སྙིང་གི་དཔའ་བོ་མི་དགུ་བཞུགས།།

སྙིང་གི་དཔའ་བོ་མི་དགུ་བཞུགས།།
ཨེ་མ་ཧོ།།
སློབ་དཔོན་ཆེན་པོ་སྣ་ཚོགས་གཟུགས་ཅན་གཅིག།
འབུམ་རམས་ཆེན་པོ་རིན་ཆེན་དཔལ་ལྡན་གཉིས།།
མཁན་པོ་སྔགས་འཆང་འོད་གསལ་མཐའ་ཡས་གསུམ།།
ཉིན་མཚན་གཟུངས་སྤོབས་སྟེར་མཛད་དཔའ་བོ་གསུམ།།
ཨོ་རྒྱན་འགྲོ་འདུལ་འཕྲིན་ལས་རྡོ་རྗེ་གཅིག།
གཙང་བ་གྲུབ་ཆེན་རིག་མཆོག་རྒྱལ་པོ་གཉིས།།
དགེ་མང་གྲུབ་ཐོབ་ཆོས་ཉིད་རྡོ་རྗེ་གསུམ།།
བསྟན་དོན་དཔུང་གཉེན་མཛད་པའི་དཔའ་བོ་གསུམ།།
ལྷག་བསམ་རྣམ་དག་བཀྲ་ཤིས་ཆོས་དར་གཅིག།
ཀུན་མཁྱེན་བླ་མ་ཚུལ་ཁྲིམས་བློ་གྲོས་གཉིས།།
འཇིག་རྟེན་གསུམ་མགོན་སྐྱེ་སྔ་རིན་ཆེན་གསུམ།།
རྟེན་འབྲེལ་དཔག་ཏུ་མེད་པའི་དཔའ་བོ་གསུམ།།
དཔའ་རྩལ་སྣ་དགུ་འཛོམས་པའི་དཔའ་བོ་དང་།།
བསྟན་དང་འགྲོ་ལ་དགོངས་པའི་ཐུགས་དམ་ཅན།།
ཆོས་དང་དམ་ཚིག་གཅིག་པའི་མཆེད་གྲོགས་ཀུན།།
ནམ་ཡང་བརྗེད་པར་མེད་དོ་ས་མ་ཡ།།
ཤྲཱིཿཨེ་མ་ཧོས་སོ།།