ཕྱོགས་ལས་རྣམ་པར་རྒྱལ་བའི་རྟེན་འབྲེལ་འགྲིགས།།
ཕྱོགས་ལས་རྣམ་པར་རྒྱལ་བའི་རྟེན་འབྲེལ་འགྲིགས།།
ཀྱེ་ཨེ་ཧོ།།
བདག་གིས་བུ་བཞིན་སྐྱོང་བའི་གྲོགས་པོས་ཀྱང་།།
བདག་ལ་དགྲ་བཞིན་སྡང་བའི་ངན་ཇུས་ཀུན།།
ཀུན་བཟང་བྱང་ཆུབ་ལམ་དུ་བསྒྱུར་ནུས་པ།།
ཀུན་མཁྱེན་རིག་འཛིན་བརྒྱུད་པའི་ཆེ་ཆོས་ལགས།།
དངོས་སུ་བསྟོད་ཀྱང་ལྐོག་ནས་སྨད་རར་བཤམས།།
བཟང་པོས་ལན་དུ་ངན་པའི་རྫུན་ཕྲ་འཁན།།
དུད་འགྲོ་ལས་རྨོངས་འདྲེ་གཟུགས་ཨ་ཙ་མ།།
གྲོགས་ངན་རྐྱེན་གྱིས་གཞན་དབང་མ་སོང་བར།།
ཕྱི་ནང་གསང་བའི་ཕྱོགས་ལས་རྣམ་རྒྱལ་ནས།།
བསྟན་དང་འགྲོ་བའི་མགོན་དུ་ཕན་བདེའི་ཆོས།།
ནམ་ཡང་ནུབ་མེད་བསྐོར་བའི་རྟེན་འབྲེལ་འགྲིགས།།
——-འདྲེ་གཟུགས་ངོར་ཨེ་མ་ཧོས།
