སྐུ་ཚེ་བརྟན་སྨོན་རྟེན་འབྲེལ་རྡོ་རྗེ།།ན་མོ་གུ་རུ་པདྨ་ཨ་ཡུར་ཡེ།།མཚན་དཔེ་སྐུ་ལ་ལང་འཚོ་ངང་གིས་བརྟས།།ཚངས་དབྱངས་ཟབ་རྒྱས་དམ་ཆོས་གཏེར་ལ་དབང་།།ཐབས་མཁས་ཐུགས་རྗེ་པ༵དྨ༵འི་བཀའ་གཏེར་འཛིན།།དམ་བརྩེ་བདུད་རྩིའི་ཚེ་གཡང༵་ཀུན་འཛོམས༵་ཤོག།རྟེན་འབྲེལ་དང་དད་དམ་ཟབ་པས་དགེ་མཚན་དང་བསྟན་འགྲོར་སྨན་ཕྱིར་ཨེ་མ་ཧོས་སྨོན་པར་དགེའོ།།

སྐྱབས་སྡོམ་ཀུན་འདུས་ཀྱི་ཆོ་ག་ནོར་བུའི་བུམ་བཟང་།དང་པོ་སྐྱབས་འགྲོ་ནི།ན་མོཿདཀོན་མཆོག་གསུམལ་སྐྱབས་སུ་མཆི།།ཁམས་གསུམ་སྒྲོལ་བར་སེམས་བསྐྱེད་ནས།།སྐུ་གསུམ་རྒྱལ་བའི་དེ་བཞིན་ཉིད།།སྒོ་གསུམ་དག་རྫོགས་སྨིན་པར་བྱ།།བླ་མ་ཀུན་འདུས་པདྨ་འབྱུང་གནས་མཁྱེན།།ཡི་དམ་ཀུན་འདུས་ཀུན་བཟང་རྡོ་རྗེ་འཆང་།།མཁའ་འགྲོ་ཀུན་འདུས་རྗེ་བཙུན་སྒྲོལ་མ་དང་།།ཆོས་སྐྱོང་ཀུན་འདུས་གེ་སར་རྒྱལ་པོར་འདུད།།ལན་གསུམ། ཚོགས་བསགས་ཡན་ལག་བདུན།བླ་མ་པདྨ་འབྱུང་གནས་ལ་ཕྱག་འཚལ།།བདག་ལུས་ལོངས་སྤྱོད་དགེ་རྩ་མཆོད་པར་འབུལ།།དུས་གསུམ་བགྱིས་པའི་སྡིག་ལྟུང་མཐོལ་ཞིང་བཤགས།།འཁོར་འདས་དགེ་རྩ་ཀུན་ལ་ཡི་རང་ངོ་།།མདོ་སྔགས་ཟབ་རྒྱས་ཆོས་ཆར་དབབ་ཏུ་གསོལ།།རྒྱལ་ཀུན་མྱ་ངན་མི་འདའ་ཞབས་བརྟན་བཞུགས།།དགེ་ཚོགས་མ་ལུས་འགྲོ་ལ་སྨན་པ་དང་།།ཀུན་ཀྱང་ཀུན་ཏུ་བཟང་དང་དབྱེར་མེད་ཤོག།ལན་གསུམ།ཨོཾ་ཨཱཿཧཱུཾ་ཧྲཱིཿའགྱུར་མེད་སྐུ་ལ་མཚན་དཔེས་བཀྲ་ཤིས་ཤིང་།།འགག་མེད་གསུང་ལ་ཟབ་རྒྱས་བདེ་ལེགས་འཇོ།།གཡོ་མེད་ཐུགས་རྗེ་ཨེ་ཝཾ་ཕུན་སུམ་ཚོགས།།མཚུངས་མེད་ཡོན་ཏན་ཕྲིན་ལས་མཐར་ཕྱིན་ཤོག།ཅེས་རབ་གནས་གྲོ་བཞིན་ཟླ་བའི་དབང་ཕྱོགས་དགའ་བ་དང་པོར་སྐྱབས་འགྲོའི་སྡོམ་པ་ཞུ་འཁན་བརྒྱ་ཕྲག་བྱུང་བའི་ངོར་ཤྲཱིཿཨེ་མ་ཧོས་ཨེ་ཝཾ་ཌཱ་ཀི་ནིའི་གླིང་དུ་བྲིས་པར་དགེའོ།། །།

ན་མོ་བུདྡྷ་ཡེ། དེང་དུས་འདུལ་བ་འཛིན་པ་ཆེན་པོར་གྲགས་པ་འགས་ཚུལ་ཁྲིམས་འཆལ་བའི་གང་ཟག་གིས་ངུར་སྨྲིག་གི་གོས་བགོ་མི་རུང་བ་ཞིབ་མོ་རྣམ་འཐག་གི་སྒོ་ནས་བཤད་ཅིང་། དེ་ལ་སྒྲུབ་བྱེད་ཀྱི་ལུང་ཚིག་མང་དུ་བཀོད་ནས་བསྟན་པ་སྤྱིའི་གནས་བབ་དང་རབ་བྱུང་སྤྱིའི་སྤྱོད་ལམ་ལ་ཐུགས་ལས་ཚད་མེད་མཛད་ཀྱིན་ཡོད་མོད། དེ་ལྟ་ནའང་ཚུལ་ཁྲིམས་འཆལ་བའི་གང་ཟག་གིས་ངུར་སྨྲིག་བགོ་རུང་མིན་ནི་ལྷག་བསམ་དཀར་བ་ཙམ་གྱིས་དེའི་ཞལ་བརྩིས་ཏེ་སྡོད་དགོས་པ་ཞིག་མིན་པར་སངས་རྒྱས་ཀྱི་བཀའ་ཉིད་དཔང་པོར་བཞག་ནས་དོན་གྱི་བདེན་པར་འཇུས་ཏེ་ཐག་གཅོད་དགོས་སྟབས་མིང་གྲགས་ཆེ་ཆུང་དང་ཁ་སྟབས་མཐོ་དམན་གྱི་དབང་དུ་མི་འགྲོ་བ་གལ་ཆེ་ལ། རང་ཅག་ཐོས་པ་འཚོལ་བའི་གང་ཟག་ཏུ་ཁས་འཆེ་བ་དག་གིས་ཀྱང་འདི་ལ་ཡིན་མིན་གྱི་བརྡར་ཤ་གཅོད་དགོས་པས་ཁོ་བོའང་དེའི་གྲལ་དུ་འཚངས་ཏེ་བདེན་པ་དོན་དུ་གཉེར་བའི་ལས་སུ་ཞུགས་ཁུལ་བགྱིས་པ་ལ་དཔྱོད་ལྡན་དག་མི་ཁྲེལ་བར་ཞུ་ཞེས་པ་ནི་གླེང་གཞི་དང་འབྲེལ་ཏེ་ཐོག་མའི་སེམས་བསྐྱེད་དོ།། དེ་ཡང་མདོ་ཡི་སྒྲས་ཟིན་ཚོད་ལ་ཚུལ་ཁྲིམས་འཆལ་བཞིན་དུ་ངུར་སྨྲིག་བགོ་རུང་བ་དང་མི་རུང་བ་གཉིས་ཀ་གསུངས་ཤིང་། དེ་འདྲ་བ་བྱུང་ཚེ་དེ་གཉིས་ལས་གཅིག་སྒྲ་ཇི་བཞིན་དུ་ཁས་བླངས་ཏེ་ཅིག་ཤོས་ལ་དགོངས་པ་བཙལ་དགོས་ལ། དེ་ནི་མདོ་འཆད་ཚུལ་མ་ནོར་བ་ཞིག་ཀྱང་ཡིན་ནོ།། དེ་ཡང་། ས་སྙིང་འཁོར་ལོ་བཅུ་པའི་མདོ་ལས། དེ་ནས་ཚངས་པ་ཆེན་པོ་ལྷའི་སྙིང་པོས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་སངས་རྒྱས་ཀྱི་བསྟན་པ་ལ་རབ་ཏུ་བྱུང་བ་དག་གལ་ཏེ་རྒྱལ་རིགས་སམ། བློན་པོ་ཆེན་པོའམ། དབང་པོས་ལྕག་དང་དབྱུག་པ་ལ་སོགས་པས་གཞུས་སམ། བརྡེགས་སམ།གལ་ཏེ་བཙོན་རར་བཅུག་གམ། སྤྱོས་སམ། བརྒྱད་དམ། ཡན་ལག་གཏུབས་སམ། སྲོག་དང་ཕྲལ་ཏེ་བཀུམ་ན་དེ་ཅི་རིགས་པ་ལགས་སམ། འོན་ཏེ་རིགས་པར་མ་ལགས།བཅོམ་ལྡན་འདས་ཀྱིས་ཚངས་པ་ཆེན་པོ་ལྷའི་སྙིང་པོ་ལ་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་སེམས་ཅན་གང་ཞིག་ངའི་བསྟན་པ་ལ་རབ་ཏུ་བྱུང་ནས་སྐྲ་དང་ཁ་སྤུ་བྲེགས་ཏེ། ངུར་སྨྲིག་གི་ཚལ་བུ་གྱོན་ན་ཚུལ་ཁྲིམས་སྲུང་ངམ། ཚུལ་ཁྲིམས་ཉམས་སམ།ཚུལ་ཁྲིམས་མེད་ཀྱང་རུང་སྟེ། དེ་ལ་ལྷ་དང་། མི་དང་། ལྷ་མ་ཡིན་ལ་སོགས་པ་ཐམས་ཅད་ཀྱིས་ཀྱང་ཁྱིམ་པའི་ཆོས་ཉིད་དང་སྦྱར་དུ་ཡང་མི་གནང་ན། དེ་ལ་ལྕག་དང་དབྱིག་པ་ལ་སོགས་པས་ལུས་ལ་གཞུ་ཞིང་འཚོག་པ་དང་། བཙོན་རར་གཞུག་པ་དང་། གཤེ་བ་དང་། སྤྱོ་བ་དང་། ལུས་ཀྱི་ཡན་ལག་གཏུབ་པ་དང་། འཚོ་བའི་དབང་པོ་དང་ཕྲལ་བ་ཆོས་མ་ཡིན་པ་དང་སྦྱོར་བ་ལྟ་ཅི་སྨོས། དེ་ཅིའི་ཕྱིར་ཞེ་ན། ཚུལ་ཁྲིམས་སྲུང་ཞིང་མང་དུ་ཐོས་པ་དང་ལྡན་པ་ལྟ་ཞོག་ལ།ངའི་བསྟན་པ་ལ་རབ་ཏུ་བྱུང་ནས་ཚུལ་ཁྲིམས་ཉམས་ཏེ་མི་དགེ་བའི་ཆོས་སྤྱོད་པས་ནང་རུལ་ཅིང་མི་གཙང་བས་གང་བའི་སྲིན་ཀྭ་ལྭ་དང་འདྲ་བ། དགེ་སྦྱོང་མ་ཡིན་པར་དགེ་སྦྱོང་དུ་ཁས་འཆེ་བ།ཚངས་པར་སྤྱོད་པ་མ་ཡིན་པར་ཚངས་པར་སྤྱོད་པར་ཁས་འཆེ་བ། ཉོན་མོངས་པ་རྣམ་པ་སྣ་ཚོགས་ལས་ཕམ་པ། ཞིག་པ། ཁས་བུབ་པ་དེ་ལྟ་བུའི་ཚུལ་ཁྲིམས་ཉམས་པའི་དགེ་སློང་ངན་པ་ཡང་ལྷ་དང་། ཀླུ་དང་། གནོད་སྦྱིན་དང་།…

རྣམ་པར་རྒྱལ་བའི་དུས་གཏམ་ལྷའི་རྔ་སྒྲ།勝利道歌——天鼓妙音The Sound of the Divine Drum: Advice at a Time of Victoryསྙིང་འདབ་བརྒྱད་པདྨའི་ཟེའུ་འབྲུ་ལ། ། མགོན་རྒྱལ་ཀུན་ཡེ་ཤེས་གཅིག་འདུས་སྐུ། །怙主諸佛智慧身，文殊室利童子尊，nying dab gyé pemé zeudru la gön gyal kun yeshé chik dü kuEver-youthful and glorious Mañjuśrī, Embodiment of all the victorious buddhas’ wisdom,རྗེ་འཇམ་དཔལ་གཞོན་ནུ་རྟག་བཞུགས་ནས། ། གཏམ་སྨྲས་ཚད་འགྲོ་ལ་སྨན་པར་མཛོད། །恆住八瓣蓮蕊心，所言願利諸有情。jé…

རང་ལུས་འདི་སྐུ་གསུམ་ཞིང་ཁམས།།རང་རིག་འདི་སྟོང་གསལ་པད་འབྱུང་།།རང་བབ་འདི་བརྒྱུད་གསུམ་དགོངས་པ།།རང་གྲོལ་གྱི་གནད་འདི་ངོ་མཚར།།བཟའ་བ་རྣམས་དམ་རྫས་མྱོང་གྲོལ།།བཏུང་བ་འདི་བདུད་རྩི་ཀུན་སྨན།།གོས་རྒྱན་འདི་ལོངས་སྤྱོད་ཆ་ལུགས།།ཕྱི་ནང་འདི་ཡུམ་ལྔའི་ཞིང་ཁམས།།ནང་བཅུད་འདི་དཔའ་བོ་མཁའ་འགྲོ།།རྟོག་ཚོགས་འདི་ཞི་རྒྱས་དབང་དྲག།ལྷ་འདྲེ་ཀུན་གཉིས་མེད་སྤྲུལ་སྐུ།།སྒྲ་གྲགས་ཀུན་མི་ཤིག་རབ་སྙན།།འདི་བྱ་དང་འདི་བྱེདནི་བྲལ་བ།།གུ་ཡང་རིག་སྟོང་ནི་རྗེན་པ།།མཐའ་བྲལ་རྒྱུན་ཆད་ནི་མི་འདུག།གང་དྲན་མཁྱེན་སྤྲུལ་པས་སྨྲས་ཐལ།།

ཧོར་འདུལ་པར་རིས་ལྟས་ནས་གྲོང་ཚིག་འབྲི། ཆང་ཕོར་ནས། མི་འདོད་བཙན་པོས་དཔུང་གིས་ཁྲིད་པའི་གླིང་དཀར་ན་ཆུང་འབྲུག་མོ་དེས།།ཉིན་མཚན་ཀུན་ལ་འཁྲེངས་སེམས་དམར་པོས་གེ་སར་ཡིད་ལ་སྒོམ་སྒོམ་ནས།།མིག་ཆུས་བྲིས་པའི་རྒྱང་འབོད་རིང་མོ་ཁྲུང་ཁྲུང་དཀར་མོ་སྤུན་གསུམ་སྐུར།།བྱང་ཡུལ་འཁྱམས་པའི་ཕོ་གསར་དེ་ལ་མྱུར་མྱུར་ཆས་པའི་འབོད་པ་སླེབས།། ལྷ་དང་མི་ཡི་ཐུགས་བརྒྱུད་སྐུར་བས་སེང་ཆེན་ཆོས་ཉིད་ཀློང་ནས་བཞེངས།།གཞིས་བཞུགས་གླིང་ལ་བཀའ་ཆབ་གནང་ནས་ཧོར་སེར་འདུལ་བའི་ལམ་དུ་ཆས།།ཐབ་དང་དཔུང་བས་སྒོ་སྲུང་བཅུ་གཉིས་མིང་མེད་ཐལ་བ་རླུང་ལ་ཕྱར།།ཞལ་དཀར་ཁྲ་ཡི་ལུས་དང་འཕྲད་ནས་ཤི་གསོན་བར་གྱི་གཏམ་གླེང་མཚར།། འཛོམ་པ་སྤུན་གསུམ་འཇང་གི་མོ་མ་ཧོར་ཆུ་ཁ་ཡི་བན་གོག་སོགས།།ངོ་མཚར་སྤྲུལ་བས་ཧོར་ཡུལ་གཡོས་ནས་དམུ་གབ་ནག་པོས་ཞྭ་མོས་གཡོག།ཐང་ཆེན་པདྨའི་སྒར་ཤུལ་དེ་ནས་ཐང་རྙེད་མགར་བའི་བུ་དོད་དེས།།ཤེད་ཆེན་འཆང་ལྷ་བླ་སྟག་དང་བཅས་མལ་ཉལ་རྨི་ལམ་བཞིན་དུ་བཅོམ།། གླིང་དམགས་འབོད་དུ་རྐྱང་རྒོད་གཏོང་བས་ཁྲ་མོ་དཔུང་གིས་རུ་དར་ངོམ།།རྒྱ་ཚ་ཕ་བུ་ལམ་ནས་མཇལ་བས་དགའ་སྐྱོ་སྟོང་གིས་ལེའུ་གཤམ།།ཧོར་གླིང་གཡུལ་གྱི་རྔ་ཆེན་རྡུང་བས་གུར་དཀར་སྙིང་ཤ་ཆུ་ལས་གྲངས།།ག་དར་ཕྱིང་སྔོན་ངར་བའི་ལམ་འབྲོག་ནག་དཔའ་བོ་ཐང་ལ་ཕབ།། ཡར་རྩེ་མཁར་ལ་ལྕག་ཐག་རྒྱང་ནས་ཧོར་ལྷ་ཁཱ་ཏ་ཚོགས་བཅས་འདུལ།།གུར་དཀར་གཉན་བསད་ཐེངས་དགུ་བྱས་ནས་སྐྱ་ཁྲ་དག་པའི་ཞིང་ལ་སྐྱེལ།།རུ་ཐང་བཅུ་གཉིས་གཤིས་ལ་ཕབ་པས་ཧོར་སེར་སྟོང་བའི་འཇག་སྐྱ་ཕྱུར།།སྟོབ་ཆེན་བྲག་ལ་རྒྱང་ཤིང་རྒྱབ་ནས་ཤན་རྒོད་དམར་པོ་ཁྱི་ལྟར་ཁྲིད།། འབྲུག་མོས་རེ་སྒུག་མངོན་འགྱུར་བྱུང་བས་ཕ་གཞིས་གླིང་དཀར་ལྷ་མི་མཇལ།།ཧོར་འདུལ་དཔའ་བོས་དགའ་སྟོན་དང་བཅས་མཐོང་སྨོན་གླིང་ལ་ཆིབ་ཁ་རྒྱུར།།གཞི་བྱེས་དགྱེས་འཛོམ་ཇ་ཆང་གཏམ་གླེང་སྲིད་པའི་བར་དུ་མི་མཛད་པའི།།ཧོར་འདུལ་སྟག་མོས་ངར་སྒྲ་དེ་ཡང་་ཞི་བའི་ནགས་སུ་མངོན་པར་མཛེས།།