༧ཕུབ་རྡོ་རྗེ་དབང་འདུས་ཀྱི་བརྟན་གསོལ་ནོར་བུའི་ཕྲེང་བ།Garland of Jewels: A Long Life Prayer for P’ub Dorjé Wangdü (phub rdo rje dbang ‘dus kyi brtan gsol nor bu’i khreng ba) by Khenchen Lama Rinpoche, Pelgyeypa Dorjé (mkhan chen bla ma rin po che, dpal dgyes pa rdo rje) ཨེ་མ་ཧོ།།É-MA-HOHow marvelous! ཨོ་རྒྱན་པདྨའི་བྱིན་ལ་ཐུགས་ལ་འཁྲུངས།།OR-GYEN PAY-MA’Y JIN LA T’UK LA T’RUNGWith the blessing of Oḍḍiyāna Padma, born in his Awakened Mind, དྲང་བདེན་ངེས་ཤེས་ཕན་བདེའི་ཕྲིན་ལས་རྒྱས།།JAM-TSÉ NYING-JÉ TEN DANG DRO LA GONGWith loving-kindness and compassion, considering the Teachings and living beings, དྲང་བདེན་ངེས་ཤེས་ཕན་བདེའི་ཕྲིན་ལས་རྒྱས།།DRANG-DEN NGEY-SHEY P’EN-DÉ’I T’RIN-LAY GYAYWith sincerity and certainty, expanding the Awakened Activity of benefit and happiness: ཕུབ་མཆོག་རྡོ་རྗེ་དབང་འདུས་ཞབས་བརྟན་ཤོག།P’UP-CH’OK DOR-JÉ…
དེ་རིང་འབྲས་ལྗོངས་བཀྲ་ཤིས་མཆོད་གླིང་ནས་བསོ་རྒྱལ་རིན་པོ་ཆེའི་སྐུ་གདུང་དེ་རིང་འབུལ་བའི་སྐབས་སུ་དབྱིན་ཡུལ་ནས་འཇའ་སྤྲིན་ཚང་མ་ཤར་ཕྱོགས་སུ་རྒྱུ་བ་མངོན་སུམ་རེད་། གང་ལྟར་སྐྱེས་ཆེན་དམ་པ་དེ་རིགས་གཞན་དང་མ་འདྲ་བ་འདས་གསོན་ལ་ཁྱད་འཕགས་སུ་མཐོང་ངོ་། སྙིང་ནས་སྔ་འགྱུར་བསྟན་པ་རྒྱས་སྨོན་ཚར་གཅིག་དང་བདེན་ཚིག་གྲུབ་པ་ཡང་འདོན་ནས་སྨོན་ལམ་བྱས་སོ།།Cremation ceremony for the Kudung of Sogyal Rinpoche was held at Tashiding. The ceremony began early morning. The cremation ceremony was marked with offering of silk scarfs to the holy remains of Sogyal Rinpoche by the representatives from various monasteries, official dignitaries, monks and disciples from around the world, followed by sacred rituals of cremation. His passing in August 28 at the age of 72 was felt as a sudden and profound loss to Buddhists worldwide. The cremation ceromony was attended by many thousands of people from, Bhutan, Thailand, France and worldwide, as…
ཁ་སྤར་ཅི་ནུས་སྤོང་བར་མཛོད།།ན་མོ་མ་ཧཱ་གུ་རུ་ཡེ།།བླ་མ་ཀུན་འདུས་ཨོ་རྒྱན་པདྨ་འབྱུང་།།ཡི་དམ་ཞི་ཁྲོ་རྒྱལ་བའི་དཀྱིལ་འཁོར་དང་།།མཁའ་འགྲོ་རྗེ་བཙུན་སྒྲོལ་མའི་ལྷ་ཚོགས་བཅས།།ཆོས་སྐྱོང་གེ་སར་རྒྱལ་པོའི་རྟག་སྐྱོང་ཞིག།སྔ་མོ་ཡར་ལངས་སྔོན་འགྲོ་ཆོས་ལ་འབོད།།བློ་ལྡོག་རྣམ་བཞི་སྐྱབས་འགྲོ་སེམས་བསྐྱེད་དང་།།རྡོར་སེམས་མནྜལ་བླ་མའི་རྣལ་འབྱོར་སྐབས།།ཁ་སྤར་མ་འཆང་བར་ཆད་གཡེང་བས་ཁྱེར།།ནངས་ཟས་རོལ་དང་ནང་མི་མཉམ་འཛོམས་དུས།།དགའ་གུས་བརྩེ་བའི་ནང་གཏམ་གླེང་བ་དང་།།སྔོན་སོང་འབྱུང་འགྱུར་བཀའ་མོལ་གནང་བ་ལས།།ཁ་སྤར་མ་འཆང་བཟའ་ཚང་ནང་མཐུན་རལ།།གྲོགས་པོ་ནང་ཚེགས་འཕྲད་དང་སློབ་སྦྱོང་སྐབས།།གྲོགས་ལ་བལྟ་ཞིང་སློབ་ཚན་འབད་པ་ལས།།གལ་ཆུང་རྩེད་རྒྱན་ཕྱོགས་ལ་མགོ་འཁོར་བའི།།ཁ་སྤར་མ་རྩེད་དོན་ཆེན་འཆོར་བར་ངེས།།ཁྱད་པར་བསྐྱེད་རྫོགས་རྫོགས་ཆེན་སྒོམ་པ་དང་།།ལྷ་ཁང་ཚོགས་གྲལ་བསྙེན་སྒྲུབ་མཛད་པ་འམ།།ཁྱིམ་བདག་ཁྱིམ་ནས་སྐུ་རིམས་འདོན་པའི་ཚེ།།ཁ་སྤར་མ་འཆང་དྲན་ཤེས་བག་ཡོད་བྲལ།།ཁྲི་ཐོག་བླ་མས་དབང་བསྐུར་བྱེད་པ་དང་།།གྲྭ་ཚང་དགོན་པས་ཆོ་ག་ཆོས་སྤྱོད་རིགས།།མི་དམངས་ཕལ་ཆེར་ཆོས་ལ་བརྩོན་པའི་ཚེ།།ཁ་སྤར་མ་འཆང་ལྷ་བུའི་བདུད་ཆེན་ལགས།།སྔགས་འཆང་རིག་འཛིན་རྣམ་པར་བསྐྱེད་རྫོགས་གལ།།རབ་བྱུང་དགེ་འདུན་ཐོས་བསམ་སྒོམ་པར་གལ།།མི་སྐྱ་ཕོ་མོར་ཕ་མའི་བརྩེ་དུང་གལ།།གལ་ཆུང་ཁ་སྤར་མ་རྩེད་གཅེས་ཕྲུག་ཚོ།།ཉལ་ཁ་གློག་མེད་དུས་སུ་མིག་ལ་གནོད།།ཟ་མ་ཟ་ཚེ་ལྟོ་བ་མིད་པར་གནོད།།ནམ་རྒྱུན་ལུས་ལ་འཆང་ན་རྩ་ཀུན་གནོད།།གནོད་བྱེད་ཁ་སྤར་འདི་རིགས་སྤོང་བར་མཛོད།།ཅེས་རབ་གནས་ས་ཕག་མགོ་ཟླའི་རྒྱལ་བ་གཉིས་པར་ཀུན་བཟང་རྡོ་རྗེ་དང་རྡོ་རྗེ་ཕུན་ཚོགས་ངོར་ཤྲཱིཿཨེ་མ་ཧོས་གང་ཤར་ཕན་བདེའི་ཐབས་སུ་ཨེ་ཝཾ་ཀ་དག་གླིང་ནས་བྱས་པར་དགེའོ།།
གཏོར་ཟོར་ཆེན་མོ་དགྲ་ལ་བྷྱོ།།ཧཱུཾ་བྷྱོ།།བཀའ་བརྒྱད་རྩ་གསུམ་སྲུང་མའི་མཐུ་བྱིན་དང་།།གཏེར་ཟབ་རྒྱུད་པའི་བླ་མའི་བྱིན་རླབས་ཀྱིས།།བཀའ་གཏེར་བསྟན་ལ་གནོད་པའི་དགྲ་བགེགས་ཀུན།།ཀུན་བཟང་ཆོས་ཀྱི་དབྱིངས་སུ་ད་སྒྲོལ་ཅིག།ཟབ་རྒྱས་བཀའ་མའི་བསྟན་པ་ཕྱོགས་མཐར་ཁྱབ།།ཟབ་གཏེར་གཏེར་མཛོད་མུ་མེད་ནམ་མཁར་ཁྱབ།།མ་གྱུར་འགྲོ་བའི་མ་རིག་མུན་པར་བསལ།།ཆོས་འཁོར་དམ་པས་འཁོར་འདས་མཛེས་གྱུར་ཅིག།ཨོཾ་ཨཱཿཧཱུྃ་དྷརྨཱ་དྷརྟུ་སརྦ་སིདྡྷི་ཧཱུྃ་ཧྲཱིཿ ཅི་ནུས་མཐར།ཕྱིར་སྣོད་གཙང་མ་ཟངས་མདོག་དཔལ་རིར་དག།ནང་བཅུད་འགྲོ་ཀུན་རྒྱལ་བའི་ཞིང་དུ་རྫོགས།།གསང་བ་ཡེ་གྲོལ་ཆོས་དབྱིངས་ངང་དུ་སྨིན།།སྣང་གྲགས་རིག་པ་སྐུ་གསུམ་མངོན་གྱུར་ཤོག།ཅེས་པ་འདི་ཡང་རབ་གནས་ས་ཕག་མགོ་ཟླའི་དཀར་ཕྱོགས་དགའ་བར་གཉིས་པར་རྨི་ལམ་དང་བླ་མའི་བཀའ་དགོངས་བཞིན་དུ་བུདྡྷ་ཛྙཱ་ནའི་ཡང་སྲིད་ཀྱི་མིང་འཛིན་པ་ཤྲཱིཿཨེ་མ་ཧོས་དེ་ཉིད་ཐོལ་སྨོན་བཅས་ཨེ་ཝཾ་ནཱ་ག་གླིང་ནས་སོ།། སྤྱི་ལོ ༢༠༡༩ ཟླ་༡༢ ཚེས ༡ ལ།།
ས་མ་ཡའི་མེ་ལོང་།ན་མོ་གུ་རུ་པདྨ་ཀ་ར་ཡེ།།ཟབ་ཞི་སྤྲོས་བྲལ་འོད་གསལ་འདུས་མ་བྱས།།བདུད་རྩི་ལྟ་བུའི་ཆོས་ཉིད་དོན་རྟོགས་ནས།།བསམ་ཡས་འགྲོ་དོན་མཛད་པའི་ཐུགས་རྗེ་ཅན།།འདྲེན་མཆོག་དཔལ་ལྡན་བླ་མ་གསོལ་བ་འདེབས།།ལམ་སྟོན་རྩ་བ་བླ་མའི་མཚན་ཉིད་དང་།།ལམ་སྒྲུབ་གཙོ་བོ་སློབ་མའི་དམ་ཚིག་ཉིད།།ལམ་བཟང་མཐར་ཕྱིན་ཆེད་དུ་མདོར་ཙམ་འབྲི།།ལམ་ལ་བརྩོན་ཀུན་བྱང་ཆུབ་མྱུར་ཐོབ་ཤོག།དབང་གིས་རྒྱུད་སྨིན་དམ་ཚིག་རྣམ་པར་དག།ཕྱི་ནང་དེ་ཉིད་བཅུ་ཡི་ཡོན་ཏན་རྫོགས།།ཟབ་ལམ་དེ་ཉིད་རྟོགས་པའི་སྨིན་གྲོལ་སྐུ།།སློབ་ཚོགས་རྗེས་སུ་འཛིན་པར་ཐབས་མཁས་ལྡན།།ཚིག་གིས་གདམས་ངག་སྒྲོ་འདོགས་གཅད་ནུས་ལྡན།།དོན་གྱི་ངོ་སྤྲོད་རྟོགས་པ་སྐྱེད་ནུས་ལྡན།།བྱིན་རླབས་མ་དག་སྣང་བ་འགོག་ནུས་ལྡན།།ཉམས་མྱོང་གེགས་སེལ་ཉམས་རྟོགས་བོགས་འབྱིན་ནུས།།མཚན་ཉིད་བཞི་ལྡན་བླ་མ་བསྟེན་པར་དགོས།།གཞན་ཡང་སྤྱི་མདོར་སློབ་དཔོན་མཚན་ཉིད་ནི།།བརྟན་ཞིང་དུལ་ལ་གཡོ་སྒྱུ་མེད་པ་དང་།།གསང་སྔགས་རྒྱུད་ཤེས་དཀྱིལ་འཁོར་བྲི་ལ་མཁས།།དེ་ཉིད་བཅུ་ཤེས་མི་འཇིགས་སྦྱིན་ལ་དགའ།།དེ་ཉིད་བཅུ་ནི་རྡོ་རྗེའི་སྙིང་པོ་ལས།།ཕྱིར་བཟློག་གཉིས་ཆོག་གསང་ཤེར་ཡེ་ཤེས་དང་།།ཁ་སྦྱོར་འབྱེད་ཆོག་གཏོར་མ་རྡོ་རྗེའི་བཟླས་པ་དང་།།དྲག་ཤུལ་སྒྲུབ་ཆོག་རབ་གནས་དཀྱིལ་འཁོར་སྒྲུབ།།སློབ་དཔོན་གསང་བའི་དེ་ཉིད་བཅུ་ཡིན་ནོ།།དཀྱིལ་འཁོར་ཏིང་འཛིན་ཕྱག་རྒྱ་ཡེ་ཤེས་ངང་།།སྟངས་སྟབས་འདུག་སྟངས་བསྙེན་བསྒྲུབ་བཟླས་བརྗོད་དང་།།སྦྱིན་སྲེག་མཆོད་པ་ལས་བཞིའི་སྦྱོར་བ་དང་།།སླར་ཡང་སྡུད་རྣམ་ཕྱི་ཡི་དེ་ཉིད་བཅུ།།རྟོག་གེའི་སྦྱོང་བ་མཐའ་དག་གལ་ཆུང་ཕྱིར།།འཇིག་རྟེན་རང་གི་ཆོས་ཉིད་བརྗེན་གཅེར་རུ།།སྟོན་པའི་བླ་མ་བཀའ་དྲིན་མཚུངས་མེད་རྗེ།།གསང་བའི་དེ་ཉིད་བཅུ་ཡང་མཁྱེན་པར་མཛོད།།མདོར་ན་གསང་སྔགས་བླ་མའི་མཚན་ཉིད་ནི།།བསྐྱེད་རྫོགས་རྫོགས་ཆེན་མཁས་པས་གསང་མཛོད་འཛིན།།ཕན་ནུས་ཟབ་དབང་ཐོབ་པས་ཆུ་རྒྱུན་སྐྱོང་།།གསང་སྔགས་བབ་ཅོལ་མི་སྤྱོད་ཡང་དག་སྤེལ།།སྣོད་ལྡན་གདུལ་བྱ་ཡལ་བར་མི་འདོར་བ།།རྒྱུད་དངོས་བཅུ་ཡིས་སློབ་བུའི་ཤེས་རྒྱུད་འགྲོལ།།དཀྱིལ་འཁོར་དབང་རིམ་ཞི་རྒྱས་ལས་ཚོགས་བསྒྲུབ།།སྙན་བརྒྱུད་མན་ངག་འཆད་པར་ཉམས་མྱོང་ལྡན།།མན་ངག་གདེང་ཟིན་ལྟ་སྒོམ་སྤྱོད་མཛོད་དབང་།།༼མཆན། ལྟ་བའི་མཛོད་ཨ་ཏི། ཏིང་ངེ་འཛིན་གྱིས་མཛོད་ཨ་ནུ། སྤྱོད་པའི་མཛོད་མ་ཧཱ་ཡོ་གའོ།༽ཕ་ཡུལ་འབྲེལ་ཐག་ཆོད་པས་ཞེན་ཐག་བསྲིངས།།འཁོར་བ་སྡུག་བསྔལ་ཤེས་པས་མི་ཆོས་བོར།།དགོས་མེད་རྒྱུད་ལ་སྐྱེས་པས་ཆགས་ཞེན་ཆུང་།།འདི་གསུམ་ཆོས་པ་ཞིག་ལ་མེད་ཐབས་མེད།།རྒྱུ་འབྲས་ཡིད་ཆེས་སྐྱེས་པས་བླང་དོར་བྱེད།།ཚེ་འདི་སྦུན་པར་བསྒྱུར་ནས་དོན་ཆེན་སྒྲུབ།།ཐེག་ཆེན་འགྲོ་དོན་ཐབས་མཁས་མཛད་གསུམ།།ཐེག་ཆེན་རིགས་ཅན་ཞིག་ལ་མེད་ཐབས་མེད།།རིག་གནས་མཁས་ཤིང་ཤེས་བྱ་ཐོགས་པ་མེད།།ཐེག་པའི་ཚིག་དོན་མཐའ་དག་རྟོགས་པ་དང་།།ཁྱད་པར་ལྟ་སྤྱོད་ཕུལ་བྱུང་ལྡན་པས་ལོག་རྟོག་སེལ།།ཐེག་དམན་ལྟ་གྲུབ་མཐའ་ལས་གྲོལ་བའོ།།ལུས་ངག་རྒྱ་ལས་འདོན་པས་ཆོས་ལམ་བདེ།།ཕྱོགས་ལྷུང་གཟུ་ལུམ་མེད་པས་གདུལ་བྱར་འདུལ།།བློ་རིགས་བརྟགས་པས་བསྟན་པའི་ལམ་སྲོལ་འཇུག།ཆོས་དང་ཆོས་མིན་ཕྱེ་བས་གོལ་སར་གཅོད།།བླ་མ་མཉེས་པས་གྲུབ་ཐོབ་རྒྱུད་པ་འཛིན།།སྙན་བརྒྱུད་གདམ་པས་གོང་མའི་ཕྱག་བཞེས་མཐོང་།།དོན་གཉིས་སྒྲུབ་ལ་མཁས་པས་དངོས་གྲུབ་ཐོབ།།གོང་མའི་བྱིན་རླབས་ཞུགས་པས་གཞན་སྣང་སྒྱུར།།སྣ་ཚོགས་ཐབས་ལ་མཁས་པས་ཐར་ལམ་འདྲེན།།རང་རྒྱུད་ཆོས་དང་འདྲེས་པ་དཀོན་མཆོག་ཚང་།།རྒྱལ་བ་སྲས་དང་བཅས་པའི་བྱིན་བརླབས་དང་།།མདོ་རྒྱུད་བཀའ་བབས་གསང་སྔགས་སྐལ་བཟང་མཐུས།།གསང་ཆེན་དམ་ཚིག་གཙང་མའི་རྣལ་འབྱོར་ཀུན།།སྙིང་དང་སྲོག་ལས་གཅེས་པར་བསྟེན་ཅིག་ཨང་།།མང་ཐོས་ཤེས་རབ་ལུང་རྟོགས་དགོངས་པར་བརྙེས།།ཟང་ཟིང་རྙེད་སོགས་ཆོས་བརྒྱད་དོན་མི་གཉེར།།ཆོས་ཕྱིར་དཀའ་བ་སྤྱོད་ཅིང་སྐྱོ་ངལ་ཆུང་།།།མན་ངག་ཆེ་ཞིང་སྨིན་གྲོལ་ལམ་ལ་འབད།།རིགས་ལ་མཁས་ཤིང་དྲོད་ཚད་ཤེས་རབ་ཅན།།བྱང་ཆུབ་སེམས་ལྡན་སྙིང་རྗེ་ཆེན་པོར་ལྡན།།བརྒྱུད་གསུམ་བཀའ་བབས་སྒྲུབ་བརྩོན་མཛད་ལ་མཁས།།།སྟོན་པ་མཛོད་ལྡན་ཆུ་བོ་ཡོངས་སུ་རྫོགས།།།རང་རྒྱུད་གྲོལ་ཞིང་གཞན་དོན་འབའ་ཞིག་བརྩོན།།གསང་སྔགས་བླ་མའི་མཚན་ཉིད་ལྡན་པ་ལ།།ལུས་ངག་ཡིད་ཀྱིས་མཆོད་པ་འབུལ་བ་ལ།།བསྐལ་མང་བསོད་ནམས་ཚོགས་ཆེན་མྱུར་ཏུ་རྫོགས།།རྩོད་ལྡན་དབང་གིས་བླ་མ་སྐྱོན་ཡོན་འདྲེས།།རྣམ་པ་ཀུན་ཏུ་སྡིག་མེད་ཡོད་པར་དཀོན།།གང་ཞིག་ཡོན་ཏན་ལྷག་པར་ལེགས་དཔྱད་ནས།།སྐལ་ལྡན་རྣམས་ཀྱིས་བསྟེན་པར་ཤིན་ཏུ་གཅེས།།གཉིས་པ་སློབ་མ་བཟང་པོའི་མཚན་ཉིད་ནི།།སྣོད་སྐྱོན་བཞི་བྲལ་ཡོན་ཏན་ལྔ་ལྡན་སྟེ།།ཐོས་མེད་སྐྱོན་ལ་སྣོད་སྟོང་ཁ་སྦུབས་དང་།།བསམ་མེད་སྐྱོན་ལ་ཞབས་རྡོལ་གཞོག་རལ་ལམ།།སྒོམ་མེད་སྐྱོན་ལ་སྣོད་ངན་དུག་ཅན་གསུམ།།སྐལ་བཟང་སློབ་མས་ཡོངས་སུ་སྤོང་བར་བྱ།།གཤིས་བཟང་ངང་རྒྱུད་ཆུ་བོའི་རྒྱུན་ལས་རིང་།།ལྟ་ཚུལ་དགེ་སྦྱོང་རྟག་ཏུ་ཞི་བ་པ།།བསམ་པ་འགྱུར་མེད་གསེར་ལྟར་བཟང་བ་ནི།།དམ་ལྡན་སློབ་མ་ཀུན་ལ་མེད་ཐབས་མེད།།བློ་ཆེན་རི་རབ་ལྟར་བརྟན་གཡོ་བ་མེད།།ལུས་དང་ལོངས་སྤྱོད་ཆོས་ཕྱིར་གཏོང་ཕོད་ཅན།།བླ་མས་ཅི་གསུང་བཀའ་ལྟར་བརྩི་བ་རྣམས།།དད་ཅན་སློབ་མ་ཡོངས་ལ་ཤིན་ཏུ་གཅེས།།གཞན་ཡང་ཟབ་དོན་གོ་བའི་ཤེས་རབ་དང་།།གཞན་དོན་སྒྲུབ་ལ་སྤྲོ་བའི་སྙིང་རྗེ་ཅན།།བསྟན་པའི་དོན་ལ་འཛིན་སྐྱོང་སྤེལ་ནུས་གསུམ།།ཆོས་དང་བླ་མ་དད་པའི་ཤེས་རབ་ཆེ།།འགྲོ་དང་ཕ་མ་བརྩེ་བའི་སྙིང་རྗེ་ཆེ།།ཅི་གསུང་བཀའ་བཞིན་སྒྲུབ་པའི་དམ་ཚིག་ཅན།།སྐལ་བཟང་སློབ་ཡོངས་ཀྱི་མཚན་ཉིད་དོ།།དད་གུས་དཔག་བསམ་སྡོང་པོ་རྩ་བ་བརྟན།།བརྩོན་འགྲུས་ཡ་ག་བཟང་པོ་ཕྱོགས་ཀུན་གཡོ།།ཤེས་རབ་ལོ་འདབ་རྒྱས་པ་རབ་ཏུ་བཀྲ།།རྟུལ་ཞུགས་སྒྲུབ་པའི་འབྲས་བུ་ཁུར་གྱིས་ཕྱུག།དམ་ཚིག་ཡིད་རྟོན་ནུས་པའི་བླ་སློབ་ལ།།དད་བརྩོན་བརྟུལ་ཞུགས་སྤྱོད་པའི་དཔལ་ལྡན་ན།།མཚུངས་མེད་རིག་འཛིན་བརྒྱུད་པའི་དངོས་གྲུབ་ཀུན།།བདེ་མྱུར་ལྷུན་གྲུབ་བསྟན་འགྲོའི་དཔལ་དུ་ངེས།།ཞེས་པ་འདི་ཡང་རབ་གནས་ས་ཕག་ལྷ་བབས་ཟླ་༩བའི་དུས་ཚེས༣༠་ལ་གསང་སྔགས་སྟོན་པའི་རྡོ་རྗེ་སློབ་དཔོན་བླ་མའི་མཚན་ཉིད་དང་། དམ་ཚིག་ཅན་གྱི་སློབ་མའི་མཚན་ཉིད་གང་དང་གང་ཚང་དགོས་པ་རེད་ཅེས་མཁའ་འགྲོ་རིན་པོ་ཆེ་སྒྲོན་མེ་དཀར་པོ་ནས་སྐུལ་ངོར་རིག་འཛིན་དཔལ་དགྱེས་པ་རྡོ་རྗེ་རུ་འབོད་པས་ལས་རབ་གླིང་གི་དབང་དྲག་རོལ་བའི་ལྷ་ཁང་ནས་གང་ཤར་ཚིགས་བཅད་དུ་བྲིས་པས་འགྲོ་ཀུན་དམ་ཚིག་ལྡན་པའི་རྒྱུ་རུ་གྱུར་ཅིག་གུ།། །།
རྟེན་འབྲེལ་བཟང་སྨོན།ཨེ་མ་ཧོ༔དྷཱརྨཱ་ཏ་ཡི་རྡོ་རྗེའི་རྩལ་ཤུགས་ངོམས།།སམཱ་དྷི་ཡི་པདྨའི་དཀྱིལ་འཁོར་རྒྱས།།གནས་བདུན་རྩ་རླུང་འཕྲུལ་འཁོར་བདུད་རྩིའི་གང་།།དཔལ་རིར་ཚོགས་འཁོར་བདེ་ཆེན་མཉམ་རོལ་སྨོན།།ཤྲཱིཿ་ཨེ་མ་ཧོས
Alt Sidebar
Search
