ཨེ་ཝྃ་ཧོ།

ཐར་མདོ་བསྡུས་པ།། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འདས་པ་དང་། མ་བྱོན་པ་དང་། ད་ལྟར་བཞུགས་པ་ཐམས་ཅད་དང་། བྱང་ཆུབ་སེམས་དཔའ་དང་། འཕགས་པ་ཉན་ཐོས་དང་། རང་སངས་རྒྱས་ཐམས་ཅད་ལ་ཕྱག་འཚལ་ལོ། མཆོད་རྟེན་རྣམས་དང་། སྐུ་གདུང་རིང་བསྲེལ་ཐམས་ཅད་ལ་ཕྱག་འཚལ་ལོ། མཆོད་དོ་སྐྱབས་སུ་མཆིའོ། བྱིན་གྱིས་བརླབ་ཏུ་གསོལ། གཟུངས་ཆེན་པོ་དང་མདོ་སྡེ་བཅུ་གཉིས་ལ་ཕྱག་འཚལ་ལོ། མདོ་ཡི་སྡེ་ལ་ཕྱག་འཚལ་ལོ། ལུང་དུ་བསྟན་པའི་སྡེ་ལ་ཕྱག་འཚལ་ལོ། ཚིགས་གསུམ་བཅད་པའི་སྡེ་ལ་ཕྱག་འཚལ་ལོ། དབྱངས་ཀྱིས་བསྙད་པའི་སྡེ་ལ་ཕྱག་འཚལ་ལོ། ཆེད་དུ་བརྗོད་པའི་སྡེ་ལ་ཕྱག་འཚལ་ལོ། གླེང་གཞིའི་སྡེ་ལ་ཕྱག་འཚལ་ལོ། རྟོགས་པ་བརྗོད་པའི་སྡེ་ལ་ཕྱག་འཚལ་ལོ། འདས་པ་བརྗོད་པའི་སྡེ་ལ་སྡེ་ལ་ཕྱག་འཚལ་ལོ། སྐྱེ་བ་རབས་ཀྱི་སྡེ་ལ་ཕྱག་འཚལ་ལོ། ཤིན་ཏུ་རྒྱས་པའི་སྡེ་ལ་ཕྱག་འཚལ་ལོ། རྨད་དུ་བྱུང་བའི་སྡེ་ལ་ཕྱག་འཚལ་ལོ། གཏན་ལ་ཕབ་པའི་སྡེ་ལ་ཕྱག་འཚལ་ལོ། ཐེག་པ་ཆེན་པོའི་སྡེ་སྣོད་ཐམས་ཅད་ལ་ཕྱག་འཚལ་ལོ། མཆོད་དོ། སྐྱབས་སུ་མཆིའོ། བྱིན་གྱིས་བརླབ་ཏུ་གསོལ། ན་མོ་བུདྡྷ་ཡ། ན་མོ་དྷཱ་རྨ་ཡ། ན་མོ༔སཾ་གྷཱ་ཡ། ཨ་དན་ཏི་དྷཱ་ར་ཎཱི། ཏདྱཐཱ། ཨཱ་ཀཱ་ཤ་ནི་བ་བཱི་ནི། སརྦ་དྷཱ་རྨ་ནི་བ་ནི། ཨི་ཤ་མ་ད། པི་པ་ཤ་ན། བི་མ་ལ་སུ་པ་རི། དྷཱརྨ་ནི་ཁ་ན། བ་ར་རུ་ནི་ཙ་ཡ་ཏ་མ་ལེ་ཙ་ལེ། ཧུ་ལུ་ཧུ་ལུ། ཤི་བི་ཏེ། མནྟྲ་མནྟྲ། མནྟྲ་སྭཱ་ཧཱ།། ཐར་མདོ་བསྡུས་པ་འདི་ནི་ཀརྨ་ཆགས་མེད་ཀྱིས་གསུངས་པའོ། །ཐར་མདོ་ཚར་རེ་ཀློག་པ་དང་ཕན་ཡོན་མཉམ་པར་གསུངས་སོ། ཡི་གེ་འདི་སུ་ལ་འབྱོར་ན་རང་གིས་ཚར་རེ་བཏོན་ཞིང་གཞན་ལ་བརྒྱུད་སྐུར་བྱོས་དང་ཚེ་འདི་ཕྱི་གཉིས་ཀྱི་འདོད་དོན་འགྲུབ་པ་དང་ཚེ་དཔལ་འབྱོར་བ་ཐམས་ཅད་གོང་ནས་གོང་དུ་འཕེལ་བར་འགྱུར་བ་གདོན་མི་ཟ་བ་ཡིན་ནོ།།

ངས་རྗེ་ཙོང་ཁ་པ་ལ་ལྟ་སྟངས་འགྱུར་བ། (དགའ་ལྡན་ལྔ་མཆོད་ཉིན།) ངས་རྗེ་ཙོང་ཁ་པ་ལ་ལྟ་སྟངས་འགྱུར་བ། རྩིས་ཆེ་ལེགས་མཐོང་།21-12-2019དྲ་ལམ་ཁག་ནས་མཐོང་བ་ལྟར་ན་དེ་རིང་ནི་རྗེ་ཙོང་ཁ་པའི་རྗེས་དྲན་ཡིན་པ་འདྲ། ལོ་འདི་དག་ཏུ་བོད་པ་ཚང་གིས་རྗེས་དྲན་ནི་མང་མ་དྲགས་ན་ཉུང་དྲགས་ཡོད་ས་མེད་ཅིང་། དྲ་ལམ་གྱི་བརྒྱུད་ནས་རྗེས་དྲན་འདྲ་མིན་བྱེད་པ་ནི་བོད་རིགས་ལས་ལྷག་པ་ཕལ་ཆེར་མེད་པ་འདྲ། རྒྱུ་མཚན་ནི་ད་ལྟའི་ཆར་བོད་པ་ཚང་གིས་ནུབ་ཕྱོགས་ཀྱི་དུས་དྲན་ཕལ་མོ་ཆེ་བརྩི་སྲུང་བྱེད་ཀྱི་འདུག་ལ། རྒྱ་རིགས་ཀྱི་དུས་དྲན་ཀྱང་མང་པོ་ཞིག་བརྩི་སྲུང་བྱེད་བཞིན་པ་མ་ཚད། བོད་ནང་ཁུལ་དུ་ཡང་ད་ལྟའི་ཆར་ཆོས་བརྒྱུད་ཀྱི་ཕྱོགས་རིས་ཅུང་ཆུང་དུ་སོང་བས་ས་དགེ་བཀའ་རྙིང་གི་བླ་མ་གོང་མ་ཕལ་མོ་ཆེའི་འདས་མཆོད་ཁག་དྲ་གྲོགས་མང་པོ་ཞིག་གིས་བརྩི་སྲུང་བྱེད་བཞིན་ཡོད་པའི་ཆ་ནས་སྐད་འཕྲིན་ལ་ཉིན་ལྟར་རྗེས་དྲན་རེ་མཐོང་རྒྱུ་ཡོད་པའི་ཚོད་རེད། དེར་བརྟེན་དྲང་པོ་བཤད་ན་ད་ལྟའི་ཆར་རྗེས་དྲན་ཞེས་པའི་ཚིག་འདི་མཐོང་ན་ཡང་སུན་སྣང་སྟེར་བར་བྱེད། འོན་ཀྱང་བསྟན་པ་སྤྱི་དང་། ཆོས་བརྒྱུད་བྱེ་བྲག་པ། གང་ཟག་སྒེར་གྱི་ངོས་ནས་རྗེས་དྲན་བྱེད་འོས་པ་རྣམས་ནི་ཅི་ལ་མི་བྱེད། དེའི་ཆ་ནས་བཤད་ན་རྗེ་ཙོང་ཁ་པ་ནི་རྗེས་དྲན་བྱེད་འོས་ཤོས་སུ་མཐོང་བས་ན་ངས་ཀྱང་ཁོམ་པ་ཡོད་མེད་ལ་མ་ལྟོས་པར་དེ་རིང་གི་རྗེས་དྲན་འདིར་རྩོམ་ཐུང་ཞིག་སྤེལ་འདོད་སྐྱེས། དེ་ཡང་དྲང་པོ་བཤད་ན་ཐོག་མའི་ཆར་བོད་ཀྱི་ཆོས་བརྒྱུད་རྣམས་ལས་ང་རང་མི་དགའ་བའི་ཆོས་བརྒྱུད་གཙོ་བོ་ནི་དགེ་ལུགས་ཡིན། དེ་ནི་ཀར་དགེའི་འགལ་ཟླ་དང་འབྲེལ་བ་ཡོད་པས་བཤད་མ་དགོས་པའི་ཐོག་ཏུ། ས་དགེ་གཉིས་ནི་བཤད་པ་དང་། བཀའ་རྙིང་གཉིས་ནི་སྒྲུབ་པ་གཙོ་བོར་བྱེད་པ་ལ། ང་རང་བཀའ་བརྒྱུད་པའི་ཁོར་ཡུག་ཏུ་འཚར་ལོངས་བྱུང་བའི་ཆ་ནས་སྒྲུབ་པ་ཟེར་དུས་ལོས་ཡིན་དྲན་པ་ཞིག་དང་། མཁས་པ་ཟེར་དུས་ཨོ་ཙམ་ཟེར་བའི་ལྟ་སྟངས་ཤིག་ང་ལ་ཡང་ཁོར་ཡུག་གི་རྐྱེན་པས་བྱུང་འདུག འདི་ནི་ང་ཙམ་མིན་པར་སྲོལ་རྒྱུན་གྱི་ཁོར་ཡུག་ཏུ་འཚར་ལོངས་བྱུང་བ་ཕལ་མོ་ཆེར་ཡོད་ན་ཡང་། སྟབས་ལེགས་པར་ང་རང་དེ་ལས་ཐར་ཐུབ་ཙམ་བྱུང་། བཤད་མ་དགོས་པར་ངས་རྗེ་ཙོང་ཁ་པ་ལ་ཡོད་པའི་ལྟ་ཚུལ་ཡང་བརྒྱུད་རིམ་དེ་ནས་བྱུང་བ་ཞིག་ཡིན། དེ་ཡང་བརྒྱུད་རིམ་དེ་བྱུང་ཚུལ་ཐོག་མ་ནས་མགོ་བཙུགས་ཏེ་བཤད་ན། ངས་ནམ་ཡང་བརྗེད་མི་ཐུབ་པ་ཞིག་ལ་ཆུང་དུས་ང་ཡི་བློ་ལ་ཇ་མཆོད་ཅིག་ཡོད། ཇ་མཆོད་དེ་ནི་འདི་འདྲ་ཞིག་རེད། ས་སྐྱ་པཎ་ཆེན་རྗེ་བཙུན་ཙོང་ཁ་པ།། ཀློང་ཆེན་རབ་འབྱམས་རང་བྱུང་རྡོ་རྗེ་ཞབས།། དཔལ་སྤྲུལ་ཆོས་ཀྱི་འབྱུང་གནས་མཁྱེན་བརྩེ་བ།། བློ་གྲོས་མཐའ་ཡས་ཞལ་དུ་མཆོད་པ་འབུལ།། ཞེས་པའོ།། ངས་རྩོམ་འདི་སུས་མཛད་མིན་ད་ལྟའི་བར་མི་ཤེས་ཀྱང་ངས་ད་ལྟའི་བར་འདི་ཉིད་བློ་ནས་བརྗེད་མྱོང་མེད། ངས་ཆུང་དུས་འདི་བཏོན་ནས་ཇ་མཆོད་འབུལ་བ་ན་སེམས་ལ་རང་བཞིན་གྱིས་དགའ་བ་ཞིག་ཡོད་པ་ནི་ཙོང་ཁ་པ་ཞེས་པའི་ཚིག་དེས་རེད། ངས་ཙོང་ཁ་པ་ནི་བླ་མ་ཞིག་ཡིན་པ་ལས་བླ་མ་སུ་ཡིན་མི་ཤེས་ཀྱང་སུ་ཡིན་མིན་གང་ལྟར་ཡང་ང་ཙོང་ཁ་པ་ཟེར་བ་དེ་ལ་ཧ་ཅང་དགའ། ང་ལ་ཙོང་ཁ་པ་ཟེར་བ་དེས་ཅི་ཞིག་དྲན་གསོ་གཏོང་གྲབས་བྱེད་ཀྱི་ཡོད་པ་ལྟ་བུའི་ཚོར་སྣང་སྟེར་ན་ཡང་དེས་ང་ལ་ཟ་རྒྱུ་ཞིག་དྲན་གསོ་སྟེར་གྲབས་ཡོད་དམ། ཡང་ན་ས་ཆ་ཞིག་དྲན་གསོ་སྟེར་གྲབས་ཡོད་ངས་མི་ཤེས། གང་ལྟར་སྐབས་དེར་ང་རང་གིས་ཇ་མཆོད་དེ་འདོན་སྐབས་ངས་དོ་སྣང་སྤྲོད་ས་གཙོ་བོ་ཙོང་ཁ་པ་ཟེར་བའི་ཚིག་དེ་ཡིན་ལ། ང་ཡི་ཁ་ནས་ཙོང་ཁ་པ་ཟེར་དུས་སྐབས་དེར་ང་ལ་ཡོད་པའི་ཚོར་བ་ནི་དཔེ་མཚོན་ཞིག་གི་ཐོག་ནས་བཤད་ན་ང་རང་དགའ་ཤོས་ཀྱི་ཉ་བྱེ་རིལ་གྱི་མིང་ཞིག་བརྗོད་ཀྱིན་ཡོད་པ་དང་གཉིས་སུ་མ་མཆིས། འོན་ཀྱང་དེ་རྗེས་ང་རང་གྲྭ་པ་བྱས་ནས་ཀརྨ་བཀའ་བརྒྱུད་པའི་བཤད་གྲྭར་ཞུགས་ཤིང་། ཀརྨ་པ་མི་བསྐྱོད་རྡོ་རྗེས་མཛད་པའི་འཇུག་འགྲེལ་གྱི་དཔེ་ཁྲིད་ཞུས་པ་ན་ངས་སྔར་ཙོང་ཁ་པ་ལ་ཡོད་པའི་ལྟ་སྟངས་ནི་རྩ་བ་ནས་འགྱུར། ང་ཡི་དཔེ་ཁྲིད་དགེ་རྒན་ཀྱང་བཀའ་བརྒྱུད་པའི་ལྟ་བ་མཁྲེགས་ཙམ་འཛིན་མཁན་ཡིན་པའི་ཆ་ནས་དེའི་ཤུགས་རྐྱེན་གྱིས་ངས་སྐབས་དང་སྐབས་སུ་ཅིའི་ཕྱིར་ཙོང་ཁ་པས་མི་རྣམས་ལོག་པའི་ལམ་དུ་ཁྲིད་པའི་དཔེ་ཆ་དེ་འདྲ་མཛད་པ་ཡིན་ནམ་སྙམ་ནས་དོགས་པ་ཟ་མྱོང་ཡོད། སྐབས་དེ་དུས་ཀརྨ་པ་མི་བསྐྱོད་རྡོ་རྗེ་དང་། ང་ཡི་དཔེ་ཁྲིད་དགེ་རྒན་གཉིས་ཀྱིས་རྗེ་ཙོང་ཁ་པ་ལ་སྐྱོན་བརྗོད་གང་གནང་ན་ཡང་ངས་སྐྱོན་དེ་ཆ་ཚང་ཙོང་ཁ་པ་ལ་འཇུག་ཤར་ཤར་ཡིན་ཅིང་། ཐ་ན་ཙོང་ཁ་པས་དོན་དམ་བདེན་པ་མེད་དགག་ཏུ་བཞེད་པར་གྲགས་པ་ལ། ངས་དེ་ནི་ཙོང་ཁ་པས་དྲང་དོན་དུ་གསུངས་པ་ཙམ་ལས་དངོས་སུ་ཁོང་གིས་དེ་འདྲ་ཞིག་དགོངས་སྲིད་བགྱི་མ་རེད་དྲན་མྱོང་ཡོད། ངས་སློབ་མཐར་ཕྱིན་ནས་ཞིབ་འཇུག་གི་བྱ་བར་ཞུགས་པ་ན། སྐབས་དང་སྐབས་སུ་ངས་ཙོང་ཁ་པ་དང་འབྲེལ་བ་ཞིག་ཐུག་པ་ན་སྐྱོན་ཆ་ཞིག་ཨེ་ཐོབ་ན་བསམས་ནས་ལྟ་མྱོང་ཡོད་ལ། འགོས་ལོ་གཞོན་ནུ་དཔལ་སོགས་ཆོས་བརྒྱུད་གཞན་གྱི་མཁས་པས་ཙོང་ཁ་པ་ལ་བསྟོད་པ་ཚད་མཐོན་པོ་བྱས་པ་མཐོང་ན་ངས་འདི་ནི་དགེ་ལུགས་པ་ཚོའི་ང་རྒྱལ་འཕེལ་བྱེད་ཙམ་དུ་འགྲོ་བས་རབ་བྱུང་ན་མ་བསྟོད་ན་བཟང་ཞིང་། བསྟོད་ན་ཡང་འདི་ཙམ་མ་བསྟོད་ན་མི་བཟང་ངམ་སྙམ་པའི་ཚོར་སྣང་བྱུང་མྱོང་ཡོད། དེ་ཙམ་དུ་ངས་ཀརྨ་པ་མི་བསྐྱོད་རྡོ་རྗེས་རྗེ་ཙོང་ཁ་པ་ལ་བསྟོད་པ་མཛད་པའི་རྩོམ་རིང་ཐུང་ཁ་ཤས་ཤིག་མཐོང་བ་ན་ང་རང་བློ་ཡུལ་ལས་འདས་པ་བྱུང་། ངས་རྗེ་ཙོང་ཁ་པ་ནི་ལྟ་བ་ནོར་ནས་ཡོད་པ་ཀརྨ་པ་མི་བསྐྱོད་རྡོ་རྗེས་དགོངས་བཞིན་དུ་ཅིའི་ཕྱིར་འདི་འདྲ་བསྟོད་པ་ཡིན་ནམ་བསམ་མྱོང་ཡོད་ལ། ད་དུང་ཀརྨ་པ་བཅུ་བདུན་པ་ཨོ་རྒྱན་ཕྲིན་ལས་རྡོ་རྗེས་ང་ལ་རྩོམ་དེ་དག་དུས་དེབ་ཏུ་འགོད་དགོས་པས་ཁྱོད་ཀྱིས་ཀློག་ཀླད་ནང་དུ་ཡོད་པ་ཞུ་དག་གཏོང་ཤོག་གསུངས་པ་ལ། ངས་འདི་དག་དགེ་ལུགས་པ་རྣམས་ཀྱི་ང་རྒྱལ་འཕེལ་བྱེད་དང་། ཁོ་ཚོས་སླར་ཡང་ང་ཚོའི་མགོ་ལ་ཚུར་ཞུ་བྱེད་ཙམ་དུ་འགྲོ་བས་གནས་སྐབས་མ་པར་ན་དྲན་མྱོང་ཡོད། དེ་དག་གི་ནང་དུ་མི་བསྐྱོད་རྡོ་རྗེས་ཙོང་ཁ་པ་སོགས་བོད་ཀྱི་མཁས་གྲུབ་གོང་མ་རྣམས་ལ་བསྟོད་པའི་མགུར་མ་ཞིག་ཡོད་པ་ལ་རྒྱལ་དབང་བཅུ་བདུན་པས་ང་ལ་རྩོམ་འདི་དུས་དེབ་ཏུ་འགོད་རྒྱུ་ཡིན་པས་རྩོམ་དེའི་མིང་ལ་གང་བཞག་ན་ཡག་ས་རེད་ཁྱོད་ཀྱིས་བསམ་བློ་ཐོངས་ཤོག་གསུངས། ངས་མགུར་དེ་ཆ་ཚང་བཀླགས་པ་ན་དེའི་ནང་དུ་མི་བསྐྱོད་རྡོ་རྗེས། སངས་རྒྱས་བསྟན་པ་དར་བས་ཆོག །ཅེས་པའི་ཚིག་དེ་མང་ཙམ་བེད་སྤྱོད་གནང་ཡོད་པ་མཐོང་བས་ན་ངས་ཚིག་རྐང་དེ་ཧྲིལ་པོ་རྩོམ་གྱི་མིང་ལ་བཞག་ན་ཡག་ཚུལ་ཞུས་པ་བཞིན་ཁོང་གིས་ཀྱང་དེ་ལ་མོས་མཐུན་གནང་སོང་། སྐབས་དེ་ནས་བཟུང་ང་ཡི་སེམས་ལ། སངས་རྒྱས་བསྟན་པ་དར་བས་ཆོག ཅེས་པའི་ཚིག་དེས་བག་ཆགས་ཟབ་མོ་ཞིག་བཞག་པའི་ཚོར་སྣང་བྱུང་། ངས་བསམ་པར་རྗེ་ཙོང་ཁ་པའི་ལྟ་བ་ནོར་ན་ཡང་ཁོང་དམ་པའི་སྐྱེས་བུ་ཞིག་ཡིན་པ་ནི་ཐེ་ཚོམ་མི་དགོས་འདུག་སྙམ་པ་བྱུང་། དེ་ཙམ་དུ་ངས་བོད་ཀྱི་ཆོས་བརྒྱུད་སོ་སོའི་མཁས་པ་འདྲ་མིན་གྱི་གསུང་འབུམ་ཁག་མཇལ་བ་ན་ཕག་གྲུའི་སྤྱན་སྔ་རྣམས་ཀྱི་རྣམ་ཐར་དུ་རྗེ་ཙོང་ཁ་པས་བཀའ་བརྒྱུད་པའི་བཞེད་པ་དང་མཐུན་པའི་ཆོས་གསུང་ཚུལ་འབྱུང་བ་ལ་ངས་རྗེ་ཙོང་ཁ་པ་ཡང་མདོར་ན་གང་ལ་གང་འདུལ་དེ་ལ་དེར་སྟོན་མཁན་ཞིག་ཡིན་པར་སྙམ། ལྷག་པར་འགོས་ལོ་གཞོན་ནུ་དཔལ་གྱིས་ཁོང་གི་རྣམ་དཔྱོད་ཀྱི་བློ་སྒོ་འབྱེད་མཁན་ནི་རྗེ་ཙོང་ཁ་པ་ཡིན་པར་གསུངས་པ་སོགས་ཀྱིས་རྗེ་ཙོང་ཁ་པ་ནི་མཁས་པ་མཁྱེན་དཔྱོད་ཆེ་བ་ཞིག་ཡིན་པའི་ཚོར་སྣང་བྱུང་། ངས་རྗེ་ཙོང་ཁ་པ་ལ་ཡོད་པའི་ལྟ་སྟངས་འགྱུར་བ་ཆེ་ཤོས་བྱུང་བ་ནི་ལམ་རིམ་ཆེན་མོའི་ལྷག་མཐོང་ལེ་ཚན་དེ་ཀློག་པའི་སྐབས་ཤིག་ཡིན། ངས་ད་དུང་བརྗེད་མི་ཐུབ་པ་ཞིག་ལ་སྐབས་དེར་ང་རང་རྒྱུད་སྟོད་ལ་ཡོད་པ་ལ། རྒྱལ་དབང་ཀརྨ་པའི་དཔེ་མཛོད་ཁང་དུ་ཉིན་མོ་མཇལ་ཁ་བ་མང་བས་ངས་དགོང་མོ་ཆུ་ཚོད་དང་པོ་དང་གཉིས་པའི་བར་དུ་དཔེ་ཀློག་བྱེད་བཞིན་ཡོད། ངས་དེ་དུས་ལྷག་མཐོང་ཆེན་མོ་ཞེས་པ་ནི་དོན་དུ་ལམ་རིམ་ཆེན་མོའི་ནང་གི་ལྷག་མཐོང་བསྟན་པའི་སྐབས་དེ་ཡིན་པ་ཤེས་རྟོགས་བྱུང་ནས་དགོང་མོ་ཞིག་ཏུ་ང་རང་གཅིག་པུར་དཔེ་མཛོད་ཁང་དུ་ཡོད་སྐབས་ངས་རྗེ་ཙོང་ཁ་པའི་ལམ་རིམ་ཆེན་མོ་བཙལ་ནས་ལྷག་མཐོང་གི་སྐབས་དེར་ཞིབ་བལྟས་བྱས། ངས་དེའི་ནང་ནས་རིམ་པས་རྗེ་རིན་པོ་ཆེས་དགག་བྱ་ཁྱབ་ཆེ་བ་དང་དགག་བྱ་ཁྱབ་ཆུང་བ་གཉིས་དགག་མཛད་པའི་བར་དུ་བལྟས་པ་ན་དམིགས་བསལ་བོད་སྔ་རབས་པའི་འདོད་པ་སྟེ་དགག་བྱ་ཁྱབ་ཆེ་བའི་ཐད་ལ་ཁོང་གིས་གསུངས་པ་རྣམས་ལ་རྒྱུ་མཚན་ཧ་ཅང་ཆེན་པོ་ཡོད་པར་མཐོང་། སྐབས་དེ་དུས་ང་རང་ནུབ་ཕྱོགས་ཀྱི་མཁས་པས་ནང་ཆོས་ལ་དཔྱད་པ་བྱས་པའི་དཔེ་དེབ་མི་ཉུང་བ་ལྟ་ཀློག་བྱེད་བཞིན་པའི་སྐབས་ཡིན་པས་ན་ངས་རྗེ་ཙོང་ཁ་པ་ནོར་ལུགས་ནོར་སྟངས་འཚོལ་བའི་ཚབ་ལ། ང་རང་བོད་སྔ་རབས་པ་མིན་པར་སྤྱིར་བཏང་གི་དཔེ་ཀློག་པ་ཞིག་དང་། གནས་ལུགས་འཚོལ་འདོད་ཡོད་པའི་སློབ་གཉེར་བ་དཀྱུས་མ་ཞིག་ཡིན་པའི་ལྟ་ཚུལ་གྱི་ཐོག་ནས་ཡང་སྙིང་བོད་སྔ་རབས་པ་དང་ཕྱི་རབས་པའི་འདོད་པ་གང་ཞིག་རྒྱུ་མཚན་ཆེ་བ་རེད་འདུག་ཤེས་འདོད་ཀྱི་ཀུན་སློང་ཁྱེར་ནས་རྗེ་ཙོང་ཁ་པའི་གསུང་རྩོམ་རྣམས་ཀློག་གང་ཐུབ་བྱས་པ་ན་བོད་སྔ་རབས་པ་དང་ཕྱི་རབས་པ་གང་ཞིག་འགྲིག་མིན་དང་གང་ཞིག་ནོར་མིན་ནི་ངས་བརྗོད་མི་ཤེས་ཀྱང་། མ་མཐར་ཡང་བོད་ཀྱི་མཁས་པ་རྣམས་ཀྱི་ཁྲོད་དུ་ཙོང་ཁ་པ་ལས་མཁས་ཉམས་ཆེ་བ་ཞིག་མེད་པའི་ཚོར་སྣང་སྐྱེས། ངས་ཐོག་མར་རྗེ་ཙོང་ཁ་པ་དང་འབྲེལ་བའི་རྣམ་ཐར་རྣམས་ལྟ་སྐབས་ཙོང་ཁ་པ་ལ་ཡང་སྐྱོན་ཞིག་རག་ན་དགེ་ལུགས་པ་འདི་དག་གི་ང་རྒྱལ་འཇོམས་པ་ལ་ཕན་དྲན་ནས་ལྟ་མྱོང་ཡང་། རིམ་པས་ལས་ཆེན་ཀུན་དགའ་རྒྱལ་མཚན་གྱིས་མཛད་པའི་བཀའ་གདམས་ཆོས་བྱུང་སོགས་ཀློག་རིམ་བཞིན་དུ་ངས་རྗེ་ཙོང་ཁ་པ་ལ་སྐྱོན་ཆ་རྙེད་པའི་ཚབ་ལ་ཡོན་ཏན་ཇེ་མང་དུ་མཐོང་ནས་སེམས་གཏིང་ནས་གུས་བརྩི་ཇེ་ཆེར་གྱུར། ངས་སྐབས་རེ་གལ་སྲིད་རྗེ་རིན་པོ་ཆེ་ད་དུང་བཞུགས་ཡོད་ཅིང་། ཁོང་གིས་དཔེ་ཁྲིད་གནང་གི་ཡོད་ན་ང་རང་ཁོང་གི་འཛིན་གྲྭར་ཉིན་ལྟར་ཆད་མེད་དུ་འགྲོ་ཞིང་། ད་དུང་ཁོང་གི་སྐུ་གམ་དང་ཉེ་སར་བསྡད་ནས་ཁོང་གིས་གང་གསུངས་པ་ལ་དོ་སྣང་ཆེན་པོས་ཉན་ཅིང་། ག་ཚོད་ཐུབ་ཐུབ་མཆན་དང་ཟིན་བྲིས་འགོད་རྒྱུ་བྱུང་ན་ཅི་མ་རུང་སྙམ་མྱོང་ཡོད་ལ། སྐབས་དང་སྐབས་སུ་ཁོང་གིས་ང་ཡི་ཕྱོགས་སུ་གཟིགས་བཞིན་དུ་གནད་འགག་ཅན་གྱི་གསུང་རེ་བྱུང་ན་ཅི་འདྲའི་སྐལ་པ་བཟང་བ་ལ་ཨང་སྙམ་མྱོང་ཡོད། འོན་ཀྱང་ད་དུང་ངས་ཁོང་གི་ལྟ་བ་ལ་མོས་མཐུན་དེ་ཙམ་མེད་པ་ལ་དེ་རྗེས་ངས་ལོ་ཤས་གོང་དུ་དབུ་མ་དང་འབྲེལ་བའི་དཔྱད་རྩོམ་རྒྱས་ཙམ་ཞིག་འབྲི་རྒྱུ་བྱུང་བ་ལ། སྐབས་དེར་ང་རང་ལ་ལྟ་ཚུལ་དམིགས་བསལ་བ་ཞིག་བྱུང་བ་ནི། སློབ་དཔོན་ཟླ་བ་གྲགས་པའི་བཞེད་པ་དང་། ཟླ་གྲགས་ཀྱི་རྗེས་སུ་བྱུང་བའི་དབུ་མའི་སློབ་དཔོན་རྣམས་ཀྱི་བཞེད་པ་ཅུང་མི་འདྲ་བ་དང་། ད་ལྟ་བོད་ལ་སྔ་རབས་པ་ཞེས་གྲགས་པ་ནི་རྒྱ་གར་དུ་དུས་རབས་བཅུ་པ་དང་བཅུ་གཅིག་པའི་ཡས་མས་སུ་དར་ཁྱབ་ཆེ་བའི་དབུ་མའི་ལྟ་གྲུབ་ཅིག་ཡིན་པ་དང་། རྗེ་རིན་པོ་ཆེས་ནི་ལྟ་གྲུབ་དེ་མི་འཐད་པར་གཟིགས་ནས་ཟླ་གྲགས་རང་གི་ལྟ་དགོངས་གཞིར་བཟུང་བྱས་ནས་རང་ལུགས་ཀྱི་དབུ་མའི་གྲུབ་མཐའ་འཆད་སྤེལ་གནང་བར་མཐོང་། དེར་བརྟེན་སྤྱིར་དབུ་མའི་ལྟ་གྲུབ་གང་ཞིག་འགྲིག་མིན་ནི་ང་ལྟ་བུས་བརྗོད་ག་ལ་ཐུབ་ཀྱང་ཟླ་གྲགས་རང་གི་གསུང་གཞིར་བཞག་བྱས་ན་རྗེ་རིན་པོ་ཆེས་གསུངས་པ་ཉིད་འཐད་ཆེ་ཤོས་སུ་མཐོང་ཞིང་། ད་དུང་ལྟ་གྲུབ་དེ་ནི་བོད་སྔ་རབས་པའི་འདོད་པ་སྟེ་ཡོད་མིན་མེད་མིན་གྱི་ལྟ་གྲུབ་ལས་རྒྱུ་མཚན་ཆེ་ཞིང་། ལས་དང་པོ་པ་རྣམས་ལ་འགྲེལ་བརྗོད་སྟབས་བདེ་བ་སོགས་ཀྱིས་དྲང་པོ་བཤད་ན་ང་ནི་ད་ལྟའི་ཆར་དབུ་མའི་ལྟ་གྲུབ་ཀྱི་ཐད་ནས་རྗེ་ཙོང་ཁ་པའི་ལྟ་བ་ཤུགས་ཆེ་ཙམ་འཛིན་མཁན་ཞིག་ཡིན། འདི་ལྟར་བཤད་པས་བཀའ་བརྒྱུད་པའི་ཞེན་ཁོག་ཆེ་བ་ཁ་ཤས་ཀྱིས་ང་ནི་མགོ་གཉིས་མའམ། མ་མཐར་ཡང་ང་ལ་མགོ་སླ་དྲགས་པའི་སྐྱོན་མཐོང་ངེས་ཀྱང་། ངས་འདིའི་ཐད་ལ་ལོ་མང་པོའི་རིང་རང་སྟོབས་ཀྱི་དཔྱད་པ་གང་དྲག་བྱས་པ་ལ་་གྲུབ་དོན་འདི་འདྲ་ཞིག་བྱུང་བ་ལ། བཀའ་བརྒྱུད་པ་མང་པོ་ཞིག་ནི་བླ་མས་གང་གསུངས་ལས་རང་ཉིད་ཀྱི་བསམ་བློ་བཏང་ནས་རྒྱུ་མཚན་གྱི་དཔྱད་པ་སྤྱིར་བྱེད་སྲོལ་མེད་ཅིང་། བྱས་ཀྱང་རང་གི་བླ་མས་གསུངས་པ་དང་མཐུན་ན་མ་གཏོགས་རང་གིས་རང་ལ་ཡིད་མི་ཆེས་མཁན་ཡིན་པ་ལ།…

རྫོགས་ཆེན་དུས་འཁོར་གྱི་སྒྲུབ་རྒྱུད་ཟ་མ་ཏོག大圓滿時輪金剛簡軌ན་མོ་མ་ཧཱ་གུ་རུ་ཀཱ་ལ་ཙཀྲ་ཡེ།།南無 瑪哈 咕嚕 嘎啦 雜扎 耶ཨེ་ཡིག་སྟོང་ཉིད་སྤྲོས་བྲལ་རྫོགས་པ་ཆེ།།艾字表徵離戲空性之勝義ཝཾ་ཡིག་འོད་གསལ་བདེ་ཆེན་དུས་འཁོར་ལོ།།旺字表徵時輪勝樂清淨光ཟུང་འཇུག་ཡེ་ཤེས་རིག་འཛིན་གཉུག་མའི་གཤིས།།相運表徵原始持明之智慧ཕྱི་ནང་གཞན་གསུམ་མཁའ་ཁྱབ་དཔལ་དགྱེས་པ།།三有時輪勝樂化現盡無餘ཆོས་བདུན་མཁའ་ཡི་རྡོ་རྗེ་ཨེ་མ་ཧོ།།殊勝妙哉金剛七法遍虛空ཨོཾ་ཨཱཿཧཱུཾ་ཧྲཱི་ཧ་ཀྵ་མ་ལ་ཝ་ར་ཡཾ་སྭཱ་ཧཱ།།嗡啊吽舍哈恰馬拉瓦惹呀娑哈སྣང་སྲིད་རྣམ་དག་འོད་གསལ་སྒྱུ་འཕྲུལ་དཔལ།།殊勝幻輪現出幻化淨光網ཟབ་རྒྱས་ཡང་དག་དམ་ཆོས་བདེན་གསུང་སྒྲ།།聖語自在甚深圓滿廣無量རང་རིག་ཀ་དག་རྫོགས་པ་ཆེན་པོའི་ཐུགས།།原始明覺無作大圓滿本義འགྲོ་ཀུན་སྐུ་གསུམ་ངོ་བོར་སངས་རྒྱས་ཤོག།祈願眾生成就究竟之三身ཅེས་ཌཱ་ཀི་ནི་བིརྱ་དྷཱ་ར་དྷེ་ཝའི་སྐུལ་ངོར་ཤྲཱིཿཨེ་མ་ཧོས་དེ་ཉིད་དུ་རྫོགས་ཆེན་དུས་འཁོར་བསྙེན་སྒྲུབ་བསྡུས་ཆོག་ཏུ་བགྱིས་པར་དགེའོ།། །།由持明空行母光明女神所祈請，妙吉祥尊者（貝扎法王࿇堪欽喇嘛仁波切）從淨相中自然流露以寫下此時輪密法之成就簡軌；願一切善業增長。

༈ རིག་འཛིན་འཇིགས་མེད་གླིང་པའི་ཞལ་ནས།ཚེ་འདིའི་ཁེ་གྲགས་ཟས་ནོར་ལོངས་སྤྱོད་ཀྱིས།།བསླུས་པ་མ་གཏོགས་ཕན་ཆེར་བཏགས་པ་མེད།།འདོད་ཡོན་སྣང་བ་སྒྱུ་མ་ལྟ་བུ་ལ།།བདེན་ཞེན་འཆིང་བའི་རེ་དོགས་ཕྲ་སར་ཆོད།།ཅེས་སོ།།

འཇའ་གུར་དང་སྤྱན་རིས།ཨེ་མ་ཧོ།།གནམ་པྲ་འཇའ་འོད་ཀློང་ནས་བླ་མ་དང་མཁའ་འགྲོ།།བར་སྣང་ཆུ་འཛིན་བར་ནས་བྱིན་རླབས་ཀྱི་བདུད་རྩི།།ས་གཞིའི་སྣོད་བཅུད་སྨིན་པའི་སྐལ་བཟང་འདི་ཤར་ཚེ།།ཚེ་རབས་བསོད་ནམས་བསགས་པའི་བདེན་སྟོབས་ཀུན་རྒྱལ་ལོ།།་་་་་་་་་་ཤྲཱིས་སོ།། །།

༧སྐྱབས་རྗེ་དམ་པ་དགེ་མང་མཁན་ཆེན་བསོད་ནམས་འོད་ཟེར་རིན་པོ་ཆེའི་བདག་རྐྱེན་ཕུན་སུམ་ཚོགས་པས་སྐུ་ཉིད་ཀྱི་ཕྱག་བཏབས་པའི་སེངྒྷ་གླིང་གི་དགེ་མང་རྫོགས་ཆེན་ཨོ་རྒྱན་བསམ་གཏན་ཆོས་གླིང་དུ་༧ཆོས་རྗེ་དམ་པ་ཡིད་བཞིན་ནོར་བུའི་སྐུ་ཚ་ལྕགས་ཁུང་བླ་མ་ཚེ་དབང་རིན་པོ་ཆེ་གདན་འདྲེན་ཞུས། ཤར་ཕྱོགས་སུ་ཉིས་སྟོང་བཅུ་དགུའི་ཐེངས་དང་པོའི་བཀའ་ལུང་། རྡོར་སེམས་ཁྲིད་ཡིག་གི་ལུང་དང་འགྲེལ་བཤད་གནང་བ་དང་། རྟེན་སྐལ་ཁྱད་པར་ཅན་རྫོགས་ཆེན་ཆོས་ཚོགས་ཁང་ལ་གནང་བཞིན་པའི་ཟུར་ཅིག། རིན་པོ་ཆེ་ཉིད་ནས་གསུངས་ན་