ཨ་མ་ཡེ་ཤེས་མཚོ་རྒྱལ་མཁྱེན་ནོ།།
ཨེ་མ་ཧོ། །
ཀ་དག་སྤྲོས་བྲལ་གྱི་ངང་ནས།།
ཁ་སྦྱོར་ལྷུན་གྲུབ་ཀྱི་འོད་གསལ།།
ག་བུར་མདངས་འཛིན་གྱི་མཁའ་འགྲོ།།
ང་ཡི་བླ་མ་ཉིད་མཁྱེན་ནོ།།
ཅ་ཅོའི་འདུ་འཛི་ཡིས་དབེན་པས།།
ཆ་ལུགས་ཆོས་བཞིན་གྱི་མཛད་མ།།
ཇ་ཆང་ཚོགས་འཁོར་ལ་ཕེབས་ནས།།
ཉ་མོ་ཆུ་གནས་ལྟར་བཞུགས་ཤིག།
ཏ་ཐཱ་ག་ཏ་ཡི་བསྟན་པ།།
ཐ་དག་མདོ་སྔགས་ཀྱི་བདག་མོ།།
ད་ལྟ་སྐད་ཅིག་ལ་བྱོན་དང་།།
ན་མོ་སྒོ་གསུམ་གྱིས་འདུད་དོ།།
པ་ར་མི་ཏཱ་ཡི་གཏེར་མཛོད།།
ཕ་མས་རྒྱུད་སྡེ་ཡི་བདག་མོ།།
བཛྲ་བཀའ་གཏེར་གྱི་ཁྱབ་བདག།
མ་མ་དྲིན་ཆེན་རྗེ་མཁྱེན་ནོ།།
ཙ་རི་སྦས་ཡུལ་དང་མཚུངས་པའི།།
ཚ་གྲང་མཉམ་གནས་ཀྱི་ཞིང་ཁམས།།
ཛ་ཡའི་རྒྱལ་བསྟན་གྱི་གདན་ས།།
ཝ་ཡེལ་རི་ཁྲོད་ལ་བཞུགས་མཛོད།།
ཞ་ལོང་མུན་གླིང་གི་ཡུལ་ན།།
ཟ་འདོད་དཀོར་བསྡུད་ཙམ་མིན་ཕྱིར།།
འ་ཅག་བཀའ་གཏེར་གྱི་བསྟན་པ།།
ཡ་ཀི་དག་ཞིང་བཞིན་བསྒྱུར་ཤོག།
ར་བ་གངས་དཀར་གྱིས་མཛེས་ཀྱང་།།
ལ་རྒྱ་འཁོར་བ་ལ་ཆགས་ནས།།
ཤ་ཞེན་སྙིང་པོ་རེ་དབེན་ཕྱིར།།
ས་ཐོབ་ཡོན་ཏན་ཀུན་སྩོལ་ཅིག།
ཧ་ཅང་དྲན་གདུང་གིས་དད་པའི།།
ཨ་མ་མཚོ་རྒྱལ་ཉིད་མཁྱེན་ནོ།།
ཨི་ལྡན་དབྱངས་གསལ་གྱི་མཆོད་པ།།
ཨུ་དམ་ཝ་རའི་ཚོགས་འབུལ་ལོ།།
ཨེ་མ་སྙིང་དབུས་ཀྱི་མཁའ་འགྲོས།།
ཨོ་རྒྱན་པད་འབྱུང་གི་དངོས་གྲུབ།།
བདག་ཅག་འགྲོ་ཀུན་ལ་གནང་ནས།།
སངས་རྒྱས་ཀུན་མཉམ་དུ་མཛོད་ཅིག།
ཅེས་རབ་གནས་ལྕགས་བྱིའི་དབོ་ཟླའི་མཁའ་འགྲོའི་དུས་ཆེན་ལ་ཨེ་མ་ཧོས་ཨེ་ཝཾ་རྫོགས་ཆེན་ཆོས་སྒར་ནས་སྨོན་པར་དགེའོ།། །།Pause-3:54Additional visual settingsClick to enlargeUnmuteKhenchen Lama