October 2019

Taiwan 2019

ཟླ་བ་གཅིག་ལྷག་ཏུ་ཤར་ཕྱོགས་སེངྒྷ་གླིང་དང་ཐེ་ཝན་དང་མཱ་ལེ་ཤ་ཡ་རུ་སྙིང་ཉེ་བའི་ཆོས་མཆེད་ཚོ་ལ་མཇལ་འཕྲད་དང་ཆོས་དང་འཇིག་རྟེན་ཕྱོགས་ནས་ཕྲིན་ལས་དང་རྟེན་འབྲེལ་དང་སྐལ་བ་བཟང་པོ་བྱུང་། མཁས་དབང་དམ་པ་སློབ་དཔོན་ཆེན་པོ་སྣ་ཚོགས་གཟུགས་ཅན་གྱིས་ཀློང་ཆེན་སྙིང་ཐིག་གོང་གི་སྐུ་ཙཀ་དང་དཀྱིལ་འཁོར་ཆ་ཚང་དང་། ཆོས་རྗེ་དམ་པ་ཡིད་བཞིན་ནོར་བུའི་གསང་གསུམ་གྱི་གཟི་བྱིན་འབར་བའི་སྤྲུལ་སྐུ་བསོད་ནམས་རྒྱ་མཚོ་རིན་པོ་ཆེས་ཚེ་དཔག་མེད་པའི་སྐུ་ཚད་མཐོའི་རིན་ཐང་ལྡན་པ་དང་། སྦས་ཡུལ་པདྨ་བཀོད་པའི་མཁན་ཆེན་ཚེ་རིང་རྡོ་རྗེས་བེེ་རོ་ཙ་ནས་ཕྱག་བཟོ་རྡོ་རྗེ་ཕུར་བ་ཙནྡན་ལས་གྲུབ་ཕུར་བུ་མདའ་གོང་མ་དང་། དྷཱརྨཱ་ཏཱ་རས་གེ་སར་གོས་སྐུ་ཆེན་མོ་དང་ཛམ་ལྷའི་གཡང་དར་མདའ་མགོ་གནམ་ལྕགས་ལས་བཟོས་པ་ཐང་རྒྱལ་རྣམ་ཐར་དང་། སྨྱུག་མ་ཚིག་གསུམ་བལ་དང་རྒོད་སྒྲོ་དག་མ་བོད་དང་། དར་ཚོན་སྣ་ལྔ་རྒྱ་གར་བཟོས་པའི་དངོས་ཆས་དང་སྐུ་གསུང་ཐུགས་རྟེན་གནང་བ་དང་། ཁྱད་པར་དམ་ཆོས་སྒྲོལ་མ་མ་བུས་རྣམ་རྒྱལ་མཆོད་རྟེན་གྱི་བླུག་དཔེ་སོགས་སོ་སོའི་གང་གཅེས་གང་དམར་གནང་སྦྱིན་དང་། སྐྱིད་སྡུག་གི་ནང་ཚེགས་གསུང་མཆིད་མི་ཚེ་ལ་སྙིང་པོ་དང་མྱུར་བདེའི་བསྟན་འགྲོ་སྨན་པའི་བྱ་བ་ཀུན་བཟང་བྱུང་ནས་སེང་ཆེན་ཨེ་ཝཾ་སྐུ་གསུམ་ཕོ་བྲང་དུ་བདེ་བར་མཆིས་སོ།།

Leave a Reply

Your email address will not be published.