ཕུབ་རྡོ་རྗེ་ལ་གདམས་པ་སྙིང་གི་ཏི་ལ་ཀ། དང་པོ་དག་པའི་རྣམ་རྟོག་ཇི་ཙམ་ཤར་ན་ཡང་ཡང་གོམས་དགོས། མ་དག་པ་དེ་ལ་དགག་སྒྲུབ་དང་བཅས་བཅོས་རེ་དོགས་མི་བྱ་བར་བཞག་ན་རང་བཞིན་གྱིས་དྭངས་འགྲོ། སྣང་སྲིད་དག་པ་ཆོས་སྐུའི་ཡེ་ཤེས་ཀྱི་རང་རྩལ་ནི་ནམ་མཁའ་ལ་འཇའ་ཚོན་ཤར་བ་ལྟར་རང་ཤར་རང་གྲོལ་དུ་ངོ་ཤེས་པར་བྱ་དགོས་པར་ཤྲཱིཿསེངྷའི་གདམས་པ་ཡིན། ཡུལ་སྣང་སྣ་ཚོགས་སུ་འཆར་ནའང་ཆགས་མེད་ཞེན་མེད་ཀྱིས་སྤྱོད་པ་བླང་དོར་ཆུ་ལ་རི་མོ་འབྲི་བ་ལྟར་རྗེས་མེད་དུ་སྤྱད་ཤེས་པ་དགོས་པ་ནི་བུདྡྷ་ཛྙཱ་ནའི་དགོངས་པ་ཡིན། བླ་མ་རང་སེམས་སུ་ངོ་ཤེས་པས་བླ་མའི་ཐུགས་དང་རང་སེམས་དབྱེར་མེད་པས་སྣང་སྲིད་བླ་མར་ཤར་བའི་མོས་གུས་ལ་བརྩོན་དགོས་པ་ནི་པདྨ་འབྱུང་གནས་དགོངས་པ་ཡིན། སྣང་བ་སེམས་སུ་ངོ་ཤེས། སེམས་ཉིད་སྟོང་པར་ངོ་ཤེས་ན་འཁོར་འདས་སྤང་བླང་བྲལ་བ་སྟན་ཐོག་གཅིག་ཏུ་སངས་རྒྱས་པའི་གདམས་ངག་ཐོབ་པ་ཡིན། སྟོང་པ་ཉིད་དེས་ངང་ནས་བྱམས་སྙིང་རྗེ་བྱང་བྱང་ཆུབ་ཚད་མེད་པས་མཐའ་ཡས་པའི་འགྲོ་བ་འདི་དག་བདག་ཉིད་གཅིག་པུས་བྱང་ཆུབ་མཆོག་ལ་འགོད་ནུས་པའི་སེམས་ཆེན་པོ་བསྐྱེད་པ་རྒྱུད་ལ་འབྱོར་ན་བྱང་ཆུབ་སེམས་དཔའ་ཆེན་པོའོ།། ཤྲཱིས་སོ།