November 2019

ཧཱུྃ་ཧཱུྃ་ཧཱུྃ ༔
རྗེ་བཙུན་ཆེན་པོ་པདྨ་ཐོད་ཕྲེང་རྩལ༔
འགྲོ་བ་ཡོངས་ཀྱི་སྐྱབས་གནས་རིན་པོ་ཆེ ༔
ཁྱད་པར་ཐུགས་རྗེས་བོད་ཀྱི་སེམས་ཅན་གཟིགས༔
ལས་ངན་སྤྱོད་པས་རྣམ་སྨིན་གྱིས་མནར་བས ༔
བདག་སོགས་རྗེས་འཇུག་རྗེས་འབྲངས་སློབ་བུ་རྣམས ༔
ཐུགས་རྗེས་འདོར་རམ་མ་ཧཱ་གུ་རུ་རྗེ ༔
ཐུགས་རྗེ་ཡལ་ཡོལ་བཏང་སྙོམས་མངའ་བ་ན ༔
ཡེ་སངས་རྒྱས་པའི་དགོངས་པ་ཅི་ཞིག་མཆིས ༔
བདག་ཅག་དུས་འདིར་གདུང་བའི་མཆི་མ་འཁྲུག ༔
གསོལ་འདེབས་ང་རོའི་འབོད་པ་ཅང་གསན་ནམ ༔
ཡིད་ནི་རྩེ་གཅིག་ཁྱེད་ཀྱི་ཡོན་ཏན་དྲན ༔
ཕ་ཡི་ཐུགས་རྗེས་གཟིགས་ཤིག་རིན་པོ་ཆེ ༔
བུ་ལ་བྱིན་གྱིས་རློབས་ཤིག་སྤྲུལ་པའི་སྐུ ༔
ལུས་ལ་བདེ་བ་སྦོར་ཅིག་མཁའ་འགྲོའི་ཚོགས ༔
ངག་ལ་ནུས་པ་བསྐྱེད་ཅིག་ཡི་དམ་ལྷ ༔
སེམས་ལ་རྟོགས་པ་སྦོར་ཅིག་གུ་རུ་རྗེ ༔
འདིར་ཚོགས་མོས་པའི་བུ་ལ་བྱིན་གྱིས་རློབས ༔
ལུས་ལ་འགྱུར་མེད་སྐུ་ཡི་བྱིན་ཕོབ་ཅིག ༔
ངག་ལ་ཚང་དབྱངས་གསུང་གི་བྱིན་ཕོབ་ཅིག ༔
སེམས་ལ་འཁྲུལ་མེད་ཐུགས་ཀྱི་བྱིན་ཕོབ་ཅིག༔
ཡོན་ཏན་འགྲན་ཟླ་བྲལ་བའི་བྱིན་ཕོབ་ཅིག ༔
ཕྲིན་ལས་འགྲོ་འདུལ་རྣམ་བཞིའི་བྱིན་ཕོབ་ཅིག༔
མཆོག་དང་ཐུན་མོང་དངོས་གྲུབ་བྱིན་ཕོབ་ཅིག༔
ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛ་སིདྡྷི་ཕ་ལ་ཧཱུྃཿཨ ༔