ཨེ་ཝྃ་ཧོ།

༄༅། །མཁན་ཆེན་ཆོས་དབྱིངས་ཁྱབ་བརྡལ་མཆོག་གི་ཞལ་གདམས། ༈དུས་རྒྱུན་དུ་ཡོན་ཏན་གྱི་གཞི་རྟེན་ཚུལ་ཁྲིམས་སྡོམ་པ་འདི་རང་སེམས་མི་ཁྲེལ་བ་ཞིག་དང་། གཞན་སེམས་ལ་ཐེ་ཚོམ་སྐྱེ་མི་དགོས་པའི་སྤྱོད་པ་གཙང་མ་ཡོད་དགོས། འདི་མེད་ན་སྣོད་མེད་པའི་ཆུ་ལྟ་བུ་ཡིན་པས་སློབ་དཔོན་དབྱིག་གཉེན་གྱིས། ཚུལ་གནས་ཐོས་དང་བསམ་ལྡན་པས། །སྒོམ་པ་ལ་ནི་རབ་ཏུ་སྦྱོར། །ཞེས་དང་ཀླུ་སྒྲུབ་ཀྱིས་ཁྲིམས་ནི་རྒྱུ་དང་མི་རྒྱུའི་ས་བཞིན་དུ། །ཡོན་ཏན་ཀུན་གྱི་གཞི་རྟེན་ལེགས་པར་གསུངས། །ཞེས་དང་། ཕྲན་ཚེགས་ལས། ཚུལ་ཁྲིམས་འདི་ནི་འབྲས་བུ་ཆེ། །ཏིང་ངེ་འཛིན་དང་ངེས་འབྱུང་ཐོབ། །ཞེས་དང་། ཞི་བ་ལྷས། འཇིག་རྟེན་མ་དད་གྱུར་པ་གང་། །མཐོང་དང་དྲིས་ཏེ་སྤང་བར་བྱ། །ཞེས་གསུངས་པ་ལྟར་སྤྱོད་པ་ཁ་ན་མ་ཐོ་བ་མེད་པ་ཞིག་དགོས། ཁྱད་པར་དུ་དགེ་ཚུལ་སློང་ཞིག་ཡིན་ཕྱིན་ཆད་བུད་མེད་བསྟེན་པ་ཕར་ཞོག །ཨ་ནེ་སྲིང་མོ་ཡིན་ཀྱང་ཕྱོགས་ཙམ་དུ་ཡང་གཅར་མི་ཉན། གཞན་མ་དད་པ་བསྐྱེད་པའི་རྒྱུར་འགྲོ་ཤས་ཆེ། བུད་མེད་གཞོན་ནུ་བཙུན་པའི་དགྲ། །ཞེས་དང་། བཞོན་པ་མལ་སྟན་སྔས་དག་ནི། །བུད་མེད་དག་དང་གཅིག་མི་བྱ། །གསུངས་པ་ལྟར། ཨེ་འདི་ནི་ཤཱཀྱའི་རྗེས་འཇུག་ཞིག་ཡིན་ཚར་དུས་ཉེ་མི་ཉེའི་བུད་མེད་དང་འགྲོགས་འདྲིས་བྱེད་མི་ཉན། སྡོམ་པ་དངོས་མ་ཉམས་ཀྱང་སྡོམ་པ་ཁ་ན་མ་ཐོ་བ་ཅན་དུ་འགྱུར་འགྲོ་ནི་རེད། སྔགས་ཀྱི་སྐབས་ན་ཐབས་གྲོལ་གཉིས་ཀའི་ནང་ནས་གྲོལ་ལམ་སྙོག་དགོས་རབས། འོད་གསལ་སྙིང་པོ་དང་། དབུ་མ་རྒྱན། གཞུང་སྤྱིའི་དཀའ་གནད་རྣམས་ཀྱི་སྐབས་ན་བཤད་ཡོད་རྒྱུ་འདི་རྣམས་དུས་ནམ་ཡང་དྲན་དགོས། དེའི་སྟེང་དུ་འདོད་པ་ལ་བློ་ཅུང་ཟད་རེ་ལོག་ཨེ་ཐུབ་བལྟ་དགོས་ནི་རེད་མི། འདོད་པ་ལ་བློ་མ་ལོགས་ན་འཇིག་རྟེན་འཁོར་བ་པ་དང་ཁྱད་ཡོད་ཡོད་ནི་མ་རེད། ཚུལ་ཁྲིམས་མེད་ན་ཡོད་ཏན་ལ་གཞི་རྟེན་མེད། སྙིང་རྗེ་དང་ཕན་སེམས་མེད་ན་བྱང་སེམས་ཀྱི་རྩ་བ་མེད། ཀུན་ལའང་དག་སྣང་ཅུང་ཟད་ཅིག་མེད་ན་སྔགས་ཀྱི་དམ་ཚིག་མེད། མདོར་ན་བ་ཐུལ་མཁན་པོས། བལྟ་དགོས། བསྲུང་དགོས། མཐུན་དགོས་གསུངས་པ་དང་ཀུན་དཔལ་གྱིས། དང་པོར་ཚིག་ཤེས། དེ་ནས་དོན་བསྒོམ། དེ་ནས་རྣམ་པ་ལ་དབང་ཅུང་ཟད་རེ་ཨེ་འབྱོར་བལྟ་དགོས་མི། ཚིག་སྟོང་དང་གོ་བ་སྐམ་པོ་གཉིས་ཀྱིས་ཅི་ཡང་ཕན་ཐོགས་ནི་མ་རེད་གསུངས་པ་ལྟར་རེད། མདོར་ན་ཁྱོད་ཚོས་དམ་པའི་ཆོས་གང་བསྒྲུབས་ཀྱང་། རང་རྒྱུད་འདུལ་བའི་གཉེན་པོ་མ་གཏོགས། དགྲ་འདུལ་གཉེན་སྐྱོང་། ཆགས་སྡང་ཆོས་བརྒྱད། ང་རྒྱལ་དང་ངོམ་ཆོས་ཕྲག་དོག་དང་ཟུར་ཟ། གཞན་ལ་འགྲན་སེམས་ཀྱིས་རྩོད་པ། ལོག་འཚོའི་དཀོར་མང་བསྡུ་བའི་གཡོ་ཐབས་སོགས་རང་དོན་ཕུགས་སུ་བཅིངས། གཞན་དོན་ཁ་རུ་འབྱིན་པའི་ཆོས་གཟུགས་དག་གི་ལད་མོ་མི་བྱེད་པར། ཆོས་ལ་འཇུག་པའི་དོན་པོ་ཁྱེད་རྣམས་ཀྱིས་མི་ཚེ་ཐུང་ངུ་འདི་ལ་ཚད་ཤིང་རིང་པོ་ཞིག་མི་བཞག་རྒྱུ་དང་རྟོག་གེ་མཁས་གྲགས་ཅན་ཞིག་ཨེ་ཡོང་གི་རེ་བ་མི་བྱེད་པར། གང་ཤེས་རྒྱུད་ལ་སྦྱོར་བའི་ཉམས་ལེན་གཙོ་བོར་མཛད་དེ་ནམ་ཞིག་དབུགས་སྣེ་རིང་ཐུང་གི་མཚམས་ལ་སླེབས་དུས་ཕན་ངེས་པའི་གཏད་སོ་ཞིག་ཡོད་ངེས་བྱེད་པ་ནི་ངའི་རེ་བ་ཡིན་ཁ་དགེ་བཀྲ་ཤིས།། །།

༄༅།།ཨེ་ཝྃ་ལམ་རིམ་རྫོགས་ཆེན་ཉི་ཟླ་ནོར་བུའི་རྒྱུད་ལས་ རང་ཤར་རང་གྲོལ་ཏིང་འཛིན་རྒྱལ་པོའི་ལམ་ཀྱི་ལྡེའུ་མིག་ ཅེས་བྱ་བ་བཞུགས་སོ།། ན་མོ་མ་ཧཱ་ཤྲཱིཿ ཨེ་མ་ཧོ༔ ༼༡༽ གདོད་མའི་ཡེ་ཤེས་ནམ་མཁའ་ཡངས་པ་རུ།། ཀ་དག་སྟོང་པའི་ལམ་རིམ་དོན་དམ་ངང་།། ལྷུན་གྲུབ་འོད་གསལ་ལམ་བཟང་དག་རྫོགས་སྨིན།། ཨེ་ཝྃ་ཉི་ཟླ་ནོར་བུ་འོད་དུ་གསལ།། ༼༢༽ འཁོར་འདས་མུན་པ་བྲལ་བའི་འོད་གསལ་ཞིང་།། སངས༵་རྒྱས༵་ཡེ་ཤེས་ཀ་དག་ལྷུན་གྱིས་གྲུབ།། ངོ་བོ་རང་བཞིན་ཐུགས་རྗེའི་སྒྱུ་འཕྲུལ་དཔལ།། ཨེ་ཝྃ་དགྱེས་པ་རྡོ་རྗེའི་ལམ་རིམ་གསལ།། ༼༣༽ ངོ་བོ་གདོད་མའི་སངས་རྒྱས་ཀུན་ཏུ་བཟང་།། རང་བཞིན་རིགས་ལྔའི་ཞིང་ཁམས་རྣམ་པར་དག། ཐུགས་རྗེ་དྲན་རྟོག་ཆོས་དབྱིངས་ངང་དུ་རྫོགས།། ཨེ་ཝྃ་ལམ་རིམ་བདེ་ཆེན་རོལ་བར་སྨིན།། ༼༤༽ རྩ་བརྒྱུད་བླ་མའི་ཚོགས་ལ་དད་པའི་ལམ།། བྱིན་རླབས་བརྒྱུད་པ་རིམ་པ་མ་ནོར་ཕྱིར།། སོར་བྱང་སྔགས་རྫོགས་ས་ལམ་རིམ་པས་ཐོབ།། ལྟ་སྒོམ་སྤྱོད་འབྲས་ཏིང་འཛིན་རྒྱ་མཚོར་དྲན།། ༼༥༽ ཕྱི་སྣང་མཆོག་གསུམ་རང་གི་ལུས་ལ་ཚང་།། ནང་རིག་རྩ་གསུམ་ལམ་བཟང་ལས་སུ་རུང་།། གསང་ཆེན་སྐུ་གསུམ་ངང་དུ་སངས་རྒྱས་ལམ།། གང་བསམ་ཡིད་བཞིན་འགྲུབ་པའི་བཀྲ་ཤིས་ཤོག། ཅེས་རབ་གནས་ཤིང་འབྲུག་དབྱར་དང་པོའི་ཡར་ངོའི་ཚེས་བཅུ་ལ་སྙིང་གྲོགས་སྙིང་གི་དྭངས་མས་བསྐུལ་བར་གསུངས་པ་དང་དེ་མ་ཐག་ཏུ་ཤྲཱིཿཨེ་མ་ཧོས་མྱུར་ལམ་བླ་ན་མེད་པར་རུ་གསལ་འདེབས་བྱས་པ་དེ་དེ་བཞིན་དུ་འགྱུར་བར་གྱུར་ཅིག་གུ།། ཤྲཱིཿ ཨ་ར་ས་བི་ཛ་ཡནྟུ།། །།

༄༅།།དུས་བཟང་དང་རྟེན་འབྲེལ་ལེགས་འགྲིགས། Great times and prayer all done!I Welcome back to the United Kingdom or UK, i had a great trip times! This years 108 days visits in the world for world pace and saves worldly and Nirvana great ways!!! ད་ལོའི་ཤིང་འབྲུག་གི་ལོ་ལ་ཞག་བརྒྱའི་འཛམ་གླིང་ཞི་བདེའི་སྨོན་བཟང་ལུང་བསྟན་དུས་བབས་བཞིན་དུ་འཛམ་བུ་གླིང་གཡས་བསྐོར་ཀྱི་ལས་འཆར་ཞི་ལྷག་རྫོགས་སྒོམ་གྱི་ཨེ་ཝྃ་སྨོན་ལམ་ཆེན་མོ་དེ་ལེགས་གྲུབ་བྱུང་ནས་རང་ཁྱིམ་དབྱིན་ཡུལ་ཨེ་ཝྃ་ཡོ་ག་གླིང་བདེ་མཆོག་རྒྱལ་བའི་ཕོ་བྲང་དུ་བདེ་བར་འབྱོར། སྤྱི་ལོ་(2024/4/24. ) དེ་རིང་སྤྱི་ཟླ་བརྒྱད་པའི་ཚེས་བཞི་བ་སྟེ་བོད་ཟླ་དྲུག་པའི་གནམ་གང་ལ་(4/8/2024) སླར་ཡང་ཨེ་ཝྃ་སྨོན་ལམ་ཆེན་མོ་བརྒྱ་དང་ང་གསུམ་པ་དག་ཞིང་ཟངས་མདོག་དཔལ་རི་དང་རྩ་བཞི་ཆོས་སྒྲུབ་ལ་འཇུག་པ་ཡིན་ནོ།། དྲ་ཐོག་ནས་མི་ས་ཡ་དང་དུང་ཕྱུར་མང་པོས་སྨོན་ལམ་མཉམ་དུ་མཛད། འདི་སྐབས་དངོས་སུ་མི་དམངས་ཐུག་འཕྲད་ནི་བརྒྱད་སྟོང་ལྷག་གིས་སྨོན་གསོལ་མཉམ་དུ་མཛད་པ་དང་། ཁྱིམ་ཚང་བརྒྱ་དང་བརྒྱད། སྐྱབས་སྡོམ་གསར་ཞུ་འཁན་སུམ་བརྒྱ་ལྷག་དང་བྱང་སྡོམ་པ་ལན་འཁན་སྟོང་ལྷག་དང་། བསམ་ལྷུན་དང་གོ་ཁྲབ་དབང་ཞུ་འཁན་ཡང་བདུན་བརྒྱ་གོ་དགུ་དང་། ཡེ་ཤེས་བླ་མའི་རིག་པའི་རྩ་དབང་བསྐུར་ས་དང་ཞུ་འཁན་བརྒྱད་དང་། བློ་སྙིང་ཚེ་སྲོག་དང་འབྲེལ་བ་དུ་མར་བྱུང་། གང་ལྟར་བདེ་ལེགས་ངང་དབྱར་གནས་ཀྱི་དགའ་ཚལ་ལ་མཉམ་རོལ་དུ་དབྱིན་ཡུལ་དུ་བདེ་བར་མཆིས་སོ།། །།