July 2019

བླ་དམ་སྨོན་གསོལ་མ་ཎི་ཀ

བླ་དམ་སྨོན་གསོལ་མ་ཎི་ཀ
ཧཱུཾ་ཧྲཱིཿ
ཀ་དག་སྤྲོས་བྲལ་ཕོ་བྲང་ནས༔
བརྒྱུད་གསུམ་རིག་འཛིན་བླ་མའི་ཚོགས༔
ཐུགས་དམ་སྐུལ་ལོ་དབྱིངས་ནས་བཞེངས༔
བསྟན་འགྲོར་སྨན་པའི་ཕྲིན་ལས་མཛོད༔
རྒྱལ་བ་ནམ་མཁའ་ཡངས་པ་རུ༔
གློ་བུར་སྤྲིན་ནག་བར་ཆད་སོལ༔
སེམས་ཅན་རྒྱ་མཚོར་སྨིན་གྲོལ་ནས༔
ཕྱོགས་ལས་རྣམ་རྒྱལ་དངོས་གྲུབ་སྩོལ༔
གཏེར་གསར་ཉི་མའི་འོད་ཟེར་འབར༔
འབྱུང་པོ་ལྷ་མིན་མ་རིག་སེལ༔
ཕན་བདེ་ཀུན་བཟང་སྣང་བ་ཡིས༔
འཁོར་འདས་མཛེས་པའི་རྒྱན་དུ་ཤོག༔
ཨོཾ་ཨཱཿཧཱུཾ་བཛྲ་གུ་རུ་པདྨ་སིདྡྷི་ཧཱུཾ་ཧྲཱི༔
ཨོཾ་བཛྲ་ཀཱི་ལི་ཀི་ལ་ཡ་ཧཱུཾ་ཕཊཿ༔
ཨོཾ་བྷྲཱུཾ་སྭཱ་ཧཱ༔
ཕྱི་ནང་གསང་བའི་བར་ཆད་སོལ།།
སྒོ་གསུམ་སྣང་གྲགས་རིག་པའི་ངང་།།
སྐུ་གསུམ་རྒྱལ་བའི་ཨེ་ཝཾ་རུ༔
ཡོངས་གྲོལ་བདེ་ཆེན་ཀློང་དུ་ཨ༔
ཨ་ས་རའི་ཕྱིར་ཤྲཱིཿཨེ་མ་ཧོས་ཕུར་པའི་ཐུན་གསེང་ནས་སྨོན་པའོ།།