༧ཀུན་གཟིགས་ཞྭ་དམར་རིན་པོ་ཆེ་རྒྱལ་ལོ།།

༧ཀུན་གཟིགས་ཞྭ་དམར་རིན་པོ་ཆེ་རྒྱལ་ལོ།།
ཨེ་མ་ཧོ།།
རྒྱ་དམར་དགྲ་རུ་བཟུང་ནས་མ་སྡང་ཞིང་།།
བོད་མི་གཉེན་དུ་བརྩིས་ནས་མ་དཀྲུགས་བར།།
བདེན་པའི་རང་ཚུགས་ཟིན་པའི་ཞྭ་དམར་པའི།།
ཡང་སྤྲུལ་ཉི་མ་ཤར་བས་དགའ་སྤྲོ་བརྟས།།
གཉུག་མར་གནས་པའི་དགེ་སློང་མ་སྨད་ཅིང་།།
སྨོན་ལམ་ཕ྄ེབས་པའི་སེར་ཁྱིམ་མ་བསྐྲད་པར།།
ཀུན་ལ་དག་སྣང་མཛད་པའི་ཞྭ་དམར་པའི།།
མཆོག་སྤྲུལ་ཟླ་བ་གཞོན་ནུ་བྱོན་པར་ལེགས།།
སེར་དམག་དྲག་པོས་དཔུང་བ་མ་ངོམས་ཞིང་།།
རྒྱ་བོད་སྲིད་དོན་ཁ་ལག་མ་འདྲིས་པར།།
ཆོས་བཞིན་སྤྱོད་པའི་ཞྭ་དམར་རིན་པོ་ཆེ།།
རྒྱུ་སྐར་དབུས་སུ་མཛེས་པར་དགའ་བསུ་ཞུ།།
ཀཾ་ཚང་མཁན་པོ་གཞན་ཕན་ངོར་ཤྲཱིཿཨེ་མ་ཧོས་བགྱིས་པར་དགེའོ།།