ཨེ་ཝྃ་ཧོ།

དྷཱིཿ ཚེ་འདིའི་སྣང་ཚུལ་ལ་སྐྱོ་བའི་གླུ་ནགས་ཚལ་བུ་མོའི་དབྱངས་སྙན་ཞེས་བྱ་བ། དྷཱིཿ རྒྱལ་ཀུན་མཁྱེན་པའི་རང་གཟུགས་བཤེས་གཉེན་དུ་སྣང་བ།། གཟུངས་སྤོབས་ཡོན་ཏན་བྱེ་བའི་གཏེར་མཛོད་ཀྱི་བདག་པོ།། རིགས་བརྒྱའི་སྤྲོ་གཞི་མི་ཕམ་བློ་གྲོས་ནི་དྲི་མེད།། འབྲལ་མེད་སྙིང་དབུས་པདྨོར་དགྱེས་བཞིན་དུ་བཞུགས་ཤིག ། འདི་སྣང་བདེ་འབྱོར་རྨི་ལམ་ལྟ་བུ་ཡི་ཆོས་ལ།། ཉིན་མཚན་བར་མེད་ཞེན་པ་ཉམ་ཐག་གི་འགྲོ་བའི།། དོན་མེད་བྱ་བཞག་མང་པོ་ཡིད་ཡུལ་དུ་ཤར་ཚེ།། སྐྱོ་བའི་ཉམས་གླུ་མི་འགུགས་རང་དབང་ནི་མ་བྱུང༌།། ཕྱུག་པོའི་རྒྱུ་ཞེས་ཀུན་གྱིས་སྨོན་གནས་སུ་བྱེད་མོད།། ལུས་སེམས་སྡོད་ཁོམ་མེད་པའི་སྡུག་སྣོན་ཞིག་མ་གཏོགས།། ཟས་གོས་བཟང་པོ་ཙམ་ཡང་ལོངས་སྤྱོད་ནི་མི་བྲ།། འཆི་ཁ་ཞེན་ཆགས་སྐྱེད་པས་ཐར་ལམ་གྱི་བར་ཆད།། ཇི་ལྟར་འབྱོར་ཡང་ཟས་གོས་གཉིས་པོ་ཙམ་མ་གཏོགས།། རང་གི་ཉམས་ལ་ཕན་པ་རྡུལ་ཆ་ཙམ་མེད་ངེས།། འཛམ་གླིང་རྒྱུ་ནོར་ཡོད་ཚད་མི་གཅིག་ལ་དབང་ཡང༌།། ད་རུང་ཆོག་ཤེས་མི་སྐྱེ་རེ་འདོད་ཀྱིས་གཡེང་འདུག ། ཉམ་ཐག་དབུལ་པོའི་ལུས་ཞེས་ཐམས་ཅད་ཀྱིས་སྨོད་ཀྱང༌།། ཚེ་གང་བར་མེད་གསོག་སྲུང་བརླག་པ་ཡི་སྡུག་བསྔལ།། ནོར་མང་ཅན་ལ་འབྱུང་བའི་ངང་ཚུལ་འདི་བསམ་ཚེ།། སྐྱིད་ཉལ་རང་ལ་དབང་ཕྱིར་སྤྲང་པོ་ཚོ་སྐྱིད་སྙམ།། དབྱར་ཁའི་མེ་ཏོག་འདི་དང་ཕྱུག་པོ་ཡི་རྒྱུ་ནོར།། ད་ལྟ་མཛེས་མཛེས་འདྲ་ཡང་ནམ་ཕུགས་ནི་ཐུབ་དཀའ།། སྙིང་པོ་མེད་ལ་ཧ་ཅང་ཞེན་པ་རང་ཆེ་ན།། བཟོད་དཀའ་ངན་འགྲོའི་གཡང་ལ་འགྲིམ་དགོས་ཤིག་མིན་ནམ།། གནའ་ཞིག་གླིང་བཞིའི་བདེ་འབྱོར་ཡོད་ཚད་ལ་དབང་བའི།། ལང་ཚོའི་གོས་རྒྱན་ལྷ་ལ་འགྲན་ནུས་ཀྱི་དཔོན་ཡང༌།། མི་རྟག་མཁའ་ལ་འཇའ་ཚོན་སྣང་བ་བཞིན་ཡལ་ན།། རང་རེའི་ལོངས་སྤྱོད་རྩྭ་རྩེའི་ཟིལ་བ་དང་ལོས་འདྲ།། ན་ནིང་ཀླུ་དང་འདྲ་བའི་ཕྱུག་པོ་ནི་ཕལ་ཆེར།། ད་ལོ་ཉམ་ཐག་སྤྲང་པོའི་གྲལ་མཐའ་ན་འདུག་པ།། འདི་ཀོ་རྨི་ལམ་མིན་ཡང་རྨི་ལམ་བཞིན་སྣང་ཕྱིར།། འཁོར་བའི་བདེ་ལ་སུན་པ་དབང་མེད་དུ་སྐྱེས་བྱུང༌།། མཐོན་པོའི་ཐོབ་ཅེས་ཀུན་ལ་གྲགས་ཆེན་ཞིག་ཡོད་དེ།། རྟག་བརྟན་མི་འདུག་སྟོན་ཁའི་སྤྲིན་དཀར་གྱི་སྤུན་ཟླ།། སྙིང་པོ་མེད་པ་དབྱར་གྱི་འཇའ་ཚོན་དངོས་ལགས་ཕྱིར།། བསམ་ཞིང་བསམས་ན་ཡིད་སྐྱོའི་སྣོན་མ་རང་མིན་ནམ།། ཐར་བའི་ལམ་སྟོན་བླ་སེར་མང་པོ་ཡི་ཐུགས་དཀྲུགས།། ཉེས་མེད་སྡེ་འབངས་ཁྲིམས་ཀྱི་ལས་སྣང་ལ་སྦྱར་ཏེ།། རང་བཟང་སྙམ་པའི་ངང་ལ་དུག་སྦྲུལ་བཞིན་འགྱིང་ཡང༌།། ཕྱི་མའི་ལམ་འཕྲང་འགྲིམ་དུས་ཅི་འདྲ་ཞིག་ཡོད་གྲང༌།། ད་ལྟ་རང་སྡེའི་དབུས་ན་མཐོ་མཐོ་ལྟར་སྣང་ཡང༌།། གཤིན་རྗེའི་ཕོ་ཉ་མཐོང་དུས་དེ་ཙམ་ཞིག་མིན་འདྲ།། ཐར་དཀའ་ངན་སོང་གནས་སུ་སྡུག་བསྔལ་རང་མྱོང་དུས།། ཡུལ་སྡེ་ལོངས་སྤྱོད་མང་ཡང་ཕན་པ་ནི་མི་གདའ།། མེ་ཏོག་བཅུད་ལ་རོལ་བའི་བུང་བ་ནི་གཞོན་ནུ།། ཉམས་དགའི་ཚལ་དང་འབྲལ་འདོད་ཡིད་ཡུལ་ན་མེད་ཀྱང༌།། སྟོན་མཇུག་གྲང་ལྷགས་བང་ཆེན་གློ་བུར་དུ་ཐོན་དུས།། སྐྱོ་ཤས་ཡིད་ལ་འཁོར་ཡང་བྱ་ཐབས་དང་བྲལ་འདུག ། དེ་བཞིན་ཚེ་འདིར་ཞེན་པའི་སྐྱེ་བོ་ཡི་ཚོགས་ཀྱང།། འཆི་བདག་ཕོ་ཉའི་སྡང་མིག་མངོན་སུམ་དུ་མཐོང་ཚེ།། ཚེ་གཅིག་བག་མེད་སྤྱོད་པས་གཡེང་ཚུལ་ལ་བསམ་དུས།། འགྱོད་ཆེན་སྙིང་ལ་མཆེད་ཀྱང་འཕྱི་བ་རང་མིན་ནམ།། རང་དང་ལྷན་ཅིག་སྐྱེས་ཤིང་ཚེ་གཅིག་ཏུ་གསོས་པའི།། རང་ལུས་འདི་ཡང་འཁྱེར་བའི་རང་དབང་ཞིག་མེད་ན།། ཉེ་འབྲེལ་ལོངས་སྤྱོད་ནམ་མཁའི་སྐར་ཚོགས་བཞིན་བཀྲ་ཡང༌།། ཐམས་ཅད་ཤ ལ་དུ་བསྐྱུར་ནས་འགྲོ་ངེས་ཤིག་ལོས་ཡིན།། མཐོ་བརྗིད་ཚོན་གྱིས་བྱུགས་པའི་ཁང་བཟང་ནི་མང་པོ།། མི་བརྟན་གྱང་རལ་བྱེ་མའི་ཕུང་པོ་རུ་འདུག་པའི།། སྣང་ཚུལ་འདི་ལ་བརྟག་དཔྱད་ཞིབ་མོ་ཞིག་གྱིས་དང༌།། ཉམས་དགའི་གནས་ལ་ཆགས་ཞེན་ལྷོད་པོ་རུ་གྱུར་ཡོང༌།། རང་རེའི་ཕ་དང་མེས་པོ་ཡང་མེས་ཀྱི་རིང་ལ།། བར་མེད་ཚེ་འདི་གཉེར་ཡང་གྲུབ་ཐབས་ཤིག་མ་བྱུང༌།། བདག་ཀྱང་ཇི་ལྟར་འབད་ཀྱང་དེ་འདྲ་ལས་མེད་ཕྱིར།། ཟབ་མོའི་ལྷ་ཆོས་བསྒྲུབ་ན་དགའ་ཚོད་ཙམ་མིན་ནམ།། ཚེ་སྟོད་དགྲ་སྡེ་མང་པོ་ཚེ་སྨད་ཀྱི་གྲོགས་རེད།། དེ་རིང་གཅེས་པའི་གྲོགས་ཀྱང་སང་ཉིན་གྱི་དུས་སུ།། སྲོག་གཅོད་གཤེད་དུ་གྱུར་པའང་སྲིད་པ་ཞིག་ཡིན་ན།། དགྲ་གཉེན་ངེས་པ་མེད་ལ་ཆགས་སྡང་གིས་ཅི་བྱ།། རང་གི་ལུས་ཀྱིས་བསྐྱེད་པའི་བུ་ཕྲུག་གི་ཚོགས་རྣམས།། སྙིང་གི་དུམ་བུ་བཞིན་དུ་གཅེས་རྒུ་ཡིས་བསྐྱངས་ཀྱང༌།། ནམ་ཞིག་ལུས་སྟོབས་རྫོགས་ནས་དྲིན་ལན་ལ་རེ་དུས།། ཕན་མེད་ཡི་ཆད་སྐྱེ་བའི་སྣོན་མ་ཞིག་མིན་ནམ།། ལང་ཚོའི་ན་ཚོད་མཉམ་པའི་ན་ཆུང་ཚོ་ཕན་ཚུན།། འཛུམ་པའི་ཟུར་མིག་གཡོ་བའི་གར་སྟབས་ལ་འཕྲེང་བཞིན།། ཡིད་མཐུན་ངང་ལ་ཡུན་རིང་འགྲོགས་པ་ལ་སྨོན་ཡང༌།། སྐྱིད་སྡུག་ཅི་འོང་མི་ཤེས་སྙིང་རྗེ་ཞིག་སྐྱེས་བྱུང༌།། ཡུན་རིང་འགྲོགས་ངེས་མེད་པའི་ཁྱིམ་གཅིག་གི་བཟའ་ཚང༌།། ཚོང་འདུས་མགྲོན་པོ་བཞིན་དུ་ཡུད་ཙམ་ལ་འཚོགས་ཀྱང༌།། སྔོན་བསགས་ལས་ཀྱིས་རིགས་དྲུག་ངེས་མེད་དུ་ཁྲིད་དུས།། ཕན་ཚུན་གར་སོང་འདིར་ཡོད་ཕྱོགས་ཙམ་ཡང་མི་ཤེས།། བླ་མ་མཆོག་དང་མི་འབྲལ་འགྲོགས་འདོད་ཅིག་ཡོད་མོད།། སྔོན་བསགས་ལས་ཀྱི་བཀོད་པ་སུ་ཞིག་གིས་ཟློག་ནུས།། ཁུ་བྱུག་མོན་ལ་འགྲོ་ཁའི་འདུ་བ་དང་མཚུངས་པའི།། རྡོ་རྗེའི་མཆེད་ཚོགས་འདི་ཡང་འབྲལ་ངེས་ཤིག་མིན་ནམ།། གོང་གི་དཔོན་པོ་བཀུར་ཀྱང་མཉེས་ཐབས་ནི་མི་འདུག འོག་གི་ཡུལ་སྡེ་བསྐྱངས་ཀྱང་མགུ་དུས་ནི་དཀའ་མོ།། འཁོར་བའི་བྱ་བཞག་འདི་ལ་གྲུབ་དུས་ཤིག་མེད་ཕྱིར།།…

༄༅། །ཨ་ཧོ། དུས་གསུམ་གྱི་རྟོག་པས་མ་བསླད་པའི། །ད་ལྟའི་ཤེས་པ་རྗེན་པ་འདི། །བསྒོམ་ཞེས་འཛིན་བློས་མ་བཅིངས་ཞིང་། །མ་བསྒྲོམ་ཞེས་ཡེངས་འབྱམས་སུ་མ་ཤོར་བར། །རང་བབ་རྗེན་པར་སྐྱོང་བ་འདི། །རྫོགས་པ་ཆེན་པོའི་ཉམས་ལེན་ཡིན། །དེ་ཚེ་རྣམ་རྟོག་ཅི་ཤར་ཡང་། །བཟང་ངན་གྱི་སྤང་བླང་བྱ་མི་དགོས། །ངོ་ཤེས་ཙམ་གྱི་རང་སར་གྲོལ། །ཤར་གྲོལ་འདི་ལམ་གྱི་གནད་དུ་བཟུང་། །ཉམས་གང་ཤར་བཤིག་ལ་ཁྲེས་སེ་བོར། །གཏད་མེད་ཞིག་པ་བློ་རེ་བདེ། །བློ་བདེ་བའི་འདུན་མ་ད་ལྟ་ཟིན། །ཆོས་རྣམ་གྲངས་མང་པོས་ཅི་ཞིག་བྱ། །ཀུན་ཏུ་བཟང་པོ་རང་ལས་རྙེད། །དོན་འདི་ཉིད་ཐུགས་ཀྱི་དབུས་སུ་བསྟིམ། ། ཞེས་མཧཱ་སུ་ཁའི་གསོལ་འདེབས། འཇིགས་བྲལ་ཡེ་ཤེས་རྡོ་རྗེས་སྨྲས།།

ཆོས་མཆེད་རྣམ་པར་དགའ་འོས་པའི་གསར་འགྱུར་བསྡུས་པ། དགའ་འོས་པ་ཞིག་ལ་ངོས་ཀྱི་སྐྱེ་བ་ཚེ་རབས་ཐམས་ཅད་དུ་བླ་མ་ཨོ་རྒྱན་པདྨ་འབྱུང་གནས་དང་ནམ་ཡང་འབྲལ་བ་མེད་པའི་ལས་དང་སྨོན་ལམ་གྱི་རྟེན་འབྲེལ་དང་། མི་ལོ་བཅུ་ཕྲག་དུ་མར་འབད་འབུས་ཀྱིས་རྟེན་འབྲེལ་བདེན་པ་མངོན་དུ་གྱུར། འཛམ་གླིང་འདི་བསྐལ་བ་རེ་བཟང་དགེ་མཚན་རེ་བརྟས། སྔོན་བྱུང་གི་རྣམ་ཐར་དང་ལོ་རྒྱུས་དག་རྣ་བས་ཐོས། ད་ལྟ་མིག་གི་མངོན་སུམ་མཐོང་བའི་དགེ་མཚན་ནི་འཇང་སྟག་ཚང་གི་གནས་སྒོ་ཆེན་མོ་རྩོལ་མེད་ཀྱི་ངང་དེ་ཧད་ཀྱིས་ཕྱེས། བདུད་རྩི་དཀར་དམར་གྱི་ཆབ་རྒྱུན་གློ་བུར་དྲག་ཏུ་བབས། འབབ་རྒྱུན་ལས་རང་བྱུང་གི་སྨན་སྒྲུབ་དང་། ཁ་དྭོགས་ཀྱི་འཇའ་འོད་འཕྲོ་བ་དང་། དྲི་ཞིམ་སྣ་ཚོགས་ཐུལ་བ་དང་། ཆུ་ཀླུང་ལས་བཛྲ་གུ་རུ་པདྨ་སིདྡྷི་ཧཱུྃ་ཞེས་སྒྲ་རང་བྱུང་དུ་གྲགས། རྐྱང་མ་རྫོང་ནས་བསྟན་སྲུང་འཇང་ཡུལ་སྟག་ཚང་གི་གཏེར་སྲུང་གི་གསོལ་མཆོད་འདོད་དོན་ལྷུན་གྲུབ་གསོལ་བ་དང་ཆབ་ཅིག་ཏུ། ༀ་ཨཱཿཧཱུྃ། ཞེས་དབྱངས་བཅས་པས་རོང་ཁང་དྭོགས་མོའི་ཆུ་ཀླུང་རང་བྱུང་གིས་ཛ་དྲག་རྦ་རླབས་བཅས་དྲག་ཏུ་བབས་སོང་། གློ་བུར་དུ་གློག་དམར་ལས་ཛ་དམར་པོ་འོད་དང་བཅས་དང་། བརྒྱུད་གསུམ་སྲུང་མ་དྲེགས་པ་རྒྱ་མཚོ་སྤྱི་དང་། །ཁྱད་པར་འཇང་རི་སྨུག་པོའི་གནས་བདག་གཙོ་འཁོར་དང་། རོང་བཙན་ཁ་བ་དཀར་པོ་འཁོར་བཅས་བདག་གི་རྡོ་རྗེའི་དམ་ལ་འདུས་པ་དང་། དེ་ག་དེར་གནས་པའི་སྟག་ཚང་གནས་སྲུང་རྡོ་རྗེ་དབང་དྲག་རྩལ་ནི་སྐུ་མདོག་དམར་སྨུག་ཅན། ཕྱག་གཡས་པ་ལ་རྒྱལ་མཚན། ཕྱག་གཡོན་པ་ལ་དབང་གི་ཞགས་པས་རི་ལུང་དམ་པོར་བཅིངས་བར་སྣང་། དབུ་མ་རྫོང་ནས་ཡུམ་ཆེན་ཀླུ་མོ་འོད་དཀར་བུམ་བཟང་འོ་མས་གང་བ་ཞིག་བསྣམས་པ་ལས་བདག་གིས་ལག་གཡོན་དུ་གནང་བས་དགའ་བ་བཞིས་རང་ལུས་ངག་ཡིད་གསུམ་ཀུན་དགའ་བདེས་གང་བར་གྱུར། ། རོ་མ་རྫོང་ནས་བློན་པོ་འཇིགས་བྱེད་བདུད་འདུལ་གཡས་སུ་མདུང་དང་། གཡོན་དུ་ཞགས་པ་ཐོགས་པས་དགྲ་བགེགས་བཏུལ་བ་དང་བར་ཆད་གཡུལ་ལས་རྒྱལ་བར་འཆར། ཁྱད་པར་བདུད་བཙན་ཀླུ་གསུམ་དྲེགས་པ་རྒྱ་མཚོའི་ཚོགས་དང་བཅས་པ་རང་གིས་འདོད་དགུ་གྲུབ་པ་དང་། རྒྱལ་བསྟན་འོད་གསལ་རྫོགས་པ་ཆེན་པོའི་འཛིན་སྐྱོངས་སྤེལ་བའི་འཕྲིན་ལས་དུས་སུ་བབས་པར་ཞལ་གྱིས་བཞེས། འགྲོ་བ་ཀུན་ལ་ཕན་བདེ་རྒྱ་ཆེར་དང་ཞི་བདེ་བསྐྲུན་པའི་དགེ་མཚན་རབ་ཏུ་འབར་ཅིང་ཕྱོགས་ཀུན་ལས་རྣམ་པར་རྒྱལ་བའི་རྟེན་འབྲེལ་ཕུན་སུམ་ཚོགས་པར་གྱུར་ཏོ། ཅེས་པའང་རབ་གནས་ཆུ་ཡོས་སྟོན་ཟླ་འབྲིང་བོའི་དབང་ཚེས་ཉེར་གཅིག་ལ་རྨི་ལམ་དབང་ཕྱུག་རིག་འཛིན་ཨེ་མ་ཧོས་རིག་འདུས་མ་ཧཱ་གུ་རུ་པདྨ་སམ་བྷ་ཝའི་གནས་མཆོག་སྟག་ཚང་བཅུ་གསུམ་གྱི་ཡ་གྱལ་འཇང་ཡུལ་སྟག་ཚང་དབང་ཆེན་པདྨའི་དགའ་ཚལ་གྱི་གནས་སྒོ་འགྱེད་པའི་ཚེ་གནས་དེ་ན་ནི་བཀའ་འདུས་དང་དགོངས་འདུས། བཀའ་བརྒྱད་དང་ཞི་ཁྲོ། རྫོགས་པ་ཆེན་པོ་རྒྱུད་འབུམ་ཕྲག་དྲུག་ཅུ་རྩ་དགུ་སོགས་སྐུ་གསུང་ཐུགས་ཡོན་ཏན་ཕྲིན་ལས་གྱི་གནས་ཀུན་གསལ་བ་མཇལ་བའི་མོད་ལ་ཟིན་བྲིས་སུ་བཏབས་པར་དགེའོ།། །།

༁ོཾ༔རྟེན་འབྲེལ་ཕྲིན་ལས་དུས་བབས༔ ཨོ་རྒྱན་སངས་རྒྱས་ཡེ་ཤེས་སྒྱུ་འཕྲུལ་གར།། དབང་གྲགས་འབར་བའི་དཔལ༵་ཆེན་ཧེ་རུ་ཀ༔ མ་བརྒྱུད་མཁའ་འགྲོ་རྒྱ་མཚོ་དཀྱིལ་འཁོར་བཅུད༔ ཕྱག་འཚལ་མཆོད་བསྟོད་དགྱེས༵་པ༵ར་བཞུགས་སུ་གསོལ༔ འགྲོ་ལ་བརྩེ་བའི་ཐུགས་རྗེས་རྗེས་རྗེས་བཟུངས༔ ཕྲིན་ལས་དུས་ལས་མི་གཡོ་ཐུགས་རྗེ་ཅན༔ ཆོས་སྐྱོང་དབྱིངས་ཕྱུག་ཕྲིན་ལས་རྟག་སྐྱོང་ནས༔ སྐལ་ལྡན་གདུལ་བྱ་དུས་ལས་མི་གཡོ་བར༔ བདེ་སྐྱིད་དཔལ་ལ་རོལ་བའི་བཀྲ་ཤིས་ཤོག༔ ཅེས་པ་འདི་ཡང་རབ་གནས་ལྕགས་བྱི་ཐ་སྐར་ཟླ་བའི་དཀར་ཕྱོགས་རྒྱལ་བ་གསུམ་པར་རིག་འཛིན་ཨེ་མ་ཧོའི་ཕྲིན་པས་དུས་ལས་མི་གཡོ་བའི་ཆེད་དུ་བདེ་སྐྱོང་མཚོ་འམ་སངས་རྒྱས་མཁའ་འགྲོ་ནས་སོ༔ སྤྱི་ལོ་༢༠༢༠ཟླ་བ་༡༠་ཚེས་༢༩་ལ།། །། ༁ོཾ༔ ཨེ་མ་ཧོའི་ཞབས་བརྟན་ཚེ་བྷྲཱུཾ་བུམ་བཟང་། ཀ་དག་དགྱེས༵་པ༵་པདྨའི་གདན་སྟེང་དུ༔ འཕྲིན་ལས་རྡོ༵་རྗེ༵་མི་གཡོ་གད་རྒྱང་སྒྲོག༔ ཅི་སྣང་དགའ་བཞི་ཡེ་ཤེས་མཆོད་སྤྲིན་འདི༔ དགྱེས་པར་བཞེས་ལ་བྲོ་ཡི་རོལ་རྩལ་མངོན༔ ལྷུན་གྲུབ་བདེ་བ་ཆེན་པོའི་ཀློང་ཡངས་སུ༔ འབུམ་ཕྲག་མཁའ་འགྲོའི་ཚོགས་ལ་སྤྱན་འདྲེན་གཤེགས༔ ཅིར་སྣང་རོལ་བ་ཤར་བས་ཆོས་སྐུར་གྲོལ༔ བཀྲ་ཤིས་བདེ་ལེགས་ཕུན་སུམ་ཚོགས་པར་ཤོག༔ ཅེས་པ་འང་རབ་གནས་ལྕགས་བྱིའི་ཁྲུམས་ཟླའི་མཁའ་འགྲོ་འདུ་བའི་དུས་ཆེན་ལ་རིག་འཛིན་ཨེ་མ་ཧོས་སྒྲོལ་དཀར་ཚེ་སྒྲུབ་ཕབས་པའི་དགའ་སྟོན་དུ་བདེ་སྐྱོང་མཚོ་འམ་སངས་རྒྱས་མཁའ་འགྲོས་དགྱེས་པའ་ཕུལ།། ཉིས་སྟོང་ཉི་ཤུའི་ལོར། ཡི་གེ་བ་གུ་རུ་རྡོ་རྗེས་སོ།

ཆོས་མཆེད་རྣམ་པར་དགའ་འོས་པའི་གསར་འགྱུར་བསྡུས་པ། དགའ་འོས་པ་ཞིག་ལ་ངོས་ཀྱི་སྐྱེ་བ་ཚེ་རབས་ཐམས་ཅད་དུ་བླ་མ་ཨོ་རྒྱན་པདྨ་འབྱུང་གནས་དང་ནམ་ཡང་འབྲལ་བ་མེད་པའི་ལས་དང་སྨོན་ལམ་གྱི་རྟེན་འབྲེལ་དང་། མི་ལོ་བཅུ་ཕྲག་དུ་མར་འབད་འབུས་ཀྱིས་རྟེན་འབྲེལ་བདེན་པ་མངོན་དུ་གྱུར། འཛམ་གླིང་འདི་བསྐལ་བ་རེ་བཟང་དགེ་མཚན་རེ་བརྟས། སྔོན་བྱུང་གི་རྣམ་ཐར་དང་ལོ་རྒྱུས་དག་རྣ་བས་ཐོས། ད་ལྟ་མིག་གི་མངོན་སུམ་མཐོང་བའི་དགེ་མཚན་ནི་འཇང་སྟག་ཚང་གི་གནས་སྒོ་ཆེན་མོ་རྩོལ་མེད་ཀྱི་ངང་དེ་ཧད་ཀྱིས་ཕྱེས། བདུད་རྩི་དཀར་དམར་གྱི་ཆབ་རྒྱུན་གློ་བུར་དྲག་ཏུ་བབས། འབབ་རྒྱུན་ལས་རང་བྱུང་གི་སྨན་སྒྲུབ་དང་། ཁ་དྭོགས་ཀྱི་འཇའ་འོད་འཕྲོ་བ་དང་། དྲི་ཞིམ་སྣ་ཚོགས་ཐུལ་བ་དང་། ཆུ་ཀླུང་ལས་བཛྲ་གུ་རུ་པདྨ་སིདྡྷི་ཧཱུྃ་ཞེས་སྒྲ་རང་བྱུང་དུ་གྲགས། རྐྱང་མ་རྫོང་ནས་བསྟན་སྲུང་འཇང་ཡུལ་སྟག་ཚང་གི་གཏེར་སྲུང་གི་གསོལ་མཆོད་འདོད་དོན་ལྷུན་གྲུབ་གསོལ་བ་དང་ཆབ་ཅིག་ཏུ། ༀ་ཨཱཿཧཱུྃ། ཞེས་དབྱངས་བཅས་པས་རོང་ཁང་དྭོགས་མོའི་ཆུ་ཀླུང་རང་བྱུང་གིས་ཛ་དྲག་རྦ་རླབས་བཅས་དྲག་ཏུ་བབས་སོང་། གློ་བུར་དུ་གློག་དམར་ལས་ཛ་དམར་པོ་འོད་དང་བཅས་དང་། བརྒྱུད་གསུམ་སྲུང་མ་དྲེགས་པ་རྒྱ་མཚོ་སྤྱི་དང་། །ཁྱད་པར་འཇང་རི་སྨུག་པོའི་གནས་བདག་གཙོ་འཁོར་དང་། རོང་བཙན་ཁ་བ་དཀར་པོ་འཁོར་བཅས་བདག་གི་རྡོ་རྗེའི་དམ་ལ་འདུས་པ་དང་། དེ་ག་དེར་གནས་པའི་སྟག་ཚང་གནས་སྲུང་རྡོ་རྗེ་དབང་དྲག་རྩལ་ནི་སྐུ་མདོག་དམར་སྨུག་ཅན། ཕྱག་གཡས་པ་ལ་རྒྱལ་མཚན། ཕྱག་གཡོན་པ་ལ་དབང་གི་ཞགས་པས་རི་ལུང་དམ་པོར་བཅིངས་བར་སྣང་། དབུ་མ་རྫོང་ནས་ཡུམ་ཆེན་ཀླུ་མོ་འོད་དཀར་བུམ་བཟང་འོ་མས་གང་བ་ཞིག་བསྣམས་པ་ལས་བདག་གིས་ལག་གཡོན་དུ་གནང་བས་དགའ་བ་བཞིས་རང་ལུས་ངག་ཡིད་གསུམ་ཀུན་དགའ་བདེས་གང་བར་གྱུར། ། རོ་མ་རྫོང་ནས་བློན་པོ་འཇིགས་བྱེད་བདུད་འདུལ་གཡས་སུ་མདུང་དང་། གཡོན་དུ་ཞགས་པ་ཐོགས་པས་དགྲ་བགེགས་བཏུལ་བ་དང་བར་ཆད་གཡུལ་ལས་རྒྱལ་བར་འཆར། ཁྱད་པར་བདུད་བཙན་ཀླུ་གསུམ་དྲེགས་པ་རྒྱ་མཚོའི་ཚོགས་དང་བཅས་པ་རང་གིས་འདོད་དགུ་གྲུབ་པ་དང་། རྒྱལ་བསྟན་འོད་གསལ་རྫོགས་པ་ཆེན་པོའི་འཛིན་སྐྱོངས་སྤེལ་བའི་འཕྲིན་ལས་དུས་སུ་བབས་པར་ཞལ་གྱིས་བཞེས། འགྲོ་བ་ཀུན་ལ་ཕན་བདེ་རྒྱ་ཆེར་དང་ཞི་བདེ་བསྐྲུན་པའི་དགེ་མཚན་རབ་ཏུ་འབར་ཅིང་ཕྱོགས་ཀུན་ལས་རྣམ་པར་རྒྱལ་བའི་རྟེན་འབྲེལ་ཕུན་སུམ་ཚོགས་པར་གྱུར་ཏོ། ཅེས་པའང་རབ་གནས་ཆུ་ཡོས་སྟོན་ཟླ་འབྲིང་བོའི་དབང་ཚེས་ཉེར་གཅིག་ལ་རྨི་ལམ་དབང་ཕྱུག་རིག་འཛིན་ཨེ་མ་ཧོས་རིག་འདུས་མ་ཧཱ་གུ་རུ་པདྨ་སམ་བྷ་ཝའི་གནས་མཆོག་སྟག་ཚང་བཅུ་གསུམ་གྱི་ཡ་གྱལ་འཇང་ཡུལ་སྟག་ཚང་དབང་ཆེན་པདྨའི་དགའ་ཚལ་གྱི་གནས་སྒོ་འགྱེད་པའི་ཚེ་གནས་དེ་ན་ནི་བཀའ་འདུས་དང་དགོངས་འདུས། བཀའ་བརྒྱད་དང་ཞི་ཁྲོ། རྫོགས་པ་ཆེན་པོ་རྒྱུད་འབུམ་ཕྲག་དྲུག་ཅུ་རྩ་དགུ་སོགས་སྐུ་གསུང་ཐུགས་ཡོན་ཏན་ཕྲིན་ལས་གྱི་གནས་ཀུན་གསལ་བ་མཇལ་བའི་མོད་ལ་ཟིན་བྲིས་སུ་བཏབས་པར་དགེའོ།། །།