ཨེ་ཝྃ་ཧོ།

རྡོ་རྗེ་གོ་ཁྲབ་ཀྱི་སྔགས་དོན་ཡིད་བཞིན་ནོར་བུ།། ན་མོ་གུ་རུ་བུདྡྷ་ཛྙཱ་ན་པདྨ་ཀ་ར་ཡེ།། ཀ་དག་གདོད་མའི་ཀུན་བཟང་ཨོ་རྒྱན་རྗེ།། ལྷུན་གྲུབ་ཡེ་ཤེས་སྤྱི་གཟུགས་པདྨ་འབྱུང་།། སྣ་ཚོགས་སྤྲུལ་སྐུ་གུ་རུ་རིན་པོ་ཆེ།། ཀུན་འདུས་ཡིད་བཞིན་ནོར་བུ་གསོལ་བ་འདེབས།། ༡༽ ཨོཾ་ཡིག་སྐུ་གསུམ་ངོ་བོར་སངས་རྒྱས་ཕྱིར།། དྲི་མེད་པདྨ་དཀར་པོས་ཕྲིན་ལས་རྩལ།། ཤ་ཝ་རི་ཕཊ༔ནད་རིགས་ཐམས་ཅད་སེལ།། ༤༢༤ ནན་པར་ཤིག༔གིས་གདོན་རྐྱེན་བར་ཆད་བསལ།། ༢༡༠༠༠ ༢༽ ནཱ་ག་ནན༔གྱིས་བག྄ེགས་འདྲོག་མ་ལུས་གྲོལ།། ༨༠༠༠༠་ ༣༦༠ ཏདྱ་ཐཱ༔ ཡིས་ཇི་སྐད་གསུང་པའི་དོན།། སརྦ་ཝི་རི་ཏ༔ ནི་ཀུན་ཏུ་སྲུང་།། ཧ་ན་ཧ་ན༔ས་སྡིག་སྒྲིབ་བག་ཆགས་སངས།། ༣༽ བཛྲེ་ན་ཡིས་རྡོ་རྗེས་གནམ་ས་གཏམས།། རཀྵ་རཀྵ་སྲུང་གུར་འཇའ་ཟེར་ཀློང་།། སྭཱ་ཧཱ༔ཡང་དག་གཞི་ཚུགས་སངས་རྒྱས་ཆོས།། འགྲོ་ཀུན་འཕགས་ལམ་ཐོབ་ཕྱིར་ཤིན་ཏུ་ཟབ།། སྨན་སྔགས་རྫས་ཀྱིས་ནུས་པའི་བདེན་ཚིག་གིས།། ནད་གདོན་བགེགས་རིགས་བར་ཆད་ཐམས་ཅད་སེལ།། ལུས་ངག་ཡིད་གསུམ་དག་རྫོགས་སྨིན་པའི་མཐུས།། ཁམས་གསུམ་ཡང་དག་སྐུ་གསུམ་རྒྱལ་སར་ཕྱིན།། སྣང་བ་མཆོག་གསུམ་ལྷ་ཡི་ངོ་བོར་དག། གྲགས་པ་རྩ་གསུམ་སྔགས་ཀྱི་རང་བཞིན་རྫོགས།། རིག་པ་སྐུ་གསུམ་རྒྱལ་བའི་ཐུགས་རྗེར་སྨིན།། འགྲོ་ཀུན་བདེ་མྱུར་སངས་རྒྱས་ས་ཐོབ་ཤོག། ཅེས་པ་འདི་ཡང་རབ་གནས་ལྕགས་བྱིའི་དབོ་ཟླའི་གནམ་གང་གི་ཉིན་མོར་རང་གི་རྟོགས་འབུལ་ཉིད་མ་ཧཱ་གུ་རུ་བུདྡྷ་གུ་ཧྱེས་བཀའ་རྒྱ་ཐོབ་པའི་མོད་ལ་གང་ཤར་འགྲོ་བར་ཕན་པའི་བརྡ་སྟོན་ཙམ་དུ་ཨེ་ཝཾ་རྫོགས་ཆེན་ཆོས་སྒར་ནས་བིརྱ་དྷཱ་ར་ཨེ་མ་ཧོས་དེ་མ་ཐག་ཏུ་ཡིག་ཐོག་ཏུ་བཀོད་པར་རྫོགས་སོ།། །།

ཨེ་མ་ཧོ༔ཨེ་ནི་ངོ་བོར་སྟོང་པ་ཆོས་སྐུར་དག།།མ་ནི་འོད་གསལ་སྣང་བ་ལོངས་སྤྱོད་རྫོགས།།ཧོ་ནི་ཐུགས་རྗེ་རང་རིག་སྤྲུལ་སྐུར་སྨིན།།ཨེ་མ་ཧོ་ཉིད་སེམས་ཅན་ཀུན་ལ་ཁྱབ།།ཨེ༵་ཡིག་འདིས་འཁོར་འདས་གཟུགས་ནས་རྣམ་མཁྱེན་གྱི་བར་དུ་ཆོས་ཐམས་ཅད་ཡེ་ནས་སྟོང་པ་སྤྲོས་པ་ཐམས་ཅད་དང་བྲལ་བ་རྣམ་ཀུན་མཆོག་ལྡན་གྱི་སྟོང་པ་ངོ་བོ་ཆོས་དབྱིངས་སྐྱེ་བ་མེད་པ་ཆོས་སྐུ་ཀུན་ཏུ་བཟང་པོ་ཡེ་གདོད་མའི་མགོན་པོ་དེ་ཀའོ།། མ༵་ཡིག་གིས་སྣང་བ་འོད་གསལ་བ་ལྷུན་གྲུབ་བདེ་བར་བཤེགས་པའི་སྣང་བ་ལ་དག་སྣང་གི་འཆར་ཆ་སྒོ་བརྒྱད་སོགས་དག་པ་རབ་འབྱམས་མུ་མེད་ཀྱི་སྙིང་པོའི་ཞིང་ཁམས་སྣ་ཚོགས་སུ་མངོན་སུམ་ལོངས་སྐུ་རྒྱལ་བ་སྲས་བཅས་ཀྱི་ཐུགས་མཁྱེན་བརྩེ་ནུས་པའི་བདག་ཉིད་ཅན་ནོ།། ཧོ༵་ཡིག་གིས་དེ་ལྟར་སྟོང་གསལ་དབྱེར་མེད་པའི་རང་གི་རིག་པ་རང་བྱུང་དོན་གྱི་སངས་རྒྱས་ཡིན་པ་ལ་ཡིན་པ་ཤེས་པའི་ཁོ་ཐག་སེམས་ནང་ནས་ཆོད་པའི་རང་ངོ་ཤེས་པ་དང་རང་བབས་བཞགས་པས་པས་སངས་རྒྱས་གཞན་ལས་བརྩལ་དུ་མེད་པར་རིག་པ་དེ་ཉིད་ལ་རང་གིས་རང་ཉིད་སངས་རྒྱས་ཡིན་པར་ངེས་ཤེས་སྐྱེས་པས་དགའ་སྐྱིད་བསམ་ཡུལ་ལས་འདས་པའི་ངང་ནས་བཙན་ས་ཟིན་སྤྲུལ་སྐུའི་རྣམ་པའོ།།ཅེས་པ་འདི་ཡང་ཨ་རིའི་སནྡྷ་ཧྥེའི་ཨེ་ཝཾ་གནམ་ལྕགས་ཕོ་བྲང་ནས་ལྷ་བབ་དུས་དགེ་བར་༸ཁྱབ་བདག་གསང་སྔགས་བསྟན་འཛིན་རིན་པོ་ཆེའི་མཁའ་འགྲོ་སྙིང་ཐིག་གི་དབང་བསྐུར་དགེ་བའི་ཚོགས་གྲལ་ནས་ཤྲཱིཿཨེ་མ་ཧོས་བགྱིས་པར་དགེའོ།།

སྲོག་ཆག་གྲོ་མ་མིག་མེད་ལ་སྦྱིན་པ་གཏང་ན་དགེ་རྩ་འདི་ལྟར་གཟིགས་དང་།༈ ཟས་སྦྱིན་འདིའི་ཁུངས། མདོ་རྔ་བོ་ཆེ། འོད་ཟེར་ཅན། ཕལ་བོ་ཆེ་རྣམས་སུ་གསུངས། སྦྱིན་བྱའི་ཁ་ཟས་ལའང་ཉ་དང་བྱ་རིགས་དག་གི་ཟན་ལ་གཙང་རྩོག་ཆེར་མེད་ཅིང་སྦྱིན་དུས་ནམ་གྲུབ་ལས་མི་འདུག གྲོག་མའི་ཁ་ཟས་ནི་དབྱར་ཟླ་གསུམ་བཅོ་ལྔ་ལྟ་བུ་ལ་ཕྱེ་ཕུད་གཙང་ཞིང་ཁ་རླངས་མ་ཤོར་བ། དཀར་གསུམ་མངར་གསུམ་སྣུམ་རིགས་རྣམས་དང་ཆང་སིད་སྦང་མ་སོགས་སྐྱུར་རིགས་དང་ཡང་མ་འདྲེས་པ། སྣོད་ཡང་གཙང་མ་རུ་བླུག བྱིན་རྟེན་སྦྱར་བའམ་གཟུངས་ཆུས་ཕྱེ་སྐྱ་བུལ་ཙམ་བྱས་ཏེ་གྲོག་ཚང་གི་སྟེང་དང་ནང་མིན་པར་ཕྱིའི་ཉེ་སར་གཏོང་དགོས།འདིར་སྲོག་ཆགས་གང་དག་ལ་སྦྱིན་པའི་ཚུལ། ༡ སྤྱིར་སྦྱིན་ཡུལ་འདི་རྣམས་ཀྱི་མཚོན་མཁའ་ཁྱབ་སེམས་ཅད་ཐམས་ཅན་ཀུན་ལ་རང་རང་སྡུག་བསྔལ་གང་གིས་མནར་བ་ལས་ཐར་ཅིང་གནས་སྐབས་མཐར་ཐུག་གིས་ཕན་བདེ་ཅི་འོས་གང་འཚམ་ཐོབ་ཐབས་སུ་གསུང་མཆོག་ཡི་རྒྱལ་པོ་ཡི་གེ་དྲུག་མའི་ཆོས་ཀྱི་སྦྱིན་པ་དང་། ༢ དམ་རྫས་མྱོང་གྲོལ་སོགས་ཀྱིས་བྱིན་ཕབས་པའི་ཁ་ཟས་གཙང་མ་ཇི་ལྟར་འོས་པའི་ཟང་ཟིང་གི་སྦྱིན་པ་དང་། ༣ སྦྱིན་ཡུལ་འགྲོ་བ་རྣམས་བདེ་སྐྱིད་ཕུན་ཚོགས་ཀྱིས་འཚོ་བའི་ཆེད་ཟས་གང་སྦྱིན་ལ་བརྟེན་དེར་ལྟོས་མི་འཇིགས་པ་སྲོག་གི་སྦྱིན་པ་དང་། ༤ འདིར་འབྲེལ་དེ་དག་ཀུན་ཀྱང་ཡིད་འོང་བདེ་དགའ་མཆོག་ལ་འགོད་འདོད་ཀྱིས་སྨོན་ཚིག་ལེགས་པར་བརྗོད་ཅིང་བྱམས་པའི་སྦྱིན་པ་དང་བཞི་པོ་ཚང་བའི་སྒོ་ནས་དེང་སྐབས་སྲོག་ཆགས་མང་ཙམ་ལ་ཁ་ཟས་ལེགས་སྦྱིན་གྱི་བསོད་ནམས་བསགས་པའི་སྒོ་འདིའི་ཕ࿆ན་ཡོ࿆ན་ཡང་ ༡ གནས་སྐབས་སྦྱིན་བདག་ལ་སྔོན་ལས་ངན་པ་ལན་ཆགས་བུ་ལོན་ལྕི་བ་ན་ཚའི་རིགས་ད་ལྟའི་ལུས་ཐོག་ཏུ་སོས་ཐབས་དཀའ་བ་རྣམས་ཀྱང་དེ་འཕྲལ་ཞི་བ་དང་།༢ ཚེ་འདིར་ཁ་རྗེ་ཉམས་པ་དབང་ཐང་རྒུད་པ་མི་འདོད་པ་ཐོགས་བབས་སོགས་ཀྱང་འཕྲལ་བཟློག་ལ་ནུས་ཤུགས་ཆེ་ཞིང་རྐྱེན་ངན་སེལ་བྱེད་ཀྱི་ཐབས་རིམ་བཟང་ཤོས་ཡིན་ལ། ༣ དེ་བརྟེན་སྦྱིན་པའི་མཐུ་ཆེན་པོ་ཉེ་བར་རྫོགས་པའི་ཆ་རྐྱེན་མཆོག་ཏུ་གྱུར་ནས་བསོད་ནམས་ཆེས་ཁྱད་པར་བའི་ཕུང་པོ་བསགས་པ་སྟོབས་ལྡན་དུ་ལེགས་པར་གྲུབ་སྟེ་ཚེ་མཇུག་བྱ་བ་ལམ་འགྲོ་གེགས་མེད་ཀྱི་མཐར་ཕྱི་མའི་དུས་སྐབས་སུའང་ཡང་དག་ཆ་རྐྱེན་བཟང་པོ་འབའ་ཞིག་གིས་མཐར་ཐུག་ཐར་བ་དང་ཐམས་ཅད་མཁྱེན་པར་རིང་འགོར་མི་དགོས་ཤིང་བྱ་ཐབས་སླ་བས་ཆེས་ཉེ་ཁྱད་པར་ཅན་གྱི་སྒོ་ནས་གོ་འཕང་མཆོག་དབང་བ་ལ་བརྟེན་རང་གཞན་དོན་གཉིས་རླབས་པོ་ཆེ་ཕྱོགས་དུས་ཐམས་ལ་རིས་སུ་མ་ཆད་པའི་གྲུབ་འབྲས་ཕུན་སུམ་ཚོགས་པ་ནམ་ཡང་མི་བསླུ་བའི་གོ་སྐབས་ལ་ཐེ་ཚོམ་བྱ་མི་འོས་པའི་ཕྱིར་ན་མདོ་རྒྱུད་དུ་མ་ལས་དེ་ལུགས་ལྟར་ཟས་སྦྱིན་འདི་ལ་ཕན་ཡོན་མང་དུ་གསུངས་པ་སྟེ་དེ་ཡང་བྱང་སེམས་ཀྱི་ཐུགས་བསྐྱེད་སྲོག་ཆགས་ལ་ཟས་སྦྱིན་སྐབས་ཀྱི་ཀུན་སློང་སྲིད་གསུམ་སེམས་ཅན་ཐམས་ཀུན་ལ་སྦྱིན་འདོད་ཀྱི་བསམ་པ་དང་དགེ་རྩ་འགྲོ་དོན་བླ་མེད་བྱང་ཆུབ་ཏུ་བསྔོ་བར་བྱས་ཤིང་དམ་རྫས་ཁྱད་འཕགས་དང་ཆོས་སྦྱིན་ཟབ་མོའི་སྟོབས་འཛོམ་པའི་ཐབས་དང་མ་བྲལ་ན་སེམས་ཅན་ལ་ཕན་ཐོགས་དེ་ལུགས་བཞིན་དང་། ནམ་ཞིག་བྱང་ཆུབ་གོ་འཕང་ཐོབ་བྱེད་ཀྱི་རྒྱུར་མི་བསླུ་བའི་ཚུལ་ཤེར་ཕྱིན་སྡུད་པ་ལས། བྱང་ཆུབ་སེམས་དཔའ་མཁས་པ་སྲིད་གསུམ་གྱི།།སེམས་ཅན་ཇི་སྙེད་དེ་དག་ཀུན་ལ་སྦྱིན་པ་འདི།།བྱིན་པར་གྱུར་ཅིག་སྙམ་དུ་བསམ་ནས་སྦྱིན་བྱིན་ལ།།དེ་ཡང་འགྲོ་བའི་དོན་ཕྱིར་བྱང་ཆུབ་མཆོག་ཏུ་བསློ།།ཞེས་གསུངས་པ་དང་། སྦྱིན་པས་ཡི་དྭགས་ཀྱི་སྒོ་ཆོད་ཅིང་དབུལ་ཕོགས་ཉོན་མོངས་པ་སེལ་ནས་རྣམ་སྨིན་ལོངས་སྤྱོད་མཐའ་ཡས་པ་རྒྱས་བཞིན་གཞན་སྡུག་བསྔལ་ཅན་མང་པོ་ཆོས་ཀྱི་རྒྱུད་སྨིན་པར་བྱེད་ནུས་ཚུལ། བྱང་ཆུབ་སེམས་དཔའི་སྦྱིན་པས་ཡི་དྭགས་འགྲོ་བ་གཅོད།།དབུལ་བ་དང་ནི་དེ་བཞིན་ཉོན་མོངས་ཐམས་ཅན་གཅོད།།སྤྱོད་ཚེ་ལོངས་སྤྱོད་མཐའ་ཡས་རྒྱས་པ་ཐོབ་པར་འགྱུར།།སྦྱིན་པས་སྡུག་བསྔལ་གྱུར་བའི་སེམས་ཅན་ཡོངས་སྨིན་བྱེད།།ཅེས་གསུངས་པ་ལྟར་ཉ་གྲོག་སོགས་སུ་ཁ་ཟས་ལན་ལ་རེ་བ་མེད་པར་སྦྱིན་གཏོང་གི་སྒོ་ཅི་ཙམ་ཕྱེ་ནུས་པ་དེ་ལུགས་བཞིན་ཕན་ཡོན་རྗེས་སུ་འགྲོ་བ་རྟེན་འབྲེལ་གྱི་ཆོས་ཉིད་ནམ་ཡང་མི་བསླུ་བ་ལགས་སོ།།བོད་ལོ༢༡༤༦:༣:༢༡ཉིན་རེ་སྐོང་ཟིལ་་ཏོག་ནས་ཟིན་བྲིས་སུ་བཏབ་པ་ཡིན། ༈ རྒྱ་གྲོག་ལ་ཟས་སྦྱིན་པའི་བསོད་ནམས། 1 ཡུལ་མི་བརྒྱ་ལ་སྦྱིན་པ་བས་སེར་མོ་རྟགས་འཛིན་ཙམ་ལ་གྲོ་དྲངས་པ་བསོད་ནམས་ཆེ། སེར་མོ་བརྒྱ་ལ་གྲོ་ཕུལ་བ་བས། རྒྱ་གྲོག་གྲོང་ཁྱེར་གསོ་བར་བསོད་ནམས་ཆེ། རྒྱ་གྲོག་གྲོང་ཁྱེར་ལ་དམྱལ་བ་ཡི་དྭགས་དུད་འགྲོ་ཐམས་ཅད་ཚང་།2 རྒྱ་གྲོག་གཅིག་གསོས་ན་ཕན་ཡོན་མདོ་སྡེ་བརྒྱ་ཚར་གཅིག་དང་མཉམ། བཅུ་གསོས་ན་བཀའ་འགྱུར་ཚར་གཅིག་དང་མཉམ། སྟོང་གསོས་ན་བཀའ་འགྱུར་ཚར་བཅུ་དང་མཉམ། ཁྲི་གསོས་ན་ཐུན་མོང་གྲུབ་ཐོབ། འབུམ་གསོས་ན་མཆོག་གི་དངོས་གྲུབ་ཐོབ། བྱེ་བ་གསོས་ན་སྟོང་འཁོར་ལོས་སྒྱུར་རྒྱལ་འགྱུར། རྒྱ་གྲོག་རྒྱུན་དུ་གསོས་ན་སྦྱན་རས་གཟིགས་དང་དགོངས་པ་མཉམ།3 གནས་སྐབས་སྦྱིན་བདག་ལ་སྔོན་ལས་ངན་པ་ལན་ཆགས་བུ་ལོན་ལྕི་བ་ན་ཚའི་རིགས་ད་ལྟའི་ལུས་ཐོག་ཏུ་སོས་ཐབས་དཀའ་བ་རྣམས་ཀྱང་དེ་འཕྲལ་ཞི་བ་དང་། ཚེ་འདིར་ཁ་རྗེ་ཉམས་པ་དབང་ཐང་རྒུད་པ་མི་འདོད་པ་ཐོགས་བབས་སོགས་ཀྱང་འཕྲལ་བཟློག་ལ་ནུས་ཤུགས་ཆེ་ཞིང་རྐྱེན་ངན་སེལ་བྱེད་ཀྱི་ཐབས་རིམ་བཟང་ཤོས་ཡིན་ལ། དུས་གྱི་ཚེ་སྐག་བཟློག ལོ་དང་སྤར་ཁ་ངན་པ་བཟློག གསོན་པོའི་གཏོར་བཟློག དབུལ་སྲི་སྲིས་མི་ཆགས་པ། དགྲ་རྐུན་སོགས་བསྲུང་བའི་རིམ་གྲོ། གཤིན་པོ་ཕ་མ་ཉེ་འབྲེལ་ཤི་བའི་ཆོས་སྐལ་ལ་ལྷ་རྟེན་དཀོན་མཆོག་གསུམ་མདུན་དུ་ཚེ་འབར་བཙུགས་པ་དང་འདྲ་གསུངས།4 རྒྱ་གྲོག་ཆེ་བ་ལ་ཟས་སྦྱིན་ན། མི་བྱེ་བ་གསུམ་ལ་སྦྱིན་པའི་ཚད། འབྲིང་བ་མི་བྱེ་བ་གཅིག་གི་ཚད། ཆུང་བ་མི་དང་དུད་འགྲོ་བདུན་འགྱུར་གྱི་བསོད་ནམས་ཡོད།5 དལ་འབྱོར་ཐོབ་པའི་རྐྱེན། ཕ་མའི་ཞབས་ཏོག་ཕན་ཡོན་ཆེ། དེ་བས་ལམ་ནོར་པ་སྟོན་པའི་བླ་མའི་ཞབས་ཏོག་ཕན་ཡོན་ཆེ། དེ་བས་རྒྱ་གྲོག་གྲོང་ཁྱེར་གཅིག་ལ་ཟས་སྦྱིན་ན་བསོད་ནམས་ཆེ།༡ སྔོན་འདས་པའི་དུས་ན་ཤར་ཕྱོགས་གྲོང་ཁྱེར་ཆེན་པོ་གཅིག་ན་ར་རྫི་ཞིག་འདུག དེའི་ཐང་དཀྱིལ་ན་རྒྱ་གྲོག་འབུམ་ཚོ་ཙམ་འདུག་པ་ལ། དེར་སྦྱིན་པ་གཏོང་མི་མེད། ར་རྫིས་བཟའ་བ་ནི་ཟོས་ཚར། ཐང་ཁུང་སྤྲུག་ན་ནི་རྒྱ་གྲོག་རྣམས་ཐལ་བས་མཚང་འགྲོ་བསམ། དེའི་ཉིན་ཐབས་མ་རྙེད། ཕྱི་ཉིན་རྫི་གྲོ་ཟན་ལོག་གཅིག་ཡོད་པ་དེས་ཟན་ཕྱེ་བྱས་ཟར་བཅུག དེའི་འབྲས་བུ་ཕྱི་མ་ཁོང་རང་བན་དེ་སྐྱེ་བཟང་ཅན་གཅིག་ཏུ་སྐྱེས། སྔོན་ར་རྫིའི་དུས་ར་བསད་པ་དང་།བདག་པོ་ལ་ངན་བྱས་ར་རྣམས་རྩྭ་མེད་སར་འཚོས་པའི་ཉེས་པས་དབུལ་པོར་གྱུར།དེ་དུས་ཕྱོགས་མེད་དུ་འཁྱམས་ནས་སྤྲང་དུ་སོང་བར་གྲོང་ཁྱེར་མི་རྣམས་ཤ་རྩ་དམར་བ་ལུས་རིང་བ་གོས་དམར་པོ་ཅན་ཤིན་ཏུ་འཇིགས་པའི་ཡུལ་གྲུ་གཅིག་ལ་ཕྱིན། གཙོ་བོ་གཅིག་བྱུང་ནས་ཕྱག་འཚལ་ནས་ནང་དུ་སྤྱན་དྲངས་ནས་བླ་མཆོད་དུ་བཀུར་སྟི་བྱས།ནད་པ་སྲིའུ་གསོ་བ་སོགས་ལ་མཆིལ་མ་བཏབ་པས་ཆོག་པ་བྱུང་། ཟླ་བ་ཕྱི་མ་ལ་རྒྱལ་པོའི་སྐུ་བསྲུང་དུ་ཚུད། ཡུལ་དེའི་རྒྱལ་པོ་ཚེ་དུས་དེ་ལོ་ཡིན་པ་ལ་ལོ་དགུ་ཚེ་ཤུགས་ཐུབ། ཁོང་ཕྱིས་ཤེས་རབ་རྗེ་བཙུན་འཇམ་དབྱངས། སྙིང་རྗེ་སྦྱན་རས་གཟིགས། མཐུ་སྟོབས་ཕྱག་རྡོར། ལོངས་སྤྱོད་རྒྱལ་པོ་དང་མཉམ་པ་བྱུང། དེར་གྲོང་ཁྱེར་དེའི་རྒྱལ་པོ་སྔོན་རྒྱ་གྲོག་རྒྱལ་པོ། བན་དེ་ར་རྫི། བཀུར་སྟི་ཕུན་ཚུམ་ཚོགས་པ་ནི་ཟས་སྦྱིན་པའི་འབྲས་བུ་ཡིན་གསུངས།༢ ཡང་སྔོན་རྫི་བོ་ཕོ་མོ་གཉིས་ཀྱི་རྫི་གྲོ་རྒྱ་གྲོག་ལ་སྦྱིན་འབྲས་སྐྱེ་བ་ཕྱི་མར། རྒྱལ་པོ་ཁག་གཉིས་ཀྱི་བུ་དང་བུ་མོར་སྐྱེས་ནས། སྐྱི་བ་དེར་རྒྱལ་སྲིད་མཉམ་དུ་བྱས་ལུས་ལ་ན་རྒྱུ་ཅུང་མང་བ་སྔོན་ཕྱེ་གཙང་མ་མ་བྱས་པའི་ལན་ཡིན་ཟེར། དེ་འདྲའི་ཕན་ཡོན་མང་པོ་སྔོན་གྱི་བླ་མ་རྣམས་ཀྱི་གསུངས་ན་འདུག1 སྤྱིར་སྦྱིན་པའི་ཕན་ཡོན། མགོན་པོ་ཀླུ་སྒྲུབ་ཀྱིས། ཡི་དྭགས་ཁྱི་དང་གྲོག་སྦུར་དང་།།བྱ་ལ་སོགས་པ་ཅི་བདེ་བར།།རྟག་ཏུ་ཟས་དག་སྩོལ་བར་མཛོད།།སྦྱིན་པའི་ལོངས་སྤྱོད་ཁྲིམས་ཀྱི་བདེ་སོགས་དང་༴ ལྷ་མི་དགའ་བར་འགྱུར་བ་དང་།།དེ་དག་ཀྱང་ནི་སྲུང་བ་དང་།།ཡིད་བདེ་བ་དང་བདེ་མང་དང་།།དུག་དང་མཚོན་གྱིས་མི་ཚུག་དང་།།འབད་པར་མེད་པར་དོན་ཐོབ་དང་།།ཚངས་པའི་འཇིག་རྟེན་སྐྱེ་འགྱུར་ཏེ།།གལ་ཏེ་གྲོལ་བར་མ་གྱུར་ཀྱང་།།བྱམས་ཆོས་ཡོན་ཏན་བརྒྱད་འཐོབ་བོ།།ཞེས་དང་། སློབ་དཔོན་ཟླ་བ་གྲགས་པས་དབུ་མ་ལ་འཇུག་པ་ལས།།སྐྱེ་བོ་འདི་ཀུན་བདེ་བ་མངོན་འདོད་ཅིང༌། །མི་རྣམས་བདེ་བའང་ལོངས་སྤྱོད་མེད་མིན་ལ། །ལོངས་སྤྱོད་ཀྱང་ནི་སྦྱིན་ལས་འབྱུང་མཁྱེན་ནས། །ཐུབ་པས་དང་པོར་སྦྱིན་པའི་གཏམ་མཛད་དོ། །སྙིང་རྗེ་དམན་ཞིང་ཤིན་ཏུ་རྩུབ་སེམས་ཅན།། རང་དོན་ལྷུར་ལེན་ཉིད་དུ་འགྱུར་བ་གང༌། །དེ་དག་གི་ཡང་འདོད་པའི་ལོངས་སྤྱོད་རྣམས། །སྡུག་བསྔལ་ཉེར་ཞིའི་རྒྱུར་གྱུར་སྦྱིན་ལས་འབྱུང༌།།ཞེས་སོགས་མང་།2 སྤྱིན་ཡུལ་ཁྱད་པར་པ་བྱིན་པའི་ཕན་ཡོན་ལྷར་པར་ཆེ་ཚུལ། དཔེར་ན་མི་བརྒྱགས་པ་བརྒྱ་ལ་སྦྱིན་པ་ལས་བཀྲེས་པ་གཅིག་ལྷག…

འོད་གསལ་ངང་གི་རྨི་ལམ་ལས་དངོས་སུ་བླ་མ་དང་མཇལ། བཀའ་མོལ་གྱི་ཟིན་བྲིས་རིང་ཙམ་བྱུང་། ཤིན་ཏུ་དྲན། བླ་མ་བཀའ་དྲིན་ཅན། ང་ད་ལྟ་ཅ་འཇིག་རྟེན་འདིར་འཚོ་བཞིན་པ་འདི་ཡང་མཆོག་གིས་བཀའ་དྲིན་ཡིན། སྙིང་དང་སྲོག་ཏུ་འབྲེལ་བའི་བླ་མ་ཉིད།།འདི་ཕྱི་ཀུན་ཏུ་འབྲལ་བ་མེད་པའི་ཕྱིར།།རྨི་ལམ་འོད་གསལ་ངང་ནས་མཇལ་བ་འདིས།།ང་ཡི་མིག་མཐར་རྒྱ་མཚོའི་ཀླུང་ཆེན་འཁྱིལ།།དད་དམ་གཙང་མའི་རིག་པ་ཨེ་མ་ཧོ།།གང་ལྟར་ལོ་སྔོན་མའི་གསོལ་འདེབས་ཤིག་འདིར་འགོད་པར་བྱའོ།།ཁྱབ་བདག་བླ་མ་ཆོས་དབྱིངས་རྡོ་རྗེ་དྲན།།ཨེ་མ་ཧོ།།ཆོས་བརྒྱད་ཞེན་པ་བྲལ་བའི་རི་ཁྲོད་པ།།ཚེ་དང་སྒྲུབ་པ་མཉམ་པའི་རྣལ་འབྱོར་པ།།གསང་ཆེན་བསྟན་པའི་ཁྱབ་བདག་རྡོ་རྗེ་འཆང་།།ཀུན་བཟང་རྫོགས་ཆེན་བླ་མ་གསོལ་བ་འདེབས།།ཕྱི་ནས་རིང་བསྲེལ་ཕུང་པོས་ཡོངས་སུ་གཏམས།།ནང་དུ་མདོ་སྔགས་ཟབ་གནད་གདམས་པས་ཕྱུག།གསང་བ་ངེས་དོན་བསྟན་པའི་ཤིང་རྟ་བ།།ཡང་གསང་བསྟན་པའི་བདག་པོར་གསོལ་བ་འདེབས།།བྱམས་བརྩེ་བླ་མས་ཚེ་སྲོག་སྐྱབས་པའི་དྲིན།།མཁྱེན་རབ་བདག་པོས་མ་རིག་བསལ་བའི་དྲིན།།ཕན་བདེའི་ཆོས་དང་འཇིག་རྟེན་སྐྱོང་བའི་དྲིན།།བཀའ་དྲིན་སུམ་ལྡན་བླ་མ་ཡང་ཡང་དྲན།།དྲན་དྲན་དཀོན་མཆོག་ཀུན་འདུས་བླ་མ་དྲན།།དྲན་པའི་མེ་ལོང་གསལ་བའི་འོད་ཀློང་ནས།།བཀའ་དྲིན་མཚུངས་མེད་བཞིན་ནོར་བུ་ལ།།གསོལ་བ་འདེབས་སོ་བསྟན་དོན་ལྷུན་གྲུབ་ཤོག།རབ་གནས་ས་ཁྱི་སྨིན་ཟླའི་ཉ་གང་ལ་ཤྲཱིཿཨེ་མ་ཧོས་དྲན་སྣང་གི་མེ་ལོང་ངོ་།།

ཨ་མ་ཡེ་ཤེས་མཚོ་རྒྱལ་མཁྱེན་ནོ།།ཨེ་མ་ཧོ། །ཀ་དག་སྤྲོས་བྲལ་གྱི་ངང་ནས།།ཁ་སྦྱོར་ལྷུན་གྲུབ་ཀྱི་འོད་གསལ།།ག་བུར་མདངས་འཛིན་གྱི་མཁའ་འགྲོ།།ང་ཡི་བླ་མ་ཉིད་མཁྱེན་ནོ།།ཅ་ཅོའི་འདུ་འཛི་ཡིས་དབེན་པས།།ཆ་ལུགས་ཆོས་བཞིན་གྱི་མཛད་མ།།ཇ་ཆང་ཚོགས་འཁོར་ལ་ཕེབས་ནས།།ཉ་མོ་ཆུ་གནས་ལྟར་བཞུགས་ཤིག།ཏ་ཐཱ་ག་ཏ་ཡི་བསྟན་པ།།ཐ་དག་མདོ་སྔགས་ཀྱི་བདག་མོ།།ད་ལྟ་སྐད་ཅིག་ལ་བྱོན་དང་།།ན་མོ་སྒོ་གསུམ་གྱིས་འདུད་དོ།།པ་ར་མི་ཏཱ་ཡི་གཏེར་མཛོད།།ཕ་མས་རྒྱུད་སྡེ་ཡི་བདག་མོ།།བཛྲ་བཀའ་གཏེར་གྱི་ཁྱབ་བདག།མ་མ་དྲིན་ཆེན་རྗེ་མཁྱེན་ནོ།།ཙ་རི་སྦས་ཡུལ་དང་མཚུངས་པའི།།ཚ་གྲང་མཉམ་གནས་ཀྱི་ཞིང་ཁམས།།ཛ་ཡའི་རྒྱལ་བསྟན་གྱི་གདན་ས།།ཝ་ཡེལ་རི་ཁྲོད་ལ་བཞུགས་མཛོད།།ཞ་ལོང་མུན་གླིང་གི་ཡུལ་ན།།ཟ་འདོད་དཀོར་བསྡུད་ཙམ་མིན་ཕྱིར།།འ་ཅག་བཀའ་གཏེར་གྱི་བསྟན་པ།།ཡ་ཀི་དག་ཞིང་བཞིན་བསྒྱུར་ཤོག།ར་བ་གངས་དཀར་གྱིས་མཛེས་ཀྱང་།།ལ་རྒྱ་འཁོར་བ་ལ་ཆགས་ནས།།ཤ་ཞེན་སྙིང་པོ་རེ་དབེན་ཕྱིར།།ས་ཐོབ་ཡོན་ཏན་ཀུན་སྩོལ་ཅིག།ཧ་ཅང་དྲན་གདུང་གིས་དད་པའི།།ཨ་མ་མཚོ་རྒྱལ་ཉིད་མཁྱེན་ནོ།།ཨི་ལྡན་དབྱངས་གསལ་གྱི་མཆོད་པ།།ཨུ་དམ་ཝ་རའི་ཚོགས་འབུལ་ལོ།།ཨེ་མ་སྙིང་དབུས་ཀྱི་མཁའ་འགྲོས།།ཨོ་རྒྱན་པད་འབྱུང་གི་དངོས་གྲུབ།།བདག་ཅག་འགྲོ་ཀུན་ལ་གནང་ནས།།སངས་རྒྱས་ཀུན་མཉམ་དུ་མཛོད་ཅིག།ཅེས་རབ་གནས་ལྕགས་བྱིའི་དབོ་ཟླའི་མཁའ་འགྲོའི་དུས་ཆེན་ལ་ཨེ་མ་ཧོས་ཨེ་ཝཾ་རྫོགས་ཆེན་ཆོས་སྒར་ནས་སྨོན་པར་དགེའོ།། །།Pause-3:54Additional visual settingsClick to enlargeUnmuteKhenchen Lama

༧གྲུབ་ཆེན་རྨ་སེ་བློ་གྲོས་རིན་ཆེན་གྱི་འདས་མཆོད། 今天玛色罗珠仁青圆寂纪念日 །བོད་ཟླ༢ ཚེས༢༦ཉིན།༈ རྗེ་མཚུངས་མེད་བློ་གྲོས་རིན་ཆེན་ལ་གསོལ་བ་འདེབས་སོ།བདག་འཛིན་འཁྲུལ་པའི་འཆིང་བ་རྩད་ནས་བཅད།།བརྗོད་མེད་ཆོས་སྐུའི་རང་ཞལ་རྗེན་པར་བུད། །ཀུན་ཀྱང་སངས་རྒྱས་ས་རུ་སྐྱེལ་མཛད་པ། །བློ་གྲོས་རིན་ཆེན་ཞབས་ལ་གསོལ་བ་འདེབས། ལོ་རེའི་བོད་ཟླ༢པའི་ཚེས་༢༦ནི། ཟུར་མང་བཀའ་བརྒྱུད་ཀྱི་བསྟན་པའི་སྲོལ་འབྱེད་ཆེན་པོ་༧གྲུབ་ཆེན་རྨ་སེ་བློ་གྲོས་རིན་ཆེན་གྱི་འདས་མཆོད་ཡིན་པས་ང་ཚོས་རྗེས་དྲན་གྱི་ཚུལ་དུ་དམ་པ་ཁོང་གི་རྣམ་ཐར་མཇལ་བ་དང་མགུར་འདོན་པ། གསོལ་འདེབས་སྨོན་ལམ་བྱེད་པ་སོགས་དགེ་ཚོགས་ལ་འབད་རྒྱུ་ཤིན་ཏུ་གལ་ཆེ། དེ་ལ་དགེ་བའི་རྩ་བ་ཐམས་ཅད་ཀྱི་ནང་ནས་བླ་མ་མཆོད་པའི་བསོད་ནམས་ནི་དགེ་བ་ཀུན་གྱི་མཆོག་ཏུ་གྱུར་པ་ཡིན་སྟེ། དམ་ཚིག་བཀོད་པའི་རྒྱུད་ལས། མཚན་དང་དཔེ་བྱད་ལྡན་པའི་ལྷ། ། བསྐལ་པ་འབུམ་དུ་བསྒོམ་པ་བས།། བླ་མ་སྐད་ཅིག་དྲན་པ་མཆོག ། བསྙེན་བསྒྲུབ་བཟླས་པ་ས་ཡ་བས། ། བླ་མར་གསོལ་འདེབས་ལན་གཅིག་མཆོག ། ཅེས་གསུངས་པ་ལྟར་ལགས་པས་འབྲེལ་ཡོད་ཀུན་གྱིས་དོན་འདི་ཐུགས་ལ་བཞག་སྟེ་བླ་མ་མཆོད་པ་དང་དགེ་སྒྲུབ་སྡིག་སྤོང་གང་ཐུབ་གནང་བར་ཞུ།大成就者玛色罗珠仁青的祈祷。黄金色分割线 ༈ རང་བྱུང་འོད་གསལ་གྲུབ་པའི་ཡེ་ཤེས་སྐུ། །འབུམ་སྡེ་བཅུ་གསུམ་གྲུབ་པའི་མཁའ་ལ་གཤེགས། །ཁམས་གསུམ་ཡོངས་གྲོལ་ཤེས་རབ་བཟང་པོའི་དཔལ། །བློ་གྲོས་རིན་ཆེན་ཞབས་ལ་གསོལ་བ་འདེབས། །གསོལ་འདེབས་འདོན་མཁན། མཚོ་ཡག རོལ་མོ་སྒྲིག་བཟོ་པ། ཡེ་ཤེས་སེང་གེ།ཟུར་མང་བཀའ་བརྒྱུད་ཀྱི་བསྟན་པའི་སྲོལ་འབྱེད་པ་པོ་གྲུབ་ཆེན་རྨ་སེ་རྟོགས་ལྡན་བློ་གྲོས་རིན་ཆེན་མཆོག་སྐུ་ཞི་བར་གཤེགས་ནས་ལོ་འཁོར་༥༩༢ལོན་པའི་འདས་མཆོད།གྲུབ་ཆེན་རྨ་སེ་བློ་གྲོས་རིན་ཆེན་གྱི་མཛད་རྣམ་མདོར་བསྡུས། དྲུང་རྨ་སེ་བློ་གྲོས་རིན་ཆེན་ནམ་གྲུབ་དབང་མ་ཏི་རཏྣ་ནི་བོད་ལྗོངས་ཆབ་མདོ་ཀརྨ་ཡུལ་ཤོག་གྱམ་ཤེལ་དུ་ཡབ་རྨ་སེ་རྒྱ་གར་འབུམ་དང་། ཡུམ་གླིང་བཟའ་བསོད་ནམས་སྒྲོན་གཉིས་ཀྱི་སྲས་སུ་མེ་ཕོ་སྟག་ལོར(1386)སྐུ་བལྟམས། ཁོང་གི་གདུང་རུས་ནི་རབ་སྟོད་ཚར་སྒང་གི་མི་ཉག་རྒྱལ་རིགས་སུ་གཏོགས་པའི་རྨ་སེ་སྟེ། མི་ཉག་མཁས་པ་མི་ལྔ་ནང་གི་རྨ་སེ་སྟོན་པ་རིན་ཆེན་བཟང་པོ་དང་རིགས་རྒྱུད་གཅིག་ཏུ་འཁྲུངས།ཁོང་ནི་ཡབ་རྨ་སེ་རྒྱ་གར་འབུམ་སྟོད་ཕྱོགས་སུ་ཚོང་ལ་བྱོན་པའི་ལམ་ནས་སྐུ་འཁྲུངས་ཀྱང་དགུང་ལོ་དྲུག་ཙམ་ནས་ཡུམ་དང་བཅས་ཏེ་ཕ་ཡུལ་མི་ཉག་རབ་སྒང་དུ་བྱོན། དགུང་ལོ་བཅུ་ཙམ་ནས་ཆོས་གྲྭ་ཆེན་པོ་བསམ་འགྲུབ་ནོར་བུ་གླིང་གི་མཁན་ཆེན་གྲགས་པ་རྒྱལ་མཚན་གྱི་མདུན་ནས་དགེ་བསྙེན་གྱི་སྡོམ་པ་མནོས་ཏེ་འདུལ་བ་དང་ཕ་རོལ་ཏུ་ཕྱིན་པ་ཐོས་བསམ་གནང་། དེ་མཚམས་སྔགས་འཆང་གི་ཆས་ལ་ཞུགས་ནས་གྲུབ་ཐོབ་མི་ར་ཀ་དཔལ། བླ་མ་པདྨའི་ངང་ཚུལ། ཀ་བཞི་ཡོན་ཏན་རྒྱ་མཚན་སོགས་བསྟེན་ཏེ་ཕྱག་རྒྱ་ཆེན་པོ་ལྷན་ཅིག་སྐྱེས་སྦྱོར་སོགས་ཞུས། དགུང་གྲངས་ཉེར་ལྔའི་ཐོག་ནས་མདོ་ཁམས་བརྒྱུད་ནས་དབུས་སུ་ཕེབས།ལྕགས་ཡོས་ལོ(1411)སྟེ་དགུང་ལོ་ཉེར་དྲུག་སྐབས་སུ་དབུས་ནས་བླ་མ་ལུང་བཟང་བ་དང་། ཀརྨ་པ་དེ་བཞིན་གཤེགས་པ་སོགས་མཚན་ལྡན་གྱི་དགེ་བའི་བཤེས་གཉེན་མང་དུ་བསྟེན། ཀརྨ་པ་དེ་བཞིན་གཤེགས་པས་མཁན་པོ་མཛད་དེ། ལས་སློབ་བློ་གྲོས་རྒྱལ་མཚན་སོགས་དགེ་འདུན་གྲངས་ཚང་བའི་མདུན་ནས་རབ་ཏུ་བྱུང་། མཚན་ལ་བློ་གྲོས་རིན་ཆེན་དུ་གསོལ། ཁོང་གིས་མཁས་གྲུབ་དུ་མའི་མདུན་ནས་བྱམས་ཆོས་དང་དོ་ཧ་སྐོར་གསུམ་སོགས་མདོ་རྒྱུད་ཀྱི་ཆོས་ཚུལ་ཟབ་མོ་ལོ་འཁོར་དུ་མར་གསན་སྒོམ་གནང་ཞིང་། ཀརྨ་པ་དེ་བཞིན་གཤེགས་པས་མཁའ་འགྲོ་སྙན་རྒྱུད་ཀྱི་ཟབ་དོན་དག་བུམ་པ་གང་བྱོའི་ཚུལ་དུ་གནང་སྟེ་ཆོས་བདག་ཏུ་མངའ་གསོལ་བས་ནོར་བདག་པོའི་ལག་ཏུ་ཐོབ་པ་ནང་བཞིན་མཛད་པ་སྐྱོང་།ཆུ་མོ་ཡོས་ཀྱི་ལོར(1423)ཟུར་མང་དགོན་པ་ཕྱག་བཏབ།ཁོང་གིས་བོད་ཁམས་ཀྱི་སྟོད་ཇོ་མོ་གངས་དཀར་ནས་སྨད་རྒྱལ་མོ་ཚ་བ་རོང་གི་བར་གྱི་དབེན་དགོན་མང་པོ་ཞབས་ཀྱིས་བཅགས་པ་དང་། དམིགས་བསལ་མདོ་ཁམས་ཕྱོགས་ནས་ཆབ་མདོ་དང་། ཡུལ་ཤུལ་རྫོང་། ནང་ཆེན་རྫོང་སོགས་ན་ཡོད་པའི་གནས་རི་མདོ་ཁམས་སྐུ་རྒྱལ་དང་། འབུམ་རྫོང་། རྡོ་ཏི་སོགས་དབེན་གནས་མང་པོ་ལ་སྒོམ་སྒྲུབ་མཛད་དེ་བཀའ་བརྒྱུད་གོང་མའི་རྣམ་ཐར་སྐྱོང་བས་རྨ་སེ་རྟོགས་ལྡན་ཞེས་ཡོངས་སུ་གྲགས། ཁོང་གིས་འཇའ་མོ་མི་གསུམ་དང་། རྟོག་ལྡན་ཡ་བརྒྱད་སོགས་མིང་དུ་གྲགས་པའི་འཁོར་སློབ་མང་པོ་བསྐྱངས་ནས་བསྟན་པའི་བྱ་བ་རླབས་ཆེན་གནང་བ་དང་། ད་ལྟའི་བར་མཁས་གྲུབ་གསེར་རིའི་ཕྲེང་བ་བར་མ་ཆད་པ་བྱོན་པས་ཟུར་མང་བཀའ་བརྒྱུད་ཅེས་ཡོངས་སུ་གྲགས།དེ་ནས་ས་སྤྲེལ་ལོའི་(1428)དཔྱིད་ཟླ་འབྲིང་པོའི་ཚེས་ཉེ་དྲུག་ཉིན་ཏེ་དགུང་གྲངས་ཞེ་གསུམ་ཐོག་ནས་ཟུར་མང་དགོན་འདིར་སྐུ་གཤེགས།ཁོང་གི་གསུངས་ཆོས་གཙོ་བོ་ནི《བདེ་མཆོག་སྙན་རྒྱུད་ཀྱི་དབང་མཆོག་ཟབ་མོ》《སྐྱེས་བུ་གསུམ་གྱི་ལམ་རིམ་གྱི་ཁྲིད་རིན་ཆེན་ཕྲེང་བ》 《དབང་དང་བསྐྱེད་རིམ་སྒོ་ནས་གཞི་ཕྱག་རྒྱ་ཆེན་པོ་ངོ་སྤྲོད་པ་ལྷན་ཅིག་སྐྱེས་སྦྱོར》《མཚུངས་མེད་བློ་གྲོས་རིན་ཆེན་གྱི་རྣམ་མགུར》སོགས་མན་ངག་དང་མགུར་མ་སྒྲུབ་ཐབས་སོགས་མང་དུ་བཞུགས།ལྷག་པར་དུ(ཟུར་མང་བཀའ་བརྒྱུད)དང་། (ཟུར་མང་སྙན་བརྒྱུད)(ཟུར་མང་ཚོགས་གར་ཆེན་མོ)འདི་གསུམ་ཐུན་མིན་གྱི་ཁྱད་ཆོས་ལྡན་པའི་སྒོ་ནས་སྲོལ་གཏོད་གནང་།འཕགས་ཆེན་གྱིས།