ཆོས་འབྱུང་།རང་སྡེའི་རིགས་ལ་ཞེན་པ་དཀར་པོའི་མདངས།།རང་བྱུང་སྙིང་གི་དབུས་ན་གནས་པ་འདིས།།རང་ཡུལ་ཁ་བ་ཅན་གྱི་རྗེ་འབངས་ལ།།རང་གི་ནུས་པས་སྲི་ཞུ་ཅུང་ཟད་སྒྲུབ།། རྡོ་ཚེ་ནསཀློང་ཆེན་སྙིང་ཐིག་གི་བརྒྱུད་པའི་ལོ་རྒྱུས།དེ་ཡང་ཀློང་ཆེན་སྙིང་ཐིག་ནི་བོད་བརྒྱུད་ནང་བསྟན་གྱི་རྫོགས་པ་ཆེན་པོའི་མན་ངག་བརྒྱུད་པའི་ནང་གསེས་ཤིག་ཡིན། དེ་ཡང་ཐོག་མར་ཨོ་རྒྱན་གྱི་སློབ་དཔོན་དགའ་རབ་རྡོ་རྗེས་རྫོགས་ཆེན་གྱི་རྒྱུད་སྡེ་ཐམས་ཅད་རྒྱུད་འབུམ་ཕྲག་དྲུག་ཅུ་རྩ་བཞི་ཞེས་པའི་དབྱེ་བསྡུ་མཛད། དེའི་སློབ་མ་སློབ་དཔོན་འཇམ་དཔལ་བཤེས་གཉེན་གྱིས་རྫོགས་ཆེན་གྱི་རྒྱུད་སྡེ་དེ་དག་གི་བརྗོད་བྱའི་མན་ངག་གཏན་ལ་འབེབས་སྟངས་ཀྱི་ཁྱད་པར་ལས་ཕྱི་སེམས་སྡེ། ནང་ཀློང་སྡེ། གསང་བ་མན་ངག་གི་སྡེ་ཞེས་དབྱེ། ༡ སེམས་སྡེ།སེམས་སྡེ་བོད་དུ་འགྱུར་བ་ལ་སེམས་སྡེ་མ་བུ་མཅོ་བརྒྱད་དུ་གྲགས་པ་འདི་རྣམས་ཡིན། དེ་ཡང་བེ་རོ་ཙཱ་ནས་བསྒྱུར་བ་ལྔ་ལ་སྔ་འགྱུར་ལྔ་དང་། གཡུ་སྒྲ་སྙིང་པོས་བསྒྱུར་བ་བཅུ་གསུམ་ལ་ཕྱི་འགྱུར་བཅུ་གསུམ་ཞེས་འདོགས། ཀུན་བྱེད་རྒྱལ་པོ་སོགས་སེམས་ཕྱོགས་ཀྱི་རྒྱུད་སྡེ་ཆེན་པོ་གསུམ་བསྣན་པས་སེམས་སྡེ་ཉེར་གཅིག་དུ་གྲགས།༢ ཀློང་སྡེ།ཀློང་སྡེ་ནི་བརྗོད་བྱའི་དབྱེ་བ་ལས་ཀློང་དགུ་དང་གྲངས་ཚད་ཀྱི་ཆ་ནས་བམ་པོ་ཉི་ཁྲི་སོགས་སུ་བསྡུ། སློབ་དཔོན་ཆེན་པོ་ཤྲི་སེང་ཧས་བེ་རོ་ཙཱ་ན་ལ་གནང་ཞིང་བེ་རོ་ཙཱ་ནས་སྤང་སངས་རྒྱས་མགོན་པོ་ལ་གནང་། དེ་ཡང་བེ་རོ་ཙ་ན་ལས་བརྒྱུད་པའི་ཁྲིད་ཡིག་ནི་ཀློང་སྡེ་རྡོ་རྗེ་ཟམ་པ་ཞེས་པ་དེ་ཡིན།༣ མན་ངག་སྡེ།མན་ངག་སྡེ་ནི་འཇམ་དཔལ་བཤེས་གཉེན་གྱི་སློབ་མ་སློབ་དཔོན་ཤྲི་སེང་ཧས་རྫོགས་པ་ཆེན་པོ་མན་ངག་སྡེ་ལ་དབྱེ་བ་བཞིར་ཕྱེ། དེ་ཡང་།1. ཕྱི་སྐོར་ལུས་དང་འདྲ་བ།2. ནང་སྐོར་མིག་དང་འདྲ་བ།3. གསང་སྐོར་སྙིང་དང་འདྲ་བ།4. ཡང་གསང་བླ་མེད་ཀུན་རྫོགས་ཀྱིས་སྐྱེས་བུ་འདྲ་བ།ཞེས་སྐོར་ཚོ་བཞིར་དབྱེ། དབྱེ་བ་དེ་དག་ནི་ཁྲེག་ཆོད་ངོ་སྤྲོད་སྟངས་ལ་ཁྱད་པར་ཆེར་མེད་ཀྱང་གཙོ་བོ་ཐོད་རྒལ་ངོ་སྤྲོད་སྟངས་ལས་ཁྱད་པར་དེ་ལྟར་དབྱེ་བ་ཡིན། དེ་ལྟ་བུའི་མན་ངག་སྡེིའི་གདམས་པ་རྣམས་ལས་ཕྱི་སྐོར་དང་། ནང་སྐོར། གསང་སྐོར་རྣམས་སློབ་དཔོན་ཤྲི་སེང་ཧས་ཛྙ་ན་སུ་ཏྲ་དང་བི་མ་ལ་མི་ཏྲ་གཉིས་ལ་གནང་། ཡང་གསང་བླ་མེད་ཀྱི་གདམས་པ་རྣམས་ཛྙ་ན་སུ་ཏྲ་ལ་གནང་། ཛྙ་ན་སུ་ཏྲས་ཕྱིས་སུ་བི་མ་ལ་མི་ཏྲ་ལ་གནང་། བི་མ་མི་ཏྲས་བོད་དུ་སྤེལ་བ་ལས་བི་མ་སྙིང་ཐིག་ཅེས་པ་འདི་བྱུང་བ་ཡིན།བི་མ་སྙིང་ཐིགབི་མ་སྙིང་ཐིག་ནི་རྫོགས་པ་ཆེན་པོ་མན་ངག་སྡེའི་ཡང་གསང་བླ་མེད་ཀྱི་རྒྱུད་སྡེ་དང་གདམས་ངག་རྣམས་ཡིན། དེ་ཡང་རྒྱུད་ཆེན་བཅུ་བདུན་ཞེས་གྲགས་པའི་སྟེང་དུ་བཀའ་སྲུང་ཁྲོས་མའི་རྒྱུད་དང་ཀུན་ཏུ་བཟང་མོ་ཀློང་གསལ་འབར་མ་ཉི་མའི་རྒྱུད་བསྣན་པས་བཅུ་དགུར་བཞུགས། དེ་ཡང་བཀའ་སྲུང་ཁྲོས་མའི་རྒྱུད་ནི་བི་མ་ལ་བྱུང་བ་དང་ཀུན་ཏུ་བཟང་མོ་ཀློང་གསལ་འབར་མ་ཉི་མའི་རྒྱུད་ནི་སློབ་དཔོན་ཆེན་པོ་པདྨ་འབྱུང་གནས་ལས་བྱུང་ཡང་དོན་དུ་ཡང་གསང་སྙིང་བླ་མེད་ཀྱི་རྒྱུད་དུ་གཏོགས་པ་ཡིན། མདོར་ན་བོད་དུ་དར་བའི་སྙིང་ཐིག་གི་མན་ངག་བརྒྱུད་པ་ནི་སློབ་དཔོན་ཆེན་པོ་བི་མ་ལ་མི་ཏྲ་དང་སློབ་དཔོན་ཆེན་པོ་པདྨ་འབྱུང་གནས་ལས་བྱུང་བ་ཡིན། དེ་ཡང་ཐོག་མར་བོད་དུ་སློབ་དཔོན་བི་མ་ལ་མི་ཏྲས་སྙིང་ཐིག་གི་གདམས་ངག་རྣམས་ཆེས་གསང་རྒྱ་དམ་པོས་རྒྱལ་པོ་ཁྲི་སྲོང་ལྡེའུ་བཙན(742-800)་ཡབ་སྲས་དང་། ལོ་ཙ་བ་ཀ་ཅོག་ཞང་གསུམ། ཉང་བན་ཏིང་འཛིན་བཟང་པོ་བཅས་ལ་གནང་། བརྒྱུད་པ་དེ་ལ་བི་མ་སྙིང་ཐིག་ཅེས་འབོད། དེ་ཡང་ཁྲིད་ཡིག་དངོས་ནི་གསེར་ཡིག་ཅན་དང་། གཡུ་ཡིག་ཅན། ཟངས་ཡིག་ཅན། དུང་ཡིག་ཅན་ཞེས་ཕྱེ་བའི་ནང་དུ་རྫོགས་པ་ཆེན་པོའི་མན་ངག་བརྒྱ་དང་བཅུ་དགུ་འདུས་པ་ཟབ་པ་པོད་བཞི་ཞེས་བཞུགས་པ་དེ་ཡིན།དེ་ཡང་སློབ་དཔོན་ཆེན་པོ་བི་མ་མི་ཏྲས་ཉང་ཏིང་འཛིན་བཟང་པོ་ལ་གནང་། དེས་འབྲོ་རིན་ཆེན་འབར་ལ། དེས་བློ་གྲོས་དབང་ཕྱུག་ལ།…

ཨེ་ཝཾ་སྨོན་ལམ་ཆེན་མོ་འདི་གྲུབ་མཐའ་འཛིན་པ་ཡོད་མེད་ལ་མུ་བཞི་མཆིས་པ་ལ་མ་ལྟོས་པར་ཀུན་ལ་ཤེས་རབ་ཕུལ་དུ་བྱུང་བ་དང་། སྙིང་རྗེ་དང་བྱམས་བརྩེ་ཆེན་པོས་འཇིག་རྟེན་འདི་ཡུན་རིང་དུ་འཚོ་ནུས་པའི་ཕྱིར་དང་། ཁྱད་པར་དུ་ཕྱི་ནང་ཀུན་གཙང་གི་གནས་མཆོག་སེངྒྷ་གླིང་ནས་འགོ་གཙུགས་ཏེ་འཛམ་གླིང་འདིར་རྒྱལ་ཁབ་བརྒྱ་དང་དགུ་བཅུ་གོ་བདུན་གྱི་༼༼ཨེ་ཝཾ་སྨོན་ལམ་ཆེན་མོ།། Awam Monlam Chenmo༽༽1 Afghanistan Asia2 Albania Europe3 Algeria Africa4 ་་་་་་་་་་་197 Zamling all གྲངས་བཞིན་འཚོགས་འཆར་ཡིན་པས་དེ་ལུགས་ཀྱིས་གྲོགས་པོ་ཡོངས་ཀྱིས་མཐུན་འགྱུར་དང་མཉམ་ཞུགས་གནང་བར་མཁྱེན་ནོ། ཨེ་ཝཾ་སྨོན་ལམ། ཨེ་ཝཾ་འདུ་ཤེས། ཨེ་ཝཾ་དམ་བཅའ། ཨེ་ཝཾ་འདུན་པ། ཨེ་ཝཾ་གསོལ་འདེབས། ཨེ་ཝཾ་སྤྱོད་པ། ཨེ་ཝཾ་མཐུན་འགྱུར་གནང་བའི་གྲུབ་འབྲས་འདི་བདེ་ཕྱི་སྐྱིད་ཡོང་བའི་སྨོན་འདུན་དམ་བཅའ་གསོལ་འདེབས་མཐུན་འགྱུར་གནང་བའི་ལག་ལེན་ལ་དངོས་སུ་འཇུག་རྒྱུ་ཡིན།།གཞི་ཡི་ཨེ་ཝཾ་སྤྲོས་བྲལ་ཇི་བཞིན་རྟོགས།།ལམ་གྱི་ཨེ་ཝཾ་འོད་གསལ་སྙིང་པོ་བརྟས།།དོན་གྱི་ཨེ་ཝཾ་ཕྱིན་བཅུའི་སྤྱོད་པར་མཛད།།འབྲས་བུའི་ཨེ་ཝཾ་སྣང་བཞི་མཐར་ཕྱིན་ཤོག།ཅེས་པ་འདི་ཡང་རབ་གནས་ས་ཕག་ཟླ་ཚེས་དགེ་བར་རིག་འཛིན་ཨེ་མ་ཧོས་འགྲོ་ཁམས་བདེ་བའི་སྨོན་ལམ་དུ་དབྱིན་ཡུལ་ཨེ་ཝཾ་ཀུན་བཟང་ཆོས་གླིང་ནས་སྨོན་པར་དེ་དེ་བཞིན་དུ་འགྲུབ་པར་གྱུར་ཅིག་གུ།།

དམ་ཆོས་ཆོས་དར་གོ་ལའི་ཡང་རྩེར་སྒྲོན།།ན་མོ་གུ་རུ་དྷརྨཱ་རཱ་ཛ་ཡེ།།འཇམ་དཔལ་དབྱངས་ཅན་དགྱེས་པའི་མཁྱེན་རབ་བདག།རྒྱལ་ཀུན་ཐུགས་རྗེའི་རང་གཟུགས་སྤྱན་རས་གཟིགས།།འཕགས་བོད་མཁས་གྲུབ་ཡིད་དབང་འཕྲོག་པའི་གསུང་།།མཆོག་སྤྲུལ་བསྟན་འཛིན་རྒྱ་མཚོར་གུས་ཕྱག་འཚལ།།ཆོས་རྗེ་དམ་པའི་ཐུགས་སྲས་ཐུ་བོ་ཆེ།།རབ་འབྱམས་གཙུག་ལག་སྨྲ་བའི་སྤོབས་པ་ཅན།།མ་ལུས་འགྲོ་བར་ཕན་བདེའི་ཕྲིན་ལས་སྤེལ།།སྙིང་གི་བླ་མ་དམ་པ་རྒྱལ་གྱུར་ཅིག།ཀུན་བཟང་ཐུགས་རྗེ་ནམ་མཁའི་མཐའ་དང་མཉམས།།ཕྲིན་ལས་ཕྱོགས་མེད་གོ་ལའི་ཁྱོན་ཀུན་ཁྱབ།།ངེས་དོན་ཆོས་རྒྱལ་ཡིད་བཞིན་ནོར་བ་ཉིད།།སྐུ་ཚེ་བརྟན་ཅིང་འགྲོ་དོན་ལྷུན་གྲུབ་ཤོག།་་་་་་་་་ཤྲཱིས་སོ།

ཡིད་མ་བཅོས་བརྩེ་བའི་གུར་ཁྱིམ་ན་བཞུགས་པའི།།ལྷ་ཚངས་པའི་སྲས་མོ་དབྱངས་ཅན་གྱི་ལྷ་མོ།།ཕྱག་རིན་ཆེན་སྟོང་གི་རྒྱུད་མངས་ལ་སྟར་བའི།།དབྱངས་སྙན་པ་ངག་གི་བྱིན་རླབས་ཤིག་སྩོལ་དང་།། གནས་འཁོར་བའི་མུན་པ་རབ་རུབ་འདིས་གསེབ་ན།།བློ་རྨོངས་བའི་ཉམ་ཆུང་བུ་ང་ལ་གཟིགས་དང་།།ཡུལ་འདོད་ཡོན་ཆང་གིས་བཟི་ཁ་ལས་སྐྱོབས་ནས།།མ་དབྱངས་ཅན་འཛུམ་གྱིས་སྣང་བ་ཞིག་ངོམ་དང་།། སྐུ་ལྟ་བས་མི་ངོམ་མཚར་སྡུག་གིས་ལང་ཚོ།།གསུང་ཚངས་དབྱངས་ངག་གི་སྨྲ་བ་ལ་དབང་བའི།།མ་རྒྱལ་ཡུམ་ཡེ་ཤེས་མཁྱེན་བརྩེ་ཡི་རང་གཟུགས།།ཡིད་རྨོང་བའི་བུ་ང་གཏོང་སྙོམ་ལ་མ་འཇོག། གཞི་འཁོར་འདས་དབྱེར་མེད་ཉམ་ཉིད་ཀྱི་ཀློང་ན།།མ་ཀུན་བཟང་དགྱེས་ཞལ་འཕོ་མེད་དུ་ངོམ་པ།།ཡིད་རྟོག་པས་མ་ལྷད་ལྟད་མོ་ལ་གཡེངས་བས།།མ་ཁྱེད་ཀྱི་རང་བཞིན་སེམས་ཉིད་དང་འདྲེས་སྐད།། ཆང་ཕོར་ནས།

མིག་ཆུས་བྲིས་པའི་སྙན་ངག སྟོན་པའི་ཞལ་སྐྱིན་དམ་ཆོས་འདུལ་བ་དང་།།བསྟན་པའི་སྙིང་པོ་རྒྱུད་སྡེ་རིན་པོ་ཆེ།།དཔང་དུ་བཞག་ནས་བསྟན་པ་དག་ཐེར་མཛད།།ཡབ་གཅིག་འཇིགས་མེད་ཆོས་ཀྱི་རྒྱལ་པོར་འདུད།། བསྟན་འཛིན་སྐྱེས་བུ་ཀུན་དང་ཐུགས་སྣང་མཐུན།།བསྟན་པའི་གཞི་མ་ཚུལ་ཁྲིམས་རྣམ་པར་དག།བསྟན་པ་སྐྱོང་སླད་སྤོང་ཀློག་ལས་ལ་བརྩོན།།བསྟན་འགྲོའི་དཔལ་མགོན་མཁན་ཆེན་ཟབ་གསང་དྲན།། ཞི་རྒྱས་དབང་དྲག་རྣམ་འགྱུར་དུས་གཅིག་ཏུ།།མངོན་པར་རྫོགས་པ་གང་གི་ཞལ་རས་ཏེ།།མཐོང་བའི་མོད་ལ་དྲན་དང་ཤེས་བཞིན་གྱིས།།བག་ཡོད་གནས་པའི་དངོས་གྲུབ་ཀུན་ལ་སྟེར།། གལ་ཆེའི་བསླབ་ཁྲིམས་ཡལ་བར་མི་འདོར་ཞིང་།།དོན་ཆུང་སྒྲིག་སྲོལ་སྟོང་གིས་མི་བཙིར་བར།།ཆོས་བཞིན་འདུལ་བ་བཞིན་དུ་སྐྱོང་མཛད་པ།།ངེས་པ་དོན་གྱི་བསྟན་པའི་དཔུང་གཉེན་ཡིན།། སྤྱོད་ལམ་དག་པས་རང་དཔེ་གཞན་ལ་སྟོན།།བརྗོད་ཚིག་བཙུན་པས་ཚོགས་ཆེན་སྒྲིག་གིས་སྲུང་།།མི་གཤིས་བརླིངས་པོས་དྲང་སྙོམ་ཐབས་ལ་མཁས།།འདུས་སྡེ་རྒྱ་མཚོས་བཀུར་བའི་ཡབ་ཆེན་ཡིན།། ངུར་སྨྲིག་རྒྱལ་མཚན་འཛིན་པ་གང་གི་སྐུ།།ཞི་ཞིང་དུལ་བའི་དཔལ་གྱིས་མངོན་མཛེས་པ།།ལུས་སེམས་ཤིན་ཏུ་སྦྱངས་བའི་བརྟུལ་ཞུགས་ཅན།།གསེར་གྱི་ཀོང་བུར་འབར་བའི་མར་མེ་འདྲ།། སྙན་ཅིང་བརྗིད་པ་དཔྱིད་ཀྱི་འབྲུག་སྒྲ་བཞིན།།དམ་ཆོས་བདུད་རྩིའི་བཅུད་འཇོ་གང་གི་གསུང་།།ལེགས་ཉེས་བླངས་དོར་སྟོན་པའི་ལེགས་བཤད་ཀྱིས།།རིང་ནས་བསྐྱངས་པའི་དྲིན་གྱི་མཐའ་མི་དཔོག། མཐོན་པོའི་ངོ་དང་ཕྱུག་པོའི་ནོར་མིན་ཞིང་།།སྟོན་པའི་བསྟན་ལ་གཅེས་པའི་ལྷག་བསམ་གྱིས།།བླ་མའི་བཀའ་བཞིན་གདན་སའི་ཞབས་ཏོག་གི།མཛད་པའི་ཞབས་རྗེས་གསེར་གྱི་ཡིག་ཆེན་ཡིན།། ཡུན་ཐུང་རྨི་ལམ་ལྟ་བུའི་མི་ཚེ་འདི།།གཡོ་ཞིང་འགྱུར་བའི་ཆོས་ལས་མ་འདས་ཀྱང་།།སྡོམ་བརྩོན་སྡེ་སྣོད་འཛིན་པའི་སྐྱེས་ཆེན་རྣམས།།ཞག་གཅིག་འཚོ་ཡང་བསོད་ནམས་ཚད་དང་བྲལ།། བསྟན་ཞབས་ཀླ་ཀློས་སྡུད་པའི་དུས་མཐའ་འདིར།།བསྟན་པའི་དབུ་འཕངས་དམའ་བའི་ཚུལ་བསམ་ན།།བསྟན་འཛིན་སྐྱེས་བུ་ཁོང་དང་ཁོང་ལྟ་བུ།།བསྟན་པ་ཡུན་དུ་གནས་པའི་གཞི་རྩ་ཡིན།། དེ་རིང་མི་སྙན་གཏམ་གྱི་བང་ཆེན་ལས།།ཁྱེད་སྐུ་ཞི་བར་གཟིམས་པའི་གསར་འཕྲིན་འདི།།སྙིང་ཆུང་ཚལ་བར་གཤག་པའི་སྤུ་གྲི་བཞིན།།བཟོད་པར་དཀའ་བའི་ན་ཟུག་ཡིད་ལ་སྦྱིན།། བསམ་ཞིང་བསམ་ན་སྙིང་གི་ཟབ་ས་རུ།།སྐྱོ་བའི་སྨུག་སྤྲིན་སྟུག་པོས་ཡོངས་བཟུངས་བས།།མིག་ཆུའི་ཟིལ་བར་འགྲོགས་པའི་རྗེས་དྲན་ཚིག།རྟོག་འགྱུའི་རི་མོ་མ་བཅོས་ངག་གིས་སྤེལ།།མཁན་ཆེན་མཆོག་དགོངས་པ་ཆོས་དབྱིངས་སུ་ཞི་བའི་ཉིན་མོ་རྗེས་དྲན་གྱི་ཚུལ་དུ་ཕུལ་བའོ།།

རིག་འཛིན་ནོར་རྒྱུན་ལྷ་མོར་བསྟོད།།ཨེ་མ་ཧོ།།རིག་འཛིན་སྔགས་འཆང་རྒྱུད་པའི་སྲས།།ནོར་རྒྱུན་གྲུབ་པའི་ཕྱག་རྒྱ་ཅན།།ལྷ་མོ་ཛམ་བྷ་རྒྱག་བྷིག་མས།།གང་འདོད་གཡང་གི་དངོས་གྲུབ་སྩོལ།།མཁའ་འགྲོ་ཆོས་སྐྱིད་དབང་མོ་དང་།།འཇིགས་མེད་བློ་གྲོས་རྒྱལ་མཚན་ལ།།གང་དགའི་བཟང་པོ་སྤྱོད་པ་ཡིས།།ཕ་མའི་ཚེ་དཔལ་སྐྱོང་གྱུར་ཅིག།ཤྲཱིཿཨེ་མ་ཧོས