༄༅༅།།རང་བཞིན་གཉུག་མའི་བསྟོད་དབྱངས་གེ་སར་སྙིང་པོ།།ན་མོ་གུ་རུ་ཨོ་ཌི་ཡ་ན་བི་ཛ་ཡེ།།ཀ་དག་གཉུག་མའི་སྟོང་ཆེན་ངང་ཉིད་ལས།།ལྷུན་གྲུབ་ཡེ་ཤེས་འོད་གསལ་སྙིང་པོའི་གར།།ཟུང་འཇུག་རིག་པ་སྒྱུ་འཕྲུལ་དྲྭ་བའི་སྐུ།།འཛམ་གླིང་འཛིན་མའི་རྒྱན་ཏུ་མཛེས་གྱུར་ཅིག།ཨོ་རྒྱན་པདྨ་ཀ་རའི་ཐུགས་རྗེའི་དཔལ།།མཐུ་སྟོབས་ནུས་པའི་རྒྱལ་དབང་དགྱེས་པ་རྩལ།།རྡོ་རྗེ་ཐེག་པའི་བཀའ་བབས་རིག་པ་འཛིན།།སྐུ་ཚེ་བརྟན་ཅིང་བཞེད་དོན་ལྷུན་གྲུབ་ཤོག།སྐུ་ཡི་གཟི་བརྗིད་མ་གཡོས་ངང་གིས་ཤར།།གསུང་གི་དབྱངས་སྙན་མ་འགགས་རང་བྱུང་གྲགས།།ཐུགས་ཀྱི་བྱང་སེམས་མ་བཅོས་ཡེ་ཤེས་མངའ།།ཡོན་ཏན་ཕྲིན་ལས་ཀུན་ཁྱབ་ལྷུན་གྲུབ་ཤོག།རིག་འཛིན་བརྒྱུད་པ་གཙང་མའི་བསྟན་པ་འཛིན།།བཀའ་གཏེར་དག་སྣང་རྒྱུད་པའི་ལུགས་བཟང་སྐྱོང་།།ཡང་གསང་རྫོགས་ཆེན་བསྟན་པ་སྤེལ་བའི་མགོན།།ཨོ་རྒྱན་སྟོབས་རྒྱལ་སྐུ་ཚེ་བརྟན་གྱུར་ཅིག།བསྟན་དང་འགྲོ་བའི་དོན་དུ་དཀའ་སྤྱད་མཛད།།ཁྱད་པར་སྔ་འགྱུར་བཀའ་གཏེར་བསྟན་པའི་ཕྱིར།།གསང་གསུམ་མི་ངལ་རྒྱལ་སྲས་སེམས་དཔའ་ཆེ།།ཞི་དྲག་དབང་གི་བླ་མ་ཞབས་བརྟན་ཤོག།སྙིགས་ལྔའི་མུན་པ་སེལ་མཛད་རིག་པ་འཛིན།།དྲང་བདེན་སྨྲ་བའི་ལྗགས་རིང་མཚུངས་མེད་སྐྱོང་།།ཀུན་བཟང་རྫོགས་པ་ཆེན་པོའི་བསྟན་པ་སྤེལ།།མཁྱེན་བརྩེ་རྡོ་རྗེ་འཆང་གི་ཐུགས་སྲས་རྒྱལ།།སྐྱིད་པའི་དུས་སུ་འགྱུར་མེད་བཤེས་གཉེན་མཆོག།སྡུག་པའི་སྐབས་སུ་བསླུ་མེད་གྲོགས་ཀྱི་མཆོག།གནའ་དེང་དགོངས་པའི་འཁྲུལ་མེད་སྤྲུལ་སྐུ་མཆོག།མཆོག་གསུམ་ལྡན་པའི་བླ་མ་རིན་པོ་ཆེ།།ཕྱི་ཡི་སྤྱོད་པ་ངེས་མེད་ང་རྒྱལ་བྲལ།།ནང་གི་བསྙེན་བསྒྲུབ་མཛོད་ལ་མངའ་དབང་བསྒྱུར།།གསང་བ་འགྲོ་དྲུག་འདྲེན་པའི་ཨོ་རྒྱན་པ།།སྐུ་ཚེ་བརྟན་ཅིང་བཞེད་དོན་ལྷུན་གྲུབ་ཤོག།ཅེས་པ་འདི་ཡང་རབ་གནས་ས་ཕག་མགོ་ཟླའི་དབང་ཕྱོགས་རྒྱལ་བ་དང་པོར་རྨི་ལམ་བཟང་པོས་སྐུལ་མ་དང་ངོས་ནས་སྤྲུལ་སྐུ་ཉིད་ཞལ་དངོས་སུ་མཇལ་མ་མྱོང་ན་ཡང་བདེན་པའི་ངག་དང་སེམས་སུ་འབྲེལ་བའི་གསང་བ་ཟབ་མོའི་རྟེན་འབྲེལ་ལ་བཅོས་བསྒྱུར་དབེན་པས་གང་ཤར་གཉུག་མའི་བསྟོད་དབྱངས་སུ་ཤྲཱིཿསྨྱོན་ཨེ་མ་ཧོས་དབྱིན་ཡུལ་ཨེ་ཝཾ་ཕྱག་ཆེན་ཕོ་བྲང་ནས་གསོལ་བར་འདེབས་པས་དམ་པ་གོང་མའི་བཞེད་དོན་ལྷུན་གྱིས་འགྲུབ་པའི་རྒྱུ་རུ་གྱུར་ཅིག་གུ།། །། ཤྲཱིཿསརྦ་བི་ཛ་ཡནྟུ།།

འཁོར་འདས་སྐྱིད་གླུ་རང་བྱུང་སེམས་ཀྱི་གླིང་བུའི་སྒྲ་དབྱངས།། ཨེ་མ་ཧོ།། སྐྱེ་བའི་ཕྲེང་བ་སྔ་འགྱུར་བསྟན་པར་མཇལ།། གཞོན་པའི་ལང་ཚོ་བཤད་སྒྲུབ་སྣང་བ་བརྟས།། རྒན་པོའི་ཐར་ལམ་རྫོགས་པ་ཆེན་པོས་གྲོལ།། ད་ལྟ་འཆི་ཡང་སྐྱིད་པའི་གླུ་དབྱངས་ལེན།། གཅེས་པའི་ཨ་མ་ཚེ་འདིར་བྱང་ཆུབ་ཐོབ།། སྡང་བའི་དགྲ་ཀུན་མུན་ནག་འཁོར་བར་འཁྱམས།། རང་སྣང་དག་པས་རྒྱལ་བའི་དཀྱིལ་འཁོར་མཛེས།། ད་ནི་འཆི་ཡང་སྐྱིད་པའི་གླིང་བུ་ཁྲོལ།། ཕ་མའི་དྲིན་ལན་མཇལ་བས་དགའ་ཡ་ལེ།། ཕ་ཁྱིམ་སློབ་གླིང་བསྐྲུན་པས་སྐྱིད་སངས་སེ།། ཕ་རོལ་ཕྱིན་པའི་དགའ་སྐྱིད་ཨ་ལ་ལ།། ད་ནི་འཆི་གསོན་གང་བྱུང་སྐྱིད་པོ་ལགས།། ནམ་མཁའི་ཁྱོན་ན་མཛེས་པའི་གསང་ཆེན་དཔལ།། འོད་སྣང་འཛིན་མའི་ཀློང་དུ་དགྱེས་པའི་གར།། རྡོ་རྗེ་ཐེག་པའི་བཀའ་གཏེར་བསྟན་པའི་དོན།། འཛམ་གླིང་ཕྱོགས་ཀུན་གདལ་བའི་ངོ་མཚར་འབར།། ༡༽ དམ་ཆོས་ཟབ་རྒྱས་བརླིང་པའི་རྒྱ་མཚོའི་འཇིང་།། ཐབས་ཤེས་ཆུ་འཛིན་དཀར་པོ་ཀློང་རིམ་འཕྱུར།། ཞི་བདེའི་སྦྲང་ཆར་འཇོ་བས་ནོར་འཛིན་སྨིན།། ཨེ་ཝཾ་པདྨ་དཀར་པོའི་སྣང་བ་སྐྱིད།། ༢༽ གྲགས་པའི་དབྱར་རྔ་སྙན་པའི་ཕྱོགས་སུ་འཛུམ།། དགའ་མ་མདོངས་མཐའི་ཚོགས་ལ་རྟེན་པའི་འབྲེལ།། བདེ་ཆེན་གར་གྱི་ཕྱག་རྒྱས་ས་གསུམ་ཁྱབ།། ཨེ་ཝཾ་དཔལ་བེའུའི་རི་མོ་རྣམ་པར་བཀྲ།། ༣༽ ཆོས་དབྱིངས་མཐར་མཉམ་རྒྱལ་བའི་བློ་གྲོས་ཆེ།། མཐའ་བྲལ་ཡེ་ཤེས་གཞལ་མེད་ཁང་བཟང་དུ།། མ་ལུས་འགྲོ་ཁམས་འདྲེན་པའི་ཐུགས་དམ་ཅན།། ཨེ་ཝཾ་འདོད་འབྱུང་བུམ་པ་བཟང་པོས་ཤིས།། ༤༽ མཁྱེན་བརྩེའི་སྤྱན་ཟུང་འཁོར་འདས་དུང་བས་གཟིགས།། ཕན་བདེའི་གཤོག་ཟུང་ཀླུང་ཆེན་དབྱིངས་སུ་བསྐྱོད།། གང་དགའ་བག་ཡངས་རོལ་མཁས་གསེར་མདོག་ཅན།། ཨེ་ཝཾ་གསེར་ཉ་རིན་ཆེན་རྟག་ཏུ་བདེ།། ༥༽ མ་རིག་རྨོངས་པའི་གཉིད་ལས་སློང་བའི་དཔལ།།…

༄༅༅།།སྐྱབས་རྗེ་དམ་པ་མཁན་སྤྲུལ་ཐུབ་བསྟན་ཚུལ་ཁྲིམས་ལ་འཁྲུངས་སྐར་བསུ་བའི་བཟང་དྲུག་སྨན་གྱི་མེ་ཏོག།ན་མོ་མ་ཧཱ་གུ་རུ་བྷྱེ་ཥ་ཛ་ཡེ།།ཐུབ་བསྟན་འདུལ་བའི་ཞིང་ས་རྣམ་པར་དག།།ཚུལ་ཁྲིམས་དྲི་བཟང་ཡོན་ཏན་མ་ལུས་རྫོགས།།ཞི་དུལ་སེམས་དཔས་འགྲོ་ཁམས་ཡོངས་སུ་སྨིན།།རྗེ་བཙུན་བླ་མ་དམ་པའི་འཁྲུངས་སྐར་བསུ།།དཔེ་འཁྱུད་འཆང་རྒྱ་མེད་པར་དམ་ཆོས་བསྟན།།གནས་ཁང་ཟས་གོས་ལོངས་སྤྱོད་ཅི་དགོས་གནང་།།ཉམས་ཐག་དུད་འགྲོའི་ཚེ་སྲོག་མི་འཇིགས་སྦྱིན།།སྐྱབས་མཆོག་བླ་མ་དམ་པའི་འཁྲུངས་སྐར་བསུ།།གཞན་གནོད་གཞི་བཅས་སྤོང་པའི་དགེ་སློང་ཆེ།།གཞན་དོན་བྱམས་བརྩེའི་ཁྱབ་བདག་མ་ཎི་ཀ།སྙིང་རྗེ་ཆེན་པོས་བདུད་དཔུང་འཇོམས་མཛད་པའི།།དྲང་སྲོང་བླ་མ་དམ་པའི་འཁྲུངས་སྐར་བསུ།།ཉིན་མཚན་མི་དལ་དམ་པའི་ཆོས་ལ་འབད།།ལེ་ལོ་སྡིག་པའི་གྲོགས་དང་ཡོངས་སུ་བྲལ།།བསྟན་དང་འགྲོ་ལ་ཕན་བདེའི་བརྩོན་འགྲུས་ཅན།།དགེ་སྤྲོ་བླ་མ་དམ་པའི་འཁྲུངས་སྐར་བསུ།།དྲན་ཤེས་ཞི་བའི་ཏིང་འཛིན་ལྷང་གིས་འཇགས།།བག་ཡོད་བྱིང་རྒོད་རྨུག་པའི་སྒྲིབ་པ་སངས།།བཞག་ཐབས་སྒོམ་པས་བསམ་གཏན་རྒྱས་པའི་དཔལ།།ཞི་བདེའི་བླ་མ་དམ་པའི་འཁྲུངས་སྐར་བསུ།།ཐོས་བསམ་མ་རིག་མུན་སེལ་ཉི་མ་ཤར།།མ་གཡེང་གོམས་པའི་ཟླ་བ་གཞོན་ནུ་ཚེས།།ལྟ་སྒོམ་སྤྱོད་འབྲས་ཤེས་རབ་ཕུལ་བྱུང་བ།།ཀུན་བཟང་བླ་མ་དམ་པའི་འཁྲུངས་སྐར་བསུ།།ཨེ་ཝཾ་ཆོས་སྨན་འཛམ་གླིང་རྒྱན་དུ་བཀྲ།འོད་གསལ་མཐའ་ཡས་འཁོར་འདས་དཔལ་དུ་ཤིས།།བདེ་ལེགས་ཕུན་ཚོགས་བསྐྲུན་པའི་བཀའ་དྲིན་ཅན།།གངས་ལྗོངས་བསྟན་པའི་སྒྲོན་མེའི་འཁྲུངས་སྐར་བསུ།།སྐུ་ཚེ་བརྟན་པ་བསྐལ་བའི་མཐར་ཐུག་བཞུགས།།གསུང་ཆོས་འཁོར་ལོ་རྟེན་འབྲེལ་དགེ་ལེགས་བརྟས།།ཐུགས་རྗེ་མཚུངས་མེད་བདག་ཅག་འགྲོ་བའི་མགོན།།མཁན་སྤྲུལ་དམ་པའི་བཞེད་དོན་ལྷུན་གྲུབ་ཤོག།ཅེས་པ་འདི་ཡང་རབ་གནས་ས་ཕག་ཐ་སྐར་ཟླ་བ་ཉ་ཡོངས་སུ་གང་བའི་དུས་སུ་ཨེ་ཝཾ་སློབ་གླིང་ལ་བཀའ་དྲིན་མཚུངས་མེད། སྟོན་པ་ཟླ་མེད། རྒྱལ་བའི་རྒྱལ་ཚབ། རྒྱལ་བ་ཞེ་ཆེན་པའི་མཁན་སྤྲུལ་དམ་པ་ཐུབ་བསྟན་ཚུལ་ཁྲིམས་རིན་པོ་ཆེའི་འཁྲུངས་སྐར་བསུ་བའི་དགའ་སྟོན་དང་འབྲེལ། གསང་གསུམ་བརྟན་པའི་སྨོན་ལམ་བཅས་དབྱིན་ཡུལ་ཨེ་ཝཾ་ཀུན་བཟང་རི་ཁྲོད་ནས་ཆོས་སྨྲ་བ་དཔལ་དགྱེས་པ་རྡོ་རྗེ་རུ་འབོད་པས་སྙིང་ནས་གསོལ་བར་བཏབས་པར་དགེའོ།། །། སརྦ་ལོ་ཀ་པ་ལ་སིདྡྷི་ཕ་ལ་ཧཱུཾ།།

ཐར་མདོ་བསྡུས་པ།། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འདས་པ་དང་། མ་བྱོན་པ་དང་། ད་ལྟར་བཞུགས་པ་ཐམས་ཅད་དང་། བྱང་ཆུབ་སེམས་དཔའ་དང་། འཕགས་པ་ཉན་ཐོས་དང་། རང་སངས་རྒྱས་ཐམས་ཅད་ལ་ཕྱག་འཚལ་ལོ། མཆོད་རྟེན་རྣམས་དང་། སྐུ་གདུང་རིང་བསྲེལ་ཐམས་ཅད་ལ་ཕྱག་འཚལ་ལོ། མཆོད་དོ་སྐྱབས་སུ་མཆིའོ། བྱིན་གྱིས་བརླབ་ཏུ་གསོལ། གཟུངས་ཆེན་པོ་དང་མདོ་སྡེ་བཅུ་གཉིས་ལ་ཕྱག་འཚལ་ལོ། མདོ་ཡི་སྡེ་ལ་ཕྱག་འཚལ་ལོ། ལུང་དུ་བསྟན་པའི་སྡེ་ལ་ཕྱག་འཚལ་ལོ། ཚིགས་གསུམ་བཅད་པའི་སྡེ་ལ་ཕྱག་འཚལ་ལོ། དབྱངས་ཀྱིས་བསྙད་པའི་སྡེ་ལ་ཕྱག་འཚལ་ལོ། ཆེད་དུ་བརྗོད་པའི་སྡེ་ལ་ཕྱག་འཚལ་ལོ། གླེང་གཞིའི་སྡེ་ལ་ཕྱག་འཚལ་ལོ། རྟོགས་པ་བརྗོད་པའི་སྡེ་ལ་ཕྱག་འཚལ་ལོ། འདས་པ་བརྗོད་པའི་སྡེ་ལ་སྡེ་ལ་ཕྱག་འཚལ་ལོ། སྐྱེ་བ་རབས་ཀྱི་སྡེ་ལ་ཕྱག་འཚལ་ལོ། ཤིན་ཏུ་རྒྱས་པའི་སྡེ་ལ་ཕྱག་འཚལ་ལོ། རྨད་དུ་བྱུང་བའི་སྡེ་ལ་ཕྱག་འཚལ་ལོ། གཏན་ལ་ཕབ་པའི་སྡེ་ལ་ཕྱག་འཚལ་ལོ། ཐེག་པ་ཆེན་པོའི་སྡེ་སྣོད་ཐམས་ཅད་ལ་ཕྱག་འཚལ་ལོ། མཆོད་དོ། སྐྱབས་སུ་མཆིའོ། བྱིན་གྱིས་བརླབ་ཏུ་གསོལ། ན་མོ་བུདྡྷ་ཡ། ན་མོ་དྷཱ་རྨ་ཡ། ན་མོ༔སཾ་གྷཱ་ཡ། ཨ་དན་ཏི་དྷཱ་ར་ཎཱི། ཏདྱཐཱ། ཨཱ་ཀཱ་ཤ་ནི་བ་བཱི་ནི། སརྦ་དྷཱ་རྨ་ནི་བ་ནི། ཨི་ཤ་མ་ད། པི་པ་ཤ་ན། བི་མ་ལ་སུ་པ་རི། དྷཱརྨ་ནི་ཁ་ན། བ་ར་རུ་ནི་ཙ་ཡ་ཏ་མ་ལེ་ཙ་ལེ།…

གསར་གྲོགས་རྣམ་པ་ལ་གྱེས་བརྡའི་ཕྱག་རྒྱ་བཞི་བ།།ཨེ་ཀྱེ་ཧོ།།རང་གི་ཟས་གོས་ལས་གཉེན་གྲོགས་གལ་ཆེན་རྩིས།།གྲོགས་དང་གཉེན་ལ་ཡང་གཏོང་བའི་རྟུལ་ཕོད་ལྡན།།ཁྱི་དང་བྱི་ལ་ལས་ལས་ངན་གསར་གྲོགས་འགར།།གྱེས་བརྡ་སྟོན་པ་ཡི་ཕྱག་རྒྱ་དང་པོར་ལགས།། བྱིས་པ་བསམ་མེད་གིས་མེ་ཏོག་མཐོང་པ་བཞིན།།གཅིག་ལ་དགའ་དུས་སུ་གཉིས་པ་དོར་ལ་བྲེལ།།ཁྲེལ་གཞུང་ཕྱི་ཐག་ལ་བསམ་མེད་གློ་ཐུང་རིགས།།གྱེས་བརྡ་སྟོན་པ་ཡི་ཕྱག་རྒྱ་གཉིས་པ་ལགས།། ཕ་མའི་ཕྱོགས་ལ་ཡང་བྱམས་བརྩེའི་རྒྱུན་ཐག་ཆད།།ཕྱི་མཛེས་ཨ་གསར་གྱི་མཇུག་མར་གསར་འདྲིས་བྲེལ།།བྱས་ཤེས་དྲིན་བཟོ་ཡང་བརྗེད་པའི་གསར་གྲོགས་རྣམས།།གྱེས་བརྡ་སྟོན་པ་ཡི་ཕྱག་རྒྱ་གསུམ་པ་ལགས།། རྒྱལ་བསྟན་སྤྱི་དང་ནི་སྔ་འགྱུར་བསྟན་པའི་ཕྱིར།།ཕན་བདེ་གཞན་ལ་ཡང་སྦྱིན་པའི་གྲོགས་ལ་བྲེལ།།རང་ལུས་བདག་འཛིན་ཡང་མེད་པའི་རྟོགས་ལྡན་ང་།།ནམ་ཞིག་དྲ་ལམ་ལས་གྱེས་པའི་ཕྱག་རྒྱ་བཞི་བའོ།།——-རྐྱེན་ཞིག་གིས་ཤྲཱིས་སོ།།

ཕུབ་རྡོ་རྗེའི་མི་ཚེ་རང་བྱུང་གི་སྙིང་པོ།།ཨེ་མ་ཧོ།།ཕྱི་ལྟར་བདེ་གཤེགས་རྒྱས་སྲས་བཅས་དད།།ནང་དུ་མཁས་གྲུབ་དབང་ཕྱུག་འཇམ་དཔལ་གྲགས།།གསང་བ་དྲག་སྔགས་གླིང་པའི་གཏེར་གསར་བདག།ཡང་གསང་བླ་མ་དམ་པ་ཞབས་བརྟན་གསོལ།།མི་ཕྱེད་དད་གུས་སྙིང་གི་དཀྱིལ་འཁོར་བརྟས།།རིག་བྱེད་དབང་མོའི་མདའ་གཞུའི་ཕྱག་རྒྱ་མཛད།།དྲག་གླིང་གཏེར་གསར་སྦས་ཡུལ་ཞིང་ཀུན་གདལ།།ཕུབ་མཆོག་རྡོ་རྗེའི་འགྲོ་དོན་ལྷུན་གྲུབ་ཤོག།ཨོ་རྒྱན་འགྲོ་འདུལ་ཀུན་བཟང་མཆོད་རྟེན་བཞེང་།།སྣོད་བཅུད་རྒུད་པའི་འཇིགས་སྒྲོལ་མ་ཎི་ཀས།།ཕན་བདེ་ཡིད་བཞིན་སྨིན་པའི་དགེ་ལེགས་དཔལ།།འཛམ་གླིང་འཛིན་མའི་རྒྱན་ཏུ་མཛེས་གྱུར་ཅིག།ཅེས་པ་འདི་ཡང་རབ་གནས་ས་ཕག་ཐ་སྐར་ཟླ་བའི་གནམ་གང་ལ་རྨི་ལམ་དབང་ཕྱུག་འབོད་པས་འོད་གསལ་སྣང་ཆ་དག་སྣང་གི་རྩི་དང་མ་འབྲལ་བར་ཤར་མར་ལས་རབ་གླིང་ཆོས་སྐུའི་ཕོ་བྲང་ནས་སྨོན་པར་དགེའོ།། །།