བླ་སློབ་གྲྭ་སྤྱོད་ཚང་མ་རང་གིས་བྱས།།ཨེ་མ་ཧོ།།ཐེ་ཝན་རིས་མེད་གཏེར་གསར་ཚོགས་ཁང་དུ།།འགྲོ་དོན་ཕྱོགས་མེད་སྐྱོང་བའི་སྨྱོན་པ་ངས།།རིག་རྩལ་དབང་དང་གེ་སར་རྗེས་གནང་ལ།།དད་གུས་དམ་ཚིག་ཅན་དག་སྤྲིན་བཞིན་འདུ།།ཨེ་མ་ཤེས་རབ་རིག་པའི་བློ་སྒོ་ཕྱེས།།མ་ལུས་འགྲོ་བར་ཕན་བདེའི་རིན་པོ་ཆེ།།ཨ་ཧོ་འཁོར་འདས་དེད་དཔོན་ཁྱེད་མིན་སུ།།འཇམ་དཔལ་དགྱེས་པའི་མཁྱེན་རབ་མངའ་དབང་འབྱོར།།གསང་ཆེན་རྡོ་རྗེ་ཐེག་པའི་ཀུན་ཏུ་བཟང་།།ཡང་གསང་རྫོགས་ཆེན་རྟོགས་པའི་རྣལ་འབྱོར་བ།།རྨི་ལམ་དབང་ཕྱུག་ལམ་ཡག་རྟེན་འབྲེལ་བཟང་།། ཤྲཱིས་སོ།།

བཀྲ་ཤིས་བརྒྱད་པའི་དོན་བཤད།ན་མོ་ཨཱརྱ་མཉྫུ་ཤྲཱི་ཡེ།ལགས། ཕྲན་དེང་སང་ན་རྒྱུ་འདིས་སྔར་དང་མི་འདྲ་བྲི་རྒྱུ་སོགས་མི་ནུས་པས། བཀྲ་ཤིས་བརྒྱད་པའི་ཕན་ཡོན་སོགས་རྒྱ་ཆེར་འབྲི་བར་རྔོ་མ་ཐོགས་པ་ལ་དགོངས་ཚོམ་མི་མངའ་བར་ཞུ་ཞིང་། མདོར་བསྡུས་ན། འཕགས་པ་བཀྲ་ཤིས་བརྒྱད་པ་ཞེས་བྱ་བའི་མདོ་ལས། ལི་ཙྪ་བཱིའི་བུ་རབ་རྩལ་གྱིས་བཅོམ་ལྡན་འདས་ལ་ཞུས་པ། སངས་རྒྱས་གང་ལ་ལ་སྔོན་གྱི་སྨོན་ལམ་ཕུན་སུམ་ཚོགས་པ་དག་བཞུགས་པ་མཚན་ཐོས་ན། མི་དང་མི་མིན་གྱི་འཇིགས་པ་དང་འཚེ་བ་མེད་པ་དང་། གང་གིས་ཀྱང་སྨྲ་བ་ལ་མི་བཟློག་ཅིང་ཟིལ་གྱིས་མི་ནོན་པ་དང་། མཚན་འཛིན་པ་དེ་གཉིད་ལོག་པ་ནའང་སྡིག་པའི་རྨི་ལམ་མི་རྨིས་པ་དང་། གཡུལ་དུ་ལུས་ལ་མཚོན་གྱིས་མི་ཕོག་པ་དང་། དེ་ལས་བདེ་བར་ཐར་བར་འགྱུར་བ་བསྟན་དུ་གསོལ་ཞེས་ཞུས་པ། ཤར་ཕྱོགས་འཇིག་རྟེན་གྱི་ཁམས་གྲགས་ལྡན་ཞེས་བྱ་བ་ལ་སོགས་པ་ན་བཞུགས་པའི་སངས་རྒྱས་བརྒྱད་པོ་འདི་དག་གི་མཚན་བཀའ་སྩལ་ཏེ། སོ་སོར་འདོད་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྒྲོན་མེའི་རྒྱལ་པོ་ལ་ཕྱག་འཚལ་ལོ་མཆོད་དོ་སྐྱབས་སུ་མཆིའོ། །ཞེས་སོགས་སུ་ཤེས་པར་བྱ་ལ། འདིར་ནི་ཚིགས་བཅད་དུ་བསྡེབས་པའི་ཁྱད་ཙམ་མོ། །མདོ་དེ་ལས། སངས་རྒྱས་དེ་དག་གི་མཚན་ལེགས་པར་བཟུང་ཞིང་ཀུན་ཆུབ་པར་བྱས་ན་ཡོན་ཏན་བསམ་གྱིས་མི་ཁྱབ་པ་དང་ལྡན་ལ། སངས་རྒྱས་དེ་དག་གི་ཞིང་ནི་སྙིགས་མ་ལྔ་དང་བྲལ་བ་ཡིན་ཏེ། སངས་རྒྱས་འདི་དག་སྔོན་གྱི་སྨོན་ལམ་དང་ལྡན་པ་ཡིན་པའི་ཕྱིར། སྲོད་ལ་ཉལ་བ་དང་ལྡང་བ་ན་ཡང་བསམ་པར་བྱ། འཇིག་རྟེན་གྱི་བྱ་བ་གང་ཅི་ཡང་རུང་བ་བརྩམ་པ་ན་ཡང་མཚན་འདི་དག་བསམ་ལ་དེའི་འོག་ཏུ་བརྩམ་ན། དེར་ཡང་ཁྱེད་ལ་འཕེལ་བ་ཉིད་དུ་འགྱུར་གྱི་འགྲིབ་པ་ནི་མ་ཡིན་པར་ཤེས་པར་བྱ་སྟེ། བཀྲ་ཤིས་བརྒྱད་པའི་ཆོས་ཀྱི་རྣམ་གྲངས་འདི་བརྗོད་པས་ལྷ་རྣམས་ལྷ་མིན་གྱི་གཡུལ་ལས་རྒྱལ་བར་འགྱུར་ཏེ། མཚན་འདི་དག་བརྗོད་པ་ནི། བདེ་ཞིང་འཇིགས་པ་མེད་པ་དང་། ཀུན་ནས་ལྡང་བ་མེད་པ་དང་། ཡང་དག་པའི་མཚན་ཀུན་ནས།ཡོངས་སུ་བརྗོད་པ་ཡིན་པའི་ཕྱིར་རོ། །དེ་བཞིན་དུ་གཡུལ་ལས་འདས་པ་དང་། ཟིལ་གྱིས་མི་གནོན་པ་དང་། ཞི་བ་དང་། ཡོངས་སུ་གདུང་བ་མེད་པ་དང་། འཇིགས་པ་མེད་པར་ཡོངས་སུ་བརྗོད་པ་ཡིན་པའི་ཕྱིར་རོ། །ཞེས་གསུངས་སོ། །སྤྱིར་བསྐལ་པ་བསམ་གྱིས་མི་ཁྱབ་པར་རང་སངས་རྒྱས་མང་པོ་ལ་གནས་དང་ཡོ་བྱད་ཐམས་ཅད་དང་། ལྷ་ཡི་ཟས་ལྟ་བུའི་ཞལ་ཟས་སྦྱིན་པ་ལ་སངས་རྒྱས་ཞེས་པའི་སྒྲ་ཐོས་པ་ཙམ་ཕན་ཡོན་ཆེ་བར་གསུངས་ན། གུས་པས་མཚན་བརྗོད་པ་དང་། ཕྱག་འཚལ་བ་དང་། སྐུ་གཟུགས་བྱེད་པ་དང་།…

ཀུན་བཟང་མཆོད་རྟེན་ལ་སྨོན་ཚིག་ཀུན་དགའ་དོན་གྲུབ།ཨེ་མ་ཧོ།།ཀུན་བཟང་གདོད་མའི་མགོན་དང་རྒྱལ་སྲས་བཅས།།མཆོད་རྟེན་རྣམ་པར་རྒྱལ་བའི་རྟེན་འབྲེལ་ལ།།སྨོན་ལམ་ཚིག་གིས་བདེན་དོན་རིན་པོ་ཆེ།།ཀུན་དགའ་དོན་གྲུབ་བཀྲ་ཤིས་བདེ་ལེགས་ཤོག།ཅེས་རབ་གནས་གྲོ་བཞིན་ཟླ་བའི་དགའ་བ་གཉིས་པར་མཆོད་རྟེན་སྐོར་ལ་༧སྐྱབས་རྗེ་དམ་པ་སྒོ་ཆེན་གནམ་ལྕགས་གླིང་པ་ལས་ངོས་ནས་མ་རྟེན་སློབ་བརྩོན་བྱས་པ་ལས་ཐོག་མའི་ཀུན་བཟང་མཆོད་རྟེན་འདི་ཐེ་ཝན་ཀུན་བཟང་དུར་ཁྲོད་དུ་གསར་བཞེངས་སྐབས་སུ་ཤྲཱིས་གསོལ་བ་འདེབས་པར་དགེའོ།། །།

དེ་རིང་ཀུན་བཟང་མཆོད་རྟེན་ལ་གཟུངས་འཇུག་དང་དྲི་མེད་རྣམ་གཉིས་ཆོ་གས་སྒྲུབ་པར་བྱས། སྐལ་བ་བཟང་པོ་བྱུང་། དྲིན་ཆེན་ཨ་མ་དང་བླ་མ་དྲན་ནས་རྒྱལ་ལ་ཁད་དུ་སོང་། སང་ཉིན་ཞི་ཁྲོ་དང་རི་བོ་བསངས་མཆོད་བཅས་འཆར་ཡོད། གང་ལྟར་མི་རྟག་ཅེས་པ་འདི་དག་ཅི་འདྲའི་གསང་བ་ཟབ་མོ་ལའང་། མུ་འཐུད་ནས་ཨེ་ཝཾ་སྨོན་ལམ་ཆེན་མོ་ལ་བརྩོན་པ་དང་། འགྲོ་ཀུན་སངས་རྒྱས་ཐོབ་པའི་སྨོན་ལམ་རྒྱ་ཆེར་བྱས། དེང་སྐབས་ངོས་ནས་གངས་ཅན་བོད་དུ་འགྲོ་བའི་གོ་སྐབས་དབེན་ཀྱང་དབྲ་སྲས་ཉག་རོང་མཆོག་སྤྲུལ་བསོད་ནམས་རྒྱ་མཚོས་གསར་དུ་འཛུགས་བསྐྲུན་པའི་ཐེ་ཝན་བསམ་ཡས་དགོན་དུ་ཉིན་བཞི་རིང་ལ་རང་གི་སློབ་ཕྲུག་བདུན་དང་རང་བཅས་རྩ་གསུམ་ཆོས་སྐྱོང་ལ་མཚམས་སྒྲུབ་ལ་འདུག་འཆར་རོ།། 

རིག་པ་ཀུན་ཏུ་བཟང་ལ་ཕྱག་འཚལ་ལོ།ཨེ་མ་ཧོ།འཁོར་འདས་ངོ་བོ་རང་གི་སེམས་སུ་གནས།།སྣོད་བཅུད་རང་བཞིན་རང་གི་རྨི་ལམ་གར།།དོན་དམ་ཐུགས་རྗེ་རང་བྱུང་ཟང་ཐལ་དཔལ།།དགྱེས་པ་རྡོ་རྗེ་སངས་རྒྱས་ཡེ་ཤེས་ལགས།།སངས་རྒྱས་ཀུན་འདུས་ངོར་ཤྲཱིས་སོ།།

སྐྱབས་སྡོམ་ཀུན་འདུས་ཀྱི་ཆོ་ག་ནོར་བུའི་བུམ་བཟང་།དང་པོ་སྐྱབས་འགྲོ་ནི།ན་མོཿདཀོན་མཆོག་གསུམལ་སྐྱབས་སུ་མཆི།།ཁམས་གསུམ་སྒྲོལ་བར་སེམས་བསྐྱེད་ནས།།སྐུ་གསུམ་རྒྱལ་བའི་དེ་བཞིན་ཉིད།།སྒོ་གསུམ་དག་རྫོགས་སྨིན་པར་བྱ།།བླ་མ་ཀུན་འདུས་པདྨ་འབྱུང་གནས་མཁྱེན།།ཡི་དམ་ཀུན་འདུས་ཀུན་བཟང་རྡོ་རྗེ་འཆང་།།མཁའ་འགྲོ་ཀུན་འདུས་རྗེ་བཙུན་སྒྲོལ་མ་དང་།།ཆོས་སྐྱོང་ཀུན་འདུས་གེ་སར་རྒྱལ་པོར་འདུད།།ལན་གསུམ། ཚོགས་བསགས་ཡན་ལག་བདུན།བླ་མ་པདྨ་འབྱུང་གནས་ལ་ཕྱག་འཚལ།།བདག་ལུས་ལོངས་སྤྱོད་དགེ་རྩ་མཆོད་པར་འབུལ།།དུས་གསུམ་བགྱིས་པའི་སྡིག་ལྟུང་མཐོལ་ཞིང་བཤགས།།འཁོར་འདས་དགེ་རྩ་ཀུན་ལ་ཡི་རང་ངོ་།།མདོ་སྔགས་ཟབ་རྒྱས་ཆོས་ཆར་དབབ་ཏུ་གསོལ།།རྒྱལ་ཀུན་མྱ་ངན་མི་འདའ་ཞབས་བརྟན་བཞུགས།།དགེ་ཚོགས་མ་ལུས་འགྲོ་ལ་སྨན་པ་དང་།།ཀུན་ཀྱང་ཀུན་ཏུ་བཟང་དང་དབྱེར་མེད་ཤོག།ལན་གསུམ།ཨོཾ་ཨཱཿཧཱུཾ་ཧྲཱིཿའགྱུར་མེད་སྐུ་ལ་མཚན་དཔེས་བཀྲ་ཤིས་ཤིང་།།འགག་མེད་གསུང་ལ་ཟབ་རྒྱས་བདེ་ལེགས་འཇོ།།གཡོ་མེད་ཐུགས་རྗེ་ཨེ་ཝཾ་ཕུན་སུམ་ཚོགས།།མཚུངས་མེད་ཡོན་ཏན་ཕྲིན་ལས་མཐར་ཕྱིན་ཤོག།ཅེས་རབ་གནས་གྲོ་བཞིན་ཟླ་བའི་དབང་ཕྱོགས་དགའ་བ་དང་པོར་སྐྱབས་འགྲོའི་སྡོམ་པ་ཞུ་འཁན་བརྒྱ་ཕྲག་བྱུང་བའི་ངོར་ཤྲཱིཿཨེ་མ་ཧོས་ཨེ་ཝཾ་ཌཱ་ཀི་ནིའི་གླིང་དུ་བྲིས་པར་དགེའོ།། །།