ཨེ་ཝཾ་སྨོན་ལམ་ཕྱོགས་ཀུན་རྣམ་པར་རྒྱལ་བའི་རྔ་སྒྲ། གདོད་མའི་མགོན་པོ་ཆོས་སྐུ་ཀུན་བཟང་དང་།།བསྐལ་བཟང་སངས་རྒྱས་སྟོང་རྩ་ལ་སོགས་པ།།བསྟན་པའི་སྲོག་འཛིན་དཔལ་དགྱེས་རྡོ་རྗེ་ཡིས།།ཐུགས་བསྐྱེད་སྣང་བའི་ཨེ་ཝཾ་སྨོན་ལམ་རྒྱལ།། སངས་རྒྱས་གཉིས་པ་ཨོ་རྒྱན་པདྨ་དང་།།རྒྱ་བོད་རིག་འཛིན་མཁས་གྲུབ་བྱེ་བ་སོགས།།མཁན་ཆེན་བླ་མས་བདེན་སྨོན་བསླུ་མེད་ཀྱིས།།ཨེ་ཝཾ་སྨོན་ལམ་ཕྱོགས་ཀུན་རྣམ་པར་རྒྱལ།། སྐྱབས་གནས་མཆོག་གསུམ་རྒྱལ་བ་རྒྱ་མཚོ་དང་།།རྩ་གསུམ་བསྲུང་མས་གདོང་གྲོགས་མཐུན་འགྱུར་སོགས།།འཇིགས་མེད་རིག་པའི་སེང་ཆེན་བདེན་སྟོབས་ཀྱིས།།ཨེ་ཝཾ་སྨོན་ལམ་འཛམ་གླིང་ཕྱོགས་ཁྱབ་ཤོག། ཨེ་ཝཾ་སྨོན་ལམ་ཕྱོགས་ཀུན་རྣམ་པར་རྒྱལ་བའི་རྔ་སྒྲ་འདི་ནི་མཁའ་འགྲོ་རིག་འཛིན་དབྱངས་ཅན་ལྷ་མོ་མཆོག་གིས་བཀའ་བསྐུལ་དང་གསུམ་ལྡན་བླ་མ་རིན་པོ་ཆེའི་ཐུགས་བཞེད་ཡོངས་སུ་འགྲུབ་པའི་བདེན་སྨོན་དུ་གཙང་གྲུབ་སྨྱོན་པས་ཉེར་ལྔ་མཁའ་འགྲོའི་དུས་ཆེན་གྱི་ཐོ་རེངས་ལ་་རྫ་དཔལ་དགེའི་རྡོ་རིང་མདུན་དུ་ཤར་བྲིས་བགྱིས།

དྲན་སྣང་གི་རི་མོ།ཨེ་མ་ཧོ།ཕྱོགས་དུས་རྒྱལ་ཀུན་ངོ་བོ་ཀུན་ཏུ་བཟང་།།མཁྱེན་བརྩེའི་ཡེ་ཤེས་རང་བཞིན་རྡོ་རྗེ་འཆང་།།འགྲོ་ཀུན་མ་ལུས་འདྲེན་པའི་ཐུགས་རྗེ་ཅན།།ཆོས་རྗེ་ཡིད་བཞིན་ནོར་བུ་གསོལ་བ་འདེབས།།བསྟན་འགྲོའི་དོན་ཆེན་བདེ་མྱུར་ལྷུན་གྲུབ་ཤོག།ཐེ་ཝན་བསམ་ཡས་དགོན་ནས་ཤྲཱིས་སོ།།

དྲན་སྣང་གི་རི་མོ།ཨེ་མ་ཧོ།ཕྱོགས་དུས་རྒྱལ་ཀུན་ངོ་བོ་ཀུན་ཏུ་བཟང་།།མཁྱེན་བརྩེའི་ཡེ་ཤེས་རང་བཞིན་རྡོ་རྗེ་འཆང་།།འགྲོ་ཀུན་མ་ལུས་འདྲེན་པའི་ཐུགས་རྗེ་ཅན།།ཆོས་རྗེ་ཡིད་བཞིན་ནོར་བུ་གསོལ་བ་འདེབས།།བསྟན་འགྲོའི་དོན་ཆེན་བདེ་མྱུར་ལྷུན་གྲུབ་ཤོག།ཤྲཱིས་སོ།།

སིདྡྷིའི་ཕན་ཡོན།སློབ་དཔོན་ཆེན་པོས་བཀའ་སྩལ་བཿ འོ་རིགས་ཀྱི་བུ་མོ་ཿབཛྲ་གུ་རུ་ཞེས་པ་ནིཿ ང་གཅིག་པུའི་སྙིང་པོ་མ་ཡིན་ཏེཿ ཡི་དམ་རྒྱུད་སྡེ་བཞི་དང་ཿ ཐེག་པ་རིམ་དགུ་དང་ཿ ཆོས་ཀྱི་ཕུང་པོ་བརྒྱད་ཁྲི་བཞི་སྟོང་ལ་སོགས་པའི་སྲོག་སྙིང་ཿ དུས་གསུམ་སངས་རྒྱས་ཐམས་ཅད་དང་ཿ བླ་མ་ཡི་དམ་མཁའ་འགྲོ་ཆོས་སྐྱོང་ལ་སོགས་པའི་སྙིང་པོ་འདི་ལ་ཚང་བའོཿ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃཿ ཨོྃ་ཨཱཿཧཱུྃ་གིས་དུག་གསུམ་ལས་གྱུར་སྒྲིབ་པ་འདགཿ བཛྲ་ཞེ་སྡང་ལས་གྱུར་སྒྲིབ་པ་འདགཿ གུ་རུས་ང་རྒྱལ་ལས་གྱུར་སྒྲིབ་པ་འདགཿ པདྨས་འདོད་ཆགས་ལས་གྱུར་སྒྲིབ་པ་འདགཿ སིདྡྷིས་ཕྲག་དོག་ལས་གྱུར་སྒྲིབ་པ་འདགཿ ཧཱུྃ་གིས་ཉོན་མོངས་ལས་གྱུར་སྒྲིབ་པ་འདགཿ ཨོྃ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱྃཿ བཛྲ་གུ་རུ་ལན་གཅིག་བརྗོད་པ་ཡིཿ དེ་ལ་གཟུགས་མཆིས་འཛམ་གླིང་སྣོད་དུ་ཆུང་ཿ འདི་ཉིད་མཐོང་ཐོས་དྲན་པའི་སེམས་ཅན་ཀུནཿ རིག་འཛིན་ཕོ་མོའི་གྲལ་ལ་འཁོད་པར་ངེསཿ བསླུ་མེད་བཛྲ་གུ་རུའི་བདེན་ཚིག་ལཿ གང་འདོད་བཀའ་བཞིན་འགྲུབ་པར་མ་གྱུར་ནཿ པདྨ་ང་ཡིས་སེམས་ཅན་བསླུ་བ་ཨང་ཿ མི་བསླུ་ངེས་པས་བཀའ་བཞིན་བསྒྲུབ་པར་གྱིསཿ བཟླས་པ་མི་ནུབ་རྒྱལ་མཚན་རྩེ་ལ་ཕྱོརཿ རླུང་ཕོག་སེམས་ཅན་གྲོལ་བར་ཐེ་ཚོམ་མེདཿ ཡང་ན་ས་ཤིང་རྡོ་ཡི་ལོགས་སུ་བྲིཿ རབ་གནས་བྱས་ནས་ལམ་ལ་བཀྲམ་ན་ཡང་ཿ མཐོང་བ་ཙམ་གྱིས་ནད་གདོན་སྒྲིབ་པ་འདགཿ ས་དེར་གནས་པའི་འདྲེ་སྲིན་རྒྱུ་ལམ་ཆོདཿ མཐིང་ཤོག་དག་ལ་གསེར་གྱི་བྲིས་ལ་འདོགསཿ གདོན་བགེགས་འབྱུང་པོས་གནོད་པ་བྱེད་མི་ནུསཿ ཤི་ནས་རོ་དང་མ་བྲལ་བསྲེགས་ན་ནིཿ འཇའ་ཚོན་འཁྱུག་ཅིང་བདེ་ཆེན་འཕོ་བར་ངེསཿ འབྲི་ཀློག་འདོན་པའི་ཡོན་ཏན་ཚད་ལས་འདསཿ མ་འོངས་སེམས་ཅན་དོན་དུ་བཀོད་དེ་སྦསཿ སྐལ་ལྡན་ལས་ཅན་བུ་དང་འཕྲད་པར་ཤོགཿ ས་མ་ཡཿ རྒྱ་རྒྱ་རྒྱཿ ལོག་ལྟ་ཅན་ལ་གསང་རྒྱ་རྒྱ་རྒྱཿ…

བླ་སློབ་གྲྭ་སྤྱོད་ཚང་མ་རང་གིས་བྱས།།ཨེ་མ་ཧོ།།ཐེ་ཝན་རིས་མེད་གཏེར་གསར་ཚོགས་ཁང་དུ།།འགྲོ་དོན་ཕྱོགས་མེད་སྐྱོང་བའི་སྨྱོན་པ་ངས།།རིག་རྩལ་དབང་དང་གེ་སར་རྗེས་གནང་ལ།།དད་གུས་དམ་ཚིག་ཅན་དག་སྤྲིན་བཞིན་འདུ།།ཨེ་མ་ཤེས་རབ་རིག་པའི་བློ་སྒོ་ཕྱེས།།མ་ལུས་འགྲོ་བར་ཕན་བདེའི་རིན་པོ་ཆེ།།ཨ་ཧོ་འཁོར་འདས་དེད་དཔོན་ཁྱེད་མིན་སུ།།འཇམ་དཔལ་དགྱེས་པའི་མཁྱེན་རབ་མངའ་དབང་འབྱོར།།གསང་ཆེན་རྡོ་རྗེ་ཐེག་པའི་ཀུན་ཏུ་བཟང་།།ཡང་གསང་རྫོགས་ཆེན་རྟོགས་པའི་རྣལ་འབྱོར་བ།།རྨི་ལམ་དབང་ཕྱུག་ལམ་ཡག་རྟེན་འབྲེལ་བཟང་།། ཤྲཱིས་སོ།།