གྱི་ལ་བསམ་བཞིན་དུ་འབྱོན་པར་ལུང་བསྟན་པ་ལྟར་སྤྲུལ༧ཚུལ་ཁྲིམས་རྒྱ་མཚོ་ནི ། ཡབ་བྱ་བླ་མ་འབྱོར་རྒྱས་དང་ཡུམ་རྨོག་བཟའ་ཤེས་རབ་མཚོ་གཉིས་ཀྱི་སྲས་སུ་ངོ་མཚར་བའི་ལྟས་བཟང་དུ་མ་དང་བཅས་མ་ཡུམ་གྱི་སྐུ་ལུས་ལ་ན་ཟུག་ཅི་ཡང་མེད་པར་འཁྲུངས ། ཁོང་སྐུ་ན་ཆུང་ངུའི་དུས་སུ་ཞལ་ནས་ཀ་ཁ་ཞེས་གསལ་བཤད་སུམ་ཅུའི་དབྱངས་རྟ་བྱུང་རྒྱལ་དུ་གྱེར་བའི་དམ་པའི་རང་རྟགས་ཤིག་ལྷན་སྐྱེས་སུ་མངའ་བ་དང་། མ་ངེས་པའི་རྟགས་སུ་ཕུར་རྡོའི་སྟེང་དུ་ཞབས་རྗེས་བཀོད་པ་དང་ཉིན་འགའ་ལ་གར་སོང་མེད་པར་འགྲོ་ལ་ཕྱིར་ཐོན་ཚེ་མ་ཡུམ་གྱིས་དྲིས་ན་མཆོད་རྟེན་ལ་སོགས་པའི་ནང་དུ་སོང་ཞེས་ཤོད་སྲོལ་ཡོད་ཅེས་ཁོང་ཆུང་དུས་སུ་ཆ་རྒྱུས་ཡོད་པའི་མི་དག་གིས་བཤད ། བྱམས་བརྩེ་ཆེ་ཞིང་དམ་པའི་ལྷ་ཆོས་ལ་བརྩོན་སེམས་ཀྱི་བང་མི་ལྷོད་པ་ཞིག་ཡིན་ལ་ཁོང་དགུང་གྲངས་ལྔའི་སྟེང་ནས་ས་དེར་རྡོ་ལ་ཕྱག་རྗེན་པས་མ་ཎིའི་རྡོ་མཁར་སྣོད་བཅུད་ཀྱི་རྒུད་པ་སེལ་ཕྱིར་དུ་བཞེངས་པ་ད་ལྟ་མངོན་སུམ་དུ་མཇལ་རྒྱུ་ཡོད ། ས་ཆ་ཕ་སྟོད་ཀྱི་གསེར་འཛོམས་ཕྱུག་མོ་རུ་གཙང་བ་སྐུ་འབྲིང་གཏད་དཀྲུག་འདོན་དུ་བྱོན་སྐབས་སུ་ཁོང་ཐུགས་དགྱེས་པའི་ངང་ཚོགས་མང་གི་དབུས་ནས་སྐུ་མདུན་དུ་བོས་ཤིང་ཡི་གེ་སྦྱོངས་ཤིག་ཅེས་མ་འོངས་འབྱུང་འགྱུར་ལུང་དུ་བསྟན…